គំរូឆ្នើមក្នុងជនរួមជាតិខ្នែរ

       សំណេះសំណាលជាមួយយើងខ្ញុំលោកមាថាច់ធើឲ្យដឹងថា៖គ្រួសារខ្ញុំមានកូន ០៤ នាក់ សព្វថ្ងៃសុទ្ធតែបានរៀនបញ្ចប់មហាវិទ្យាល័យរួចមានការងារធ្វើលំនឹង ប្ដីប្រពន្ធខ្ញុំសប្បាយចិត្តណាស់ ទោះបីគ្រួសារមិនសូវមានទ្រព្យសម្បត្តិក្ដី ប៉ុន្តែដើម្បីអនាគតរបស់កូនៗខ្ញុំខិតខំអស់ពិចិត្ត ។ សេដ្ឋកិច្ចរបស់គ្រួសារខ្ញុំសំខាន់គឺផលិតកសិកម្ម និងចិញ្ចឹមសត្វ ដូច្នោះហើយស្ថានភាពក៏ជួបការលំបាក កូនៗក៏មានចិត្តចង់បោះបង់ការរៀនសូត្រពាក់កណ្តាលការ ប៉ុន្តែខ្ញុំបានលើកទឹកចិត្តឲ្យកូនៗត្រូវតែខិតខំឈានឡើងក្នុងការរៀនសូត្រ មានកម្រិតវិជ្ជា ទើបកសាងខ្លួនបានល្អ អនាគតបានភ្លឺស្វាង។ ពេលមិនទៅសាលាកូនៗខ្ញុំតែងជួយកិច្ចការគ្រួសារ ពេលខ្លះពួកវាក៏ទៅធ្វើការស៊ីឈ្នួល ​ដើម្បីជួយសម្រាលការលំបាកមួយចំណែករបស់គ្រួសារ។ ដោយឃើញនូវការនឿយហត់របស់ឪពុកម្ដាយ ម៉្លោះហើយពួកវាក៏ខិតខំរៀនសូត្របានល្អដើម្បីមិនទុកឱ្យឪពុកម្ដាយខកចិត្តឡើយ។ ឃើញកូនៗព្យាយាមរៀនសូត្រដូច្នោះហើយ ប្ដីប្រពន្ធខ្ញុំសម្រេចចិត្តបុលទុនពីធនាគារគោលនយោបាយសង្គមដើម្បីវិនិយោគក្នុងការរកទទួលទានដោយពង្រីកហ្វូងគោមបន្ថែម និងផ្គត់ផ្គង់ជីវភាព និងការរៀនសូត្ររបស់កូន”។

លោកមាថាច់ធើទទួលលិខិតសរសើរគ្រួសាររៀនសូត្រ។

      សំណេះសំណាលជាមួយយើងខ្ញុំលោកមាថាច់តាញ់ នៅភូមិស្វាយពក ឃុំល៉ឺង៉ីបអាញ់ចែករំលែក៖ “ខ្ញុំជាអ្នកជិតខាងក៏ឃើញសប្បាយចិត្តដែរដោយឃើញក្មួយៗសុទ្ធតែចេះស្ដាប់បង្គាប់ ​មិនរអែងការនឿយហត់ឈានឡើងក្នុងការរៀនសូត្រ និងជីវភាព នៅមូលដ្ឋានមិនសូវមានគ្រួសារណាបានរៀនសូត្រចប់ថ្នាក់មហាវិទ្យាល័យដូច្នោះឡើយ។ នេះជាគំរូឆ្នើមមួយសម្រាប់គ្រួសារដទៃរៀនសូត្រតាម”។

      អ្នកស្រីថាច់ធីថាញ់ស្វឹង ប្រធានគណៈកម្មការប្រជាជនភូមិស្វាយពកឲ្យដឹងថា៖ “គ្រួសារលោកមាថាច់ធើ សក្តិសមជា “គ្រួសាររៀនសូត្រឆ្នើម”។ យល់ដឹងបានការរៀនសូត្រជាសារសំខាន់ បច្ចុប្បន្ននេះ មានគ្រួសារភាគច្រើនក្នុងភូមិបានចុះឈ្មោះចូលរួមក្នុងក្លឹប ”កសាងគ្រួសាររៀនសូត្រ ត្រកូលរៀនសូត្រ”  នៅពេលខាងមុខ ជាមួយនឹងតួនាទីជាប្រធានគណៈកម្មការប្រជាជនភូមិ ខ្ញុំនឹងចលនាបណ្ដាគ្រួសារដែលមានកូនបោះបង់ការរៀនសូត្រពាក់កណ្ដាលការឲ្យវិលមកសាលាវិញ ទន្ទឹមនឹងនោះបំផុសចលនាជំរុញការសិក្សាដល់គ្រប់គ្រួសារ នៅលើភូមិសាស្រ្ដ យកគំរូរបស់គ្រួសារលោកមាថាច់ធើអនុវត្តតាម។

      ភាពជាក់ស្ដែងឲ្យឃើញ មានគ្រួសាររៀនសូត្រល្អច្រើនអាចមានត្រកូលរៀនសូត្រល្អច្រើន ហេតុដូច្នោះដើម្បីចលនាជំរុញការសិក្សា ជំរុញបញ្ញាតែងទទួលបានការយកចិត្តទុកដាក់ ពង្រីក ជាមួយនឹងនោះគឺការដឹកនាំ ចង្អុលការយ៉ាងដិតដល់របស់គណៈកម្មាធិការបក្ស រដ្ឋអំណាចមូលដ្ឋានជាគោលដៅ គ្រឹះស្ថានរឹងមាំតែងតែបានគ្រប់គ្រួសារប្រជាជនអនុវត្តតាម។ សង្ឃឹមថា នៅពេលខាងមុខនេះ ផ្ដើមពីចលនាសង្វាតរៀនសូត្រមិនចំពោះតែគ្រួសារលោកមាថាច់ធើប៉ុណ្ណោះទេ ថែមទាំងរាលដាលយ៉ាងទូលំទូលាយលើភូមិសាស្រ្ដជាពិសេសគឺនៅបណ្ដាគ្រួសារជនរួមជាតិខ្មែរលើភូមិសាស្ត្រ ៕

អត្ថបទ-រូបថត៖លឺវវ៉ូ