សន្និបាតប្តូរវេនរវាងអចិន្ត្រៃយ៍បណ្តាគណៈកម្មការក្រុមប្រឹក្សាប្រជាជនខេត្តជាមួយនឹងបណ្តាស្រុកលើកទី ៤

អចិន្រ្តៃយ៍បណ្តាគណៈក្រុមប្រឹក្សាប្រជាជនខេត្តថតរូបជាមួយអចិន្រ្តៃយ៍ក្រុមប្រឹក្សាប្រជាជនបណ្តាស្រុក ទីផ្សាររួមខេត្ត ទីក្រុង។ រូបថត៖​ ស៊ើងត្វៀង

     បណ្តាសមមិត្ត៖ យឿងធីង៉ុកធើ សមាជិកាអចិន្ត្រៃយ៍បក្សខេត្ត អនុប្រធានក្រុម​ប្រឹក្សាប្រ​ជាជនខេត្ត គាងក្វឹង សមាជិកគណៈប្រតិបត្តិការបក្សខេត្ត អនុប្រធានក្រុមប្រឹក្សា​ប្រជា​ជនខេត្ត ង្វៀងហ្វាងខាយ សមាជិកគណៈប្រតិបត្តិការបក្សខេត្ត លេខាបក្សស្រុកកូវកែ​សហអធិបតីសន្និបាត។ អញ្ជើញចូលរួមមានបណ្តាតំណាងថ្នាក់ដឹកនាំអចិន្ត្រៃយ៍នៃគណៈកម្មាធិការរណសិរ្សមាតុភូមិវៀតណាមខេត្ត ប្រធាន អនុប្រធានគណៈកម្មការក្រុមប្រឹក្សាប្រជាជនខេត្ត ប្រធាន អនុប្រធាន ថ្នាក់ដឹកនាំបណ្តាគណៈកម្មការក្រុមប្រឹក្សាប្រជាជនបណ្តាស្រុក ទីផ្សាររួម​ខេត្ត ទីក្រុង។  

     ថ្លែងយោបល់បើកសន្និបាត សមមិត្តយឿងធីង៉ុកធើ បានសង្កត់ធ្ងន់ថា៖ គិតតាំងពីដើម​អាណត្តិកាលមកដល់សព្វថ្ងៃនេះ ការចាត់តាំងសម័យប្រជុំក្រុមប្រឹក្សាប្រជាជន​គ្រប់លំ​ដាប់​ថ្នាក់​នៅលើភូមិសាស្ត្រខេត្តសម្រេចបានលទ្ធផលសកម្មជាច្រើន ឆ្លងតាមរយៈ​សម័យ​ប្រជុំ តំណាងក្រុមប្រឹក្សាប្រជាជនអនុវត្តការពិនិត្យ វាយតម្លៃការងារដឹកនាំ បញ្ជា​ការ​ពង្រីកសេដ្ឋកិច្ច-សង្គម បណ្តាវិស័យថវិកា វិនិយោគសាធារណៈ ការអនុវត្តន៍​ច្បាប់​វិជ្ជមាននៅនឹងមូលដ្ឋាន អនុវត្តការត្រួតពិនិត្យ ឃ្លាំមើលដោយឆ្លងតាមការពិនិត្យ​បណ្តា​សេចក្តីរបាយការណ៍ និងសិទ្ធិចោទសូរ បំភ្លឺនូវបណ្តាបញ្ហាតប់ប្រមល់របស់ម្ចាស់ឆ្នោត អនុម័តឆ្លងបណ្តាសេចក្តីសម្រេចចិត្តក្រុមប្រឹក្សាប្រជាជន ស្តីពីបណ្តាបញ្ហាសំខាន់ៗ​របស់​មូលដ្ឋាន។ ទន្ទឹមនឹងនោះ សម័យប្រជុំក៏ជាវេទិកាដើម្បីទុកឱ្យម្ចាស់ឆ្នោតមាន​លក្ខណៈ​តាមដាន ត្រួតពិនិត្យឃ្លាំមើលសកម្មភាពរបស់ក្រុមប្រឹក្សាប្រជាជន តំណាងក្រុមប្រឹក្សាប្រ​ជាជន គណៈកម្មាធិការប្រជាជន ស្តាប់គណៈកម្មាធិការប្រជាជន បណ្តាផ្នែកឆ្លើយ​បកស្រាយបណ្តាយោបល់សំណើស្នើរបស់មាមីងម្ចាស់ឆ្នោត ឆ្លើយបកស្រាយការ​ចោទ​សួរ។ ថ្វីត្បិតដូច្នោះ ផ្តើមពីការជាក់ស្តែងរបស់សកម្មភាពការងារចាត់តាំងសម័យប្រជុំ​ក្រុម​ប្រឹក្សា​ប្រជាជនគ្រប់លំដាប់ថ្នាក់កន្លងហើយក៏មានការលំបាក អន់ខ្សោយដូចជា៖ ឯក​សារ​មួយចំនួនជម្រាបជូនសម័យប្រជុំក្រុមប្រឹក្សាប្រជាជនមិនទាន់ធានាបានគុណភាព តំណាងចូលរួមពិភាក្សានៅតិច ការចោទសួរមានពេលខ្លះមិនទាន់សម្រេចបាន​ប្រសិទ្ធ​ភាព យោបល់សំណើរបស់ម្ចាស់ឆ្នោតបានដោះស្រាយយឹតយ៉ាវ ការចេញផ្សាយសេចក្តី​សម្រេចចិត្តជួនពេលនៅមានការកង្វះខាត។

     ជាមួយនឹងគោលលំនាំ “ វិធានការលើកកម្ពស់គុណភាពសម័យប្រជុំក្រុមប្រឹក្សាប្រជាជនគ្រប់លំដាប់ថ្នាក់នៅលើភូមិសាស្ត្រខេត្ត” សន្និបាតដើម្បីផ្តោះប្តូរយោបល់ ចែករំលែកបទ​ពិសោធន៍ធ្វើសកម្មភាពជាក់ស្តែងក្នុងការងារចាត់តាំងសម័យប្រជុំក្រុមប្រឹក្សាប្រជាជន។ ឆ្លងតាមរយៈនោះកំណត់ត្រា ពង្រីកបណ្តាលទ្ធផលដែលសម្រេចបាន បកស្រាយបំភ្លឺ​នូវបណ្តាការលំបាក អន់ខ្សោយ ផ្តើមពីនោះដាក់ចេញវិធានការជម្នះដើម្បីលើកកម្ពស់​ជាងទៀតគុណភាពសម័យប្រជុំក្រុមប្រឹក្សាប្រជាជនគ្រប់លំដាប់ថ្នាក់នៅលើភូមិសាស្ត្រខេត្ត។ ទន្ទឹមនឹងនោះ បង្កើនភាពទំនាក់ទំនងសហការធ្វើសកម្មភាព បង្កភាពជិតដិត​រវាងអចិន្ត្រៃយ៍ បណ្តាគណៈកម្មការក្រុមប្រឹក្សាប្រជាជនខេត្តជាមួយនឹងអចិន្ត្រៃយ៍ បណ្តា​​គណៈកម្មការក្រុមប្រឹក្សាប្រជាជនស្រុក ទីផ្សាររួមខេត្ត ទីក្រុង និងអចិន្ត្រៃយ៍​ក្រុម​ប្រឹក្សា​ប្រជាជនថ្នាក់ឃុំមួយចំនួនលើភូមិសាស្ត្រខេត្ត។   

     ស្ថិតក្នុងសន្និបាតនេះ តំណាងទាំងឡាយបានចែករំលែកបទពិសោធន៍ វិធានការជាច្រើន​ស្តីពីជុំវិញបណ្តាខ្លឹមសារដូចជា៖ លើកកម្ពស់គុណភាពបញ្ជាការសម័យប្រជុំក្រុមប្រឹក្សា​ប្រជាជនថ្នាក់ស្រុក ការងារត្រៀមបម្រុងឱ្យសម័យប្រជុំ បញ្ជាការសម័យប្រជុំ ពិភាក្សា ប្រឹក្សាយោបល់ ចោទសួរ ពិនិត្យបបញ្ជាក់ និងចេញផ្សាយសេចក្តី​សម្រេចចិត្ត​ក្រុម​ប្រឹក្សាប្រជាជន។ល។  ក្រៅពីនោះ បណ្តាតំណាងនៅទាំងបកស្រាយបំភ្លឺនូវបណ្តា​ការលំ​បាក ភាពងាយស្រួល សំណើស្នើបញ្ហាជាច្រើនទាក់ទិនដល់ការងារចាត់តាំងសម័យប្រ​ជុំ​ក្រុមប្រឹក្សាប្រជាជន ផ្តោះប្តូរយោបល់ ចែករំលែកបណ្តាបទពិសោធន៍ របៀបធ្វើល្អ ច្នៃប្រ​តិដ្ឋ លទ្ធផលធ្វើសកម្មភាពរបស់ក្រុមប្រឹក្សាប្រជាជនគ្រប់លំដាប់ថ្នាក់។  

     ដើម្បីបន្តលើកកម្ពស់គុណភាពការងារចាត់តាំងសម័យប្រជុំក្រុមប្រឹក្សាប្រជាជនគ្រប់លំ​ដាប់ថ្នាក់ក្នុងពេលខាងមុខ សមមិត្តយឿងធីង៉ុកធើសំណូមពរ៖ បណ្តាគណៈកម្មការក្រុម​ប្រឹក្សាប្រជាជន  ក្រុមតំណាងក្រុមប្រឹក្សាប្រជាជន  តំណាងក្រុមប្រឹក្សាប្រជាជន និង​គណៈកម្មា​ធិការប្រជាជនគប្បីបន្តសិក្សាស្រាវជ្រាវបណ្តាឯកសារ សេចក្តីកំណត់​អំពីការ​ធ្វើ​សកម្មភាពត្រួតពិនិត្យរបស់ក្រុមប្រឹក្សាប្រជាជន អចិន្ត្រៃយ៍ក្រុមប្រឹក្សាប្រជាជន គណៈកម្មការក្រុមប្រឹក្សាប្រជាជន ក្រុមតំណាងក្រុមប្រឹក្សាប្រជាជន តំណាងក្រុមប្រឹក្សា​ប្រជាជន និងសារាចរលេខ ៣៩-CT/TU ចុះថ្ងៃទី ៣១/៧/២០២៣ របស់​គណៈអចិន្ត្រៃយ៍នៃគណៈកម្មាធិការបក្សខេត្តស្តីពីការដឹកនាំលើកកម្ពស់គុណភាពធ្វើសកម្មភាពរបស់ក្រុមប្រឹក្សាប្រជាជនគ្រប់លំដាប់ថ្នាក់ខេត្តត្រាវិញ។ បណ្តាគណៈកម្មការក្រុមប្រឹក្សាប្រជាជន គប្បីបន្តសិក្សាស្រាវជ្រាវលើកកម្ពស់គុណ​ភាព​ពិនិត្យបញ្ជាក់បណ្តាសេចក្តីរបាយការណ៍ គម្រោងការ និងសេចក្តីព្រាងសេចក្តីសម្រេច​ចិត្ត​ក្រុមប្រឹក្សាប្រជាជនជម្រាបជូនសម័យប្រជុំ របាយការណ៍ការពិនិត្យបញ្ជាក់​ផ្ទៀងផ្ទាត់​ជាមួយនឹងបណ្តាសេចក្តីកំណត់របស់មជ្ឈិម គោលនយោបាយវិជ្ជមានរបស់មូលដ្ឋាន​ដើម្បីធ្វើជាមូលដ្ឋានសម្រាប់តំណាងក្រុមប្រឹក្សាប្រជាជនពិនិត្យ ពិភាក្សា សម្រេចចិត្ត​បាន​ត្រឹមត្រូវដល់បណ្តាបញ្ហាសំខាន់ៗរបស់មូលដ្ឋាន។  

     អធិបតីសម័យប្រជុំបញ្ជាការ​រវៀសរវៃ រៀបចំពេលវេលា ធានាខ្លឹមសារសមស្រប​សម័យ​ប្រជុំនីមួយៗ វិទ្យាសាស្ត្រ ដោយមានការកត់សម្គាល់វាយតម្លៃលទ្ធផលសម័យប្រជុំ។ តំណាងក្រុមប្រឹក្សាប្រជាជន លើកកម្ពស់តួនាទីភារកិច្ចក្នុងបណ្តាសកម្មភាពត្រួតពិនិត្យ ឃ្លាំមើល ពិភាក្សា ចោទសួរក្នុងសម័យប្រជុំ វាយតម្លៃជម្រៅស្ថានភាពសេដ្ឋកិច្ច-សង្គម ដើម្បីស្នើវិធានការសកម្មដើម្បីរួមចំណែកទៅក្នុងស្ថានភាពពង្រីសេដ្ឋកិច្ចរួមរបស់ខេត្ត។ នាឱកាសនេះដែរ អចិន្ត្រៃយ៍ក្រុមប្រឹក្សាប្រជាជនខេត្តបានប្រគល់សិទ្ធិចុះឈ្មោះចាត់​តាំង​សន្និបាតប្តូរវេនរវាងអចិន្ត្រៃយ៍ បណ្តាគណៈកម្មការក្រុមប្រឹក្សាប្រជាជនខេត្តជាមួយ​នឹងអចិន្ត្រៃយ៍ក្រុមប្រឹក្សាប្រជាជនស្រុក ទីផ្សាររួមខេត្ត ទីក្រុងលើកទី ០៥ អាណត្តិកាល ២០២១-២០២៦ ដល់ស្រុកថ្កូវ៕

ប្រែសម្រួល៖ រតនា