ពិនិត្យអង្កេតការប្រើប្រាស់ប្រភពថវិកាបង្ការទប់ស្កាត់អាសន្នរោគ កូវីដ-១៩ ដើម្បីធានាមិនទុកឱ្យមានកើតឡើងការខុសខាត

សមមិត្ត ង្វៀងវុាំងត្រៀក (ឈរទីពីរ ខាងឆ្វេង)ទទួលប្រាក់ឧបត្ថម្ភបង្ការ ទប់ស្កាត់ជំងឺកូវីដ-១៩ របស់ក្រុមហ៊ុនប្រេងឥទ្ទនៈខេត្តត្រាវិញ ។ រូបថត៖ បាធី

     អ្នកយកសារព័ត៌មាន៖ សូមសមមិត្តឱ្យដឹងអំពីលទ្ធផលមួយចំនួនក្រោយរយៈពេល ០១ ខែដែលបានអំពាវនាវ បំផុសចលនាឧបត្ថម្ភ បង្ការទប់ស្កាត់អាសន្នរោគកូវីដ-១៩ របស់គណៈកម្មាធិការរណសិរ្សមាតុភូមិវៀតណាមខេត្ត ?
     សមមិត្តង្វៀងវុាំងត្រៀក៖ ឆ្លងអស់រយៈពេលជាង ០១ ខែកំពូលដែលអំពាវនាវទូទាំងប្រជាជនឧបត្ថម្ភប្រភពធនធានសម្រាប់ការងារបង្ការ ទប់ស្កាត់អាសន្នរោគកូវីដ-១៩ របស់ខេត្ត គិតមកដល់ថ្ងៃទី ០៥ កក្កដា គណៈសង្រ្គោះខេត្តទទួល ពីការចូលរួមឧបត្ថម្ភរបស់សមូហភព និងបុគ្គលនៅក្នុង និងក្រៅខេត្តបានជិត ៦០០ កន្លែង និងរូបជាមួយនឹងចំនួនប្រាក់ជិត ១៤,១ ពាន់លានដុង។ ទន្ទឹមនឹងនោះ បណ្តាអង្គភាព សមូហភាព បុគ្គល សប្បុរសធម៌នៅក្នុង និងក្រៅខេត្តនៅទាំងមានសកម្មភាពជាច្រើនឧបត្ថម្ភស្បៀងអាហារ គ្រឿងបរិភោកជូនកងកម្លាំងនៅលើសមរភូមិមុខបង្ការ ទប់ស្កាត់អាសន្នរោគជំ ងឺរបស់ខេត្ត និងបណ្តាមុខសញ្ញាត្រូវរងជះឥទ្ធិពលជាមួយនឹងតម្លៃសរុបរួមជាង ៣០០ លានដុង។
     អ្នកយកសារព័ត៌មាន៖ សមមិត្តអាច បញ្ជាក់អ្វីអំពីការចូលរួមជ្រោមជ្រែងសេចក្តីអំពាវនាវឧបត្ថម្ភបង្ការទប់ស្កាត់អាសន្នរោគកូវីដ-១៩ របស់ប្រជាជនក្នុងលើកនេះ សូមជម្រាបសមមិត្ត ?
     សមមិត្តង្វៀងវុាំងត្រៀក៖ ចំពោះស្ថានភាពប្រែប្រួលយ៉ាងស្មុគស្មាញរបស់អាសន្នរោគកូវីដ-១៩ ពិនិត្យរួមការយល់ដឹង និងគំនិតបង្ការ ទប់ស្កាត់អាសន្នរោគជំងឺរបស់ប្រជាជនពីមួយ ថ្ងៃទៅមួយថ្ងៃកាន់តែបានកើនឡើង បញ្ជាក់បានភាពសាមគ្គី ព្រមប្រៀង និងសេចក្តីម៉ឹងម៉ាត់ក្នុង ការប្រតិបត្តិបណ្តាវិធីសាស្ត្រជាបន្ទាន់ក្នុងការ បង្ការទប់ស្កាត់អាសន្នរោគកូវីដ-១៩ តាមសេចក្តីចង្អុលការរបស់ស្ថាប័នមានសមត្ថកិច្ច និងផ្នែក សុខាភិបាល ពិសេសគឺសារាចរលេខ ០៤/CT-UBND ចុះថ្ងៃទី ៣១ ឧសភា ឆ្នាំ ២០២១ និងសារាចរលេខ ០៦/CT-UBND ចុះថ្ងៃទី ២៩ មិថុនា ឆ្នាំ ២០២១ របស់ប្រធានគណៈកម្មាធិការប្រជាជនខេត្ត ទន្ទឹមនឹងនោះ សកម្មចូលរួមជ្រោមជ្រែងឧបត្ថម្ភប្រភពធនធានដល់បង្ការទប់ ស្កាត់អាសន្នរោគកូវីដ-១៩ តាមសេចក្តីអំពាវនាវ របស់គណៈកម្មាធិការរណសិរ្សមាតុភូមិវៀតណាមខេត្ត ហើយតួលេខជាង ១៤ ពាន់លានដុង ដែលបានពោលមកខាងលើគឺជាសេចក្តីបញ្ជាក់ ច្បាស់ឱ្យប្រការទាំងនោះ។
     អ្នកយកសារព័ត៌មាន៖ ជាមួយនឹងប្រភពធនធានចលនាឧបត្ថម្ភខាងលើនេះ គិតមកដល់ពេលនេះ ខេត្តយើងបានបែងចែកប្រភព សម្រាប់ការងារបង្ការទប់ស្កាត់អាសន្នរោគកូវីដ-១៩ យ៉ាងណាដែរ សូមជម្រាបសមមិត្ត ?
     សមមិត្តង្វៀងវុាំងត្រៀក៖ ប្រភពធនធាន រួមចំណែកទាំងនោះបានយើងខ្ញុំគ្រប់គ្រង ចាត់ចែងប្រើប្រាស់ដោយចំហ តម្លាភាព ត្រឹមត្រូវតាមខ្លឹមសារ និងមុខសញ្ញាឧបត្ថម្ភតាមសេចក្តីណែនាំលេខ ៦៥/HD-MTTW-BTT ចុះថ្ងៃទី ២៧ ឧសភា ឆ្នាំ ២០២១ របស់គណៈកម្មាធិការមជ្ឈិមរណសិរ្សមាតុភូមិវៀតណាម ចំពោះមុខគឺគោលការណ៍ ការយល់ព្រមព្រៀងរបស់អចិន្ត្រៃយ៍នៃគណៈកម្មាធិការបក្សខេត្ត និងគណៈចង្អុលការបង្ការទប់ស្កាត់អាសន្នរោគកូវីដ-១៩ ខេត្ត។
     ជំហានដំបូង គណៈសង្រ្គោះខេត្តបានសហការ ជាមួយនឹងគណៈចង្អុលការបង្ការទប់ស្កាត់អាសន្នរោគកូវីដ-១៩ ខេត្តទៅសួរសុខទុក្ខ ជំរុញទឹកចិត្ត និងឧបត្ថម្ភដល់កងកម្លាំងនៅលើសមរភូមិមុខបង្ការទប់ស្កាត់អាសន្នរោគកូវីដ-១៩ នៅនឹង បណ្តាតំបន់ចត្តាឡីស័កប្រមូលផ្តុំ តំបន់ចត្តាឡី ស័កសុខាភិបាល មន្ទីរពេទ្យបណ្តោះអាសន្នលេខ ១ (មន្ទីរពេទ្យរបេង និងសួតត្រាវិញ) បណ្តាប៉ុស្តិ៍ ត្រួតពិនិត្យសុខាភិបាលជាមួយនឹងចំនួនថវិកា ១៣០ លានដុង។
     ទន្ទឹមនឹងនោះ គណៈសង្រ្គោះខេត្តក៏បានបែងចែកប្រាក់ ២,៥ ពាន់លានដុង ឧបត្ថម្ភឱ្យមន្ទីរ ពេទ្យបណ្តោះអាសន្នលេខ ១ តំបន់ចត្តាឡីស័ក ប្រមូលផ្តុំរបស់ខេត្ត (កងវរសេនាធំថ្មើរជើងលេខ ៩២៦ របស់គណៈបញ្ជាការដ្ឋានយោធាខេត្ត) និងគណៈចង្អុលការបង្ការទប់ស្កាត់អាសន្នរោគជំងឺ របស់បណ្តាស្រុក ទីផ្សាររួមខេត្ត ទីក្រុងសម្រាប់ ទិញសម្ភារ ឧបករណ៍សុខាភិបាលបម្រើការបង្ការ ព្យាបាលជំងឺកូវីដ-១៩ ឧបត្ថម្ភដល់បណ្តាតំបន់ចត្តាឡីស័ក ព្យាបាលជំងឺជូនអ្នកជំងឺវិជ្ជមានកូវីដ-១៩ ឧបត្ថម្ភជំរុញទឹកចិត្តកងកម្លាំងនៅលើសមរភូមិ មុខបង្ការទប់ស្កាត់អាសន្នរោគកូវីដ-១៩។
     អ្នកយកសារព័ត៌មាន៖ សូមជម្រាប សមមិត្ត ប្រភពចលនានេះ បានចាត់ចែងដូចម្តេចខ្លះ ក្នុងពេលខាងមុខនេះ ?
     សមមិត្តង្វៀងវុាំងត្រៀក៖ អាស្រ័យដោយខេត្តត្រាវិញ នាពេលបច្ចុប្បន្ននេះជាខេត្តមានជំងឺ បានជាប្រភពមូលនិធិនឹងបានយើងខ្ញុំគ្រប់គ្រង ចាត់ចែងប្រើប្រាស់តាមការណែនាំរបស់គណៈអចិន្ត្រៃយ៍នៃគណៈកម្មាធិការមជ្ឈិមរណសិរ្សមាតុភូមិវៀតណាម។ ការប្រើប្រាស់យោងតាមសម័យកាលនីមួយៗជាក់ស្តែង យើងខ្ញុំនឹងមានសុំគោលការណ៍ ពីគណៈអចិន្ត្រៃយ៍នៃគណៈ កម្មាធិការបក្សខេត្ត និងសហការឯកភាពរបស់គណៈចង្អុលការបង្ការទប់ស្កាត់អាសន្នរោគកូវីដ-១៩ ខេត្តផងដែរ។
     អ្នកយកសារព័ត៌មាន៖ គណៈកម្មាធិការ រណសិរ្សមាតុភូមិវៀតណាមខេត្តមានភារកិច្ចយ៉ាងណាដើម្បីទុកឱ្យប្រភពមូលនិធិនេះបានប្រើប្រាស់មានប្រសិទ្ធភាព ?
     សមមិត្តង្វៀងវុាំងត្រៀក៖ រួមជាមួយ នឹងការចលនា ទទួលយក គ្រប់គ្រង និងចាត់ចែង គណៈកម្មាធិការរណសិរ្សមាតុភូមិវៀតណាមខេត្តនឹងមានផែនការពិនិត្យអង្កេតឯកទេសបទនៃការប្រើប្រាស់ប្រភពមូលនិធិ ចំពោះបណ្តាកន្លែង ដែលបានបែងចែក ដើម្បីធានាឱ្យប្រភពមូលនិធិប្រើប្រាស់ត្រឹមត្រូវតាមគោលដៅ ចំមុខសញ្ញា និងមានប្រសិទ្ធភាព គ្មានកើតឡើង បណ្តាការខុសខាត រួមចំណែកធានាសុខុមាលភាព បង្កើនការព្រមព្រៀងក្នុងសង្គម។
     ប៉ុន្តែចំពោះមុខ យើងខ្ញុំសូមសំណូមពរបណ្តាអង្គភាព ដែលបានបែងចែកប្រភពថវិកាគប្បីគ្រប់គ្រង និងប្រើប្រាស់បានត្រឹមត្រូវតាមសេចក្តីណែនាំលេខ ៦៥/HD-MTTW-BTT របស់គណៈ កម្មាធិការមជ្ឈិមរណសិរ្សមាតុភូមិវៀតណាម។ ក្នុងដំណាក់កាលប្រើប្រាស់ថវិកា ប្រសិនមានការជំពាក់វ៉ាក់វិន ទុក្ខលំបាកគប្បីឆ្លុះបញ្ចាំងទាន់ ពេលដល់គណៈអចិន្ត្រៃយ៍គណៈកម្មាធិការរណ សិរ្សមាតុភូមិវៀតណាមខេត្តដើម្បីយើងខ្ញុំមានការប្តូរយោបល់ដោះស្រាយទាន់ពេល។
                                                                                                         អ្នកយកសារព័ត៌មាន៖ សូមអរគុណសមមិត្ត