ឃុំង្វៀកហ្វាម្ចាស់ការបង្ការប្រឆាំងឧក្រឹដ្ឋជន

ពិធីប្រជុំផ្សព្វផ្សាយផែនការអនុវត្តពេលខាងមុខ។ រូបថត៖  ស៊ើងម៉ាល័យ

ង្វៀកហ្វាជាឃុំមួយនៅជាយក្រុងត្រាវិញ  ចម្ងាយពីមជ្ឈមណ្ឌលស្រុកចូវថាញ់ ១៣ គីឡូម៉ែត្រ មានផ្លូវជាតិឆ្លងកាត់ប្រវែង ០៤ គីឡូម៉ែត្រ។ ទូទាំងឃុំមាន ០៦ ភូមិ មានប្រជាជន ១.៩៥៦ គ្រួសារ ដោយមានចំនួនមនុស្ស ៨.២៧៨ នាក់ ក្នុងនោះជនជាតិខ្មែរស្រូបយកអត្រាជាង ៣១% ។ ជីវភាពរបស់ប្រជាជននៅទីនេះនៅជួបការលំបាកជាច្រើន។ ជាមួយលក្ខណៈខាងលើនេះ ស្ថានភាពឧក្រឹដ្ឋជនពាក់ព័ន្ធដល់សន្ដិសុខសណ្ដាប់ធ្នាប់ដូចជា ជល់មាន់ លួចទ្រព្យសម្បត្ដិ ប្រើគ្រឿងញៀន លេងល្បែងស៊ីសង។ល។ នៅតែកើតឡើងស្មុគស្មាញ។ ដោយសារមានការខិតខំរបស់កងកម្លាំងនគរបាលឃុំ ការសហការរបស់សមាគម អង្គការមហាជន សមូហភាពនិងការសហការ ឧបត្ថម្ភចូលរួមរបស់ប្រជាជន ស្ថានភាពសន្ដិសុខសណ្ដាប់ធ្នាប់នៅឃុំង្វៀកហ្វាក៏បានធានា តាំងពីឆ្នាំ ២០១៨ មកទល់ពេលនេះ។

លោត្រាភឿងបិញ ប្រធាននគរបាលឃុំង្វៀកហ្វាបានឲ្យដឹងថា៖ “ជាភូមិសាស្រ្ដដែលនៅជាប់នឹងមូលដ្ឋានជាច្រើនដូចជា៖ សង្កាត់ទី ៨ សង្កាត់ទី ៧ និងទីក្រុងត្រាវិញ ម៉្លោះហើយស្ថានភាពសន្ដិសុខសណ្ដាប់ធ្នាប់កើតឡើងស្មុគស្មាញ អបាយមុខសង្គមកើតឡើងជាញឹកញាប់។ ដើម្បីអនុវត្តល្អការងាររក្សាសន្ដិសុខសណ្ដាប់ធ្នាប់លើភូមិសាស្រ្ដឃុំត្រូវមានការចូលរួមរបស់ប្រជាជនមូលដ្ឋាន។ ជាពិសេសគឺចាត់តាំងប្រជុំគួបផ្សំនឹងការប្រជុំជីវភាពរបស់សាខា ក្រុមសមាគមចុះទៅផ្ទាល់ដល់គ្រួសារនីមួយៗដើម្បីចលនា ផ្សព្វផ្សាយ សហការជាមួយសមាគមសហព័ន្ធន៍នារីឃុំបង្កើតក្លឹប”នារីគ្រប់គ្រងអប់រំញាតិសន្ដានមិនបំពានច្បាប់និងអបាយមុខសង្គម”។

បច្ចុប្បន្ននេះ លើភូមិសាស្រ្ដឃុំមានយុវជន ៥៣ រូបស្ថិតក្នុងក្របខ័ណ្ឌគ្រប់គ្រងរបស់នគរបាលឃុំ មានមុខសញ្ញាចំនួន ០៤ នាក់ត្រូវបានដោះលែងពីពន្ធនាគារ មុខសញ្ញាទាំងនេះត្រូវបានអញ្ជើញចូលរួមក្នុងការអប់រំជាប្រចាំ។ ទន្ទឹមនឹងនោះ ដោយសារមានការសហការផ្សព្វផ្សាយ អប់រំមុខសញ្ញាបំពានច្បាប់មួយចំនួន បច្ចុប្បន្ននេះបានកែប្រែ រៀបចំខ្លួនល្អ រកស៊ីសារជាថ្មីឡើងវិញ បច្ចុប្បន្នលើភូមិសាស្រ្ដឃុំមានមុខសញ្ញាចំនួន ០៤ នាក់បានដោះ លែងពីពន្ធនាគារបានឧបត្ថម្ភដើមទុនចូលរួមរស់ក្នុងសហគមន៍វិញ មុខសញ្ញាទាំង ០៤ នាក់នេះមានការងារធ្វើនិងមានប្រភពចំណូល លំនឹង គ្មាននៅផ្ដុំគ្នាលេងល្បែងស៊ីសង បំពានច្បាប់ទៀតឡើយ ។

លោកង្វៀងវ៉ាំងហ៊ុង នៅភូមិប្រាសាទ (អា) ឲ្យដឹងថា៖ “ពីពេលនគរបាលឃុំសហការជាមួយប្រជាជនមូលដ្ឋានបង្កើតក្លឹបព័ទ្ធចាប់និងទ្វារបង្ការប្រឆាំងឧក្រឹដ្ឋជន ខ្ញុំឃើញអបាយមុខសង្គមថយចុះយ៉ាងច្រើន គ្មានឃើញយុវជន មកប្រមូលផ្ដុំគ្នាដូចកាលមុនទៀត រួមចំណែកនាំមកជីវភាពសុខសាន្ដជូនប្រជាជន ខ្ញុំរីករាយណាស់៕       

សឺនម៉ាល័យ-លឺវវូ