បង្កលក្ខណៈឲ្យពលករបានបុលទុនដើម្បីទៅធ្វើការនៅបរទេស

លោក យឿងក្វាងង៉ុក នាយករងមន្ទីរពលកម្ម -យុទ្ធជនពិការ និងសង្គមកិច្ចខេត្ត ឱ្យដឹង៖ ខេត្តដាក់ចេញគោលនយោបាយដើម្បីជំរុញទឹកចិត្តពលករទៅធ្វើការនៅបរទេស ឆ្លងតាមនោះបង្កើនប្រភពចំណូល​ កែលម្អជីវភាព និងកាត់បន្ថយភាពក្រីក្រចីរភាព។ ក្នុង​ដំណាក់​កាល ២០២១-២០២៥ ខេត្តបន្តការអនុវត្តន៍គោលនយោបាយឧបត្ថម្ភ ពលករទៅធ្វើការនៅបរទេស តាមកិច្ចសន្យា សរុបថវិកាឧបត្ថម្ភបណ្តុះបណ្តាលមុខរបរ ភាសាបរទេស បំប៉នចំណេះដឹងចាំបាច់ និងបណ្តាខ្ទង់ចំណាយផ្សេងៗក្នុង​ម្នាក់​បុលច្រើនបំផុតចំនួន ១៧,៤២ លានដុង យោងតាមក្រុមមុខសញ្ញានីមួយៗ។ ក្រៅពីបណ្តាខ្ទង់ចំណាយ​ខាងលើនោះ ពលករនៅខេត្តទៅធ្វើការនៅបរទេស នៅទាំងបានឧបត្ថម្ភឱ្យបុលទុនច្រើនបំផុត ១៥០ លានដុងពីប្រភពថវិកា​ខេត្តតាមរយៈធនាគារគោលនយោបាយសង្គម។ ប្រាក់ការគិតស្មើប្រាក់ការឲ្យបុលចំពោះគ្រួសារក្រីក្រយោងតាមដំណាក់កាល នីមួយៗដែលរដ្ឋាភិបាលកំណត់។

បង្កឲ្យពលករបុលទុនទៅធ្វើការនៅបរទេស។ រូបថត៖ ថាញ់ហ្វា

            តាមប្រសាសន៍របស់លោកយឿងក្វាងង៉ុក ប្រភពចំណូលរបស់ពលករ ទៅធ្វើការនៅបរទេសខ្ពស់ជាងច្រើនដងបើប្រៀបជាមួយធ្វើការនៅវៀតណាម។ កម្រិតជីវភាពបានលើកកម្ពស់គួរកត់សម្គាល់។ ក្រៅពីប្រាក់ខែ ពលករនៅទាំង​មានប្រាក់ធ្វើការក្រៅម៉ោង និងបង្កើនម៉ោងធ្វើការ។ ក្រោយរយៈកាល បញ្ចប់កិច្ចសន្យា ពលករអាចប្រិតសំចៃបានពី ២៥០-៤៣០ លានដុង ប្រសិនបើធ្វើការនៅតៃវ៉ាន់ (ប្រទេសចិន) ម៉ាឡេស៊ី។ល។ និងខ្ពស់ជាង ៩៧០ លានដុង ប្រសិនបើធ្វើការនៅប្រទេសជប៉ុន កូរ៉េ។ល។ នៅពេលខាងមុខ ដើម្បីលើកកម្ពស់​គុណភាព​ពលករទៅធ្វើការនៅបរទេស ខេត្តបង្កើនកិច្ចសន្យាតភ្ជាប់ ជាមួយអាជីវកម្មនីហរ័ណ ជាមួយបណ្តាសាលាសាកលវិទ្យាល័យ ឧត្តមសិក្សានៅលើភូមិសាស្ត្រខេត្ត​ដើម្បីជ្រើសរើស និងបណ្តុះបណ្តាលពលករ អាទិភាពវិនិយោគលើបណ្តាកម្មវិធី គម្រោងការពង្រីកសេដ្ឋកិច្ច-សង្គម របស់មូលដ្ឋាន តំបន់ ផ្នែកនីមួយៗភ្ជាប់ជាមួយបណ្ដាកម្មវិធី គម្រោងការបណ្តុះបណ្តាល​វិជ្ជាជីវៈជូនពលករទៅធ្វើការនៅបរទេស។

            ខេត្តក៏បានចង្អុលការ បណ្តាអង្គភាពជំនាញឲ្យបង្កើនការត្រួតពិនិត្យ ពលករ និងបណ្តាក្រុមហ៊ុននីហរ័ណពលករ បណ្តាក្រុមហ៊ុនពិគ្រោះទៅរៀននៅបរទេស ក្នុងការអនុវត្តន៍បណ្តាសេចក្តីកំណត់របស់ច្បាប់ស្តីពីការបញ្ជូនពលករនៅវៀតណាម ទៅធ្វើការ និងសិក្សានៅបរទេស មានពេលកំណត់ ទន្ទឹមនឹងនោះវិនិច្ឆ័យម៉ឺងម៉ាត់​ ចំពោះបណ្តាករណីបំពាន ធ្វើឲ្យជះឥទ្ធិពលដល់ផលប្រយោជន៍របស់ពលករ និងអាជីវកម្ម។ មន្ទីរពលកម្ម‑យុទ្ធជនពិការ និងសង្គមកិច្ចសកម្មអនុវត្តបណ្តាវិធានការគាំពារសិទ្ធិ និងផលប្រយោជន៍ស្របច្បាប់ របស់ពលករ ផ្គត់ផ្គង់លេខម៉ាស៊ីនធ្វើសកម្មភាពរបស់ប៉ុស្ដិ៍គាំពារពលរដ្ឋវៀតណាម នៅបរទេស (+៨៤ ៤៦២ ៨៤៤ ៨៤៤) រួមជាមួយអាសយដ្ឋាន​ អគ្គស្ថានទូតវៀតណាម នៅបរទេស។ល។

            ដំណាក់កាល ២០២១‑២០២២ ខេត្តត្រាវិញបញ្ជូនយកពលករ ៣.៤៦០ នាក់ទៅធ្វើការនៅបរទេស ក្នុងនោះធ្វើការនៅប្រទេសជប៉ុន ២.២៨៨ នាក់ ប្រទេសកូរ៉េ ១២១ នាក់ តៃវ៉ាន់ ៣៤៥ នាក់ ម៉ាឡេស៊ី ១៩០ នាក់។ល។ ខិតខំដល់ឆ្នាំ ២០២៥ សម្រេចបានគោលដៅបញ្ជូនពលករទៅធ្វើការនៅបរទេសតាមកិច្ចសហការ ឃុំ សង្កាត់ ទីប្រជុំជននីមួយៗ រាល់ឆ្នាំមានពលករតិចបំផុតពី ៥‑១០ នាក់ ទៅធ្វើការនៅបរទេស តាមកិច្ចសហការ៕

ប្រែសម្រួល៖ សុខា