ប្រគល់ជូនផ្ទះមេត្តាធម៌ដល់គ្រួសារក្រីក្រ

          សមាគមកាកបាទក្រហមខេត្តត្រាវិញទើបចាត់តាំងប្រគល់ជូនផ្ទះមេត្តាធម៌ដល់ពូ យឿងវ៉ាំងត្រង នៅភូមិញឹក ឃុំភឿកហាវ ស្រុកចូវថាញ់។ ផ្ទះនេះបានសាងសង់លើផ្ទៃដីធារជិត ៦០ ម៉ែត្រក្រឡា សរុបតម្លៃជាង ១២០ លានដុង ក្នុងនោះ អង្គការចាត់តាំងដុងអីហោយង៉ូឧបត្ថម្ភ ៣០ លានដុង មូលនិធិសហគមន៍បង្ការគ្រោះធម្មជាតិឧបត្ថម្ភ ២០ លានដុង រដ្ឋអំណាចមូលដ្ឋានបដិភាគ ២០ លានដុង សប្បុរសជនឧបត្ថម្ភ ១០ លានដុង ចំណែកក្រៅពីនោះអាស្រ័យគ្រួសារបំពេញបន្ថែម។

        នេះជាផ្ទះដំបូងបង្អស់ក្នុងចំណោមផ្ទះ ២០ ខ្នងនៃគម្រោងការ៖ កសាងផ្ទះមេត្តាធម៌ទប់ទល់ការជះឥទ្ធិពលរបស់អាកាសធាតុប្រែប្រួលឆ្នាំ ២០២២ ដែលអង្គការចាត់តាំងដុងអីហោយង៉ូ និងមូលនិធិសហគមន៍បង្ការគ្រោះធម្មជាតិ ចុះកិច្ចសន្យាសហការជាមួយសមាគមកាកបាទក្រហមខេត្តត្រាវិញឧបត្ថម្ភដល់បណ្តាស្រុក៖ ចូវថាញ់ ទីវកឹង កូវកែ ថ្កូវ និងស្រុកយ្វៀងហាយ តាមការប៉ាន់ស្មានសរុបថវិកា ១,៦ ពាន់លានដុង៕

ប្រែសម្រួល៖ តឹងង៉ុក

ពិធីជូនផ្ទះមេត្តាធម៌ដល់គ្រួសារលំបាកអំពីលំនៅឋាន។ រូបថត៖ ង៉ុកហុង