ប៉ុស្តិ៍ការពារព្រំដែនម៉ីឡុង៖ បំផុសចលនាមហាជនការពារព្រំដែនសមុទ្រ

      ពង្រីកតួនាទីការងារចលនាមហាជន រយៈពេល ៦ ខែដើមឆ្នាំ ២០២១ បញ្ជាការដ្ឋានអង្គភាព ប៉ុស្តិ៍ការពារព្រំដែនម៉ីឡុង ចង្អុលការកងកម្លាំងចុះទៅមូលដ្ឋានអនុវត្តការផ្សព្វផ្សាយបានចំនួន ៧៨ លើកអំពីអធិបតេយ្យភាពសន្តិសុខព្រំដែន។ ទន្ទឹមនឹងនោះ សហការជាមួយគណៈកម្មាធិការបក្ស រដ្ឋអំណាច រណសិរ្សមាតុភូមិ អង្គការមហាជនមូលដ្ឋានផ្សព្វផ្សាយអត្ថន័យបណ្តាថ្ងៃបុណ្យមហោឡារិករបស់ប្រទេសជាតិ របស់ខេត្ត របស់មូលដ្ឋាន  បណ្តាវិធានការបង្ការ ទប់ស្កាត់អាសន្នរោគ កូវីដ-១៩ បង្ការ ជម្នះគ្រោះធម្មជាតិ អាសន្នរោគលើមនុស្ស លើពាហនៈសត្វ បក្សីសត្វ ជំរុញមាំចលនាមហាជនការពារសន្តិសុខមាតុប្រទេស រក្សាសន្តិសុខនយោបាយ សណ្តាប់ធ្នាប់ សុវត្ថិភាព សង្គម ថ្កោលទោសបទល្មើស រួមចំណែកការពាររឹងមាំតំបន់ព្រំដែនសមុទ្រអាស្រ័យអង្គភាពគ្រប់គ្រង។ កសាងមូលដ្ឋាននយោបាយភូមិភាគឲ្យកាន់តែរឹងមាំ រក្សាភាពសុខសាន្តជូនប្រជាជន នឹងនរចិត្តពលកម្ម ផលិត ពង្រីកសេដ្ឋកិច្ច។
      បណ្តាខែដើមឆ្នាំ ២០២១ ប៉ុស្តិ៍ការពារព្រំដែនម៉ីឡុង សហការជាមួយឃុំម៉ីឡុងណាម ជីកប៉ះទំនប់បង្ខាំងទឹកជន់ជោរនៅភូមិញ៉ី ធានាបម្រើការផលិតជូនប្រជាជន ធ្វើអនាម័យតាមដងផ្លូវជនបទលេខ ២៣ ឆ្លងកាត់ភូមិសាស្រ្តឃុំ ចូលរួមប្រជុំជីវភាពក្លឹប “នារីចូលរួមការពារបរិស្ថានសមុទ្រ” ជារៀងរាល់ខែ ចេញដំណើររៀបចំអនាម័យឆ្នេរសមុទ្រម្តង។  សហការជាមួយសម្ព័ន្ធយុវជនស្រុកកូវង៉ាង និងសម្ព័ន្ធយុវជនឃុំ ទីប្រជុំជនចំនួន ៣ លើភូមិសាស្រ្តផ្សព្វផ្សាយចលនា “គប្បីធ្វើឲ្យជ្រះសមុទ្រ” ប្រមូលសំរាមនៅតំបន់ឃុំម៉ីឡុងបាក់ ម៉ីឡុងណាម និងទីប្រជុំជនម៉ីឡុង សហការជាមួយ ឃុំម៉ីឡុងបាក់ថែទាំផ្លូវផ្កាភូមិហាញ់ម៉ី ប្រវែង ១,២ គីឡូម៉ែត្រ បង្កទិដ្ឋភាពបរិស្ថានបៃតង - ជ្រះ - ស្អាត ធានាបណ្តាលក្ខឋានឃុំជនបទថ្មី លើកកម្ពស់ និង កសាងផ្សារអារ្យធម៌។
      លោកវរសេនីយ៍ឯកបម្រុង ផាងវុាំងរ៉ឹង ស្នងការនយោបាយ លេខាគណៈកម្មាធិការបក្សប៉ុស្តិ៍ការពារព្រំដែនម៉ីឡុងបានឱ្យដឹង៖ គណៈកម្មាធិការបក្សចង្អុលការបណ្តាសាខាបក្សអនុវត្តល្អខ្លឹមសារ បក្ខជនទទួលបន្ទុកគ្រួសារ ផ្សព្វផ្សាយ បំផុសចលនាប្រជាជនរស់នៅ និងធ្វើការតាមរដ្ឋធម្មនុញ្ញ និងក្រឹត្យច្បាប់។ ក្តាប់ស្ថានភាពផលិតរបស់ ២៥ គ្រួសារ(ជួយប្រមូលផលដំណាំ) និងចូលរួមប្រជុំជីវភាពរបស់ឃុំ អនុសង្កាត់ចំនួន ៦ លើភូមិសាស្រ្ត ទទួលបន្ទុក។
      ជារៀងរាល់ឆ្នាំ អង្គភាពរក្សាអនុវត្តការងារចុះកិច្ចព្រមព្រៀង  សហការជាមួយបណ្តាអង្គការមហាជន និងអាណត្តិកាលនីមួយៗចុះកិច្ចព្រមព្រៀង ជាមួយគណៈកម្មាធិការបក្សមូលដ្ឋានចូលរួមពង្រឹងបណ្តាលក្ខឋានជនបទថ្មីលើកកម្ពស់របស់ ឃុំម៉ីឡុងបាក់ និងម៉ីឡុងណាម និងកសាងទីប្រជុំជនម៉ីឡុងឲ្យកាន់តែមានអារ្យធម៌៕            ប្រែសម្រួល៖ ថាច់សម្បត្តិ