ក្លឹបផ្សព្វផ្សាយអប់រំណែនាំមុខសញ្ញាប្រព្រឹត្តអំពើល្អ

             អនុសេនីយ៍ឯក ត្រឹងខាយស្វឹង អនុប្រធាននគរបាលឃុំលឿងហ្វា(អា)បានឱ្យដឹងថា៖ ដោយបានការគាំទ្ររបស់ទូទាំងប្រជាជនក្នុងកិច្ចការការពារសន្តិសុខមាតុប្រទេស ម៉្លោះហើយជាច្រើន​ឆ្នាំ​កន្លង បណ្ដាភូមិលើភូមិសាស្រ្តឃុំសុទ្ធតែបានទទួលស្គាល់ជាភូមិ​សុវត្ថិភាពអំពីសន្តិសុខ​សណ្ដាប់ធ្នាប់ ជួយឱ្យមូលដ្ឋានអនុវត្តសម្រេចបណ្ដាលក្ខឋានជនបទថ្មី។ គួរពណ៌នាដល់ការគាំទ្ររបស់បណ្ដាវត្តខ្មែរនៅលើ​ភូមិសាស្រ្តឃុំ ពិសេសគឺសកម្មភាពរបស់ក្លឹប “ផ្សព្វផ្សាយអប់រំណែនាំមុខសញ្ញាប្រព្រឹត្តអំពើល្អ” នៅវត្តពោធិវង្សារាម(ចុងទ័ព) រួមចំណែកអប់រំមុខសញ្ញាជាច្រើនដែលមានបាតុភាពបំពានច្បាប់ មានការកែប្រែគំនិតប្រព្រឹត្តសប្បុរសធម៌ជាដើម។

ព្រះតេជគុណ ថាច់ហ៊ុង ស្រាវជា្រវឯកសារបម្រើឱ្យការផ្សព្វផ្សាយ។

            ក្លឹប “ផ្សព្វផ្សាយអប់រំណែនាំមុខសញ្ញាប្រព្រឹត្តអំពើល្អ” វត្តចុងទ័ព បានបង្កើត និងធ្វើសកម្មភាព​កាលពីឆ្នាំ ២០១២ ដោយមានសមាជិកជាង ១០ អង្គ-រូបចូលរួម អាស្រ័យដោយព្រះចៅអធិការ​ធ្វើជាអធិការក្លឹប។ ផ្នែកនគរបាលឃុំក៏សហការបានល្អជាមួយវត្ត ជាមួយក្លឹបធ្វើល្អការងារផ្សព្វផ្សាយ ក្នុងព្រះសង្ឃ ពុទ្ធបរិស័ទ ប្រជាជន។ ការផ្សព្វផ្សាយផ្ដោតទៅលើបណ្ដាខ្លឹមសារ​ដែលមហាជនយកចិត្តទុកដាក់ ក្នុងនោះមានសកម្មភាពរបស់បណ្ដាជនល្មើស បណ្ដាល្បិចកលសំដៅធ្វើឱ្យបែកបាក់សាមគ្គីរវាងបណ្ដាជនជាតិរបស់បណ្ដាអានុភាពជាអមិត្ត ល្បិចកលរបស់ជនបោកប្រាស់ដើម្បីជួយឱ្យប្រជាជនលើកកម្ពស់ស្មារតីប្រុងប្រយ័ត្នផង ថ្កោលទោសចំពោះទង្វើឆ្គាំឆ្គងរបស់មុខសញ្ញាមួយចំនួនបានកែប្រែគំនិតប្រព្រឹត្តអំពើល្អ។ ក្នុងការងារសហការ ផ្នែកនគរបាលឃុំក៏ឧបត្ថម្ភឯកសារសម្រាប់ក្លឹបដូចជា៖ទស្សនាវដ្ដី “ព័ត៌មានសន្តិសុខសណ្ដាប់ធ្នាប់នៅមូលដ្ឋាន” ជាព័ត៌មានមូលដ្ឋានយ៉ាងសំខាន់ៗ ជួយឱ្យបណ្ដាសមាជិកក្នុងក្លឹបក្ដាប់ និងធ្វើការផ្សព្វផ្សាយ​ដល់ជនរួមជាតិខ្មែរបានល្អប្រសើរជាង។ ដោយអាស្រ័យរក្សាសកម្មភាពបានល្អ ជារៀងរាល់ឆ្នាំ ក្លឹបតែងបានគណៈនាយកនគរបាលខេត្តជូនលិខិតសរសើរ។ ឆ្នាំ ២០១៨ សមូហភាពក្លឹប បានគណៈកម្មាធិការប្រជាជនខេត្តជូនលិខិតសរសើរអំពីស្នាដៃឆ្នើមក្នុងច​លនាទូទាំងប្រជាជនចូលរួមការពារសន្តិសុខមាតុប្រទេស។

            វត្តចុងទ័ព មានគ្រួសារពុទ្ធបរិស័ទចំណុះជើងវត្តជាង ១.០០០ គ្រួ។ ក្នុងបណ្ដាថ្ងៃឧបោសថសីល ថ្ងៃបុណ្យទាន ពុទ្ធបរិស័ទអញ្ជើញមកវត្តច្រើនបង្គួរ។ អាស្រ័យហេតុនោះ“ផ្សព្វផ្សាយអប់រំណែនាំមុខសញ្ញាប្រព្រឹត្តអំពើល្អ” នៅវត្តពោធិវង្សារាម(ចុងទ័ព)  ជួយឱ្យជនរួមជាតិខ្មែរកាន់តែខិតជិតនឹងព័ត៌មានសំខាន់ៗពីក្លឹប ជនរួមជាតិខ្មែរមិនត្រឹមតែមានស្មារតីយល់ដឹងក្នុងការបំបាត់បណ្ដាគ្រោះអបាយមុខសង្គម រក្សាលំនឹងសន្តិសុខនយោបាយ សណ្ដាប់ធ្នាប់សុវត្ថិភាពសង្គមប៉ុណ្ណោះឡើយ នៅទាំងរួម​ចំណែកឆាប់នាំយកសារាចរ សេចក្ដីសម្រេចចិត្តរបស់បក្សចូលទៅក្នុងជនរួមជាតិខ្មែរនៅទី​នោះទៀតផង។

            ព្រះតេជគុណ ថាច់ហ៊ុង ព្រះចៅអធិការ-អធិការក្លឹប “ផ្សព្វផ្សាយអប់រំណែនាំមុខសញ្ញាប្រព្រឹត្តអំពើល្អ” នៅវត្តពោធិវង្សារាម(ចុងទ័ព) មានថេរដីកាឱ្យដឹងថា៖ ការងារផ្សព្វផ្សាយ​មានតួនាទីយ៉ាងសំខាន់ ក្នុងបណ្ដាថ្ងៃឧបោសថសីលប្រចាំខែពុទ្ធបរិស័ទអញ្ជើញមក​វត្តប្រតិបត្តិកិច្ចការជំនឿ ពុទ្ធសាសនាក៏ច្រើន ងាយស្រួលដល់ការផ្សព្វផ្សាយ ម៉្លោះហើយពេលបានមូលដ្ឋានបំផុសចលនាបង្កើតក្លឹប អាត្មាពិគ្រោះយោបល់ជាមួយគណៈអារាមាភិបាលបានឯកភាពបង្កើតឡើង និង ផ្ដើមធ្វើសកម្មភាពមកដល់ពេលនេះ ញ៉ាំងឱ្យពុទ្ធបរិស័ទកាន់តែលើកកម្ពស់បន្ទុក​របស់ខ្លួនក្នុងការអប់រំកូនចៅដើម្បីកុំឱ្យបំពានច្បាប់។ ជនរួមជាតិខ្មែរបើសិនឃើញ​បណ្ដាករណីដែលមានអំពើប្រព្រឹត្តបំពាន ធ្វើឱ្យឥទ្ធិពលដល់សណ្ដាប់ធ្នាប់របស់មូលដ្ឋាននោះ រួមគ្នាផ្ដល់ដំណឹងដល់ផ្នែកមានសមត្ថកិច្ចធ្វើការដោះស្រាយ។ ផ្ដើមពីនោះសណ្ដាប់ធ្នាប់ក្នុងជីវភាពរបស់ជនរួមជាតិខ្មែរលើភូមិសាស្រ្តតែងបានរក្សាល្អ ចំនួនករណីបំពានច្បាប់ថយចុះគួរឱ្យពណ៌នា។

            មិនត្រឹមតែទទួលបានការស្ងើចសរសើរអំពីស្នាដៃចំពោះសមូហភាពឡើយ ទាំងព្រះតេជគុណថាច់ហ៊ុង ជាអធិការក្លឹបផ្ទាល់ ដោយមានការជ្រោមជ្រែង  និងអនុវត្តល្អបណ្ដាចលនា ម៉្លោះហើយក្នុងដំណាក់កាល ២០១៣-២០១៨ ព្រះតេជគុណ អធិការក្លឹបបានគណៈកម្មាធិការប្រជាជនខេត្តប្រគេនបណ្ណសរសើរជាមួយស្នាព្រះហស្ដអនុវត្តល្អចលនា “ទូទាំងប្រជាជនសាមគ្គីកសាងជីវភាពរស់នៅវប្បធម៌ រស់នៅល្អទាំងសាសនា ថ្លៃថ្លាទាំងសង្គម”៕    ​​​​

អត្ថបទ‑រូបថត៖ ថាច់សម្បត្តិ