បក្ខភាគសង្កាត់ទី ៩៖ ជំរុញមាំ “ការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ ”

ទម្រង់ចិញ្ចឹមគោរបស់បក្ខជន ថាច់ចៀង។

  ក្នុងឆ្នាំ ២០២៤ បក្ខភាគសង្កាត់ទី ៩ ផ្សព្វផ្សាយអនុវត្ត ៤ ទម្រង់រៀនសូត្រ និងធ្វើតាមសតិអារម្មណ៍ សីលធម៌ ឥរិយាបថ ហូជីមិញ៖ (១) ទម្រង់ “ពង្រីកប្រាជ្ញាប្រជាជន កម្លាំងប្រជាជន ផលប្រយោជន៍ជូនប្រជាជន” (២) ទម្រង់ “រក្សាខ្ជាប់សម្បថចំពោះមុខបក្ស” (៣) ទម្រង់សាខាបក្ស “ល្អ ៤ យ៉ាង” បក្ខភាគ “ល្អ ៤​ យ៉ាង” និង (៤) ទម្រង់ “ថ្នាក់លើធ្វើខ្នាតគំរូ ថ្នាក់ក្រោមសកម្មធ្វើតាម”។ មានសាខាបក្ស ១៣/១៣ កន្លែង និងបក្ខជន ១០០% ចុះឈ្មោះអនុវត្ត។ បណ្ដាទម្រង់ខាងលើសុទ្ធតែភ្ជាប់ជាមួយបធានបទប្រចាំឆ្នាំ កសាងទម្រង់ “បំផុសចលនាបក្ខជនរួមវិភាគទានមូលនិធិឧបត្ថម្ភបក្ខជនឈឺថ្កាត់ បាត់បង់ជីវិត” ដោយមានសាខាបក្ស ១៣/១៣ កន្លែងបានផ្សព្វផ្សាយអនុវត្ត។ តាមរយៈនោះ បក្ខជនរួមវិភាគទានប្រាក់គិតមកទល់ពេលនេះ បានចំនួន ៣៤,៨ លានដុង ចាត់តាំងទៅសួរសុខទុក្ខបក្ខជនឈឺថ្កាត់ ១៧ រូប និងចូលកុសលបុណ្យសពជាមួយទឹកប្រាក់សរុបជាង ១១ លានដុង។

  សមមិត្ត យឿងវ៉ាំងហុង លេខាគណៈកម្មាធិការបក្សសង្កាត់ទី ៩ បានឱ្យដឹងថា៖ គណៈកម្មាធិការបក្សចង្អុលការតាមការកំណត់ អនុវត្តម៉ឺងម៉ាត់ការទិតៀន ស្វ័យទិតៀន និងវាយតម្លៃ ទទួលបញ្ជាក់បណ្ដាអាការថមថយអំពីសតិអារម្មណ៍នយោបាយ និងសីលធម៌ របៀបរស់នៅក្នុងកម្មាភិបាល បក្ខជន។ លទ្ធផលគ្មានសមូហភាព និងបុគ្គលរូបណាមានអាការថមថយ។ ការណែនាំ ត្រួតពិនិត្យ ឃ្លាំមើលការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ បានបង្កើនឡើង។ ចាត់តាំងបូកសរុប បូកសរុបបឋមបណ្ដាសារាចរ សេចក្ដីសម្រេចចិត្ត ស្នើទៅថ្នាក់លើស្ងើចសរសើរជូនរង្វាន់ចំពោះសមូហភាព ២ កន្លែង បុគ្គល ៤ រូបដែលមានស្នាដៃឆ្នើមពិសេសក្នុងការអនុវត្តន៍ទម្រង់។

  បណ្ដាសាខាបក្ស និងបណ្ដាអង្គការចាត់តាំងនយោបាយ-សង្គមបន្តអនុវត្ត ២០ ទម្រង់ដែលបានចុះឈ្មោះ។ តាមរយៈនោះ រកឃើញពីរបៀបធ្វើពូកែ ទម្រង់មានប្រសិទ្ធភាព មានកម្លាំងសាយភាយក្នុងជីវភាពសង្គម បង្កភាពវិវឌ្ឍន៍យ៉ាងខ្លាំងក្លាអំពីស្មារតី និងសកម្មភាពរបស់កងជួរកម្មាភិបាល បក្ខជន និងសមូហភាពបណ្ដាសាខាបក្ស។

   រៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ បក្ខជនជាច្រើន មិនត្រឹមតែសម្រេចល្អភារកិច្ចរបស់ខ្លួនប៉ុណ្ណោះទេ នៅទាំងបើកទូលាយចែករំលែកដល់បណ្ដាស្ថានភាពរបស់ប្រជាជនដើម្បីគ្រួសារជួបការលំបាកបានឈានឡើងក្នុង ជីវភាពទៀត។ តួយ៉ាងដូចជា បក្ខជនសឺនយឹង លេខាសាខាបក្សអនុសង្កាត់ទី ១ តែងបានប្រជាជនគោរពស្រឡាញ់ ពីព្រោះលោករៀនបានមេរៀន និងរបៀបធ្វើតាមអ៊ំជាច្រើន និងមានការចែករំលែកជាមួយប្រជាជន។ ឬក៏បក្ខជន ថាច់ចៀង នៅអនុសង្កាត់ទី ៥ ដោយអាស្រ័យសកម្មរៀនសូត្រ និងធ្វើតាមអ៊ំបានជួយឱ្យសេដ្ឋកិច្ចគ្រួសារបានកែលម្អ កសាងបានទម្រង់ចិញ្ចឹមគោ ទទួលបានប្រាក់ចំណូលលំនឹង។

  ឆ្នាំ ២០២៥ បក្ខភាគជ្រើសយកបណ្ដាខ្លឹមសារជាក់ស្ដែងអំពីសតិអារម្មណ៍ សីលធម៌ ឥរិយាបថរបស់អ៊ំ ដែលពាក់ព័ន្ធដល់សមត្ថកិច្ច ភារកិច្ចរបស់មូលដ្ឋាន អង្គភាព និងស្ថានភាពសតិអារម្មណ៍ នយោបាយ សីលធម៌របៀបរស់នៅរបស់កម្មាភិបាល បក្ខជនដើម្បីប្រជុំជីវភាព រួមចំណែកបង្កភាពវិវឌ្ឍន៍បណ្ដាវិស័យ៖ ពង្រីកសេដ្ឋកិច្ច វប្បធម៌ សង្គម ការពារជាតិ សន្តិសុខ កសាងប្រព័ន្ធនយោបាយ។ កសាង  ពង្រីកទូលាយបណ្ដាទម្រង់គំរូជឿន ដើម្បីឱ្យចលនា រៀនសូត្រ និងធ្វើតាមអ៊ំសម្រេចបានលទ្ធផលខ្ពស់ជាងទៀត៕អត្ថបទ-រូបថត៖ សម្បត្តិ