“ ប៉ិងប្រសប់ការងារប្រជាចលនា” ក្នុងការបង្ការ ទប់ស្កាត់ អាសន្នរោគកូវីដ-១៩

ព្រះតេជគុណថាច់កាលី និងលោកថាច់ង៉ុកង៉ី (ទី១ ខាងឆ្វេង) និមន្ត និងអញ្ជើញទៅជូនអំណោយប្រជាជនភូមិផ្នោរលើ។

លោក ថាច់ង៉ុកង៉ី ប្រធានគណៈកម្មាធិការរណសិរ្សមាតុភូមិវៀតណាមឃុំញ៉ីទ្រឿងបានឲ្យដឹង៖ ក្នុងអំឡុងពេលអាសន្នរោគរាតត្បាត គណៈកម្មាធិការរណសិរ្សមាតុភូមិឃុំសកម្មក្នុងការផ្សព្វផ្សាយបណ្តាវិធានការសមស្របនឹងស្ថានភាពជាក់ស្តែងរបស់មូលដ្ឋាន ហើយទទួលបានការគាំទ្រខ្ពស់ពីប្រជាជនចូលរួមឧបត្ថម្ភការងារទប់ស្កាត់ជំងឺ ក៏ដូចជាឧបត្ថម្ភប្រជាជនដែលជួបលំបាកដោយសារអាសន្នរោគ។

ព្រះតេជគុណ ថាច់កាលី ព្រះចៅអធិការរងវត្ត បទុមឈូកស ចុងមីសថ្មីឃុំញ៉ីទ្រឿង តែងរួមដំណើរឧបត្ថម្ភប្រាក់ គ្រឿងឧបភោគ បរិភោគដូចជា៖ អង្ករ មី ទឹកបរិសុទ្ធជាដើមដល់ប្រជាជនតំបន់បិទខ្ទប់ តំបន់ចត្តាឡីស័កប្រមូលផ្តុំ សរុបតម្លៃជាង ២២០ លានដុង។ ក្នុង​នោះ ជំនួយសម្ភារ និងប្រាក់​ដល់​គណៈកម្មាធិការ​រណសិរ្សមាតុភូមិ​វៀត​ណាម​ ឃុំញ៉ីទ្រឿង គិតជាតម្លៃ​ជិត​ ១៦០​ លាន​ដុង។ ព្រះតេជគុណ ថាច់កាលី មានថេរដីកាថា៖ ការងារផ្សព្វផ្សាយ ចលនារបស់គណៈកម្មាធិការរណសិរ្សមាតុភូមិវៀតណាមឃុំ ត្រូវនឹងសភាពការណ៍ជាក់ស្តែងរបស់មូលដ្ឋាន ម្ល៉ោះហើយ អាត្មាក៏ចូលរួមគាំទ្រ និង​ឧបត្ថម្ភ​ដើម្បីរួមដំណើរ​ជាមួយរណសិរ្ស​ គិតគូរដល់​ជីវភាព​ប្រជាជនក្នុងដំណាក់កាលជួបការលំបាក​ដោយសារ​អាសន្នរោគ​កូវីដ-១៩។

លោកង្វៀងថាញ់យ៉ាង អនុប្រធានគណៈកម្មាធិការប្រជាជន-អនុប្រធានគណៈចង្អុលការបង្ការ ទប់ស្កាត់អាសន្នរោគកូវីដ-១៩ ឃុំញ៉ីទ្រឿងបានឲ្យដឹង៖ គណៈកម្មាធិការរណសិរ្សមាតុភូមិឃុំបានអនុវត្តល្អចលនា “ប៉ិនប្រសប់ងារការប្រជាចលនា”  ឆ្លងតាមរយៈនោះបានពង្រីកកម្លាំងធ្លុងមហាសាមគ្គីទូទាំងប្រជាជាតិចូលរួមបង្ការ ទប់ស្កាត់អាសន្នរោគ។ ដើម្បីសម្រេចបានលទ្ធផលល្អក្នុងការចលនា រណសិរ្សឃុំតែងស្និទ្ធស្នាលជាមួយប្រជាជន ស្តាប់យោបល់ប្រជាជនទើបការងារផ្សព្វផ្សាយចលនាប្រព្រឹត្តទៅបានល្អ សមស្របនឹងគោលបំណងរបស់ប្រជាជន បានប្រជាជនគាំទ្រ ឧបត្ថម្ភយ៉ាងសកម្ម៕

អត្ថបទ‑រូបថត៖ សុជា