ផ្សារណាត់តាំងពិព័រណ៍អំណរអនុស្សាវរីយ៍ឆ្នាំទី ៣០ ទិវាបង្កើតខេត្តត្រាវិញឡើងវិញ៖ ផលិតផលសម្បូរបែបទាក់ទាញភ្ញៀវជាច្រើនចូលទស្សនានិងទិញទំនិញ

មុខទំនិញរបស់ខេត្តភាគច្រើនបានអតិថិជនស្វែងរកទិញ

ផ្សារណាត់មានការចូលរួមរបស់ ៩ អង្គភាព ស្រុក ទីផ្សាររួមខេត្ត និងទីក្រុងក្នុងខេត្តតាំងពិព័រណ៍បណ្ដាសមិទ្ធផលក្នុងការពង្រីកសេដ្ឋកិច្ច-សង្គមរយៈពេល ៣០ ឆ្នាំបង្កើតខេត្តឡើងវិញ។

បងស្រីថាច់ធីយី (ស្ដាំ) ឧទ្ទេសនាមផលិតផលជាមួយអតិថិជន។ រូបថត៖ សម្បត្តិ

បងស្រីថាច់ធីយី ម្ចាស់មូលដ្ឋានវេចនំអន្សម ជ្រូក​(ភូមិហ្វាហាវ ឃុំភឿកហាវ ស្រុកចូវថាញ់) បានឱ្យដឹងថា៖ អាស្រ័យមុខទំនិញនៅក្នុងផ្សារ ណាត់សម្បូរបែប ជាមួយទ្រង់ទ្រាយរូបភាពខុសគ្នា សម្បកខ្ចប់ សញ្ញាមុខទំនិញមើលទៅគួរឱ្យជក់ចិត្ត ម៉្លោះហើយមុខទំនិញរបស់បងក៏លក់បានច្រើននៅក្នុងពិធីផ្សារណាត់នៅតាមបណ្ដាខេត្តនៃវាលរាបទន្លេគឺវឡុងនារយៈពេលកន្លង។ ក្នុងការចូលរួមផ្សារណាត់លើកនេះ នំអន្សមជ្រូករបស់បងក៏មានអ្នកទិញជាលំដាប់លំដោយ ពីព្រោះនំអន្សមជ្រូករបស់បងសម្រេចលំដាប់ផ្កាយ ៣ មានកេរ្ដិ៍ឈ្មោះល្បីរន្ទឺបង្គួរដល់អ្នកប្រើប្រាស់។ ក្នុងថ្ងៃដំបូងបងលក់បានជាង ១០០ នំ បណ្ដាថ្ងៃបន្ទាប់មកលក់បានពី ៤០-៥០ នំ ។ នៅពេលខាងមុខ បងបន្តចុះឈ្មោះជាមួយបណ្ដាផ្នែកពាក់ព័ន្ធ បើសិនមានចាត់តាំងផ្សារណាត់ណានោះ បងបន្តចុះឈ្មោះចូលរួមមួយល្វែងលក់ផលិតរបស់មូលដ្ឋានបងដើម្បីឧទ្ទេសនាមដល់អ្នកប្រើប្រាស់ ទាំងក្នុងនិងក្រៅខេត្តបានដឹងឮផលិតផលរបស់បង។

មូលដ្ឋានផលិតនំក្រៀបទឹកដោះខ្ទិះដូង(ភូមិចាវ៉ា ឃុំវិញគីម ស្រុកកូវង៉ាង) ជាមូលដ្ឋានមួយក្នុងបណ្ដាមូលដ្ឋានចូលរួមយ៉ាងសកម្មក្នុងបណ្ដាពិធីតាំងពិព័រណ៍នៅក្នុង និងក្រៅខេត្ត​ ដើម្បីផ្សព្វផ្សាយផលិតផល និងពាណិជ្ជញ្ញារបស់មូលដ្ឋានផលិត។ បងស្រី ត្រឹងធីហៀង ម្ចាស់មូលដ្ឋានផលិតនំក្រៀបទឹកដោះខ្ទិះដូង បានចែករំលែក៖ ចូលរួមផ្សារណាត់ យើងខ្ញុំមានឱកាសផ្សព្វផ្សាយបានទូលំទូលាយនូវមុខទំនិញរបស់មូលដ្ឋានដល់អតិថិជន។ អាស្រ័យហេតុនោះ ពេលចាត់តាំងពិព័រណ៍មុខទំនិញ ល្វែងទំនិញរបស់ខ្ញុំទាក់ទាញបានភ្ញៀវជាច្រើនមកទិញ ជាឱកាសមួយជួយឱ្យយើងខ្ញុំមានលក្ខណៈបានបើកទូលាយទ្រង់ទ្រាយផលិតដើម្បីឆ្លើយតបអំពីបរិមាណទំនិញបម្រើដល់តម្រូវការអតិថិជន។ បច្ចុប្បន្នក្រៅពីផលិតបណ្ដាប្រភេទ​មុខទំនិញនំក្រៀប នៅទាំងមានបង្គាក្រៀម ប្រហុកគ្រប់ប្រភេទ។ល។ ដើម្បីបង្ករសជាតិស្រស់ស្រូបនៅពេលទទួលទានអាហាររបស់អតិថិជន ក៏ដូចជាធ្វើជំនូនជូនសាច់ញាតិ។

បងស្រី បៀងធីហុងញុង(ឆ្វេង) ឧទ្ទេសនាមផលិតផលភេសជ្ជៈទឹកដមដូងដល់អ្នកប្រើប្រាស់។

បណ្ដាមុខទំនិញ ក្នុងនោះមានមុខទំនិញ OCOP  របស់ខេត្តត្រាវិញក៏បាន​មនុស្ស​ជាច្រើនស្វែងរកទិញ។ ចំពោះផលិតផលទឹកដម ដូងរបស់ក្រុមហ៊ុន​ចំកាតត្រាវិញហ្វាម ភ្ជាប់ពាណិជ្ជសញ្ញា SokFarm( ភូមិកញ្ចោងផ្សារ ឃុំភូកឹង ស្រុកទីវកឹង) ក៏បានបង្ហាញមុខឱ្យអ្នកប្រើប្រាស់បានស្គាល់។ បងស្រី បៀងធីហុងញុង ម្ចាស់ដេប៉ូលក់ទំនិញផលិតផលទឹកដម ដូងបានឱ្យដឹង៖ បច្ចុប្បន្ន យើងខ្ញុំកំពុងបើកដេប៉ូជំនាញខាងលក់ផលិតផលទឹកដមដូងនៅភូមិសាបិញ ឃុំឡុងឌឹក ទីក្រុងត្រាវិញ។ ទោះបី ផលិតផលទើបមានមុខនៅលើទីផ្សាររយៈពេលថ្មីៗនេះក្ដី ប៉ុន្តែពេលយើងខ្ញុំលក់នៅកន្លែងដេប៉ូក៏ដូចជាចូលរួមផ្សារណាត់តាំងពិព័រណ៍ក៏ទាក់ទាញបានភ្ញៀវជាច្រើនមកទិញពិសា។ បច្ចុប្បន្ន ដេប៉ូយើងខ្ញុំមានផលិតផលជាច្រើនពីទឹកដមដូងដូចជា៖ ភេសជ្ជៈទឹកដមដូង ស្រាទឹកដមដូង គ្រាប់កាកាវទឹកដមដូង។ល។  ក្នុងផ្សារណាត់លើកនេះ រៀងរាល់រាត្រី យើងខ្ញុំលក់ ភេសជ្ជៈទឹកដមដូងបានពី ៥០-៦០ ដប ដោយតម្លៃសមល្មម។ ផលិតផលទឹកដមដូង អាស្រ័យអ្នកបង្កើតចំនួន ២ រូបគឺមហាបរិញ្ញាបច្ចេកទេសអគ្គិសនី ផាមឌិញង៉ាយ និងមហាបរិញ្ញាបច្ចេកវិទ្យាអាហារ​ ថាច់ធីចន្ធី។ ភេសជ្ជៈទឹកដមដូង ផលិតផលទឹកដមដូងបានយកដោយដៃពីផ្កាដូង ដោយបច្ចេកទេសលញ់ ច្របាច់ និងទទួលយកទឹកដោយជនជាតិខ្មែរត្រាវិញ។ ផលិតផលគឺទទួលបានពីផ្កាដូងធម្មជាតិ ១០០% ជួយឱ្យអ្នកប្រើប្រាស់មានអារម្មណ៍ស្រស់ស្រាយ។

មកទស្សនា និងទិញទំនិញនៅផ្សារណាត់ និងកំពុងយួរភេសជ្ជៈពីទឹកដមដូងជាច្រើនដប បងហាថាញ់តាយ នៅភូមិគីមហ្វា ឃុំគីមហ្វា ស្រុកកូវង៉ាងបានឱ្យដឹង៖ ឮល្បីពីទឹកដមដូងត្រាវិញក៏យូរដែរហើយ ប៉ុន្តែមិនទាន់បានក្រេបរសជាតិបណ្ដាប្រភេទភេសជ្ជៈនេះ ស្របពេលមកទស្សនាផ្សារណាត់ ខ្ញុំជាមួយប្រពន្ធ​ស្វែងរកទិញភេសជ្ជៈទឹកដមដូងមួយចំនួនដបយកទៅផ្ទះដាក់ក្នុងទូទឹកកកសម្រាប់ផឹក។ ដំបូងផឹកភេសជ្ជៈនេះ ខ្ញុំកត់សម្គាល់បានរសជាតិធម្ម ជាតិរបស់វាពីដូង និងមានកម្រិតផ្អែមសមល្មម ធ្វើឱ្យខ្ញុំមានការចូលចិត្តយ៉ាងខ្លាំង។

ពហុសណ្ឋានបណ្ដាមុខទំនិញក្នុងនិងក្រៅខេត្ត

ផលិតផលចូលរួមផ្សារណាត់រួមមានជាច្រើនប្រភេទ ច្រើនទ្រង់ទ្រាយបានស្ថាប័នមានសមត្ថកិច្ចពិនិត្យគុណភាពហ្មត់ចត់។ ទន្ទឹមជាមួយបណ្ដាមុខទំនិញកសិផល ស្បៀង អាហារភូមិរបរប្រពៃណីរបស់ខេត្តខ្លួន  ផ្សារណាត់នៅទាំងទាក់ទាញបណ្ដាក្រុមហ៊ុន អាជីវកម្ម សហករណ៍នៃបណ្ដាខេត្តដូចជា៖ ឡុងអាង បេនត្រែ គៀងយ៉ាង ហូវយ៉ាង ដាក់ណុង។ល។ មកចូលរួមពិព័រណ៍ទៀតផង។

អតិថិជនជ្រើសទិញមុខទំនិញ។ រូបថត៖​ សុខា

លោកស្រីង្វៀងធីបាំង ប្រធានក្រុមប្រឹក្សាភិបាលសហករណ៍វត្ថុឱសថអាងភុកខាង (ខេត្តដាក់ណុង) បានឱ្យដឹង៖ មកតាំងពិព័រណ៍ផ្សារណាត់លើកនេះ យើងខ្ញុំមានបំណងផ្សព្វផ្សាយផលិតផលវត្ថុឱសថជំនួយសុខភាពដូចជា៖ តែផ្សិតលិញជី ប្រេងស្លឹកគ្រៃ ស្រាត្រាំវត្ថុធាតុ ថ្នាំឆ្ពុងងូត វត្ថុធាតុថ្នាំត្រាំជើង។ល។ដល់អតិថិជន។ មុខទំនិញរបស់យើងខ្ញុំមានភាពខុសប្លែកបង្គួរចំពោះអតិថិជននៅខេត្តត្រាវិញ  ប៉ុន្តែជាមួយការចុះកិច្ចសន្យាសហករណ៍ និងពាណិជ្ជ សញ្ញារបស់ផលិតផល អតិថិជនមួយចំនួន មានការនឹងនរចិត្តបង្គួរពេលជ្រើសរើសផលិតផលយើងខ្ញុំ។

ល្វែងទំនិញសហករណ៍វត្ថុឱសថអាងភុកខាងនៃខេត្តដាក់ឡាក់។ រូបថតៈ សុខា

ផ្សារណាត់ពិព័រណ៍ពាណិជ្ជកម្មផលិតផលឧស្សាហកម្មជនបទ OCOP ត្រាវិញឆ្នាំ ២០២២ មានអត្ថន័យយ៉ាងសំខាន់ និងជាក់ស្ដែងសម្រាប់ការអភិវឌ្ឍន៍ផលិតផលក្នុងបណ្ដាឆ្នាំខាងមុខទៀត ធ្វើជាស្ពានតភ្ជាប់សម្រាប់អាជីវកម្មត្រាវិញ និងបណ្ដាខេត្ត ទីក្រុងនានាមានឱកាសផ្ដោះប្ដូរបទពិសោធន៍ ផ្សព្វផ្សាយពាណិជ្ជសញ្ញា ផលិតផល សេវាកម្ម តភ្ជាប់ទំនាក់ទំនងជួញដូរ ផ្លាស់ថ្មីបច្ចេកវិទ្យាដើម្បីលើកកម្ពស់គុណភាពផលិតផល​ ជំរុញមាំការងារឧទ្ទេសនាម ផ្សព្វផ្សាយបណ្ដាផលិតផលឧស្សាហកម្មជនបទ OCOP ភូមិរបរ។ល។ ដល់អ្នកប្រើប្រាស់នៅក្នុងខេត្ត និងភ្ញៀវទេសចរ និងបើកទូលាយទីផ្សារសហការវិនិយោគ ជំរុញអភិវឌ្ឍសេដ្ឋកិច្ចរបស់ខេត្ត៕           

សុខា-សម្បត្តិ