លោកង៉ូជីកឿង លេខាបក្សខេត្ត ប្រធានក្រុមប្រតិភូតំណាងរដ្ឋសភានីតិកាលទី ១៤ អង្គភាពខេត្តត្រាវិញ៖ ជួបសំណេះសំណាលជាមួយម្ចាស់ឆ្នោតឃុំថុងហ្វា ស្រុកកូវកែ

កាលពីសប្ដាហ៍កន្លង តំណាងក្រុមប្រឹក្សាប្រជាជនខេត្តរួមមាន៖ លោកង៉ូជីកឿង លេខាបក្សខេត្ត ប្រធានក្រុមប្រតិភូតំណាងរដ្ឋសភា នីតិកាលទី ១៤ អង្គភាពខេត្តត្រាវិញ លោកស្រីយឿងធីង៉ុកធើ អនុប្រធានក្រុមប្រឹក្សាប្រជាជនខេត្ត លោកស្រីទ្រីញធីភឿង ប្រធានសមាគមសហព័ន្ធនារីស្រុកកូវកែ និងលោកស្រីង្វៀងធីថាញ់ឡេវ ប្រធានការិយាល័យអប់រំនិងបណ្ដុះបណ្ដាលស្រុកកូវកែ តំណាងក្រុមប្រឹក្សាប្រជាជនខេត្តអង្គភាពស្រុកកូវកែបានអញ្ជើញទៅជួបសំណេះសំណាលជាមួយម្ចាស់ឆ្នោតជាង ១០០ នាក់នៅឃុំថុងហ្វា ស្រុកកូវកែ។

ម្ចាស់ឆ្នោតឃុំថុងហ្វាមានយោបល់ស្នើ។ រូបថត៖ ហ៊ឺវហ្វេ

ពេលជួបសំណេះសំណាល លោកស្រីទ្រីញធីភឿងជំនួសមុខឲ្យក្រុមប្រតិភូតំណាងក្រុមប្រឹក្សាប្រជាជនខេត្ត របាយការណ៍ជូនម្ចាស់ឆ្នោតអំពីលទ្ធផលនៃសម័យប្រជុំឯកទេសបទលើកទី ១៧ សម័យប្រជុំសាមញ្ញលើកទី ១៨ -ក្រុមប្រឹក្សាប្រជាជនខេត្តនីតិកាលទី ៩ ជូនដំណឹងអំពីលទ្ធផលដោះស្រាយយោបល់ស្នើរបស់ម្ចាស់ឆ្នោតមុនសម័យប្រជុំសាមញ្ញលើកទី ១៨-ក្រុមប្រឹក្សាប្រជាជនខេត្តនីតិកាលទី ៩។ ម្ចាស់ឆ្នោតជាច្រើនរីករាយចំពោះលទ្ធផលដែលសម្រេចបានក្នុងវិស័យពង្រីកសេដ្ឋកិច្ច-សង្គមរបស់ខេត្តក៏ដូចជាបានផ្សាយសេចក្ដីសម្រេចចិត្តជាច្រើនរបស់ក្រុមប្រឹក្សាប្រជាជនឆ្លើយតបតម្រូវការអភិវឌ្ឍរបស់មូលដ្ឋាន។

ម្ចាស់ឆ្នោតជាច្រើននាក់បាន​ស្នើអំពីស្ថានភាពទឹកជន់លិច នៅរដូវភ្លៀង ត្រង់ផ្លូវស្រុកលេខ ៣៣ (តំបន់ផ្សារតាអោក) ស្ថានភាពទ្រុឌទ្រោមផ្នូវនៅទីបញ្ចុះសពយុទ្ធជនពលីឃុំថុងហ្វា គោលនយោបាយឧបត្ថម្ភ ការផ្លាស់ប្ដូររចនាសម្ព័ន្ធផលិតរំសាយទុនយឺតជះឥទ្ធិពលដល់ការផលិតរបស់ប្រជាជន។ អំពីការបុលទុនចំពោះធនាគារកសិកម្ម-អភិវឌ្ឍន៍ជនបទចាប់បង្ខំឲ្យអ្នកបុលត្រូវទិញគាំពារពេលបុលទុន គប្បីបង្កើនកម្រិតនិងវិនិយោគបន្ថែមឧបករណ៍សម្រាប់ដំណាក់សុខាភិបាលដើម្បីអនុវត្តល្អការពិនិត្យ ព្យាបាលជំងឺដំបូងជូនប្រជាជនដែលមានគាំពារសុខាភិបាល ពង្រីកនិងបង្កើនកម្រិតបំពង់ផ្ដល់ទឹកម៉ាស៊ីនជូនប្រជាជនភូមិរ៉ាច់ងែ ស្ថានភាពរាយលក់មុខទំនិញគ្មានគុណភាព មុខទំនិញក្លែងក្លាយនៅតាមផ្សារជនបទ បង្កឲ្យអន្តរាយដល់ប្រជាជន។ល។

ឆ្លងតាមរយៈនោះ មានម្ចាស់ឆ្នោត ០៩ នាក់ ដោយមាន ១៤ យោបល់ស្នើផ្ញើដល់តំណាងក្រុមប្រឹក្សាប្រជាជនខេត្ត ស្រុក។ លោកង៉ូជីកឿងបានផ្ដល់យោបល់ផ្ទាល់ចំពោះខ្លឹមសារមួយចំនួននៅពេលជួបជាមួយម្ចាស់ឆ្នោត។ លោកក៏បានសំណូមពរឲ្យស្រុក ឃុំគប្បីធ្វើឲ្យជាក់ស្ដែងការអនុវត្តន៍សេចក្ដីសម្រេចចិត្តមហាសន្និបាតបក្ខភាគរបស់ខេត្ត ផ្សព្វផ្សាយ ចងសម្ព័ន្ធក្នុងការផលិតជូនមាមីងកសិកររក្សាចលនា លើកទឹកចិត្តកសិករក្នុងការផលិត។ រដ្ឋអំណាចមូលដ្ឋាននិងផ្នែកជំនាញចូលរួមឧបត្ថម្ភកសិករដើម្បីឆ្ពោះដល់ការកសាងពាណិជ្ជសញ្ញា យីហោ ដើម្បីលើកកម្ពស់តម្លៃផលិតផល។ ក្នុងការកសាងជនបទថ្មី ឧស្សាហ៍ ផ្សព្វផ្សាយ ចលនាប្រជាជនឲ្យកសាងទិដ្ឋភាពបរិស្ថាន ធានាសន្តិសុខសណ្ដាប់ធ្នាប់ សង្គម បង្កើនការងារបង្ការបង្រ្កាបអបាយមុខសង្គម បំផុតគឺឧក្រឹដ្ឋជនប្រើគ្រឿងញៀន អនុវត្តល្អគោលនយោបាយសង្គម យកចិត្តទុកដាក់ដល់គ្រួសារយុទ្ធជនពលី ពិការ។ល។

ម្ចាស់ឆ្នោតឃុំហ៊ីវទ្រុងមានយោបល់ស្នើ។ រូបថត៖ ថាញ់ក្វាង

 បន្តអនុវត្តកម្មវិធីជួបសំណេះសំណាលជាមួយម្ចាស់ឆ្នោតក្រោយសម័យប្រជុំលើកទី ១៨ ក្រុមប្រឹក្សាប្រជាជនខេត្ត នីតិកាលទី ៩ អាណត្តិកាល ២០១៦-២០២១ ក្នុងថ្ងៃដដែលនោះដែរ តំណាងក្រុមប្រឹក្សាប្រជាជនខេត្ត អង្គភាពស្រុកទីវកឹងបានអញ្ជើញទៅជួបសំណេះសំណាលជាមួយម្ចាស់ឆ្នោតជាង ២០០ នាក់នៅឃុំហ៊ីវទ្រុងនិងទីប្រជុំជនកូវក្វាង។

នៅកន្លែងទាំង ០២ នោះ មាមីងម្ចាស់ឆ្នោតបានស្នើឲ្យរដ្ឋកសាង ជួសជុលផ្ទះឧបការគុណ កម្រិតឧបត្ថម្ភផ្ទះមហាសាមគ្គីពី ២៥ ឡើង ៤០ លានដុង។ ស្នើឲ្យពិនិត្យឧបត្ថម្ភគាំពារសុខាភិបាល កម្រិតប្រាក់ឧបត្ថម្ភដល់កម្មាភិបាលជាប្រធានអង្គការមហាជនភូមិ អនុសង្កាត់។ វិនិយោគពង្រីកបន្ថែមប្រព័ន្ធបំពង់ទឹកម៉ាស៊ីន ដើម្បីបម្រើតម្រូវការប្រជុំជីវភាពរបស់ប្រជាជន។ គប្បីបានវិនិច្ឆ័យម៉ឹងម៉ាត់បណ្ដាករណីជួញដូរ បាំងឆ័ត្រ សង់ខ្ទមលក់ដូរបង្កឲ្យបាត់ចក្ខុវិស័យ រថយន្តដឹកមុខទំនិញចល័ត។ ម្ចាស់ឆ្នោតឃុំហ៊ីវទ្រុងលាតត្រដាងអំពីបញ្ហានាពេលបច្ចុប្បន្ននេះនៅលើភូមិសាស្រ្ដឃុំ ហាក់ករណីអ្នកម្ដាយវៀតណាមវីរភាពទាំងសុទ្ធសឹងបានប្រទានឥស្សរិយយសឥស្សរិយយសឯករាជ្យ ប៉ុន្តែគ្មានប្រាក់រង្វាន់ភ្ជាប់ជាមួយគឺហាក់ដូចមិនទាន់សមស្រប។ រដ្ឋវិនិយោគកសាងប្រព័ន្ធគមនាគមន៍ជនបទលើភូមិសាស្រ្ដអនុសង្កាត់លេខ ៤ ទីប្រជុំជនកូវក្វាង ទំនប់ប្របព្រែកកញ្ចោងតំបន់អនុសង្កាត់លេខ ១ លេខ ២ លេខ ៣ លេខ ៤។ ផ្នែកអគ្គិសនីគប្បីប្រញាប់ពិនិត្យអង្កេតបង្កើនកម្រិតផ្លូវខ្សែ បង្កើនថាមពលធុងបំបែរថាមពលដើម្បីធានាតម្រូវការប្រជុំជីវភាពរបស់ប្រជាជននៅអនុសង្កាត់លេខ ៤ លេខ ៥ និង វិនិច្ឆ័យគំនរសំរាមនៅអនុសង្កាត់លេខ ៤ ទីប្រជុំជនកូវក្វាង ក្លិនស្អុយជះឥទ្ធិពលធ្ងន់ធ្ងរដល់ជីវភាពរបស់ប្រជាជននៅតំបន់នេះ។

យោបល់ស្នើទាំងអស់របស់ម្ចាស់ឆ្នោតបានថ្នាក់ដឹកនាំបណ្ដាផ្នែកជំនាញនិងគណៈកម្មាធិការប្រជាជនស្រុកអធិប្បាយដោះស្រាយតាមសមត្ថកិច្ច។ ដោយឡែកបញ្ហាក្រៅពីនោះក៏បានតំណាងក្រុមប្រឹក្សាប្រជាជនខេត្តកត់ត្រាទុកដើម្បីលាតត្រដាងដល់បណ្ដាស្ថាប័នសមត្ថកិច្ចពិនិត្យនៅពេលខាងមុខ៕

ប្រែសម្រួល៖ ថាច់ហ្វាង