ភូមិចុងព្រៃ (អា)ផ្តុំកម្លាំងលុបបំបាត់ឲ្យអស់គ្រួសារក្រីក្រ

     លោក សឺនធីរ ជាគ្រួសារ ស្ថិតក្នុងក្របខណ្ឌគ្រួសារក្រីក្រជីវភាពជួបកា​រលំបាកខ្លាំង។ ប្តីប្រពន្ធគាត់រស់នៅ​ក្នុង​ផ្ទះមេ​ត្តាធម៌​ដែល​ទ្រុឌទ្រោម។ ដោយ​សារគ្រួសារគាត់គ្មាន​ដីផលិតទើបប្ដី​ប្រពន្ធគាត់តែងប្រកបកា​រងា​រ​ស៊ី​ឈ្នួល ប្រាក់​ចំណូល​មិនទៀងទាត់ គាត់គ្មាន​លទ្ធភាព​ជួស​ជុល​ផ្ទះ​នោះ​ឡើយ។ ឆ្នាំ​២០២៣ ផ្តើមពីមូលនិធិសុខុមាលភាព​សង្គម​ខេត្ត​​ក៏ឧបត្ថម្ភគ្រួសារគាត់ទិ​ញគោញី ០១ ក្បាល និងសាងសង់​ផ្ទះ​មហាសាមគ្គី ០១ ខ្នង  សរុប​តម្លៃ ៦០ លាន​ដុង។ ក្នុងនោះ មូលនិធិសុខុមាលភាពសង្គមខេត្ត ឧបត្ថម្ភ ៥០លានដុង។

លោក ថាច់ សាណាត់ (ខាងស្តាំ) អញ្ជើញទៅសួរសុខទុក្ខគ្រួសាររបស់លោកមា​ស៊ើងធីរ​ដែលបានឧបត្ថម្ភសង់ផ្ទះនៅដើមឆ្នាំ ២០២៣។

     លោកសឺនធីរសំណេះសំណាលដោយរីករាយថា៖ គ្រួសារខ្ញុំមានផ្ទះរឹងមាំ ប្តីប្រពន្ធខ្ញុំនឹងខិតខំថែទាំគោឲ្យបានល្អខំធ្វើកា​រសន្សំសំចៃប្រាក់ ដើម្បីពង្រីកសេដ្ឋកិច្ចគ្រួសារឱ្យបាន​រីកចម្រើនស្ថិរភាព។

     លោក ត្រឹង ខេមរា (ជនជាតិខ្មែរ) ជាគ្រួសារជិតក្រមួយគ្រួដែលទទួលបានឧបត្ថម្ភផ្ទះ ០១ ខ្នង គោ ០១ ក្បាលកាលពីឆ្នាំ ២០២១។ គ្រួសារគាត់ក៏រួចផុតពីភាពក្រីក្រនៅឆ្នាំ ២០២២។

      លោក ខេ​ម​រាសំណេះសំណាល៖ ដោយ​បានរដ្ឋ​ឧបត្ថម្ភ​គោ ០១ ក្បាល និងសាងសង់​ផ្ទះបាន​រឹងមាំ ប្ដី​ប្រពន្ធខ្ញុំត្រេកអរណាស់។ ប្តីប្រពន្ធ​ខ្ញុំនឹងខិតខំ​ធ្វើ​ការ​នៅ​ក្នុងភូមិ​ស្រុកដើម្បីរកប្រភពចំណូលលំនឹងជីវភាព។ បច្ចុប្បន្ន ប្តីប្រពន្ធ​ខ្ញុំខិតខំ​ថែទាំ​កូន​រៀន​សូត្រឲ្យ​បាន​ល្អ និង​ចិញ្ចឹម​គោ។ ពេល​ទំនេរ​ខ្ញុំ​ទៅស៊ីឈ្នួលយួរកំបោរដើម្បីមានប្រាក់ចំណូល​បន្ថែម។ ថ្វីត្បិតជីវភាពមិនទាន់បាន​ធូរធាប៉ុន្មាន ប៉ុន្តែខ្ញុំមានផ្ទះរឹងមាំ មានគោ ០៣ ក្បាល សង្ឃឹមថាអនាគតជីវភាពគ្រួសារខ្ញុំនឹងបានរីកចម្រើនជាងទៀត។ គ្រួសារខ្ញុំសូមថ្លែងអំណរអរគុណយ៉ាងជ្រាលជ្រៅចំពោះរដ្ឋ ដែលបានយកចិត្តទុកដាក់ឧបត្ថម្ភគ្រួសារខ្ញុំឱ្យឆ្លងផុតពីការលំបាក លំនឹងជីវភាពដូចបច្ចុប្បន្ន។

      លោក ថាច់សា​ណាត់ ប្រធានគណៈកម្មការប្រជាជនភូមិ ចុងព្រៃ (អា) បានឲ្យដឹងថា៖ ដើម្បីបន្ត អនុវត្តការងារ កាត់បន្ថយភាពក្រីក្រ ឆ្នាំ ២០២៣ ភូមិបានរាយការណ៍ជូនឃុំ ឲ្យយកចិត្តទុកដាក់ផ្តុំកម្លាំងឧបត្ថម្ភគ្រួសារក្រីក្រ ១០/១០ គ្រួដើម្បីរួចផុតពីភាពក្រីក្រនៅឆ្នាំ ២០២៣ ។ ក្នុងនោះមាន០២ គ្រួសារបានឧបត្ថម្ភកសាងលំនៅឋាន និងគោមេគ្រួសារក្រៅពីនោះគឺបង្កលក្ខណៈឲ្យបុលទុនពង្រីកផលិតកម្ម ចិញ្ចឹមសត្វ។ភាគច្រើនគ្រួសារក្រីក្រដែលបុលទុនបានចុះឈ្មោះវិនិយោគក្នុងការចិញ្ចឹមគោ។ ដោយបានការយកចិត្តទុកដាក់ ឧបត្ថម្ភរបស់បក្ស និងរដ្ឋ មកទល់បច្ចុប្បន្ន ជីវភាពប្រជាជននៅភូមិ ចុងព្រៃ (អា)និយាយរួម មាមីងខ្មែរនិយាយដោយឡែកបានរីកចម្រើនទាំងសម្ភារ និងស្មារតី។  បច្ចុប្បន្ន​ភូមិគ្មាន​នៅផ្ទះទ្រុឌទ្រោមទៀតឡើយ។ ខិតខំដល់ចុងឆ្នាំ២០២៣ ភូមិនឹងលុបបំបាត់ឲ្យអស់គ្រួសារក្រីក្រ ដើម្បីរួមចំណែកជាមួយស្រុកអនុវត្តសម្រេចលក្ខឋានស្រុកជនបទថ្មី តាមផែនការដែលបានដាក់ចេ​ញ។

      ដំណាក់កាល ២០២០-២០២២ ផ្តើមពីមូលនិធិសុខុមាលភាពសង្គមរបស់ខេត្ត និងស្រុក វិនិយោគក្នុងការឧបត្ថម្ភគោ សាងសង់លំនៅឋានជាដើម ញ៉ាំងឲ្យគ្រួសារក្រីក្រនៅភូមិចុងព្រៃ (អា)ឃុំ ភឿកហឹងចំនួន ៦០ គ្រួសារ បានរួចផុតពីភាពក្រីក្រ៕

អត្ថបទ‑ រូបថត៖ សុជា