ពិន័យធ្ងន់កំហុសគ្មានលិខិតបើកបរតាមការកំណត់

ដើម្បីធានាសណ្ដាប់ធ្នាប់ សុវត្ថិភាពចរាចរណ៍តម្រួតចរាចរណ៍នៃនគរបាលទូទាំងខេត្តសហការជាមួយបណ្ដាផ្នែកមានសមត្ថកិច្ចបង្កើនការ​ឃោសនា ផ្សព្វផ្សាយបណ្ដាសេចក្ដីកំណត់របស់ច្បាប់ចរាចរណ៍ផ្លូវគោកដោយរូបភាពជា​ច្រើន ក្នុងនោះយកចិត្តទុកដាក់ដល់ការផ្សព្វផ្សាយដោយផ្ទាល់តាមរយៈការយាមល្បាត ត្រួតពិនិត្យ និងលើបណ្ដាមធ្យោបាយព័ត៌មានមហាជនស្ដីពីបណ្ដាលក្ខការណ៍ចូលរួមចរាចរណ៍សុវត្ថិភាព លក្ខណៈចាំបាច់ និងគ្រប់សព្វ ក៏ដូចជាអត្ថន័យសំខាន់នៃការមានលិខិតបើកបរពេលបើកបរមធ្យោបាយចូលរួមចរាចរណ៍។ ពេលចរាចរលើដងផ្លូវ អ្នកបើកបរគប្បីមានលិខិតបើកបរសមស្របជាមួយប្រភេទម៉ូតូដែលកំពុងប្រើប្រាស់ លើកលែងបណ្ដាប្រភេទម៉ូតូមិនចាំបាច់ត្រូវមានលិខិតបើកបរ ប៉ុន្តែត្រូវបំពាក់ចំណេះដឹងដោយខ្លួនឯងពេលចូលរួមចរាចរណ៍សុវត្ថិភាព។ ពេលបើកបរលើ​ដងផ្លូវត្រូវយកលិខិតស្នាមទៅតាមឱ្យបានគ្រប់សព្វដូចជា៖ លិខិតបើកបរ លិខិតចុះឈ្មោះម៉ូតូ លិខិតបញ្ជាក់គាំពារបន្ទុកស៊ីវិលរបស់ម្ចាស់យានយន្តផ្លូវគោកនៅមានសុពលភាព ព្រមទាំងលិខិតស្នាមចាំបាច់ដទៃមួយចំនួនទៀត។

តម្រួតចរាចរណ៍ពិន័យអ្នកបើកបរគ្មានលិខិតបើកបរ។ រូបថត៖ ហូយ៉ាង

អាស្រ័យស្មារតីប្រតិបត្តិច្បាប់របស់ប្រជាជនមួយចំនួនមិនទាន់បានម៉ឺងម៉ាត់ ហេតុនោះ ការប៉ះទង្គិចនិងគ្រោះថ្នាក់ចរាចរណ៍នៅតែកើតមាន។ រយៈពេល ៤ ខែដើមឆ្នាំ ទូទាំងខេត្តកើតមានគ្រោះថ្នាក់ចរាចរណ៍ ១២ ករណី ធ្វើឱ្យមនុស្សបាត់បង់ជីវិតចំនួន ១២ នាក់ របួស ៥ នាក់ អន្តរាយទ្រព្យសម្បត្តិប្រមាណ ៥០ លានដុង។ មូលហេតុសំខាន់គឺអាស្រ័យអ្នកបើកបរមធ្យោបាយមិនត្រូវតាមចំណែកផ្លូវ មិនអនុគ្រោះផ្លូវ បើកបរហួសល្បឿនកំណត់ ផឹកស្រា បៀរមុនពេលបើកបរមធ្យោបាយចូលរួមចរាចរណ៍។ល។ មួយវិញទៀតក៏អាស្រ័យមិនមានលិខិតបើកបរខ្វះការយល់ដឹង និងលទ្ធ ភាពបើកបរ។

កត់សម្គាល់រួមជាមួយបណ្ដាក្រុមយាមល្បាតតម្រួតចរាចរណ៍នៃនគរបាលទូទាំងខេត្តឃើញថា ស្មារតីប្រតិបត្តិច្បាប់ស្ដីពីសណ្ដាប់ធ្នាប់ សុវត្ថិភាពចរាចរណ៍របស់អ្នកចូលរួមចរាចរណ៍នៅតែមានបញ្ហាជាច្រើនគួរព្រួយបារម្ភ។ កំហុសបំពានដែលគ្មានលិខិតបើកបរតាមការកំណត់នៅតែមានច្រើន និងភាគច្រើនស្មារតីសុទ្ធតែយល់បានថាគ្មានលិខិតបើកបរសមស្របជាមួយមធ្យោបាយកំពុងបើកបរគឺបំពានច្បាប់។

គឹមហ្វាយអាញ់ (កើតឆ្នាំ ២០០៤ នៅឃុំលឿងហ្វា ស្រុកចូវថាញ់) បើកម៉ូតូមានស្លាកលេខ 84B1-884.55 បើកបរពីទិសស្រុកចូវថាញ់ទៅទីក្រុងត្រាវិញ។ ក្រុមយាមល្បាតការិយាល័យតម្រួតនៃនគរបាលខេត្តពិនិត្យឃើញហ្វាយអាញ់ មានសញ្ញាបំពាន ម៉្លោះហើយបពា្ឈប់មធ្យោបាយមកពិនិត្យ។ តាមរយៈការពិនិត្យ ក្រុមយាមល្បាតពិនិត្យឃើញហ្វាយអាញ់គ្មានលិខិតបើកបរ គ្មានលិខិតចុះឈ្មោះយានយន្ត។​​ ក្រុមយាមល្បាតផ្ដើមបង្កើតកំណត់ហេតុបំពាន និងរក្សាទុកមធ្យោបាយបណ្ដោះអាសន្ន ដើម្បីវិនិច្ឆ័យតាមការកំណត់។ ហ្វាយអាញ់ ឱ្យដឹងគ្មានលិខិតបើកបរនោះ បានត្រឹមតែបើកបរទោចក្រយានយន្តមានចំណុះស៊ី‑ឡាញ់​ក្រោមពី ៥០cm³ ។  អាស្រ័យមិនទាន់ទិញម៉ូតូ រួចគ្រួសារជួបការលំបាក ម៉្លោះហើយមិនទាន់ទៅចុះឈ្មោះរៀនយកលិខិតបើកបរ។

ត្រង់មាត្រាទី ២ អនុក្រឹត្យលេខ ១២៣ របស់រដ្ឋាភិបាលកែប្រែបំពេញបន្ថែមមាត្រា​មួយចំនួន នៃអនុក្រឹត្យលេខ ១០០ របស់រដ្ឋាភិបាលកំណត់ពិន័យបំពានរដ្ឋបាលលើវិស័យចរាចរណ៍ផ្លូវគោក ផ្លូវអាយស្ម័យយាន កំណត់កម្រិតពិន័យចំពោះអ្នកបើកបរបណ្ដាប្រភេទម៉ូតូដោយគ្មានលិខិតបើកបរ ឬក៏ប្រើប្រាស់លិខិតបើកបរមិនមែនស្ថាប័នមានសិទ្ធិអំណាចផ្ដល់ជូនលិខិតបើកបរត្រូវលុបជម្រះ ជាតួយ៉ាងដូចខាងក្រោម៖

‑ពិន័យជាទឹកប្រាក់ពី ១‑២ លានដុងចំពោះអ្នកបើកបរទោចក្រយានយន្តមានចំណុះស៊ី‑ឡាញ់ក្រោមពី ១៧៥ cm³ និងបណ្ដាប្រភេទយានប្រហាក់ប្រហែលម៉ូតូ។

‑ពិន័យជាទឹកប្រាក់ពី ៤‑៥ លានដុងចំពោះអ្នកបើកបរទោចក្រយានយន្តមានចំណុះស៊ី‑ឡាញ់ពី ១៧៥cm³  ឡើងទៅ ត្រីចក្រយានយន្ត។

‑ពិន័យជាទឹកប្រាក់ពី ១០‑១២ លានដុងចំពោះអ្នកបើកបរម៉ូតូ រថសណ្ដូន និងបណ្ដាប្រភេទយានប្រហាក់ប្រហែលរថយន្ត។

ទន្ទឹមនឹងនោះ ពិន័យពី ១០០‑២០០ ពាន់ដុងចំពោះអ្នកបើកបរម៉ូតូ និងបណ្ដាយានប្រហាក់ប្រហែលម៉ូតូមិនយកលិខិតបើកបរទៅតាម រួចកម្រិតពិន័យពី ២០០‑៤០០ ពាន់ដុង ចំពោះអ្នកបើកបររថយន្ត រថសណ្ដូន និងបណ្ដាប្រភេទយានប្រហាក់ប្រហែលរថយន្តដោយមិនយកលិខិតបើកបរទៅតាម។

ការិយាល័យតម្រួតនៃនគរបាលខេត្តបានឱ្យដឹង មនុស្សម្នាក់ដែលមានលិខិតបើកបរនឹងបានបំពាក់ដោយចំណេះដឹងសារវន្តអំពីច្បាប់ចរាចរណ៍ផ្លូវគោក និងលទ្ធភាពបើកបរសុវត្ថិភាព បានរៀនបណ្ដាចំណេះដឹងពីបណ្ដាស្លាកប្រកាសចរាចរណ៍ បណ្ដាលក្ខការណ៍ចូលរួមចរាចរណ៍ ដូចជា៖ ជៀសរថយន្តដទៃ ប្ដូរទិសអនុគ្រោះផ្លូវ បង្ការបណ្ដាសភាពការណ៍ហានិភ័យជាចៃដន្យពេលទៅដល់បណ្ដាដងផ្លូវប្រសព្វគ្នាដើម្បីជៀសវាងការប៉ះទង្គិចចរាចរណ៍ ឬក៏ធ្ងន់ធ្ងរជាងគឺគ្រោះថ្នាក់ចរាចរណ៍ រួមចំណែកការពារទ្រព្យសម្បត្តិ អាយុជីវិតរបស់ខ្លួន និងអ្នកដទៃ។

ចំពោះបណ្ដាករណីមិនអាចប្រឡង និងពិនិត្យបញ្ជាក់ដើម្បីមានលិខិតបើកបរនោះ គប្បីលៃលកដោយខ្លួនឯងសម្រាប់មធ្យោបាយធ្វើដំណើរទៅមកឱ្យសមស្របដូចជា ជ្រើស​យកបណ្ដាមធ្យោបាយសាធារណៈ។ បើសិនគ្មានលិខិតបើកបរទេនោះ ត្រូវលៃលកសម្រាប់ខ្លួនពីយានយន្តដែលមានចំណុះស៊ី-ឡាញ់ក្រោមពី ៥០cm³។ ពីព្រោះពេលបើកបរយានយន្តមានចំណុះស៊ី‑ឡាញ់លើសពី ៥០cm³ នោះចាប់បង្ខំត្រូវមានលិខិតបើកបរ។ ក្រៅពីការលៃលកសម្រាប់ខ្លួន បណ្ដាប្រភេទយានយន្តសមស្របដែលគ្មានលិខិតបើកបរនោះ អ្នកបើកបរមធ្យោបាយ ចូលរួមចរាចរណ៍ក៏គប្បីហ្វឹកហាត់ដោយខ្លួនឯង បំពាក់លទ្ធភាពបើកបរសុវត្ថិភាពសម្រាប់ខ្លួនក៏ដូចជាបណ្ដាចំណេះដឹងបើកបរសុវត្ថិភាពដើម្បីជៀសវាងការប៉ះទង្គិច គ្រោះថ្នាក់ចរាចរណ៍ពេលបើកបរយានយន្តចូលរួមចរាចរណ៍។

ដើម្បីធានាលំនឹងស្ថានភាពសណ្ដាប់ធ្នាប់ សុវត្ថិភាពចរាចរណ៍ នៅពេលខាងមុខកងកម្លាំងតម្រួតចរាចរណ៍នៃនគរបាលទូទាំងខេត្តនឹងបង្កើនការយាមល្បាត ត្រួតពិនិត្យ វិនិច្ឆ័យម៉ឺងម៉ាត់បណ្ដាអំពើបំពានជាមូលហេតុបង្កប់នៅបណ្ដាលឱ្យកើតមានគ្រោះថ្នាក់ចរាចរណ៍។ ទន្ទឹមនឹងនោះ ផ្ដុំពិនិត្យ វិនិច្ឆ័យម៉ឺងម៉ាត់កំហុសគ្មានលិខិតបើកបរមិនគ្រប់អាយុតាមការកំណត់បើកបរយានយន្តចូលរួមចរាចរណ៍ ដើម្បីរួមចំណែកបង្ការ ទប់ស្កាត់ការប៉ះទង្គិច គ្រោះថ្នាក់ចរាចរណ៍៕   ​​

ប្រែសម្រូល៖ ថាច់សម្បត្តិ