ស្រុកថ្កូវ៖ អនុវត្តល្អការងារសាងសង់លំនៅឋានជូនអ្នកមានសគុណ

គេហដ្ឋានយាយយ៉េបធីក្វិន​ ទើបកសាងថ្មី ។

     បច្ចុប្បន្នស្រុកថ្កូវមានអ្នកមានសគុណចំពោះបដិវត្តន៍ ១០.៩៨៣ នាក់ (ជនជាតិខ្មែរជិត ៦៣%)។ ក្នុងនោះមានអ្នកម្ដាយវៀតណាមវីរភាព ២២០ នាក់ (នៅមានជីវិត ០៨ នាក់) ។ យុទ្ធជនពិការ -ជំងឺ ៥៤៩ នាក់ (នៅមានជីវិត ២៩៤ នាក់)។ យុទ្ធជនពលីនិងមុខសញ្ញាផ្សេងៗទៀត ១.៦៨៤ នាក់ ។ គិតដោយឡែកពីដើមឆ្នាំ ២០២១ មក ទល់ពេលនេះ ស្រុក ចលនា សាងសង់ផ្ទះឧបការ គុណបាន ៣០ ខ្នងជូនគ្រួសារអ្នកមានសគុណ សរុបទឹកប្រាក់ ១,៥ ពាន់លានដុង។ តាមលទ្ធផល ត្រួតពិនិត្យរបស់ការិយាល័យពលកម្ម យុទ្ធជនពិការនិងសង្គមកិច្ចស្រុក បច្ចុប្បន្នស្រុកថ្កូវមាន គ្រួសារអ្នកមានសគុណ ២៧២ គ្រួ កំពុងជួបប្រទះការលំបាកពីលំនៅឋាន។ ក្នុងនោះត្រូវការ សាងសង់ថ្មី ៨៤ ខ្នងនិងជួសជុល ១៨៨  ខ្នង។
     រួមជាមួយការផ្សព្វផ្សាយអនុវត្តល្អគោលនយោបាយអាទិភាពរបស់បក្ស និងរដ្ឋចំពោះអ្នកមានសគុណ ស្រុកចលនាកម្មាភិបាល បុគ្គលិក និយោជិតបណ្តាអង្គការចាត់តាំង អាជីវកម្មនិងប្រជា​ជនចូលរួមវិភាគទានយ៉ាងសកម្មក្នុងចលនា " តប ស្នងសងគុណ " ដើម្បីរួមចំណែកក្នុងការគិតគូរឧបត្ថម្ភទាំងសម្ភារនិងស្មារតីចំពោះអ្នកមានសគុណ ជាពិសេសឧបត្ថមុ្ភគ្រួសារអ្នកមានសគុណ ដែល កំពុងជួបការលំបាកអំពីលំនៅឋាន។
     ទទួលស្វាគមន៍យើងខ្ញុំក្នុងផ្ទះឧបការគុណ ដែលទើបសាងសង់រួចស្រេចលោកយាយយ៉េបធីក្វិន កើតឆ្នាំ ១៩៤២ (ជនជាតិខ្មែរ នៅភូមិញ៉ែ ទឺ (បេ) ឃុំហាមយ៉ាង) ឲ្យដឹងដោយរីករាយថា៖ ជាច្រើនឆ្នាំកន្លងខ្ញុំតែងបានរដ្ឋអំណាចមូលដ្ឋាន យកចិត្តទុកដាក់ឧបត្ថម្ភ។ ឆ្នាំនេះ ខ្ញុំបានរដ្ឋឧបត្ថម្ភ និងកូនៗខ្ញុំឧបត្ថម្ភសាងសង់បានផ្ទះឧបការគុណ ០១ ខ្នង យ៉ាងសមរម្យដូច្នេះ។  ខ្ញុំត្រេកអរ និង​សុភមង្គលយ៉ាងខ្លាំងណាស់ "។
     ក្នុងសម័យតស៊ូប្រឆាំងចក្រពត្តិអាមេរិកសង្គ្រោះ មាតុភូមិ យាយយ៉េបធីក្វិន បានរួមចំណែកយ៉ាង សកម្មក្នុងការចិញ្ចឹម លាក់បំពួនកម្មាភិបាលយុទ្ធជន និងចូលរួមបណ្តាចលនាបដិវត្តន៍នៅមូលដ្ឋាន។ ដោយមានការរួមចំណែកនោះ លោកយាយ បានប្រធានរដ្ឋជូនមេដាយតស៊ូប្រឆាំងចក្រ ពត្តិអាមេរិកចំណាត់ថ្នាក់លេខ ១ កាលពីឆ្នាំ ២០០៦។ គាត់ទទួលបានរបបឧបត្ថម្ភ ០១ លើកតាមកំណត់។ លោកយាយមានកូនទាំងអស់ ០៩ នាក់ បច្ចុប្បន្នគាត់រស់នៅជាមួយកូនប្រុសពៅ ប៉ុន្តែជីវភាពជួបប្រទះការលំបាកច្រើន ដោយឃើញស្ថានភាពគ្រួសារលោកយាយកំពុងជួបលំបាកពីលំនៅឋានដូច្នោះ រដ្ឋអំណាចមូលដ្ឋានបានស្នើ ដល់គណៈកម្មាធិការប្រជាជនស្រុកឧបត្ថម្ភសាងសង់លំនៅឋានថ្មីជាមួយតម្លៃជិត ១៧០ លានដុង។ ក្នុងនោះស្រុកចលនាធនាគារពាណិជ្ជកម្មភាគហ៊ុនឧស្សាហពាណិជ្ជកម្មវៀតណាមឧបត្ថម្ភ ៥០ លានដុង ក្រៅពីនោះកូនៗគាត់ឧបត្ថម្ភ ។
     លោកង្វៀងយ៉េវគី អនុប្រធានការិយាល័យ ពលកម្មយុទ្ធជនពិការនិងសង្គមកិច្ចស្រុកថ្កូវមានប្រសាសន៍ថា៖ "ទន្ទឹមនឹងការឧបត្ថម្ភលំនៅឋាន ស្រុកនៅទាំងចង្អុលការបណ្តាស្ថាប័ន អង្គការមហាជន អង្គភាពចាត់តាំងបណ្តាសកម្មភាពទៅ សួរសុខទុក្ខ ជូនទេយ្យវត្ថុដល់អ្នកមានសគុណចំ ពោះបដិវត្តន៍ក្នុងឱកាសបុណ្យទានម្តងៗដូចជា៖ ទិវាបុណ្យជាតិ បុណ្យតេត បុណ្យចូលឆ្នាំថ្មីប្រពៃ ណីខ្មែរ ទិវាយុទ្ធជនពលី-ពិការ ក៏ដូចក្នុងពេលដែលពួកគាត់ឈឺថ្កាត់ម្តងៗ មានអាសន្នអន្ធក្រ ដោយចៃដន្យ។ល។ ក្រៅពីនោះ ស្រុកបានចាត់ឲ្យការិយាល័យស្ថិតក្រោមឱវាទ បណ្តាផ្នែក អង្គការមហាជនស្រុក  ៤៨ កន្លែងទទួលឧបត្ថម្ភចំពោះ អ្នកម្តាយវៀតណាមវីរភាព ០៧ នាក់អស់មួយជីវិត។ គ្រួសារអ្នកមានសគុណ ០៣ គ្រួ ដែលមាន ស្ថានភាពគ្រួសារលំបាក ឧបត្ថម្ភប្រាក់ពី ២៥០ -៥០០ ពាន់ដុង ក្នុងមួយអង្គភាព ចំពោះអ្នកមាន សគុណម្នាក់ ។
     ដោយបានការចូលរួមយ៉ាងសកម្មពីសំណាក់ បណ្តាផ្នែក អង្គការមហាជននិងប្រជាជន បានរួមចំណែកជាមួយបក្ខភាគ រដ្ឋអំណាចស្រុកថ្កូវលុបបំបាត់អស់គ្រួសារអ្នកមានសគុណក្រីក្រ ១០០% កាលពីឆ្នាំ ២០១៩ រួមចំណែកក្នុងការគិតគូរ ឧបត្ថម្ភជីវភាពគ្រួសារអ្នកមានសគុណឲ្យមានកម្រិតរស់នៅស្មើនិងខ្ពស់ជាងជីវភាពប្រជាជនស្នាក់នៅក្នុងតំបន់ ។ ក្នុងពេលខាងមុខនេះ ស្រុក នឹងបន្តជំរុញមាំការងារផ្សព្វផ្សាយ អប់រំយុវជនជំនាន់ក្រោយឲ្យដឹងគុណនិងមោទនភាពចំពោះ ប្រវេណី តស៊ូដ៏អង់អាចក្លាហានរបស់វីរជនគ្រប់ ជំនាន់ដែលបានពលីជីវិតដើម្បីបុព្វហេតុរំដោះ ជាតិ ឯកភាពមាតុភូមិ៕ 
                                                                                                        អត្ថបទ-រូបថត៖  សុជា