មានបន្ថែមរោងចក្រវាយោអគ្គិសនី ទុនវិនិយោគ ៣.៨៦០ ពាន់លានដុង

វាយោអគ្គិសនីយ្វៀងហាយ។ រូបថត៖ រតនា

គម្រោងការមានទ្រង់ទ្រាយ៖ ថាមពលផ្គុំដាក់ម៉ាស៊ីន ៩៦MW សរុបផ្ទៃដី ផ្ទៃទឹកប្រើប្រាស់សម្រាប់គម្រោងការតាមការគ្រោងទុកប្រមាណ ៥៩៨,៣៤ ហិកតា ក្នុងនោះ ផ្ទៃដីគោក ៥៣,៥៥ ហិកតា (រួមមានដំណាក់បំបែរថាមពល ៣៥/២២០kV  រោងបញ្ជាការ ស្ពានឡើង បង្គោលអន្ទងខ្សែ ២២០kV ផ្លូវបញ្ជាការ និងរបៀងសុវត្ថិភាពផ្លូវខ្សែ។ល។) ផ្ទៃដីទាំងស្រុងស្ថិតក្នុងតំបន់សេដ្ឋកិច្ចឌិញអាង ផ្ទៃទឹកប្រមាណ ៥៤៤,៧៩ ហិកតា (រួមមានបង្គោលតួបីន ស្ពាន ខ្សែកាបក្រោមទឹក និងរបៀងសុវត្ដិភាព។ល។)

ទ្រង់ទ្រាយស្ថាបត្យកម្មកសាង៖ ផ្គុំដាក់តួបីនខ្យល់ ២៤ បង្គោល ថាមពលតួបីននឹងបានជ្រើសរើសក្នុងស្ថានភាពជាក់ស្ដែងពេលអនុវត្តគម្រោងការ។ កសាងដំណាក់បំបែរបង្កើនថាមពល ២២០kV រោងចក្រវាយោអគ្គិសនីថាំងឡុងមានថាមពល ៦៣MVA កសាងផ្លូវខ្សែ ២២០kV ខ្សែទោលចាប់ពីដំណាក់បង្កើនថាមពល ២២០kV រោងចក្រវាយោអគ្គិសនីថាំងឡុងភ្ជាប់ជាមួយបន្ទះមេ ២២០kV របស់ដំណាក់បំបែរថាមពលយ្វៀងហាយ ចរន្ត ACSR - ៤០០ រោងសម្រាប់បញ្ជាការ (គណៈគ្រប់គ្រង) និងទីធ្លាសម្រាប់ដាក់ឧបករណ៍។ សរុបទុនវិនិយោគ ៣.៨៦០ ពាន់លានដុង (ប្រហាក់ប្រហែល ១៦៦.៣៧៩.៣១០ ដុល្លារអាមេរិក) ក្នុងនោះ ទុនរួមបំពេញរបស់អ្នកវិនិយោគ ៧៧២ ពាន់លានដុង ទុនបុលពីបណ្ដាឥណទាន ៣.០៨៨ ពាន់លានដុង។

គម្រោងការនេះតាមការគ្រោងទុកនឹងបើកការដ្ឋានស្ថាបនាក្នុងត្រីមាសទី ៤ ឆ្នាំ ២០២២។ ចាប់ពីត្រីមាសទី ៤ ឆ្នាំ  ២០២២  ដល់ត្រីមាសទី ៣ ឆ្នាំ ២០២៣ កសាងបណ្ដាសារបណ្ណសំណង់។ កសាងសម្រេច និងពិនិត្យទទួលស្គាល់ហើយដំណើរការសកម្មភាពក្នុងត្រីមាសទី ៣ ឆ្នាំ ២០២៣៕                                                                   ប្រែសម្រួល៖ ថាច់ហ្វាង