ទីវកឹង៖ប្រជាជនពេញចិត្តអំពីឃុំភូកឹងសម្រេចលក្ខឋានជនបទថ្មីលើកកម្ពស់ឆ្នាំ ២០២០

គណៈកម្មាធិការរណសិរ្សមាតុភូមិវៀតណាមស្រុកនិងឃុំយកយោបល់ប្រជាជន។

      លោកង្វៀងហុងកៀងអនុប្រធានប្រចាំការនៃគណៈកម្មាធិការរណសិរ្សមាតុភូមិវៀតណាមស្រុកទីវកឹងបានឲ្យដឹង៖ ការយកយោបល់អំពីការពេញចិត្តរបស់ប្រជាជនឃុំភូកឹងបានអនុវត្តនៅ ១.៩០៩/៣.១២៤ គ្រួសារនៅលើភូមិសាស្ត្រឃុំ (ស្រូបយកអត្រា ៦១% បើប្រៀបនិងចំនួនគ្រួសាររួម)។ ប័ណ្ណយកយោបល់រួមបំពេញមាន ១១ ខ្លឹមសារស្តីពី ២០ លក្ខឋានកសាងជនបទថ្មីលើកកម្ពស់​ និងបណ្តាបញ្ហាដែលទាក់ទងផ្ទាល់ដល់សិទ្ធិនិងផលប្រយោជន៍ត្រឹមត្រូវរបស់ប្រជាជន។ លទ្ធផលមានប្រជាជន ១០០% ចូលរួមគូសសញ្ញាឆ្លើយបណ្តាសំណួរ ក្នុង នោះមាន ១.៧៩៦ យោបល់ (តំណាងឲ្យ គ្រួសារ) ស្តែងឡើងអំពីការពេញចិត្ត (សម្រេច ៩៥,០៥%) និង ១១៣ គ្រួសារមិនទាន់ពេញចិត្តអំពីលទ្ធផលកសាងឃុំភូកឹងសម្រេចលក្ខឋានជនបទថ្មីលើកកម្ពស់ (ស្រូបយកអត្រា ៥,៩២%)។ បណ្តាយោបល់មិនទាន់ពេញចិត្តប្រមូលផ្តុំច្រើនបំផុតក្នុងជំពួកបណ្តាលក្ខឋានអំពីប្រភពចំណូលមធ្យមក្នុងមនុស្សម្នាក់នៅទាប ពិនិត្យព្យាបាលដោយគាំពារសុខាភិបាលមិនទាន់បានល្អ អនាម័យបរិស្ថានក្នុងការផលិតចិញ្ចឹមសត្វមិនទាន់បានធានា។

      ទន្ទឹមនឹងបណ្តាយោបល់តាមសន្លឹកឆ្នោត,​ ប្រជាជនឃុំភូកឹងនៅទាំងបានបំពេញយោបល់ផ្ទាល់ជាមួយបណ្តាថ្នាក់ ផ្នែកមូលដ្ឋាន បណ្តាបញ្ហាដូចជាដងផ្លូវបេតុងមិនទាន់បានបើកទូលាយ,​ទម្រង់វាលស្រែគំរូធំ ទម្រង់ផលិតតាមកន្សោមតម្លៃ​ និងចាត់តាំងចងសម្ព័ន្ធពីការផលិតដល់ច្រកចេញរបស់ផលិតផលសម្រេចបានលទ្ធផលមិនទាន់បានខ្ពស់សហករណ៍កសិកម្មមិនទាន់រឹងមាំក្នុងការចងសម្ព័ន្ធច្រកចេញ-ចូលសម្រាប់ផលិតផលរបស់កសិករ,​ ចំណេះដឹងអំពីការពារបរិស្ថានរបស់ប្រជាជនមួយចំនួនមិនទាន់ខ្ពស់,​ ស្ថានភាពបំពានច្បាប់, គ្រោះអបាយមុខសង្គមក្នុងយុវវ័យនៅមានកើតឡើង គប្បីត្រូវបានយកចិត្តទុកដាក់ច្រើនជាងទៀត៕

តូវៀង-សុខា