ថវិកាជាង ១២ ពាន់លានដុងសម្រាប់អនុវត្តបណ្តាសកម្មភាពជំរុញឧស្សាហកម្ម

អាជីវកម្មប្រមូលទិញស្រូវប្រជាកសិករស្រុកកូវកែ។ រូបថត៖ ហឺវហ្វេ

ក្នុងនោះ ប្រភពថវិកាជំរុញឧស្សាហកម្មជាតិឧបត្ថម្ភជិត ០២ ពាន់លានដុង។ ចំនួនប្រាក់ក្រៅពីនោះដកពីប្រភពថវិកាជំរុញឧស្សាហកម្មរបស់មូលដ្ឋាន និងប្រភពបដិភាគរបស់បណ្តាឧស្សាហកម្ម ឧស្សាហសិប្បកម្ម និងសហករណ៍។ ជាក់ស្តែង៖ អនុវត្តសកម្មភាពជំរុញឧស្សាហកម្ម និងជំរុញពាណិជ្ជកម្មជាតិ។ មជ្ឈមណ្ឌលជំរុញឧស្សាហកម្ម ជំរុញពាណិជ្ជកម្មនិងអនុវត្តគម្រោងផែនការ “ឧបត្ថម្ភអនុវត្តម៉ាស៊ីនឧបករណ៍ទំនើបកិនស្រូវអង្ករនៅនឹងសហករណ៍កសិកម្មព្រែកលប-ឃុំតឹងហ៊ុង ស្រុកទីវកឹង” ជាមួយថវិកាជាង ៥៣០ លានដុង។ ចាត់តាំងផ្សារណាត់ពាណិជ្ជកម្មផលិតផលឧស្សាហកម្មជនបទ-OCOP ត្រាវិញឆ្នាំ ២០២២ ជាមួយថវិកាសរុបជាង ២,២ ពាន់លានដុង។ ទន្ទឹមនឹងនោះ ចាត់តាំងទីផ្សារមុខទំនិញវៀតចុះមកកាន់ជនបទបាន ០៤ លើក។ បើកវគ្គហ្វឹកហាត់លទ្ធភាពធ្វើអាជីវកម្ម និងគ្រប់គ្រងបញ្ជាការអាជីវកម្ម។ ទន្ទឹមនឹងនោះ អង្គភាពក៏អនុវត្តបណ្តាគម្រោងផែនការឧបត្ថម្ភកសាងទំព័រ website អនុវត្តពាណិជ្ជកម្មអេលិកត្រូនិច ឧបត្ថម្ភស្វែងរកប្រភពដើមចំពោះបណ្តាផលិតផលពិសេសរបស់ខេត្ត កសាងឧបករណ៍គ្រឿងទន់គ្រប់គ្រងអតិថិជនឧបត្ថម្ភអាជីវកម្មតូច និងល្មមពង្រីកការផលិតធ្វើអាជីវកម្ម។ល។ អនុវត្តសកម្មភាពជំរុញឧស្សាហកម្មនៅមូលដ្ឋាន មជ្ឈមណ្ឌលជំរុញឧស្សាហកម្ម និងជំរុញពាណិជ្ជកម្មមូលដ្ឋានកសិកម្មជនបទ ១១ កន្លែងនៅក្នុងខេត្តវិនិយោគអនុវត្តម៉ាស៊ីនឧបករណ៍ទំនើបលើវិស័យច្នៃផលិតកសិ-រុក្ខកម្ម-ជលផល និងច្នៃផលិតគ្រឿងបរិភោគ ជាមួយថវិកាសរុបជាង ៧,១ ពាន់លានដុង។ ក្នុងនោះ ថវិកាជំរុញឧស្សាហកម្មមូលដ្ឋានបានឧបត្ថម្ភជាង ១,៨ ពាន់លានដុង។មជ្ឈមណ្ឌលជំរុញឧស្សាហកម្ម ជំរុញពាណិជ្ជកម្មបើកថ្នាក់បង្រៀនវិជ្ជាជីវៈ ឧបត្ថម្ភពលករនៅនឹងមូលដ្ឋានផលិត ផលិតផលសិប្បកម្ម តម្បាញដោយហត្ថកម្ម។ ក្រៅពីនោះ អង្គភាពក៏ឧបត្ថម្ភបណ្តាមូលដ្ឋានឧស្សាហកម្មជនបទជួយពិគ្រោះ ឧបត្ថម្ភបង្កើតគម្រោងការវិនិយោគ marketing។ គ្រប់គ្រងហិរញ្ញវត្ថុ ដំឡើងប្លង់វេចខ្ចប់។ ចាត់តាំងទស្សនកិច្ចរៀនសូត្របទពិសោធន៍ ចងសម័្ពន្ធទីផ្សារលក់ផលិតផល។ លើកកម្ពស់លទ្ធភាពគ្រប់គ្រង បញ្ជាការអាជីវកម្ម លើកកម្ពស់ចំណេះដឹងផលិតផលជ្រះស្អាត។ល។ លោកហ្វិញង៉ុកស្វឹង នាយកមជ្ឈមណ្ឌលជំរុញឧស្សាហកម្ម និងជំរុញពាណិជ្ជកម្មខេត្តបានឲ្យដឹងថា បណ្តាសកម្មភាពជំរុញឧស្សាហកម្មបានជំរុញឲ្យបណ្តាមូលដ្ឋានឧស្សាហកម្មជនបទម្ចាស់ការវិនិយោគកែប្រែបច្ចេកវិទ្យា និងសន្សឹមៗផ្លាស់ប្តូរវិធីសាស្រ្តផលិត។ ឆ្នាំ ២០២១ ខេត្តបានឧបត្ថម្ភអនុវត្តម៉ាស៊ីន ឧបករណ៍ទំនើបឲ្យមូលដ្ឋានឧស្សាហកម្មក្នុងខេត្ត ០៧ កន្លែង។

ឆ្លងតាមរយៈនោះ ជួយឲ្យបណ្តាមូលដ្ឋានឧស្សាហកម្មជនបទបង្កើនសមត្ថភាពផលិត ធ្វើពាណិជ្ជកម្ម លើកកម្ពស់គុណភាពផលិត កាត់បន្ថយស្ថានភាពកខ្វក់បរិស្ថាន។ ផ្តើមពីនោះ លើកកម្ពស់សមត្ថភាពប្រជែង រួមចំណែកជំរុញការផ្លាស់ប្តូររចនាសេដ្ឋកិច្ចតាមទិសដៅឧស្សាហូបនីយកម្ម-ភាវូបនីយកម្មទំនើប ជួយដោះស្រាយការងារធ្វើ និងបង្កើនប្រភពចំណូលជូនពលករនៅមូលដ្ឋាន៕

ប្រែសម្រួល៖ តឹងង៉ុក