សន្និបាតផ្សព្វផ្សាយការងារត្រៀមបម្រុងមហាសន្និបាតសមាគមកសិករគ្រប់លំដាប់ថ្នាក់ អាណត្តិកាល ២០២៣ ២០២៨

            ចូលរួមក្នុងមហាសន្និបាតនៅមានមណ្ឌលផ្សាយបន្ត ២៥៥ កន្លែង​​ (ខេត្ត ស្រុក ទីផ្សាររួមខេត្ត ទីក្រុង) ក្នុងទូទាំងប្រទេស ដោយមានតំណាងប្រមាណ ៨.០០០ នាក់។ នៅមណ្ឌលខេត្តត្រាវិញ សមមិត្ត ង្វៀងវ៉ាំងយ៉ុង - សមាជិកគណៈប្រតិបត្តិការបក្ខភាគខេត្ត ប្រធានសមាគមកសិករខេត្ត ប្រធានសមាគមកសិករបណ្តាស្រុក ទីផ្សាររួមខេត្ត ទីក្រុងចូលរួម។

បណ្តាតំណាងចូលរួមសន្និបាត។ រូបថត៖ ហ៊ឺវហ្វេ

            សមមិត្ត ផាមតៀងណាមបានសង្កត់ធ្ងន់ថា៖ ក្នុងឆ្នាំ ២០២៣ នឹងប្រព្រឹត្តឡើងមហាសន្និបាតសមាគមកសិករគ្រប់លំដាបថ្នាក់ និងមហាសន្និបាតសមាគមកសិករវៀតណាមទូទាំងប្រទេសលើកទី ៨ អាណត្តិកាល ២០២៣-២០២៨ នេះជាព្រឹត្តិការណ៍នយោបាយមានតួនាទីសំខាន់របស់វណ្ណៈកសិករ​ និងអង្គការចាត់តាំងសមាគមកសិករវៀតណាម។

            ក្នុងមហានសន្និបាតសមាគមកសិករគ្រប់លំដាប់ថ្នាក់អាណត្តិកាល ២០២៣-២០២៨ សមាគមកសិករវៀតណាមសំណូមពរផ្សព្វផ្សាយ និងអនុវត្តខ្លឹមសារមួយចំនួនដែលពាក់ព័ន្ធដូចជា៖ ការកសាងឯកសារ​ គោលដៅ ភារកិច្ច ដំណោះស្រាយ ស្តីពីការងារសមាគម និងចលនាកសិករក្នុងអាណត្តិកាលខាងមុខនេះ។ ពិភាក្សាយោបល់ រួមមតិក្នុងឯកសារថ្នាក់លើ។ អំពីរចនាសម្ព័ន្ធ ធានាអត្រានារីចូលរួមក្នុងសមាជិកគណៈប្រតិបត្តិការ សមាជិកគណៈអចិន្ត្រៃយ៍ ក្នុងនោះថ្នាក់ខេត្ត ​២៥% ថ្នាក់ស្រុក ទីផ្សាររួមខេត្ត ទីក្រុង និងមូលដ្ឋាន ២០% ឡើងទៅ។ ខិតខំ ក្នុងសមាជិកគណៈអចិន្ត្រៃយ៍សមាគមកសិករបណ្តាខេត្ត ទីក្រុងត្រូវមានកម្មាភិបាលជានារី។ ចំពោះតំបន់ជនរួមជាតិភាគតិច និងតំបន់ជនរួមជាតិកាន់សាសនា គប្បីមានសមាជិកគណៈប្រតិបត្តិការជនរួមជាតិភាគតិច អ្នកកាន់សាសនា សមស្របជាមួយចំណុចពិសេសរបស់ភូមិភាគនីមួយៗ។ ជាពិសេស ចំពោះតួលេខសមាជិកគណៈប្រតិបត្តិការ ក្នុងអាណត្តិកាល ២០២៣ - ២០២៨ កាត់បន្ថយតិចបំផុត ០៥ នាក់ ប្រៀបជាមួយអាណត្តិកាល ២០១៨ -២០២៣ (ថ្នាក់មូលដ្ឋានមានសមាជិកប្រតិបត្តិការមិនច្រើនជាង ១៧ នាក់ ថ្នាក់ស្រុកមិនច្រើនជាង ៣៣ នាក់ ថ្នាក់ខេត្តមិនច្រើនជាង ៤៣​​ នាក់)។

            អំពីចំនួនបទបែងដែលចូលរួមក្នុងមហាសន្និបាត ថ្នាក់មូលដ្ឋានមានសមាជិកតិចជាង ២.០០០​ ​នាក់ ប្រមូលតំណាងចូលរួមមហាសន្និបាតមិនច្រើនជាង​ ១០០​ នាក់។​ សមាគមដែលមានសមាជិកពី ២.០០០​ នាក់ឡើងទៅ ប្រមូលតំណាងចូលរួមមិនច្រើនជាង ១២០ នាក់។​​ ថ្នាក់ស្រុក ទីផ្សាររួមខេត្ត ទីក្រុងដែលមានមូលដ្ឋានសមាគមតិចជាង​ ១៥​ កន្លែង ប្រមូលតំណាងចូលរួមមិនច្រើនជាង​ ១៥០​ នាក់ ពី ១៥​​ មូលដ្ឋានឡើងទៅប្រមូលតំណាងមិនច្រើនជាង ២០០​ នាក់។ ថ្នាក់ខេត្តប្រមូលតំណាងមិនច្រើនជាង ៣០០​ នាក់។

            មហាសន្និបាតតំណាងសមាគមកសិករនៅមូលដ្ឋានអនុវត្តសម្រេចក្នុងត្រីមាសទី ១ ឆ្នាំ ២០២៣ ថ្នាក់ស្រុកអនុវត្តសម្រេចក្នុងត្រីមាសទី ២ ឆ្នាំ ២០២៣ ថ្នាក់ខេត្តអនុវត្តសម្រេចក្នុងត្រីមាសទី ៣ ឆ្នាំ ២០២៣។ មហាសន្និបាតតំណាងសមាគមកសិករវៀតណាមទូទាំងប្រទេសលើកទី ៨ នឹងបានចាត់តាំងក្នុងត្រីមាសទី ៤ ឆ្នាំ ២០២៣៕

ប្រែសម្រួល៖ សុខា