ចូវថាញ់ប្រសិទ្ធភាពនៃការងារម្ចាស់ការបង្ការ ជម្នះជំងឺឆ្លងរាលដាលនៅពេលផ្លាស់ប្តូររដូវ

គិតតាំងពីដើមឆ្នាំ ២0២២ មកដល់បច្ចុប្បន្ន ស្រុកចូវថាញ់កើតមានជំងឺអាត់ដៃ-ជើង‑មាត់ 0២ ករណី ជំងឺគ្រុនឈាមកើតមាន ១២ ករណី។ ក្រៅពីនោះ ជំងឺឆ្លងរាលដាលដូចជា៖ គ្រុនផ្តាសាយ A (H5N1, H1N1) ជំងឺរាកធ្ងន់ធ្ងរជាដើម មិនទាន់កើតមាន ។

វេជ្ជបណ្ឌិត ង្វៀងមិញហៀង ប្រធានការិយាល័យសុខាភិបាលស្រុកចូវថាញ់ មានប្រសាសន៍ថា៖ អាស្រ័យដោយម្ចាស់ការក្នុងការបង្ការជម្នះ ជំងឺឆ្លងច្រើនប្រភេទ និងអនុវត្តល្អការងារផ្សព្វផ្សាយ ម្ល៉ោះហើយ ប្រជាជនបានបង្កើនការយល់ដឹង  និងម្ចាស់ការក្នុងការងារបង្ការ ជម្នះជំងឺឆ្លង​នៅពេលប្តូររដូវ ប្រសិនបើមានកើតមានជំងឺណានីមួយ ប្រជាជនក៏​ទៅ​កាន់បណ្តាមូលដ្ឋានសុខាភិបាល ដើម្បី​ពិនិត្យព្យាបាលជាបន្ទាន់។ ដូច្នោះហើយ តាំងពីដើមឆ្នាំមកទល់ពេលនេះ ករណីជំងឺឆ្លងមានការថយចុះគួរឲ្យកត់សម្គាល់។ ដើម្បី​បន្តការ​អនុវត្តន៍បណ្តា​វិធានការ​បង្ការ និង​ទប់ស្កាត់​ជំងឺឆ្លង​នា​រដូវវិស្សមកាល ផ្នែក​សុខាភិបាល​ស្រុក​បន្ត​ផ្សព្វផ្សាយ​តាម​ប្រព័ន្ធដំណាក់ផ្សាយសំឡេង​នៅ​តាមឃុំ​ ទីប្រជុំជន​ ភ្ជាប់ជាមួយការផ្សព្វផ្សាយនៅពេលប្រជាជនមកពិនិត្យសុខភាព និងព្យាបាលជំងឺឲ្យប្រជាជនបង្កើនការយល់ដឹង​ដើម្បី​បង្ការ​ជំងឺ និងឧបត្ថម្ភបណ្តាឃុំ ទីប្រជុំជនកម្ចាត់សម្បុកមេរោគមិនឲ្យឆ្លងរាលដាលក្នុងសហគមន៍ ពិសេសជំងឺអាត់ដៃ‑ជើង‑មាត់ ជំងឺគ្រុនឈាមដែលមានកើតឡើង។

មីងស៊ើងធីថា ប្រជាជននៅភូមិថាញ់ម៉ី (បេ) ម្ចាស់ការទៅដំណាក់សុខាភិបាលពិនិត្យជំងឺទៀងទាត់។

មីងសឺនធីថា ប្រជាជននៅនៅភូមិ ថាញ់ម៉ី(បេ) ឃុំថាញ់ម៉ីសំណេះសំណាល៖ ខ្ញុំត្រេកអរណាស់ដោយបានកម្មាភិបាលសុខាភិបាលឃុំណែនាំអំពីរបៀបថែទាំសុខភាព  ជំនួយឲ្យខ្ញុំបង្កើនការយល់ដឹងអំពីជំងឺឆ្លងនៅពេលផ្លាស់ប្តូររដូវ ។ គ្រួសារ​ខ្ញុំ​មានចៅ ​២ ​នាក់ ដូច្នោះហើយ ខ្ញុំ​តែង​ធ្វើ​តាម​ការណែនាំរបស់កម្មាភិបាលសុខាភិបាល​ឃុំដូច​ជា៖ ​យកចៅ​ទៅចាក់វ៉ាក់សាំងបង្ការជំងឺ​គ្រប់​ប្រភេទ តាំងពីចៅទើបកើត ថែទាំ ងូតទឹកសម្អាតខ្លួនឲ្យចៅដោយទឹកក្តៅឧណ្ហៗជារឿយៗ ដើម្បីសម្លាប់មេរោគ លាងសម្អាតប្រដាប់ប្រដារបស់ចៅលេងឲ្យបានជ្រះ។ ឲ្យចៅហូបគ្រប់ជីវជាតិ ហូបអាហារសម្បូរវីតាមីន។ល។ ជាពិសេសខ្ញុំតែងអនុវត្តល្អអនាម័យគ្រឿងបរិភោគ ដើម្បីបង្ការជំងឺរាក ។

ឃុំថាញ់ម៉ី ស្រុកចូវថាញ់ ជាឃុំមួយដែលអនុវត្តល្អការបង្ការ ទប់ស្កាត់ជំងឺឆ្លងនៅពេលផ្លាស់ប្តូររដូវ។ គ្រូពេទ្យវិញមិញតឹម កម្មាភិបាលដំណាក់សុខាភិបាលឃុំបានឲ្យដឹងថា៖ ឃុំមានចំនួនមនុស្សរាយជាង ២.៣០០ នាក់។ តាំងពីដើមឆ្នាំមកដល់ពេលនេះ ពុំទាន់កើតមានជំងឺអាត់ដៃ‑ជើង‑មាត់ ជំងឺគ្រុនឈាមចំពោះកុមារ និងអ្នកមានវ័យចាស់ឡើយ សម្រេចបានលទ្ធផលនោះ អាស្រ័យដោយកន្លងហើយ ដំណាក់សុខាភិបាលឃុំសហការជាមួយសហការីសុខាភិបាលបណ្ដាភូមិផ្សព្វផ្សាយបណ្តាវិធានការដើម្បីប្រជាជនបង្កើនការយល់ដឹង ម្ចាស់ការបង្ការជំងឺដែលមាននិន្នាការកើតឡើង។

ប្រជាជនឃុំថាញ់ម៉ីទៅពិនិត្យជំងឺនៅដំណាក់សុខាភិបាលឃុំ។

 វេជ្ជបណ្ឌិត ង្វៀងមិញហៀង ប្រធានការិយាល័យសុខាភិបាលស្រុកចូវថាញ់ បានឲ្យដឹងបន្ថែម៖ ទោះបីជាកន្លងហើយ ករណីជំងឺឆ្លងមានការថយចុះគួរឱ្យកត់សម្គាល់បើប្រៀបនឹងដំណាក់ជាមួយគ្នានៃឆ្នាំកន្លងក៏ដោយ ប៉ុន្តែស្រុកមិនធ្វេសប្រហែស អត្តនោម័តឡើយ ពីព្រោះជំងឺអាចផុសឡើងនៅពេលណាយើងមិនអាចដឹងមុនបាន។  ការិយាល័យ​សុខាភិបាល​ ស្រុក​តែងចង្អុលការបណ្តាមូលដ្ឋានសុខាភិបាល  តាំងពី​ថ្នាក់ស្រុក​ដល់​មូលដ្ឋាន គប្បី​បន្តការ​ផ្សព្វផ្សាយ​ ដើម្បីប្រជាជនបង្កើនការ​យល់​ដឹងអំ​ពី​ជំងឺឆ្លង។ ពីព្រោះរដូវនេះ ភ្លៀងក្តៅមិនទៀងទាត់បណ្តាលឲ្យមេរោគជំងឺផ្តាសាយ គ្រុនផ្តា សាយ ជំងឺផ្លូវដង្ហើម កញ្ជ្រឹល ស្អូច រាក ជំងឺអាត់ដៃ-ជើង-មាត់ គ្រុនឈាមងាយកើតឡើងចំពោះកុមារ និងអ្នកមានវ័យចាស់។ ផ្នែកសុខាភិបាល ក្រើនរំលឹកប្រជាជនឲ្យខិតខំយកចិត្តទុកដាក់អនុវត្តវិធានការមួយចំនួនដូចជា៖ បាញ់ ថ្នាំសម្លាប់សត្វល្អិត ធានាការហូបចុកគ្រប់ជីវជាតិ សម្រានស្រួល អនាម័យបរិស្ថាន សម្អាតផ្ទះសម្បែង៕           

អត្ថបទ‑រូបថត៖ សុជា