ផ្ដល់អំណោយ “បន្តកម្លាំងទៅសាលារៀន” ១៥៦ ចំណែក

          កាលពីថ្ងៃទី ១២ ​ខែតុលា បណ្ដាសប្បុរសជនតំណាងក្រុមហ៊ុនមួយចំនួន​ និងអាជីវកម្មនៅទីក្រុងហូជីមិញបានចាត់តាំងពិធីជួបសំណេះសំណាល និងជូនអំណោយ “បន្តកម្លាំងទៅសាលារៀន”​ ចំនួន ១៥០ ចំណែកដល់សិស្សជួបការលំបាកចំនួន ១៥០នាក់ដែលកំពុងសិក្សានៅបណ្តាសាលាបឋមសិក្សា និងអនុវិទ្យាល័យចំនួន ២១ សាលា របស់ ០៩ ឃុំក្នុងស្រុក។ អំណោយមួយចំណែកៗ​រួម​មាន​ប័ណ្ណ​គាំពារ​សុខាភិបាលសម្រាប់​សិស្ស ០១ រូប និងសៀវភៅ ២០ ក្បាល។ ក្រៅពីនោះ បណ្ដាសប្បុរសជនក៏បានជូនថ្នាំរំលាយអាហារ ថ្នាំបំបាត់​ការឈឺចាប់ អាហារបំប៉នរាងកាយចំនួន ១.០២០ ប្រអប់។ល។ ដល់ការិយាល័យអប់រំ និងបណ្តុះ​បណ្តាលស្រុកដើម្បីចែកចាយដល់បណ្តាសាលារៀនដែលត្រូវការបង្ការ ព្យាបាលបឋមសម្រាប់គ្រូបង្រៀន និងសិស្ស។ ក្រៅពី​នោះ ក្រុមប្រតិភូបានឧបត្ថម្ភអំណោយ ០៦ ចំណែក (ជាសាច់ប្រាក់ ៣០ លានដុង) ជូនដល់គ្រូបង្រៀនដែលមានជំងឺរ៉ាំរៃ ០៦ នាក់ដែលកំពុងបំពេញការងារបណ្តាសាលាក្នុងស្រុកផងដែរ។ ជាមួយនឹងតម្លៃ​អំណោយសរុបរួមជិត ១២០ លានដុង។ អាស្រ័យដោយលោកស្រីត្រឹងធីគីមថាញ់ - អតីតនាយិការងមន្ទីរអប់រំ និងបណ្តុះបណ្តាលទីក្រុងហូជីមិញចលនាបណ្ដាក្រុមហ៊ុនអាជីវកម្ម និងសប្បុរសជនទីក្រុងហូជីមិញរួមវិភាគទានឧបត្ថម្ភ៕

\ថាញ់ក្វាង-ច័ន្ទសង្ហា

ថ្នាក់ដឹកនាំស្រុក សប្បុរសជន គ្រូបង្រៀននិងសិស្សចូលរួមពិធីសំណេះសំណាល។ រូបថត៖ ថាញ់ក្វាង

       ជួនអំណោយ ៣០០ ចំណែកដល់មាមីងក្រីក្រស្រុកថ្កូវ

         កាលពីថ្ងៃទី ១២ តុលា គណៈកម្មការឧបត្ថម្ភសប្បុរសធម៌នៃសមាគមកាកបាទក្រហមឃុំ តឹងបិញ ស្រុកចូវថាញ់ ខេត្តដុងថាបសហការជាមួយសមាគមកាកបាទក្រហមខេត្តត្រាវិញ សមាគមកាកាកបាទក្រហមស្រុកថ្កូវ ជូនអំណោយចំនួន ៣០០ ចំណែក ក្នុងមួយចំណែកមានតម្លៃជាង ៣០០ ពាន់ដុងរួមមានៈ អង្ករ ១០ គីឡូ សម្ភារប្រើប្រាស់ចាំបាច់ដល់គ្រួសារក្រីក្រនិង គ្រួសារជិតក្រីក្ររបស់ឃុំ ថាញ់ស៊ើង និងឃុំង៉ាយស្វៀង។ សរុបតម្លៃអំណោយជាង ១០០ លានដុង៕

ប្រែសម្រួល៖ នាងគីមហ្វា

ជូនអំណោយដល់គ្រួសារក្រីក្រ។