ភាពរាលដាលនៃចលនាកសាង”គ្រួសារសុខដុម សមភាពភេទ ជឿនលឿន សុភមង្គល”

      បងស្រីឡេធីគឹមឡង ប្រធានសមាគមសហព័ន្ធនារីស្រុកទីវកឹងបានឲ្យដឹងថា៖ បណ្ដាឆ្នាំកន្លងហើយ សមាគមនារីស្រុកបានចង្អុលការបណ្ដាសមាគម សាខាសមាគម ក្រុមមូលដ្ឋាន អនុវត្តល្អការដំណើរការពិនិត្យឡើងវិញ បូកសរុបចំនួនគ្រួសារក្រីក្រដែលអាស្រ័យដោយនារីធ្វើម្ចាស់គ្រួសារដើម្បីមានវិធីសាស្រ្ដឧបត្ថម្ភនិងបង្កលក្ខណៈឲ្យបងប្អូននារីប្រសព្វជាមួយបណ្ដាប្រភពទុន ប្រសព្វជាមួយបណ្ដាវិទ្យាសាស្រ្ដបច្ចេកទេសជឿនលឿន លើកកម្ពស់ការយល់ដឹង ជំនាញគ្រប់គ្រងសេដ្ឋកិច្ចគ្រួសារ គ្រប់គ្រងការចំណាយប្រិតសំចៃដើម្បីសន្សឹមៗរួចផុតពីភាពក្រីក្រស្ថិរភាព។ យោងតាមនោះ សមាគមនារីស្រុកនៅទាំងចង្អុលការសមាគមមូលដ្ឋានអនុវត្តល្អសកម្មភាពបញ្ចាំសក្សីជាមួយធនាគារគោលនយោបាយសង្គមកសាងបណ្ដាគម្រោងការវិនិយោគឲ្យបងប្អូននារីបុលទុនអាទិភាពសម្រាប់បម្រើក្នុងការផលិត ធ្វើអាជីវកម្ម ទន្ទឹមនឹងនោះចលនាសមាជិកា នារីចូលរួមបណ្ដាចលនា “ នារីជួយគ្នាក្នុងការពង្រីកសេដ្ឋកិច្ចគ្រួសារ” “ជួយនារីក្រីក្រមានអាសយដ្ឋាន” រក្សានិងលើកកម្ពស់ប្រសិទ្ធភាពសកម្មភាពរបស់ក្លឹប  “នារីផ្ដើមអាជីព” ទម្រង់ “ក្រុមនារីធ្វើសេដ្ឋកិច្ចពូកែ” “នារីជួយគ្នារួចផុតពីភាពក្រីក្រឈានឡើងធូរធា”និងបណ្ដាទម្រង់ផលិតសម្រេចលទ្ធផលខ្ពស់​ដូចជា៖ “ក្រុមសហការចិញ្ចឹមគោមេ” “ចិញ្ចឹមមាន់ដោយប្រើកម្រាលជីវសាស្រ្ដ” ។ល។ អាស្រ័យហេតុនោះ ក្នុងរយៈពេល ០៥ ឆ្នាំកន្លង ស្រុកមានគ្រួសារនារីក្រីក្រ ៨៣៩ គ្រួទៀតរួចផុតពីភាពក្រីក្រ រួមចំណែកបន្ថយអត្រាគ្រួសារក្រីក្ររបស់ស្រុកមកដល់ចុងឆ្នាំ ២០១៩ នៅតែ ១,០៥% ។

ពិធីជូនប្រាក់ដល់គ្រួសារសមាជិកា។ រូបថត៖ តូវៀង

         រួមជាមួយការឧបត្ថម្ភសមាជិកានារីពង្រីកសេដ្ឋកិច្ចគ្រួសារ សមាគមគ្រប់លំដាប់ថ្នាក់ក្នុងស្រុកផ្ដុំកម្លាំងអនុវត្តល្អចលនា “នារីសកម្មរៀនសូត្រ ពលកម្មច្នៃប្រតិដ្ឋ កសាងគ្រួសារសុភមង្គល” លើកកម្ពស់ជីវភាពនិងជះឥទ្ធិពលខ្លាំងក្លាដល់កម្មាភិបាល សមាជិកា នារីនៅមូលដ្ឋាន។ រៀងរាល់ឆ្នាំមានកម្មាភិបាល សមាជិកាជាង ៩០% ចុះឈ្មោះអនុវត្តចលនាប្រឡងប្រណាំង ឆ្លងតាមនោះបានជួយឲ្យសមាជិកានារីបានរៀនសូត្រ លត់ដំ លើកកម្ពស់ជំហរ តួនាទីរបស់ខ្លួនដើម្បីក្លាយជាប្រពន្ធ អ្នកម្ដាយគំរូ ជាគ្រឹះស្ថាននៃសុភមង្គល រួមចំណែកដល់ការពង្រីកសេដ្ឋកិច្ចយ៉ាងរឹងមាំរបស់មូលដ្ឋាន។ គួរឲ្យកត់សម្គាល់នោះគឺមានបងប្អូននារីជាច្រើនសកម្មចូលរួមជ្រោមជ្រែងក្នុងចលនាកសាងគ្រួសារ “គ្មាន ០៥ យ៉ាង ជ្រះ ០៣ យ៉ាង” ភ្ជាប់ជាមួយ នឹងការកសាងជនបទថ្មីនិងចលនា “ទូទាំងប្រជាជនសាមគ្គីកសាងជីវភាពវប្បធម៌នៅតំបន់អាសយជន”។ គិតមកទល់ពេលនេះបណ្ដាមូលដ្ឋានសមាគមកសាងបានក្រុមប្រិតសំចៃឥណទានជួយគ្នាពង្រីកសេដ្ឋកិច្ច ភ្ជាប់ជាមួយការកសាងគ្រួសារ សុភមង្គលជិត ១.០០០ ក្រុម លេចធ្លោដូចជាក្លឹប៖ មិនសម្រាលកូនទី ០៣ ក្លឹបបង្ការបង្រ្កាបឧក្រឹដ្ឋជន គ្រឿងញៀន ក្លឹបផ្សព្វផ្សាយ អប់រំមុខសញ្ញានៅសហគមន៍ ក្លឹបគ្រប់គ្រងកូនចៅក្នុងគ្រួសារមិនបំពានច្បាប់ បណ្ដាអបាយមុខសង្គម ក្លឹបបង្ការទប់ស្កាត់អំពើហឹង្សាក្នុងគ្រួសារ ក្លឹប “ គ្មាន ០៥ យ៉ាង ជ្រះ ០៣ យ៉ាង” ក្លឹបនារីខ្មែរជាមួយកិច្ចការពារបរិស្ថាន ក្លឹបសមភាពភេទ ចិញ្ចឹមកូនមួនមាំ ចេះស្ដាប់បង្គាប់និងបណ្ដាប្រភេទក្រុមផ្សេងៗជាច្រើនទៀតទាក់ទាញកម្មាភិបាល សមាជិកា នារីជាង ៣៥.០០០ លើកនាក់ចូលរួម។ ឆ្លងតាមបណ្ដាទម្រង់ខាងលើ បានបង្ហាញឲ្យឃើញថាសកម្មភាពថែទាំ កសាង “គ្រួសារសុខដុម សមភាព ជឿនលឿន សុភមង្គល” “ជួយគ្នាពង្រីកសេដ្ឋកិច្ចគ្រួសារ”របស់សមាគមនារីគ្រប់លំដាប់ថ្នាក់ក្នុងស្រុក នៅ ពេលកន្លងហើយកាន់តែមានភាពរាលដាលនៅគ្រប់ទីកន្លែងលើភូមិសាស្រ្ដស្រុក រួមចំណែកជួយឲ្យបងប្អូននារីសន្សឹមៗលើកកម្ពស់ជីវភាពសម្ភារ ស្មារតីនិងកសាងគ្រួសារអភិវឌ្ឍតាមទិសដៅស្ថិរភាព ។

      ក្រៅពីនោះ សមាគមនារីពីថ្នាក់ស្រុកដល់ថ្នាក់មូលដ្ឋាននៅទាំងសហការជាមួយសម្ព័ន្ធពលករស្រុក សហជីពមូលដ្ឋាន បណ្ដាផ្នែកមូលដ្ឋានជំរុញមាំចលនាប្រឡងប្រណាំង “ពូកែទាំងកិច្ចការរដ្ឋ រ៉ាប់រងកិច្ចការផ្ទះ” ក្នុងកម្មករនិយោជិត ពលករទៀតផង។ លទ្ធផល រយៈពេល ០៥ ឆ្នាំកន្លង ស្រុកទីវកឹងមានកម្មករ និយោជិត ពលការិនី ៦១៦ លើកនាក់បានសហជីពគ្រប់លំដាប់ថ្នាក់ស្ងើចសរសើរជូនរង្វាន់។ ប្រការនោះបានសឲ្យឃើញថា នារីគ្រប់ជាន់ស្រទាប់និយាយរួម កម្មករ និយោជិត ពលការិនីនិយាយដោយឡែក មិនត្រឹមតែសម្រេចបានស្នាដៃជាច្រើនក្នុងការងារមុខជំនាញ ពលកម្មផលិត ហើយនៅទាំងពូកែក្នុងការរៀនសូត្រ លើកកម្ពស់កម្រិតវិជ្ជា យល់ដឹងច្រើនក្នុងវិស័យនយោបាយ សេដ្ឋកិច្ច វប្បធម៌ សង្គមទៀតផង។ បងប្អូននារីបញ្ចាក់បានសមត្ថភាពរបស់ខ្លួន ក្នុងការងារក៏ដូចជាតួនាទីជំហររបស់នារីក្នុងដំណាក់កាលបច្ចុប្បន្ន រួមចំណែកធ្វើឲ្យចលនាកសាង “គ្រួសារសុខដុម សមភាព ជឿនលឿន សុភមង្គល” ក្លាយជាចលនាប្រឡងប្រណាំងខ្លាំងក្លា និងមានកម្លាំងរាលដាលពិតប្រាកដនៅគ្រប់ទីកន្លែងលើភូមិសាស្រ្ដស្រុកនាបណ្ដាឆ្នាំខាងមុខទៀត៕                       តូវៀង-លឺវវូ