ទីវកឹង៖ បំភ្លឺផ្លូវជនបទដោយថាមពលពន្លឺព្រះអាទិត្យ

នៅឃុំភូកឹង ទម្រង់អំពូលភ្លើងបំភ្លឺតាមដងផ្លូវដោយថាមពលពន្លឺព្រះអាទិត្យបានផ្សព្វផ្សាយនៅឆ្នាំ ២០២០ នៅតាមដងផ្លូវចំនួន 0៣ ខ្សែ ដោយមានប្រវែងជិត 0៧ គីឡូម៉ែត្រ និងបានដាក់បំពាក់អំពូលភ្លើង ២១៥ អំពូលអុជបំភ្លឺតាមបណ្តាដងផ្លូវជនបទស្ថិតក្នុង​ភូមិសាស្រ្តភូមិអូរតាឯក សមវ៉ និងប្របតាមប្រឡាយបេតុងអណ្តែត ផ្នោរព្រីង។ អំពូលភ្លើងនីមួយៗមានថាមពល ៦០W សរុបរួមថវិកាអនុវត្តសំណង់នេះជាង ៧៣០ លានដុង។ ចំពោះឃុំហ៊ីវទ្រុងក៏ចាប់ផ្តើមអនុវត្តទម្រង់នេះ នៅក្នុងឆ្នាំ ២០២០ ប្របតាមដងផ្លូវជនបទលេខ ២៥ ដោយបំពាក់អំពូលភ្លើង ៨៥ មានប្រវែង ២,៦ គីឡូម៉ែត្រ ដោយអស់ថវិកាជាង ២៨០ លានដុង។ ទម្រង់នេះបានអនុវត្តតាមគោលលំនាំ “រដ្ឋនិងប្រជាជនរួមគ្នាធ្វើ” ក្នុងនោះ ប្រជាជនរួមវិភាគទាន  ៥០%  ស្រុក ៥០%។

អំពូលភ្លើងប្របតាមប្រឡាយបេតុងអណ្តែត។ រូបថត៖ តូវៀង

អំពូលភ្លើងថាមពលព្រះអាទិត្យ គឺអំពូលភ្លើងប្រើដោយថាមពលពន្លឺព្រះអាទិត្យ ១០០% មានលទ្ធភាពផ្លាស់ប្តូរដោយពន្លឺឈ្លាសវៃស័្វយប្រវត្តិបំភ្លឺនៅពេលយប់ និងរលត់ដោយខ្លួនឯងនៅពេលថ្ងៃ។ ដើម្បីអនុវត្តបានកន្លែងអុជបំភ្លឺមួយ សម្ភារចាំបាច់រួមមាន៖ គ្រឹះបង្គោល និងបង្គោលបេតុងមានកម្ពស់ប្រមាណ ៦ ម៉ែត្រ សម្រាប់ផ្គុំដាក់បន្ទះស្រូបយកពន្លឺព្រះអាទិត្យ រួចបង្វែរពន្លឺនោះឲ្យក្លាយទៅជាអគ្គិសនីផ្ដល់ឱ្យអំពូលភ្លើង។ បន្ទះ(ឬក៏ហៅថាអាគុយថាមពល)។  អំពូលភ្លើងនីមួយៗបានបំពាក់ដោយថ្ម Lithium ប្រកបដោយគុណភាពយូរអង្វែង មានកម្លាំងផ្ទុកខ្ពស់ ឬអាគុយថាមពលដើម្បីរក្សាអគ្គិសនីផ្គត់ផ្គង់សម្រាប់ការអុជបំភ្លឺ។        បងត្រឹងវ៉ាំងកុង ប្រជាជននៅភូមិអូរតាឯក​បានឱ្យដឹងថា៖ ចាប់ពីពេលដងផ្លូវនេះបានផ្គុំដាក់ប្រព័ន្ធអំពូលភ្លើងថាមពលអគ្គិសនីសម្រាប់អុជបំភ្លឺនៅពេលយប់ បានរួមចំណែកក្នុងការរក្សាស្ថានភាពសន្តិសុខសណ្តាប់ធ្នាប់នៅមូលដ្ឋាន។ ប្រើប្រាស់ប្រព័ន្ធអំពូលភ្លើងនេះមិនព្រួយដល់ការឆេះផ្ទុះ មិនបារម្ភពីរឿងអគ្គិសនីប៉ះពាល់ខ្សែគ្នាបង្កគ្រោះថ្នាក់។ ចំណុចពិសេសនៃប្រភេទអំពូលភ្លើងនេះ គឺមិនបាច់តភ្ជាប់ជាមួយប្រព័ន្ធអគ្គិសនីជនបទ អំពូលភ្លើងភ្លឺរាល់យប់ ប្រជាជន​បានធ្វើដំណើរទៅមកសុវត្ថិភាព និងងាយស្រួល មិនបាច់វាល់ប្រាក់អគ្គិសនីរៀងរាល់ខែ។

អ្នកស្រីយឿងធីហា ប្រធានគណៈកម្មការប្រជាជនភូមិអូរតាឯកបានឱ្យដឹង៖ អំពូលភ្លើង ដងផ្លូវមានពន្លឺសមស្រប ងាយស្រួលសម្រាប់អ្នកចូលរួមចរាចរណ៍នៅពេលយប់ រួចបានប្រជាជនយល់ព្រមជ្រោមជ្រែងកសាង។ នៅពេលខាងមុខ គណៈកម្មការប្រជាជនភូមិនឹង រួម​ជាមួយឃុំភូកឹងបន្តចលនាប្រជាជនផ្គុំដាក់ បន្ថែមបណ្តាអំពូលភ្លើងអុជបំភ្លឺដោយថាមពលពន្លឺព្រះអាទិត្យជំនួសជាបណ្តើរៗអំពូលភ្លើងប្រើប្រាស់ដោយបណ្តាញអគ្គិសនីជាតិ។ អំពូលភ្លើងថាមពលព្រះអាទិត្យផ្គុំដាក់ម្តង រួចបានធានារយៈពេល ៣ ឆ្នាំ។

ទន្ទឹមជាមួយការអនុវត្តន៍អុជបំភ្លឺដោយថាមពលព្រះអាទិត្យនោះ បច្ចុប្បន្ន មានគ្រួសារជា​ច្រើនក៏បានជ្រើសរើសយកបណ្តាឧបករណ៍ប្រជុំជីវភាពដោយរបៀបប្រើប្រាស់ផលិតផលស្និទ្ធសា្នលជាមួយបរិស្ថាន។ ឆ្លងតាមរយៈនោះ ផ្គុំដាក់បន្ទះថ្មថាមពលព្រះអាទិត្យដើម្បីបម្រើឱ្យការប្រជុំជីវ​ភាព ឬក៏ផលិត ធ្វើអាជីវកម្មទៀតផង។ ជាតួយ៉ាងដូចជាបងង្វៀងថេវិញ នៅភូមិកំពង់លាវ ឃុំភូកឹងបានផ្គុំដាក់ប្រព័ន្ធនេះ ដោយតម្លៃ ១,២ ពាន់លានដុង និងក្រុមហ៊ុនអគ្គិសនីឧបត្ថម្ភ​នាឡិកាអគ្គិសនីដោយឥតគិត ថ្លៃដើម្បីដឹងបានចំនួនអគ្គិសនីសល់ ស្មើទៅក្នុងបណ្តាញអគ្គិសនីជនបទចំនួនអគ្គិសនីសល់នោះនឹងបានក្រុមហ៊ុនអគ្គិសនីទូទាត់​ប្រាក់ប្រចាំខែឲ្យគ្រួសារបងវិញ។

តាមប្រសាសន៍របស់លោកប៊ូយទ្រឿងអាង អនុប្រធានគណៈកម្មាធិការប្រជាជនឃុំភូ​កឹង៖ ការផ្គុំដាក់អំពូលភ្លើងអុជបំភ្លឺដោយថាមពលពន្លឺព្រះអាទិត្យបានប្រជាជនក្នុងឃុំ​យល់ព្រមជ្រោមជ្រែង។ អាស្រ័យហេតុនោះ ឃុំនឹងចង្អុលការដល់បណ្តាគណៈផ្នែក អង្គការមហាជនបន្តចលនាប្រជាជនរួមវិភាគទានថវិកាដាក់ផ្គុំបន្ថែមបណ្តាបង្គោលអំពូលភ្លើងថ្មីបន្ថែមទៀតលើបណ្តាដងផ្លូវកៅស៊ូដែលមានទទឹង ៣,៥ ម៉ែត្រស្ថិតនៅបណ្តាភូមិកញ្ចោងផ្សារ និងភូមិទួលពែងរួមចំណែកកសាងបណ្តាដងផ្លូវខ្នាតគំរូឆ្លើយតបលក្ខឋានភ្លឺ‑បៃតង‑ជ្រះ‑ស្អាត និងរួមចំណែកកសាងសម្រេចជោគជ័យជនបទថ្មីខ្នាតគំរូ៕

តូវៀង‑សុខា