បក្ខភាគឃុំង៉ាយស្វៀងអនុវត្តសម្រេចលើសភាគកម្រិតសេចក្ដីសម្រេចចិត្តឆ្នាំ ២០២៤

ផ្លូវគមនាគមន៍ជនបទភូមិសមចយ ឃុំង៉ាយស្វៀងបានកសាងរឹងមាំ បង្កលក្ខណៈឲ្យប្រជាជនធ្វើដំណើរនិងដឹកជញ្ជូនមុខទំនិញងាយស្រួល។

  ក្នុងឆ្នាំ ២០២៤ គណៈកម្មាធិការបក្សឃុំង៉ាយស្វៀងបានចេញផ្សាយសារលិខិតដឹកនាំ ចង្អុលការចំនួន ១៨៥ ច្បាប់ស្ដីពីការក្រើនរំលឹកស្ថានភាពអនុវត្តភារកិច្ចនយោបាយលើបណ្ដាវិស័យ។

សមមិត្តង្វៀងខាញ់ហ្វា លេខាគណៈកម្មាធិការបក្សឃុំង៉ាយស្វៀងបានឲ្យដឹងថា៖ សរុបតម្លៃសេដ្ឋកិច្ចរបស់ឃុំង៉ាយស្វៀងតាមការប៉ាន់ស្មានសម្រេច ៨៨៨ ពាន់លានដុង (កើន ៥៨ ពាន់លានដុងប្រៀបជាមួយពេលដូចគ្នានៃឆ្នាំ ២០២៣) សម្រេច ១១៤,១៤% សេចក្ដីសម្រេចចិត្ត។ ប្រមូលថវិការដ្ឋសម្រេច ១៥,៥ ពាន់លានដុង ក្នុងនោះ ប្រមូលផ្ទៃក្នុង សម្រេច ១,៤៤៤ ពាន់លានដុង (កើន ៨២៣ លានដុងប្រៀបជាមួយឆ្នាំ ២០២៣) សម្រេច ២១៤,៨៨% សេចក្ដីសម្រេចចិត្តដាក់ចេញ។

 អំពីការកសាងប្រព័ន្ធនយោបាយ ក្នុងឆ្នាំ ឃុំពង្រីកបក្ខជនបានចំនួន ១០ រូប សម្រេច ១២៥% ភាគកម្រិត។ ទន្ទឹមនឹងនោះ គណៈកម្មាធិការបក្សឃុំបន្ដចង្អុលការអនុវត្តល្អការងារជំរុញការសិក្សា ជំរុញបញ្ញា កសាងសង្គមរៀនសូត្រ កសាងឃុំសម្រេចលក្ខឋានឧត្តានកម្មអប់រំ។ បច្ចុប្បន្ន ឃុំបានអនុវត្តសម្រេចលក្ខឋានឧត្តានកម្មអប់រំកម្រិតពន្លកចំពោះកុមារអាយុ ០៥ ឆ្នាំ សម្រេចលក្ខឋានឧត្តានកម្មអប់រំបឋមសិក្សាកម្រិត ៣ សម្រេចឧត្តាន កម្មអប់រំអនុវិទ្យាល័យកម្រិត ៣ សម្រេចលក្ខឋានឧត្តានកម្មអប់រំអនុវិទ្យាល័យនិងសម្រេចលក្ខឋានបំបាត់អនក្ខរកម្មកម្រិត ២។

  ចំនួនពលករបានបណ្ដុះបណ្ដាលចំនួន ៣.៥៥០/៥.៩៦៦ នាក់ សម្រេចអត្រា ៥៩,៦% សម្រេច ១០៤% នៃសេចក្ដីសម្រេចចិត្ត។ ក្នុងនោះ ពលករបានបណ្ដុះបណ្ដាលមានសញ្ញាបត្រ វិញ្ញាបនបត្រ ១.៦១០/៣.៥៥០ នាក់ សម្រេច ១០៧% សេចក្ដីសម្រេចចិត្ត។ បង្កើតការងារធ្វើថ្មីជូនពលករចំនួន ៨៥០ នាក់ សម្រេច ២៧១,៥៦% សេចក្ដីសម្រេចចិត្ត (កើន ៣១៣ នាក់បើប្រៀបនឹងឆ្នាំ ២០២៣)។ បញ្ជូនពលករទៅធ្វើការមានពេលកំណត់នៅបរទេស ១៤ នាក់ សម្រេច ១៤០% នៃសេចក្ដីសម្រេចចិត្ត (កើន ០៣ នាក់)។

  ក្នុងឆ្នាំ ២០២៤ គ្រួសារក្រីក្ររបស់ឃុំង៉ាយស្វៀងបានកាត់បន្ថយ ០,៩% (ស្មើនឹង ២៨ គ្រួសារ) សម្រេច ១១៧,៣៩% នៃសេចក្ដីសម្រេចចិត្ត (កាត់បន្ថយគ្រួសារក្រីក្រជាជនជាតិខ្មែរ ២០/២៨ គ្រួសារ) សម្រេច ១៤៣% សេចក្ដីសម្រេចចិត្ត)។

 តាមលទ្ធផលត្រួតពិនិត្យ បច្ចុប្បន្ន ទូទាំងឃុំនៅមានគ្រួសារក្រីក្រ ៥៤ គ្រួសារ ស្មើអត្រា ១,៧១% គ្រួសារជិតក្រនៅ ១០៣ គ្រួសារ ស្មើអត្រា ៣,២៦% នៃចំនួនគ្រួសាររួមក្នុងទូទាំងឃុំ។ មាន១.៨៩៧ គ្រួសារស្ថិតក្នុងកម្រិតជីវភាពមធ្យម ៧៧៥ គ្រួសារមានជីវភាព ធូរធានិងមាន ០៧ គ្រួសារសម្បូរស្ដុកស្ដម្ភ។

 ឃុំក៏បានចង្អុលការអនុវត្តល្អបណ្ដាគោលនយោបាយចំពោះជនរួមជាតិភាគតិច ជាពិសេស គោលនយោបាយឧបត្ថម្ភអនុវត្តកម្មវិធីគោលដៅជាតិស្ដីពីការពង្រីកសេដ្ឋកិច្ច សង្គមនៅតំបន់ជនជាតិភាគនិងតំបន់ភ្នំ ដំណាក់កាល ២០២១-២០២៥ និងបណ្ដាគោលនយោបាយតាមសេចក្ដីសម្រេចចិត្តលេខ ១២/២០១៨/ QĐ-TTg និងបណ្ដាគោលនយោបាយជនជាតិ។ វិនិយោគកសាងហេដ្ឋារចនាសម្ព័ន្ធចាំបាច់សម្រាប់បម្រើការផលិត ការរស់នៅក្នុងតំបន់ជនជាតិភាគតិច បង្កលក្ខណៈឲ្យបណ្ដាវត្តពុទ្ធសាសនាគណៈមហានិកាយខ្មែរ នៅលើភូមិសាស្រ្តឃុំចាត់តាំងបើកថ្នាក់បង្រៀនអក្សរសាស្រ្តខ្មែរ ចាត់តាំងសម័យប្រឡង ថ្នាក់ពុទ្ធិកសិក្សានិងចាត់តាំងបណ្ដាសកម្មភាពវប្បធម៌ សិល្បៈ កីឡា ក្នុងនោះមានពិធីប្រណាំងទូក-ងខ្នាតតូចបម្រើការកម្សាន្ដសប្បាយសម្រាប់ជនរួមជាតិខ្មែរនៅលើភូមិសាស្រ្តស្រុកថ្កូវទាំងមូល៕

អត្ថបទ-រូបថត៖ ថាច់ហ្វាង