គណៈកម្មាធិការរណសិរ្សមាតុភូមិវៀតណាមស្រុកទីវកឹងផ្សព្វផ្សាយអនុវត្តមានប្រសិទ្ធភាពកម្មវិធី ផែនការដែលបានដាក់ចេញ

            ក្នុងនោះ គួរចំណាប់អារម្មណ៍បំផុតគឺចាត់តាំងយកយោបល់អំពីការពេញចិត្តរបស់ប្រជាជនចំពោះលទ្ធផលកសាងឃុំជនបទថ្មីលើកកម្ពស់ ភូមិជនបទថ្មីគំរូឆ្នាំ ២០២២។ អនុវត្តសម្រេចបណ្តាកិច្ចការដែលពាក់ព័ន្ធដល់ការងារបោះឆ្នោតប្រធានគណៈកម្មការប្រជាជនភូមិ អនុសង្កាត់ អាណត្តិកាល ២០២២-២០២៥ គួបផ្សំជាមួយការបោះឆ្នោតសសមាជិកគណៈត្រួតពិនិត្យប្រជាជនឃុំ ទីប្រជុំជន។ ទន្ទឹមនឹងនោះសហការចាត់តាំងសម្រេចការងារក្នុងបណ្តាលើកសំណេះសំណាល រវាងគណៈប្រតិភូតំណាងរដ្ឋសភា (នីតិកាលទី ១៥) អង្គភាពខេត្តត្រាវិញ ក្រុមតំណាងក្រុមប្រឹក្សាប្រជាជនខេត្ត (នីតិកាលទី ១០) អង្គភាពស្រុកទីវកឹង តំណាងក្រុមប្រឹក្សាប្រជាជនស្រុក (នីតិកាលទី ១០) ជាមួយម្ចាស់ឆ្នោតនៅបណ្តាឃុំ ទីប្រជុំជនមុន និងក្រោយសម័យប្រជុំប្រចាំឆ្នាំ ២០២២។ សហការជំរុញមាំការងារផ្សព្វផ្សាយចូលរួមជ្រោមជ្រែងទិវាបរិស្ថានពិភពលោក ថ្ងៃទី ០៥ មិថុនា ឆ្នាំ ២០២២ ជាមួយបធានបទ “ផែនដីតែមួយ” និងបណ្តាចលនាកសាងជនបទថ្មី ទីក្រុងអារ្យធម៌ ភ្ជាប់ជាមួយការអនុវត្តន៍សារាចរលេខ ១៥ របស់គណៈអចិន្ត្រៃយ៍នៃគណៈកម្មាធិការបក្សខេត្ត “ស្តីពីការជុំរុញការងារគ្រប់គ្រងសណ្តាប់ធ្នាប់ក្នុងការកសាង និងអនាម័យបរិស្ថាននៅតាមក្រុង តំបន់ប្រជាជនស្នាក់នៅក្នុងសកម្មភាពផលិត ធ្វើអាជីវកម្ម សេវាកម្មលើភូមិសាស្រ្តខេត្តត្រាវិញ”។ល។

ជូនអំណោយដល់គ្រួសារក្រីក្រ។

            ទន្ទឹមនឹងនោះ រណសិរ្សមាតុភូមិ និងបណ្តាអង្គការចាត់តាំងជាសមាជិកនៅទាំងចលនាអង្គការចាត់តាំង បុគ្គលជាច្រើននៅក្នុង និងក្រៅស្រុកចូលរួមឧបត្ថម្ភអំណោយបាន ១៦.៤៩៦ ចំណែកជូនដល់គ្រួសារក្រីក្រ ជិតក្រ និស្សិតក្រីក្រសង្វាតរៀនសូត្រ រួមនឹងប្រភពកម្លាំងមួយចំនួនកសាងហេដ្ឋារចនាសម្ព័ន្ធជនបទ ជាមួយតម្លៃសរុបជាង ៥,៦ ពាន់លានដុង។ ចលនាឧបត្ថម្ភបណ្តាគ្រួសារដែលត្រូរងគ្រោះធម្មជាតិ អគ្គិភ័យ ខ្យល់កំបុតត្បូងនៅបណ្តាឃុំ ភូកឹង ហ៊ីវទឺ តឹងហ៊ុង ហ៊ុងហ្វា តឹងហ្វា ទីប្រជុំជនកូវក្វាង ជាមួយទឹកប្រាក់ជាង ៧៣ លានដុង។ ជ្រើសរើស ពិនិត្យឧបត្ថម្ភសាងសង់ផ្ទះមហាសាមគ្គី ០៨ ខ្នងជូនដល់គ្រួសារជួបការលំបាកអំពីលំនៅឋាន ជាមួយថវិកាជាង ២៨០ លានដុង។ សួរសុខទុក្ខគ្រួសារមានអ្នកស្លាប់ដោយសារអាសន្នរោគជំងឺកូវីដ-១៩ ចំនួន ៣៩ គ្រួ និងអ្នកជំងឺសម្រាកព្យាបាលនៅមន្ទីរពេទ្យ ៣៦ នាក់ ជាមួយថវិកាសរុបរួមជិត ៦០ លានដុង។ល។

            ឆ្លងតាមរយៈបណ្តាសកម្មភាពខាងលើ គណៈអចិន្ត្រៃយ៍នៃគណៈកម្មាធិការរណសិរ្សមាតុភូមិវៀតណាមស្រុកទីវកឹងបានស្នើគណៈកម្មាធិការមជ្ឈិមរណសិរ្សមាតុភូមិវៀតណាមស្ងើចសរសើរសមូហភាព ០១ កន្លែងបុគ្គល ០១ រូប ស្នើគណៈអចិន្ត្រៃយ៍នៃគណៈកម្មាធិការរណសិរ្សមាតុភូមិវៀតណាមខេត្តស្ងើចសរសើរសមូហភាព ០២ កន្លែងបុគ្គល ០២ រូប និងស្នើគណៈកម្មាធិកាប្រជាជនស្រុកស្ងើចសរសើរសមូហភាព និងបុគ្គលដែលមានស្នាដៃឆ្នើមក្នុងការងាររណសិរ្សនៅមូលដ្ឋាន៕

តូវៀង-តឹងង៉ុក