ផ្លូវគមនាគមន៍បានតភ្ជាប់ បង្កគ្រឹះធារពង្រីកសេដ្ឋកិច្ច

អនុវត្តកម្មវិធីគោលដៅជាតិអំពីការកសាងជនបទថ្មីបណ្ដាឆ្នាំកន្លង រួមជាមួយការវិនិយោគរបស់មជ្ឈិម ខេត្ត​ ស្រុក ឃុំហ្វាឡើយបានអាទិភាពកសាងហេដ្ឋារចនាសម្ព័ន្ធផ្លូវគមនាគមន៍។ បទពិសោធន៍របស់ឃុំហ្វាឡើយ  គឺអនុវត្តល្អការងារបំផុសចលនា «រដ្ឋនិងប្រជាជនរួមគ្នាធ្វើ» ម៉្លោះហើយក្នុងរយៈពេលផ្សព្វ ផ្សាយកសាងផ្លូវគមនាគមន៍លើភូមិសាស្រ្តឃុំបានប្រជាជនជ្រោមជ្រែងដោយសុទ្ធចិត្តប្រកបដោយកិច្ចការជាក់ស្ដែងដូចជា រួមវិភាគទានប្រាក់ ថ្ងៃពលកម្ម បរិច្ចាគដី។ល។ បច្ចុប្បន្ន ផ្លូវគមនាគមន៍របស់ឃុំបាននិងកំពុងពង្រីកប្រសិទ្ធភាពក្នុងការកសាងជនបទថ្មីជាសារវន្ត ឆ្លើយតបតម្រូវការធ្វើដំណើរទៅមករបស់ប្រជាជន។ ភូមិទាំង ១០០% មានផ្លូវតភ្ជាប់ទៅមជ្ឈមណ្ឌលឃុំ ស្រុក ប្រភេទសំណង់ស្ពាន លូបង្ហូតទឹកជាច្រើនបានបង្កើនកម្រិត ជួសជុល ប៉ះមុខផ្លូវ។ ដងផ្លូវបានផ្សព្វផ្សាយអនុវត្ត រួមចំណែកយ៉ាងសំខាន់ក្នុងការពង្រីកសេដ្ឋកិច្ច‑សង្គមនៅមូលដ្ឋាន។ បច្ចុប្បន្ន ឃុំសាងសម្រេចជាឃុំជនបទថ្មី អត្រាគ្រួសារក្រីក្រនៅតែជាង ៣,៤%។

លោកត្រឹងដាក់ទ្រុង នៅភូមិកៅស៊ូបានឱ្យដឹងថា៖ អាស្រ័យផ្លូវដីនៅតំបន់នេះចង្អៀត ទទឹងប្រហែល ១,៥ ម៉ែត្រ មិនឆ្លើយតបបានតម្រូវការធ្វើដំណើរទៅមក និងទំនាក់ទំនង ជួញដូររបស់ប្រជាជន រយៈពេលកន្លង រដ្ឋអំណាចផ្សព្វផ្សាយកសាងផ្លូវបេតុង ទទឹង ៣ ម៉ែត្រ ប្រវែង ៦៣៧ ម៉ែត្រ រដ្ឋវិនិយោគទុន ធ្វើផ្លូវ ប្រជាជនបរិច្ចាគដី។ គ្រួសារខ្ញុំបរិច្ចាគដី ៧៥០ ម៉ែត្រក្រឡាដើម្បីកសាងដងផ្លូវបេតុង រួចបានដាក់ឱ្យប្រើប្រាស់ ប្រជាជនយើងខ្ញុំបានទទួលផលយ៉ាងច្រើន។

ផ្លូវគមនាគមន៍ជនបទ។ រូបផត៖ ផាងត្វឹង

បងផាមវ៉ាំងណឹម ប្រជាជននៅភូមិផ្នោរកំបុតបានឱ្យដឹង៖ ពេលរដ្ឋអំណាចមូលដ្ឋានមកបំផុសចលនាកសាងផ្លូវគមនាគមន៍ជនបទ ប្រជាជននៅទីនេះតែងព្រមព្រៀងជួយឧបត្ថម្ភ។ ខ្ញុំរំពឹងគិតថា ធ្វើផ្លូវនឹងងាយស្រួលក្នុងការធ្វើដំណើរទៅមកសម្រាប់ញាតិសន្ដានក្នុងគ្រួសារ និងប្រជាជននៅទីនេះ។ ក្រៅពីនោះ កសិករផលិតកសិកម្មលក់ផលិតផលនឹងងាយស្រួល តម្លៃបានខ្ពស់ជាងអាស្រ័យដឹកជញ្ជូនមុខទំនិញបានងាយស្រួល។

បងស្រីង្វៀងធីញឺ នៅភូមិផ្នោរកំបុតឱ្យដឹង៖ តំបន់នេះកាលពីមុនមិនទាន់ធ្វើផ្លូវខ្យល់កួចខ្សាច់ធូលីជាច្រើនហើរពាស ពេលក្ដៅខ្លាំងក្នុងមួយថ្ងៃៗត្រូវស្រោចទឹកច្រើនលើក។ ពេលនេះរដ្ឋវិនិយោគកសាងផ្លូវកៅស៊ូ ប្រជាជនរីករាយយ៉ាងខ្លាំង ស្ងប់ចិត្តក្នុងការផលិតលើកកម្ពស់ប្រភពចំណូល។

លោកស្រីតូធីធូយ៉ឹង ប្រធានគណៈកម្មាធិការប្រជាជនឃុំហ្វាឡើយបានឱ្យដឹង៖ រយៈពេលកន្លង ដោយអាស្រ័យបណ្ដាផ្នែក អង្គការមហាជនឃុំ រដ្ឋអំណាចមូលដ្ឋានគ្រប់លំដាប់ថ្នាក់ផ្ដុំអនុវត្តដំណោះស្រាយព្រមៗគ្នាជាច្រើនដើម្បីជំរុញមាំចលនាធ្វើផ្លូវគមនាគមន៍ បច្ចុប្បន្ន ផ្លូវគមនាគមន៍របស់ឃុំបានកសាងរួចរាល់។ លក្ខឋានផ្លូវគមនាគមន៍ក្នុងការកសាងជនបទថ្មីឃុំអនុវត្តបានសម្រេច។ ក្នុងនោះ ជាពិសេសយកចិត្តទុកដាក់ដល់ការងារឃោសនា ផ្សព្វផ្សាយទូលំទូលាយអំពីគោល​បំណង ខ្លឹមសារអត្ថន័យរបស់កម្មវិធីកសាងជនបទថ្មីចំពោះប្រជាជន បំផុតគឺការអនុវត្តន៍លក្ខឋានផ្លូវគមនាគមន៍ក្នុងជីវភាពរបស់ប្រជាជន។ ផ្ដើមពីនោះ ទទួលបានការគាំទ្រខ្ពស់ពីមហាជននៅក្នុងឃុំ ប្រជាជននៅតាមភូមិជាច្រើនស្ម័គ្រចិត្តបរិច្ចាគដី រួមវិភាគទានប្រាក់ និងថ្ងៃពលកម្មដើម្បីធ្វើផ្លូវ។

ឆ្នាំ ២០២២ ឃុំទទួលប្រាក់ទុនវិនិយោគបន្ថែមសំណង់ផ្លូវគមនាគមន៍ចំនួន ៣ ទៀត រួមមាន៖ សំណង់ផ្លូវតភ្ជាប់ភូមិដាហ្វាបាក់‑ដាហ្វាណាម(ក្នុងស្រុក) សរុបប្រវែងជាង ១,១ គីឡូម៉ែត្រ ថវិកាចំនួន ១,៩ ពាន់លានដុង។ សំណង់ភ្ជាប់ភូមិគ្វីណុងអា(ក្នុងស្រុក) ព្រែកឆាង​ កៅស៊ូជាង ២ គីឡូម៉ែត្រ ថវិកាចំនួន ៣,៦ ពាន់លានដុង។ សំណង់បង្កើនកម្រិត បើកទូលាយភូមិផ្នោរកំបុត ព្រែកឆាង ប្រវែងជិត ៣ គីឡូម៉ែត្រ សរុបថវិកាចំនួន ៥ ពាន់លានដុង។ ពេលផ្លូវទាំងនេះបានកសាងសម្រេច នឹងបង្កភាពងាយស្រួលក្នុងការធ្វើដំណើរទៅមកដឹកជញ្ជូនមុខទំនិញ កសិផល បើកទូលាយ ទំនាក់ទំនងជួញដូរ។ នេះក៏ជាឱកាសសំខាន់ជួយឱ្យឃុំហ្វាឡើយឆាប់អនុវត្តសម្រេចបណ្ដាលក្ខឋានឃុំជនបទថ្មីលើកកម្ពស់។

ហ្វាឡើយកំពុងបង្កើនកម្រិតបណ្ដាលក្ខឋានជនបទថ្មីដើម្បីកសាងឆាប់សម្រេចជោគជ័យជាឃុំជនបទថ្មីលើកកម្ពស់។ ផ្លូវគមនាគមន៍រីកចម្រើននឹងជាកិច្ចការទម្លុះទម្លាយ បង្កលក្ខណៈងាយស្រួលដើម្បីឃុំតភ្ជាប់ទំនាក់ទំនងជួញដូរជាមួយបណ្ដាតំបន់ជិតខាងទាំងក្នុងនិងក្រៅស្រុក សន្សឹមៗធ្វើភាវូបនីយកម្មទំនើបហេដ្ឋារចនាសម្ព័ន្ធផ្លូវគមនាគមន៍ដើម្បី​លើកកម្ពស់គុណភាពទាញយកផល ធានាផ្លូវគមនាគមន៍ បានរលូន រួមចំណែកទៅក្នុងការអនុវត្តន៍ជោគជ័យភារកិច្ចពង្រីកសេដ្ឋកិច្ច‑សង្គម ធានាការពារជាតិ សន្តិសុខ កសាងបក្ស និងប្រព័ន្ធនយោបាយរបស់មូលដ្ឋានឲ្យកាន់តែរឹងមាំ៕   ​​

ប្រែសម្រួល៖ ថាច់សម្បត្តិ