សមាគមព្រះសង្ឃសាមគ្គីសេ្នហាជាតិខេត្ដ៖ បង្កើនការបង្ការ ទប់ស្កាត់អាសន្នរោគជំងឺកូវីដ-១៩ ដើម្បីធានាសុវត្ថិភាព នាមណ្ឌលប្រឡង

                                        គណៈមេប្រយោគអនុវត្តល្អការពាក់របាំងមុខក្នុងពេលបំពេញភារកិច្ច​។

                                   កម្មាភិបាលសុខាភិបាលនិងសម្ព័ន្ធយុវជនចូលរួមប្រគេននិងជូនរបាំងមុខ
  ស្ទង់កាយឧណ្ហធាតុព្រះសង្ឃនិងអ្នកចូលរួមមណ្ឌលប្រឡង​។

                                                    បេក្ខសិស្សថ្នាក់ពុទ្ធិកមធ្យមសិក្សាទុតិយភូមិកំពុងប្រឡង ។

  កម្មាភិបាលផ្នែកសុវត្ថិភាពគ្រឿងបរិភោគនៃមជ្ឈមណ្ឌលសុខាភិបាល
 ទីក្រុងត្រាវិញកំពុងយកគំរូគ្រឿងបរិភោគរក្សាទុកតាមច្បាប់​​​ ។

     ក្នុងរយៈពេលពីរថ្ងៃទី ២៣- ២៤ មករាសមាគមព្រះសង្ឃសាមគ្គីសេ្នហាជាតិខេត្ដ បានចាត់តាំងសម័យប្រឡងនិងជូនសញ្ញាប័ត្រថ្នាក់ពុទ្ធិកមធ្យមសិក្សាបឋមភូមិទុតិយភូមិឆ្នាំសិក្សា ២០២០-២០២១ នៅវត្តសិលាទ្រ (ថ្មទល់) សង្កាត់ទី ៩ ទីក្រុងត្រាវិញ ដោយមានគណៈមេប្រយោគ អនុរក្សនិងបេក្ខសិស្សជិត ៧២០ អង្គនិងរូបចូលរួម។ ដើម្បីបង្ការទប់ស្កាត់អាសន្នរោគជំងឺកូវីដ ១៩ ធានាសុវត្ថិភាពនៅមណ្ឌលប្រឡង សមាគមព្រះសង្ឃសាមគ្គីសេ្នហាជាតិខេត្ដ សហការជាមួយមជ្ឈមណ្ឌលសុខាភិបាលទីក្រុងត្រាវិញ ចាត់ឲ្យបុគ្គលិកសុខាភិបាលស្ទង់កាយឧណ្ហធាតុចង្អុលការឲ្យពាក់របាំងមុខទាំងអស់គ្នា និងលាងដៃជាមួយទឹកអាកុលរម្ងាប់មេរោគ។ ត្រួតពិនិត្យដើម្បីសុវត្ថិភាពគ្រឿងបរិភោគ យករក្សាគំរូគ្រឿងឧបភោគបរិភោគ។ល។ ទន្ទឹមនឹងនោះ នៅទាំងចាត់ឲ្យកម្មាភិបាលសុខាភិបាល វេជ្ជបណ្ឌិតប្រចាំការ ២៤/២៤ ម៉ោង ដើម្បីពិនិត្យសុខភាព និងជូនថ្នាំដោយឥតគិតថ្លៃនៅមណ្ឌលប្រឡងតាមសារលិខិតលេខ ៣៧-CV/TU ចុះថ្ងៃ ទី ០៧ មករា ឆ្នាំ ២០២១ របស់គណៈកម្មាធិការបក្សខេត្តត្រាវិញស្តីពីបង្ការ ទប់ស្កាត់អាសន្នរោគកូវីដ-១៩ ៕ 

* បេក្ខសិស្សជាង ៩៨% ប្រឡងជាប់ថ្នាក់ពុទ្ធិកមធ្យមសិក្សាបឋមភូមិ ទុតិយភូមិ

                                           បេក្ខសិស្សថ្នាក់ពុទ្ធិកមធ្យមសិក្សាបឋមភូមិទទួលសញ្ញាប័ត្រ ។

     កាលពីថ្ងៃទី ២៣ -២៤ មករា សមាគមព្រះសង្ឃសាមគ្គីសេ្នហាជាតិខេត្ដ ចាត់តាំងសម័យប្រឡង និងជូនសញ្ញាប័ត្រថ្នាក់ពុទ្ធិកមធ្យមសិក្សាបឋមភូមិទុតិយភូមិនៅវត្តសិលាទ្រ (ថ្មទល់) សង្កាត់លេខ ៩ ទីក្រុងត្រាវិញ ដោយមានបេក្ខសិស្ស ៤៥៩ អង្គនិងរូបប្រឡងជាប់ស្រូបយកអត្រាជាង ៩៨%។ ក្នុងនោះ ថ្នាក់ពុទ្ធិកមធ្យមសិក្សាបឋមភូមិមានបេក្ខសិស្ស ៣៣៤ អង្គនិងរូបប្រឡងជាប់ស្រូបយកអត្រា ៩៧%។ ថ្នាក់ពុទ្ធិកមធ្យមសិក្សាទុតិយភូមិមានបេក្ខសិស្ស ១២៥ អង្គនិងរូបប្រឡងជាប់ស្រូបយកអត្រា ១០០%។
     ថ្នាក់ពុទ្ធិកមធ្យមសិក្សាបឋមភូមិ( ឆ្នាំទី ៤) បេក្ខសិស្សប្រឡង ១២ វិញ្ញាសា។សមណសិស្ស ថាច់ចៀ គង់នៅវត្តផ្នោរដូង ឃុំដាយអាង ស្រុកថ្កូវ សិក្សាវត្តសិលាទ្រ (ថ្មទល់) ទទួលជ័យលាភីលេខ ១ (ពិន្ទុរួម ១០០,៣ ពិន្ទុ )។ សមណសិស្ស ង៉ូមិញលឹង គង់នៅវត្តផ្នោរពោន ឃុំវិញតឹង ស្រុកវិញចូវ ខេត្តសុកត្រាំង សិក្សាវត្តស្វាយសៀមថ្មី ឃុំង៉ាយស្វៀង ស្រុកថ្កូវ ទទួលជ័យលាភីលេខ ២ (ពិន្ទុរួម ៩៧,៧៥ ពិន្ទុ )។ សមណសិស្ស ថាច់សុផាន គង់នៅវត្តអំពាំងសាន្ត ឃុំទ្រឿងទ័រ ស្រុកកូវង៉ាង សិក្សាវត្តកងចក្ការាម (ធ្លក) ឃុំហ៊ីបហ្វា ស្រុកកូវង៉ាង ទទួលជ័យលាភីលេខ ៣ (ពិន្ទុរួម ៩៧,២៥ )។
      ចំពោះថ្នាក់ពុទ្ធិកមធ្យមសិក្សាទុតិយភូមិបេក្ខសិស្សប្រឡង ១០ វិញ្ញាសា ។ សមណសិស្ស ថាច់ចម្ប៉ា គង់នៅវត្តពោធិវង្សទ្រង់លក្ខណ៍ផ្នោរប្រសព្វកំណប់កោះកែវ (កោះស្វាយ) ឃុំទ្រឿងទ័រ ស្រុកកូវង៉ាង សិក្សានៅវត្តពោធិសាលរាជ (កំពង់)  ទទួលជ័យលាភីលេខ ១ (ពិន្ទុរួម ៨២,២៥ ពិន្ទុ )។  សមណសិស្ស ថាច់សុខា គង់នៅវត្តខ្នាចទទឹង ឃុំង៉ូវឡាក ស្រុកយ្វៀងហាយ សិក្សានៅវត្តពោធិសាលរាជ (កំពង់) សង្កាត់លេខ ០១ ទី ក្រុងត្រាវិញ ទទួលជ័យលាភីលេខ ២ (ពិន្ទុរួម  ៨១,៥ ពិន្ទុ )។ សមណសិស្សថាច់ច័ន្ទមុនី គង់នៅវត្តចម្បីសោភ័ណ (ត្រោកកើត) ឃុំដាឡុក ស្រុកចូវថាញ់ សិក្សានៅវត្តសំរោងឯក សង្កាត់លេខ ៨ ទីក្រុងត្រាវិញ ទទួលជ័យលាភីលេខ ៣ (ពិន្ទុរួម ៨០ ពិន្ទុ )៕

ដំណឹង-រូបថត៖ សុជា