ទីវកឹង៖ ថ្នាក់ដឹកនាំស្រុកអញ្ជើញទៅពិនិត្យអង្កេតវាលស្រែ

ថ្នាក់ដឹកនាំស្រុកចុះត្រួតពិនិត្យវាលស្រែភូមិកូវត្រែ។ រូបថត៖ ថាញ់ក្វាង

          លោកត្រឹងវ៉ាំងក្វឹង ប្រធានការិយាល័យកសិកម្មនិងអភិវឌ្ឍន៍ជនបទស្រុកទីវកឹងបានឲ្យដឹង៖ គិតមកទល់បច្ចុប្បន្ននេះ មាមីងប្រជាកសិករនៅលើភូមិសាស្រ្តស្រុកបានចុះពូជសម្រេចស្រូវរដូវសម្រកឆ្នាំ ២០២០-២០២១ ជាង ១០.៧៧៧ ហិកតា សម្រេច ១០៨,៧% ប្រៀបនឹងផែនការ (តាមផែនការ ៩.៩១៧ ហិកតា)។ បច្ចុប្បន្ន ស្រូវរដូវសម្រកកំពុងស្ថិតក្នុងដំណាក់កាលល្បាច់និងលូតលាស់ល្អ។ ក្នុងរដូវនេះ ភាគច្រើន​មាមីងប្រើពូជស្រូវបានបញ្ជាក់ មានគុណភាពខ្ពស់ អាចធន់បាននឹងភាពរាំងស្ងួត ជាតិប្រៃដូចជា៖ OM ១៨, OM ៥៤៥១, OM ៤៩០០។ល។ ពិនិត្យរួមមិនសូវមានដង្កូវក្រាបំផ្លាញហើយកម្រិតជាតិប្រៃក៏ទាប គ្មានជះឥទ្ធិពល ដល់ការផលិតរបស់ប្រជាកសិករឡើយ។

         ស្ថិតលើមូលដ្ឋាននោះ ថ្នាក់ដឹកនាំគណៈកម្មាធិការបក្សស្រុក គណៈកម្មាធិការប្រជាជនស្រុកទីវកឹវ ដំណើរការពិនិត្យអង្កេតជាក់ស្តែនៅតាមងវាល​ស្រែដើម្បីត្រួតពិនិត្យស្ថានភាពដង្កូវក្រាបំផ្លាញស្រូវ​ វាស់កម្រិតប្រៃ កម្រិត PH នៅតំបន់វាលស្រែធំនៃបណ្ដាភូមិ៖ កូវត្រែ ដាយទ្រឿង ឃុំភូកឹង ភូមិឌិញភូតឹង ភូមិទ្រិញភូ ឃុំឡុងថើយ។ ត្រួតពិនិត្យបណ្តាដងប្រឡាយ លូទឹកដើមទងនាំទឹកមកបញ្ចូលស្រែបម្រើដល់ការផលិតកសិកម្ម និង​ចិញ្ចឹមជលផលរបស់ប្រជាជន​។

          សមមិត្ត ង្វៀងវ៉ាំងភឿង សំណូមពរឲ្យការិយាល័យកសិកម្មនិងអភិវឌ្ឍន៍ជនបទប្រគល់ការងារឲ្យកម្មាភិបាលជំនាញប្រចាំការ ទន្ទឹមនឹងនោះ សហការជាមួយបណ្តាឃុំ ទីប្រជុំជនចាត់តាំងត្រួតពិនិត្យ ឆាប់រកឃើញជំងឺមួយចំនួនដូចជា៖ ក្រាប្រផេះ ជំងឺឆេះស្លឹក ស្អុយឫស គ្រាប់ស្កក និងខ្យងហោងលឿង កណ្តុរកាត់ ជួយឲ្យ​មាមីងកសិករផលិតសម្រេចជោគជ័យនៅរដូវសម្រកឆ្នាំ ២០២០-២០២១ នេះ​តាមផែនការដាក់ចេញ៕              

ថាញ់ក្វាង-ថាច់ហៀង