ពិធីជួបជុំបណ្តាស្ថាប័នតំណាង អ្នកយកសារព័ត៌មានទទួលបន្ទុកភូមិសាស្ត្រខេត្តត្រាវិញ

ទិដ្ឋភាពពិធីជួបជុំ។

     ថ្លែងសុន្ទរកថាពិធីជួបជុំនេះ សមមិត្ត ឡេវ៉ាំងហាំង ប្រធានគណៈកម្មា​ធិការប្រជាជនខេត្តបានជូនដំណឹងទូទៅអំពីស្ថានភាពសេដ្ឋកិច្ច វប្បធម៌ សង្គម ការពារជាតិ-សន្តិសុខ ការងារកោះហៅវិនិយោគ សុខុមាលភាពសង្គម និងចលនាកសាងជនបទថ្មីរបស់ខេត្តសម្រេចបានក្នុងឆ្នាំ ២០២៤។ សមមិត្ត ឡេវ៉ាំងហាំង បញ្ជាក់ថា បណ្តាលទ្ធផលដែលសម្រេចបានក្នុងឆ្នាំកន្លង​ក៏មាន​ការរួមវិភាគទានយ៉ាងសកម្មរបស់បណ្តាស្ថាប័នតំណាង អ្នកយកសារព័ត៌​មាននៅក្នុង និងក្រៅខេត្តផងដែរ។ ទន្ទឹមនឹងនោះ សមមិត្ត ឡេវ៉ាំងហាំង ជូនព័ត៌មានកំណត់ទិសដៅគប្បីត្រូវមូលផ្តុំអនុវត្តលើបណ្តាវិស័យក្នុងឆ្នាំ ២០២៥។

     សមមិត្ត ឡឹមមិញដាំង អនុលេខាគណៈកម្មាធិការបក្សខេត្តវាយតម្លៃខ្ពស់​ចំពោះការរួមវិភាគទានរបស់បណ្តាស្ថាប័នតំណាង អ្នកយកសារព័ត៌មាន​នៅក្នុង និងក្រៅខេត្តសកម្មផ្សព្វផ្សាយ ឆ្លុះបញ្ចាំងលើគ្រប់វិស័យជួយឱ្យថ្នាក់​ដឹកនាំខេត្តក្តាប់បានព្រឹត្តិការណ៍ទាន់ពេល និងចង្អុលការបណ្តាមូលដ្ឋាន អង្គភាពតម្រែតម្រង់ កែលម្អធ្វើសកម្មភាពបានល្អប្រសើរជាង។ អនុលេខាគណៈកម្មាធិការបក្សខេត្ត សង្ឃឹមថា ឆ្នាំ ២០២៥ នេះ បណ្តា​ស្ថាប័ន​តំណាង អ្នកយកសារព័ត៌មាននៅក្នុង និងក្រៅខេត្ត បន្តផ្សព្វផ្សាយ​បណ្តាភាពមានប្រៀបរបស់ខេត្តដើម្បីទាក់ទាញវិនិយោគទៅលើបណ្តាវិស័យរបស់ខេត្ត ជាពិសេសគឺផ្សព្វផ្សាយអំពីលទ្ធផលរៀបចំ បន្សុទ្ធសម្រាំងប្រព័ន្ធយន្តការ ផ្សព្វផ្សាយមហាសន្និបាតបក្សគ្រប់លំដាប់ថ្នាក់ក្នុងឆ្នាំ ២០២៥ និងបណ្តាព្រឹត្តិការណ៍អនុស្សាវរីយ៍ឆ្នាំទី ៥៥ ទិវារំដោះភាគខាងត្បូង អនុស្សាវរីយ៍ឆ្នាំទី ៦៥ ទិវាចុះកិច្ចសន្យាចងសម្ព័ន្ធមេត្រីភាពរវាង ០២ ខេត្តត្រាវិញ និងថាយបិញ៕

រតនា