អាងក្វាងហ៊ឺវខិតខំកសាងឃុំជនបទថ្មី

ផ្លូវលំលេខ ២៧ ជ្រះ ស្រស់ស្អាតនិងគេហដ្ឋានថ្មីៗនៅឃុំអាងក្វាងហឺវ។ រូបថត៖ ង៉ុកស្វង
     ដើម្បីកេណ្ឌប្រមូលប្រភពកម្លាំងរបស់ទូទាំង ប្រព័ន្ធនយោបាយ និងប្រជាជនក្នុងការរួមដៃកសាងជនបទថ្មី គណៈចង្អុលការបណ្ដាកម្មវិធីគោលដៅជាតិ និងចលនា “ទូទាំងប្រជាជនសាមគ្គីកសាងជីវភាពវប្បធម៌” ឃុំអាងក្វាងហ៊ឺវ ផ្ដុំកម្លាំងជំរុញមាំ ការផ្សព្វផ្សាយ ចលនាស៊ីជម្រៅក្នុងទូទាំងបក្ខភាគ និងប្រជាជននៅលើភូមិសាស្រ្តឃុំដោយរូបភាព ជាក់ស្ដែងជាច្រើន រួមចំណែកបង្កើនការយល់ដឹងក្នុងការជ្រោមជ្រែងចូលរួមកសាងជនបទថ្មី។
     តាមប្រសាសន៍របស់លោកគឹមសៀន ប្រធាន គណៈកម្មាធិការប្រជាជនឃុំអាងក្វាងហ៊ឺវ ចំពោះ ០៥ លក្ខឋានដែលមិនទាន់សម្រេច ឃុំបានដាក់ចេញវិធីសាស្រ្តនីមួយៗជាក់ស្ដែង។ ក្នុងនោះ សហការជាមួយការិយាល័យ និងបណ្ដុះបណ្ដាល ស្រុកវិនិយោគបង្កើនកម្រិតមូលដ្ឋានសម្ភារជូន បណ្ដាសាលារៀនដើម្បីសម្រេចលក្ខឋានអំពីសាលារៀនតាមកំណត់។ អំពីលក្ខឋានបរិស្ថាន ឃុំបានផ្សព្វផ្សាយដល់បណ្ដាអង្គការមហាជន គណៈកម្មការប្រជាជន បណ្ដាភូមិអនុវត្តផែនការកសាងបណ្ដាដងផ្លូវផ្កា បណ្ដាស្ថាប័នសាលា រៀនលើភូមិសាស្រ្តឃុំចុះឈ្មោះធានាអនាម័យ បរិស្ថាន ស្ថាប័នស្រស់-ជ្រះ-ស្អាត។ ទន្ទឹមនឹងនោះ ផ្សព្វផ្សាយស៊ីជម្រៅក្នុងប្រជាជនអនុវត្តការអនាម័យទិដ្ឋភាពបរិស្ថាន បណ្ដាមូលដ្ឋានផលិត ធ្វើអាជីវកម្មអាហារអនុវត្តតាមបណ្ដាសេចក្ដីកំណត់ ធានាសុវត្ថិភាពអាហារ ។ល។ ដោយឡែកលក្ខឋានស្ដីពីប្រព័ន្ធនយោបាយ និងប្រសព្វច្បាប់ ឃុំសហការជាមួយការិយាល័យយុត្តិធម៌ស្រុក មជ្ឈមណ្ឌលឧបត្ថម្ភច្បាប់ស្រុក (ស្ថិតក្រោមមន្ទីរយុត្តិ ធម៌) និងបណ្ដាផ្នែកអង្គការមហាជនឃុំចាត់តាំងល្អ អំពីការផ្សព្វផ្សាយច្បាប់ជូនប្រជាជន កសាងបណ្ដាសារលិខិតដើម្បីសម្រេចតាមសំណូមពរឃុំប្រសព្វច្បាប់។
​​​ជាពិសេស លំនៅឋាន និងប្រភពចំណូលជាបណ្ដាលក្ខឋានបានថ្នាក់ដឹកនាំមូលដ្ឋានយកចិត្តទុកដាក់បំផុត។ ឆ្លងតាមការសហការជាមួយការិយាល័យសេដ្ឋកិច្ច-ហេដ្ឋារចនាសម្ព័ន្ធស្រុកអនុវត្តការពិនិត្យអង្កេត បច្ចុប្បន្នទូទាំងឃុំនៅមាន ផ្ទះ ៥២/៣.១១៦ ខ្នងមិនទាន់សម្រេចសម្បទា ក្នុងនោះ មាន ៣៤ គ្រួសារមានលក្ខណៈនឹងសាងសង់ផ្ទះក្នុងឆ្នាំ ២០២១ នេះ ១៨ គ្រួសារស្ថិតក្នុងក្របខ័ណ្ឌគ្រួសារក្រីក្រ ជិតក្រ។ ឆ្លងតាមរយៈនោះ រដ្ឋអំណាចមូលដ្ឋានស្វែងរកប្រភពឧបត្ថម្ភជាច្រើន និងចលនាគ្រួសារឲ្យបុលទុនបដិភាគដើម្បីសាងសង់ផ្ទះឲ្យបានរឹងមាំតាមសម្បទាកំណត់។
     ប៉ុន្មានឆ្នាំជិតនេះ ការផ្លាស់ប្ដូររចនាសម្ព័ន្ធផលិត របស់ឃុំអាងក្វាងហ៊ឺវសម្រេចបានលទ្ធផលគួរឲ្យកត់សម្គាល់។ ប្រជាជនបានផ្លាស់ប្ដូរពូជដំណាំសត្វចិញ្ចឹមសម្រេចទិន្នផល គុណភាពខ្ពស់។ ក្នុងនោះ បង្វែរពីដីដាំអំពៅផលិតស្រូវមិនសូវមាន ផលមកដាំដូង និងដំណាំ (ម្ទេស ពោតសណ្ដែក គ្រប់ប្រភេទ) ដាំស្មៅចិញ្ចឹមគោ (១២៣ ហិកតា)។ គិតមកទល់ពេលនេះ ទូទាំងឃុំមានចម្ការដូង ៣៤០ ហិកតា គោ ២.៩៣៤ ក្បាល និងដំណាំ សត្វចិញ្ចឹមផ្សេងៗ ជាច្រើនទៀត បង្កប្រភពចំណូលលំនឹងឲ្យប្រជាជននៅមូលដ្ឋាន។ លោកគឹម សៀនឲ្យដឹងថា៖ សេដ្ឋកិច្ចមូលដ្ឋានសន្សឹមៗ រីក​ចម្រើនលំនឹង។ ថ្វីត្បិតដូច្នោះក្ដី ដើម្បីប្រភពចំ ណូលជាមធ្យមរបស់មនុស្សម្នាក់ ក្នុងមួយឆ្នាំ សម្រេចបាន ៥១ លានដុង ធានាតាមលក្ខឋាន ស្ដីពីប្រភពចំណូលក្នុងការកសាងជនបទថ្មីនោះ ជាការសាកល្បងដ៏ធំមួយចំពោះមូលដ្ឋានអាស្រ័យ ដោយកត្តាជះឥទ្ធិពលយ៉ាងច្រើន។ ព្រោះបច្ចុប្បន្ន នេះ ជំងឺកូវីដ-១៩ ប្រែប្រួលស្មុគស្មាញ តម្លៃកសិផលជាច្រើនចុះថោក។ ម្យ៉ាងទៀត ចំនួនប្រជាជនក្នុងឃុំទៅធ្វើការនៅតាមបណ្ដាក្រុមហ៊ុន អាជីវកម្មត្រូវសម្រាកការងារញុាំងឲ្យជះឥទ្ធិពល ដល់ប្រភពចំណូល ជីវភាពសេដ្ឋកិច្ច-សង្គមនៅ មូលដ្ឋាន។ អាស្រ័យហេតុនោះ ដើម្បីសម្រេចលក្ខឋានអំពីប្រភពចំណូល ឃុំអាងក្វាងហ៊ឺវគប្បី ខិតខំជាងទៀតក្នុងការកំណត់ទិសដៅពង្រីកសេដ្ឋ កិច្ច។
     ភូមិង៉ាបាជាភូមិមួយក្នុងបណ្ដាភូមិលំបាករបស់ឃុំ។ ដើម្បីបង្កើនប្រភពចំណូលជូនប្រជាជន រួមចំណែកអនុវត្តមានប្រសិទ្ធភាពការងារកាត់បន្ថយ ភាពក្រីក្រ សាខាបក្សភូមិ បានអនុវត្តការផ្សព្វផ្សាយ ចលនាប្រជាជនដោយច្រើន រូបភាពឲ្យខិតខំពង្រីកសេដ្ឋកិច្ច។ ភូមិបង្កើតក្រុម “ស្វ័យគ្រប់គ្រងកាត់បន្ថយភាពក្រីក្រ” ហើយទទួលបានការឧបត្ថម្ភពីបណ្ដាថ្នាក់ បណ្ដាកម្មវិធីគម្រោងការ ឧបត្ថម្ភពង្រីកការផលិត ចិញ្ចឹមគោ មាន់ទា។ល។ ផ្ដើមពីនោះ ប្រភពចំណូលជីវភាពរបស់ប្រជាជន បានកែលម្អ។ លោកលឺវថាញ់សាង លេខាសាខាបក្សភូមិង៉ាបាបានឲ្យដឹង៖ លទ្ធផលត្រួតពិនិត្យឡើងវិញ​ គ្រួសារក្រីក្រឆ្នាំ ២០២០ ភូមិនៅមានគ្រួសារក្រីក្រចំនួន ១២ គ្រួ ស្មើ ៣,៩៤% ថយចុះ ២៨,៩៧% ប្រៀបជាមួយឆ្នាំ ២០១៧ និងនៅ មានគ្រួសារជិតក្រ ១១ គ្រួ ស្មើ ៣,៦១%។ ឆ្នាំ ២០២១ ដើម្បីរួមដៃជាមួយបក្ខភាគឃុំកសាងសម្រេចឃុំជនបទថ្មី សាខាបក្ស គណៈកម្មការប្រ ជាជនភូមិបន្តចលនាប្រជាជនឲ្យពង្រីកការផលិត  បង្កើនប្រភពចំណូល កាត់បន្ថយគ្រួសារក្រីក្រ កសាងភូមិវប្បធម៌-ជនបទថ្មី និងគ្រួសារវប្បធម៌- ជនបទថ្មី។
     បានដឹងថា នៅលើភូមិសាស្រ្តឃុំមានគ្រួសារ ៣.១៣១ គ្រួសម្រេចលក្ខឋានគ្រួសារវប្បធម៌-ជនបទថ្មី (សម្រេច ៩៦,៥៤%) ភូមិទាំង ១០/១០ សម្រេចកិត្តិនាមភូមិវប្បធម៌-ជនបទថ្មី (សម្រេច ១០០%) ឃុំសម្រេច ២១/២១ លក្ខឋានឃុំវប្បធម៌-ជនបទថ្មី បានការិយាល័យវប្បធម៌-ព័ត៌មាន ស្រុកពិនិត្យ រួចចេញសេចក្ដីសម្រេចចិត្តទទួលស្គាល់។ អះអាងប្ដេជ្ញាចិត្តកសាងសម្រេចឃុំជនបទថ្មី លោកញ៉ាងរ៉ានី លេខាគណៈកម្មាធិការបក្សឃុំអាងក្វាងហឺុវបានឲ្យដឹងថា នៅក្នុងរយៈពេល ០៦ ខែចុងឆ្នាំ ២០២១ ឃុំ នឹងផ្ដុំកម្លាំងអនុវត្ត សម្រេចបណ្ដាលក្ខឋានដែលមិនទាន់សម្រេចបំផុត គឺលក្ខឋានស្ដីពីលំនៅឋាន និងប្រភពចំ ណូល រួចដាក់ចេញវិធីសាស្រ្តជាច្រើនទៀតដើម្បី រួមចំណែកពង្រីកសេដ្ឋកិច្ច លើកស្ទួយជីវភាព ប្រជាជន៕     

          ប្រែសម្រួល៖ ថាច់ហ្វាង