លឿងហ្វា (អា)៖ ជំរុញមាំការរៀនសូត្រនិងធ្វើតាមអ៊ំហូ

លោកត្រឹងមិញទៀង​ លេខាគណៈកម្មាធិ ការបក្សឃុំបានឲ្យដឹងថា៖  ការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ នៅលើភូមិសាស្រ្ដឃុំ បច្ចុប្បន្នបានក្លាយជាការងារមួយយ៉ាងសំខាន់​ និងជាប្រចាំ។​ កម្មាភិបាល បក្ខជនម្នាក់ៗបានជ្រោងខ្ពស់ស្មារតីទទួលបន្ទុកក្នុងការបំពាក់បំប៉នលត់ដំសតិអារម្មណ៍ នយោបាយ សីលធម៌ របៀបរស់នៅ ​កែប្រែរបៀបធ្វើការ​ ធ្វើជាគំរូក្នុងការនិយាយស្ដី និងធ្វើការអស់ពីចិត្តជាមួយការងារដែលបានប្រគល់ឲ្យ។ គណៈកម្មាធិការបក្ស រដ្ឋអំណាចមូលដ្ឋាន ចាត់តាំងផ្សព្វផ្សាយ អនុវត្តយ៉ាងម៉ឹងម៉ាត់ភារកិច្ចធ្វើជាគំរូរបស់កម្មាភិបាល បក្ខជន ជាពិសេសគឺកម្មាភិបាលស្នូល អំពីសីលធម៌ របៀបរស់នៅ ឥរិយាបថ ជិតដិតប្រជាជន ស្តាប់យោបល់ គោលបំណងស្របច្បាប់របស់ប្រជាជន​ ម្ចាស់ការសន្ទនាជាមួយប្រជាជននិងថ្នាក់ក្រោម     មិនទុកឲ្យកើតឡើងចំណុចក្តៅឬក៏បណ្តាបញ្ហាតក់ក្រហល់ទាក់ទងដល់សីលធម៌អាជីពសីលធម៌បម្រើកិច្ចការរដ្ឋ។    

ជូនប្រាក់ឧបត្ថម្ភដល់បក្ខជនត្រឹងក្វឹកទិញ។ រូបថត​៖ ស៊ើងតៀង

គណៈកម្មាធិការបក្សឃុំបំផុសចលនាសរសេរបទចុះកិច្ចសន្យាអនុវត្តសារាចរលេខ ០៥​ និងសេចក្តីសម្រេចចិត្តសន្និបាតមជ្ឈិមបក្សលើកទី ៤ (នីតិកាល ១២)​​ ចំពោះ ១៣/១៣ សាខា​បក្សស្ថិតក្រោមឱវាទ និងបក្ខជន ២៨៦ នាក់។ បណ្តាសាខាបក្សស្ថិតក្រោមឱវាទ នៅទាំងរកឃើញបណ្តាវិធីសាស្រ្ដ បង្កើនគុណភាព​ សកម្មភាពមានប្រសិទ្ធភាពរបស់ស្ថាប័នបក្ស រដ្ឋអំណាចមូលដ្ឋាន អង្គការមហាជន និងបង្កបានចំណុចទម្លុះទម្លាយទៅមុខ ដោយទង្វើជាក់ស្ដែងជាច្រើនដូចជា៖ បណ្តាទម្រង់ “ចែករំលែកការលំបាកដើម្បីឧបត្ថម្ភមិត្តរួមអាវុធ” របស់បក្ខភាគឃុំ” ឥរិយាបថប្រជាធិបតេយ្យ មហាជន” របស់សាខាបក្សភូមិហ្វាឡាក(អា) “បំផុសចលនាប្រជាជនអនុវត្តល្អលក្ខឋានគ្រួសារវប្បធម៌” របស់សាខាបក្ស ភូមិហ្វាឡាក (បេ)។ល។

ចំពោះទម្រង់ “ចែករំលែកការលំបាក ដើម្បីឧបត្ថម្ភមិត្តរួមអាវុធ” លោកវ៉វ៉ាំងហុក អនុលេខាគណៈកម្មាធិការបក្សឃុំបានឲ្យដឹង៖ ​ជំរុញមាំការៀនសូត្រនិងធ្វើតាមសតិអារម្មណ៍ សីលធម៌ ឥរិយាបថហូជីមិញ ជាការងារមួយយ៉ាងចាំបាច់ និងមានតួនាទីសំខាន់ចំពោះអ្នកទាំងអស់គ្នា ជាពិសេសគឺកម្មាភិបាល បក្ខជន។ ឆ្នាំ ២០១៩ ​បក្ខភាគឃុំបំផុសចលនាផ្សព្វផ្សាយទម្រង់ក្នុងកម្មាភិបាល បក្ខជន​នៅលើភូមិសាស្ត្រ ។ យោងតាមនោះ កម្មាភិបាល បក្ខជនម្នាក់ៗ ប្រិតសំចៃរួមវិភាគទាន​បង្កមូលនិធិដើម្បីជំនួយដល់បណ្តាបក្ខជនក្រលំបាកឈានឡើងក្នុងជីវភាព។ បក្ខជនដែលកំពុងបំពេញការងារនៅក្នុងគណៈកម្មាធិការប្រជាជនឃុំ សាលារៀន​ចូលរួមវិភាគទាន ២០០.០០០ ដុងក្នុងមួយខែ។ បក្ខជននៅភូមិរួមវិភាគទាន ១៥០.០០០ ដុងក្នុងមួយខែ។ គិតមកដល់បច្ចុប្បន្ន កម្មាភិបាលបក្ខជនទូទាំងឃុំចូលរួមគប់វាល់ប្រាក់បានជាង ៥៧,៦ លានដុង។ ផ្តើមពីប្រភពមូលនិធិនោះបានជំនួយឲ្យបក្ខជនមានជំងឺ និងត្រូវ គ្រោះថ្នាក់ចរាចរណ៍ ០៦ នាក់ ម្នាក់ៗបាន ឧបត្ថម្ភពី ០១-០៣ លានដុង និងឧបត្ថម្ភ បក្ខជន ៣ នាក់ពង្រីកសេដ្ឋកិច្ច បក្ខជនម្នាក់ៗ បានឧបត្ថម្ភ ១០ លានដុង សរុបប្រាក់ឧបត្ថម្ភ ៤៥ លានដុង។

បក្ខជនថាច់សុខ នៅភូមិហ្វាឡាក (បេ) បានឲ្យដឹង៖ ចូលរួមក្នុងទម្រង់ “ចែករំលែកការលំ បាកដើម្បីឧបត្ថម្ភមិត្តរួមអាវុធ” កន្លងហើយ​ខ្ញុំត្រូវគ្រោះថ្នាក់ចរាចរណ៍ ហើយបានគណៈកម្មាធិការបក្សគណៈកម្មាធិការប្រជាជនឃុំមកសួរសុខទុក្ខ​  និងលើកទឹកចិត្តរួចឧបត្ថម្ភប្រាក់ ០៣  លានដុង ខ្ញុំរំជួលចិត្តណាស់។ ពេលខ្លួនយើងជួបការលំបាក ទើបយល់ច្បាស់នូវការយកចិត្តទុកដាក់របស់បណ្តាសមមិត្ត មិត្តរួមអាវុធ​ នេះជាការលើកទឹកចិត្ត ដើម្បីឲ្យខ្ញុំខិតខំឈានឡើងក្នុងជីវភាព។

បក្ខជនត្រឹងក្វឹកទិញ​ នៅភូមិអូរល្បាប់បានចែករំលែកថា៖ កាលពីមុនខ្ញុំជានគរបាលឃុំ​តាមគោលនយោបាយរបស់បក្ស រដ្ឋ ខ្ញុំវិលមកកាន់មូលដ្ឋាន ចូលរួមប្រជុំជីវភាពនៅសាខាបក្សភូមិអូរល្បាប់​ ជីវភាពគ្រួសារជួបការលំបាក គ្មានដីផលិត ប្រភពចំណូលប្រចាំថ្ងៃពឹងផ្អែកលើការលក់ដូរបន្តិចបន្តួច។ ផ្តើមពីទម្រង់“ចែករំលែកការលំបាកដើម្បីឧបត្ថម្ភមិត្តរួមអាវុធ” ខ្ញុំបានគណៈកម្មាធិការបក្សឃុំឧបត្ថម្ភប្រាក់ ១០ លានដុងសម្រាប់ពង្រីកសេដ្ឋកិច្ចគ្រួសារ។ អាស្រ័យហេតុនោះ ការលក់ដូររបស់គ្រួសារបានបើកទូលាយ បង្កើនបានប្រភពចំណូល​ឈានឡើងក្នុងជីវភាព។

លោកត្រឹងមិញទៀង ឲ្យដឹងបន្ថែម៖ ឆ្លងតាមការរៀនសូត្រ និងធ្វើតាមអ៊ំ បង្កបានការផ្លាស់ប្តូរលើគ្រប់វិស័យ បង្កបានការលើកទឹកចិត្តដើម្បីបក្ខភាគឃុំអនុវត្តល្អភារកិច្ចនយោបាយនៅមូលដ្ឋាន។ គិតពីឆ្នាំ ២០១៥-២០១៩​ បណ្តាកម្រិតផែនការសេចក្តីសម្រេចចិត្ត ស្ដីពីការពង្រីកសេដ្ឋកិច្ច-សង្គម​ សន្តិសុខ ការពារប្រទេស​ កសាងប្រព័ន្ធនយោបាយ តែងសម្រេចនិងសម្រេចលើសកម្រិតផែនការដែលថ្នាក់លើប្រគល់ឲ្យ។ ប្រការគួររីករាយ ជាមួយការសាមគ្គីរបស់សមូហភាពគណៈប្រតិបត្តិការបក្ខភាគឃុំ​​ និងការចូលរួមទាំងកម្លាំងកាយ ចិត្តរបស់ប្រជាជនក្នុងការកសាងជនបទថ្មីឆ្នាំ​ ២០០៩  ឃុំលឿងហ្វា​(អា)​ បានថ្នាក់លើទទួល ស្គាល់ជាឃុំជនបទថ្មី​បច្ចុប្បន្ន ឃុំកំពុងផ្តុំកម្លាំង បង្កើនគុណភាពឃុំវប្បធម៌-ជនបទថ្មី៕

ក្នុងរយៈកាល ៤ ឆ្នាំកន្លង អាស្រ័យសកម្មបំផុសចលនា កម្មាភិបាល​ បក្ខជន​ មហាជន ប្រជាជន អនុវត្តទម្រង់រៀនសូត្រនិងធ្វើតាមអ៊ំហូ​ សេដ្ឋកិច្ច-សង្គម ឃុំលឿងហ្វា (អា) រីកចម្រើនជាលំដាប់។​ ប្រភពចំណូលជាមធ្យម របស់មនុស្ស ម្នាក់ឆ្នាំ ២០១៩​ សម្រេច ៤៥ លានដុង។ ជារៀងរាល់ឆ្នាំបង្កលក្ខណៈដោះ ស្រាយការងារធ្វើជូនពលករជាង ៤៥០​ នាក់ ។ ជាមធ្យមក្នុងមួយឆ្នាំ អត្រា គ្រួសារក្រីក្របានកាត់បន្ថយ ជាង ៣,៧%។ គិតមកដល់បច្ចុប្បន្ននេះ កាត់បន្ថយ បាន ៣២៤ គ្រួសារ ស្មើ ៤,៨%។ បច្ចុប្បន្ន ទូទាំងឃុំនៅមានគ្រួសារក្រីក្រ ៤៥ គ្រួ ស្រូបយកអត្រា ១,៩% និងមានគ្រួសារជិតក្រ ១១៩ គ្រួ ស្រូបយកអត្រា ៤,៩%។ បំផុសចលនាឧបត្ថម្ភសាងសង់ផ្ទះមហាសាមគ្គី ផ្ទះមេត្តាធម៌​ ៩១ ខ្នង ជូនដល់គ្រួសារក្រីក្រ​ សមាជិកសហជីព​ សិស្សជួប លំបាកអំពីលំនៅឋាន​ សរុប ទឹកប្រាក់ជាង ១,៨ ពាន់លានដុង។

ប្រែសម្រួល៖​ សុខា