តំណាងជាង ១.៨០០ នាក់ក្នុងទូទាំងប្រទេសចូលរួមសន្និបាតបំពាក់បំប៉នចំណេះដឹងស្តីពីការងារកសាងបក្ស

បណ្តាតំណាងចូលរួមនៅមណ្ឌលផ្សាយបន្តផ្ទាល់នាខេត្តត្រាវិញ។

     អញ្ជើញចូលរួមពិធីបើកសន្និបាតនៅមណ្ឌលផ្សាយបន្តផ្ទាល់នៅរដ្ឋធានីហាណូយ មានបណ្តាតំណាងក្រសួងសារព័ត៌មាន និងឃោសនាការ គណៈចាត់តាំងមជ្ឈិមបក្ស គណៈឃោសនាអប់រំនៃមជ្ឈិមបក្ស និងសមាគមអ្នកកាសែតវៀតណាម។

     មណ្ឌលផ្សាយបន្តផ្ទាល់នៅខេត្តត្រាវិញ មានបណ្តាសមមិត្ត៖ ង្វៀង ធីង៉ុកឡិន អនុប្រធានគណៈចាត់តាំងគណៈកម្មាធិការបក្សខេត្ត លោក ង្វៀង​ថាញ់ល្វឹង នាយករងមន្ទីរសារព័ត៌មាន និងឃោសនាការ បណ្តាតំណាងជាថ្នាក់​ដឹកនាំ អ្នកយកសារពត៌មាន អ្នករៀបរៀងបណ្តាស្ថាប័នសារព័ត៌មាន ទីភ្នាក់ការ​សារព័ត៌មាន ទស្សនាវដ្ដី​ក្នុង​ខេត្ត។

     បណ្តាតំណាងចូលរួមសន្និបាត បានរៀនសូត្របធានបទ ០៥ យ៉ាង៖ (ទី១) បទពិសោធន៍ក្នុងការបង្កើតវណ្ណកម្មសារព័ត៌មាន បទអន្តរាគមន៍នយោបាយ។ (ទី២) បណ្តាខ្លឹមសារថ្មីៗស្តីពីការងារកសាងបក្ស និងប្រព័ន្ធនយោបាយក្នុងបណ្តាសេចក្តីសម្រេចចិត្ត សន្និបាតមជ្ឈិមបក្សលើកទី ៤ ទី ៥ និងទី ៦ (នីតិកាលទី ១៣)។ ( ទី៣) ឧទ្ទេសនាមបធានបទ វិធីសាស្រ្តវិនិច្ឆ័យព័ត៌មាន គំនិតច្នៃប្រតិដ្ឋស្តីពីវណ្ណកម្មកសាងបក្ស និងប្រព័ន្ធនយោបាយ ព្រមទាំងឧទ្ទេសនាមទម្រង់ថ្មី របៀបធ្វើច្នៃប្រតិដ្ឋ មានប្រសិទ្ធភាពក្នុងការងារកសាងបក្ស។ (ទី៤) ចំណេះដឹងច្នៃប្រតិដ្ឋវណ្ណកម្មសារព័ត៌មានស្តីពីការកសាងបក្ស (ទី៥) ការចែករំលែកបទពិសោធន៍ច្នៃប្រតិដ្ឋវណ្ណកម្មសារព័ត៌មានស្តីពីការកសាងបក្សរបស់អ្នកនិពន្ធដែលទទួលបានរង្វាន់ខ្ពស់ក្នុងពិធីប្រឡងយកពានរង្វាន់ បួរឡេមវ៉ាង។ល។

     ថ្លែងសុន្ទរកថាក្នុងពិធីបំពាក់បំប៉ន សមមិត្ត ង្វៀង​ថាញ់ឡឹម អនុរដ្ឋមន្ត្រីក្រសួងសារព័ត៌មាន និងឃោសនាការបានចង្អុលការឲ្យថ្នាក់ដឹកនាំ អ្នកយកសារព័ត៌មាន អ្នករៀបរៀងបណ្តាស្ថាប័នសារព័ត៌មានគប្បីចូលរួមជ្រោមជ្រែង ឲ្យបានច្រើនជាងទៀតចំពោះពានរង្វាន់ សារពត៌មានទូទាំងប្រទេស ស្តីពីការកសាងបក្ស “បួរឡេមវ៉ាង” លើកទី ១៣ ឆ្នាំ ២០២៣ ដើម្បីរួមចំណែកក្នុងការងារកសាង រៀបចំបក្ស និងប្រព័ន្ធនយោបាយ។ បណ្តាស្ថាប័នសារព័ត៌មានគប្បីម្ចាស់ការច្នៃប្រតិដ្ឋជាងទៀតក្នុងការងារព័ត៌មាន និងផ្សព្វផ្សាយអំពីការកសាងបក្ស ស្របតាមស្ថានភាពជាក់ស្តែងនៅមូលដ្ឋាន និងតំបន់នីមួយៗ។ បង្កើនគុណភាពផ្សព្វផ្សាយការកសាងបក្សតាមមធ្យោបាយផ្សព្វផ្សាយពត៌មានតាមទិសដៅនៃកិច្ចសហការរវាង "ការកសាង" និង "ការបង្ក្រាប" ក្នុងនោះយក "ការកសាង" ជាកត្តាសំខាន់ ជាមូលដ្ឋាន ជាយុទ្ធសាស្ត្រយូរអង្វែង យក "ការបង្ក្រាប" ជាភារកិច្ចសំខាន់ ជាបន្ទាន់ ជាប្រចាំ។ អនុវត្តល្អគោលលំនាំ "យកភាពសកម្ម លុបបំបាត់ភាពអសកម្ម" "យកអំពើល្អ លុបបំបាត់អំពើអាក្រក់" ឆ្លងតាមរយៈនោះ បង្កើត និងសាយភាយក្នុងបណ្តាស្ថាប័នសារព័ត៌មាន និងទូទាំងសង្គម។ ជ្រើសវណ្ណកម្ម​សារព័ត៌មាន​ឆ្នើមបំផុត មានគុណភាពខ្ពស់បំផុតដែល​មាន​ការ​រួម​ចំណែកក្នុង​ការ​កសាង​បក្ស ផ្ញើជូនគណៈចាត់តាំង​ពាន​រង្វាន់ បួរឡេមវ៉ាង ដើម្បី​ជូន​រង្វាន់ ស្ងើចសរសើរ​ដល់​អ្នក​និពន្ធ វណ្ណកម្ម ​សមូហភាព និង​បុគ្គល​ឆ្នើម។ល។

     ឆ្លងតាមរយៈអង្គសន្និបាត បានជំនួយឲ្យកម្មាភិបាល អ្នកយកសារព័ត៌មាន និងអ្នករៀបរៀង បង្កើនការយល់ដឹង និងរៀនសូត្របន្ថែមនូវចំណុចថ្មីក៏ដូចជាទស្សនៈថ្មីក្នុងការងារកសាងបក្ស៖ នយោបាយ សតិអារម្មណ៍ សីលធម៌ ការចាត់តាំង និងកម្មាភិបាល រួមចំណែកក្នុងការផ្សព្វផ្សាយឲ្យបានល្អ ការងារចាត់តាំង អនុវត្តសេចក្តីសម្រេចចិត្តមហាសន្និបាតលើកទី ១៣ របស់បក្ស រួមជាមួយនឹងសេចក្តីសម្រេចចិត្តមហាសន្និបាតបក្ខភាគគ្រប់លំដាប់ថ្នាក់អាណត្តិកាល ២០២០-២០២៥។ បំពាក់បំប៉នចំណេះដឹងក្នុងការជ្រើសបធានបទ ក្តាប់សារព័ត៌មាន វិនិច្ឆ័យសារពត៌មានច្នៃប្រតិដ្ឋក្នុងវណ្ណកម្មកសាងបក្ស ជូនអ្នកយកសារព័ត៌មាន និងអ្នករៀបរៀង ដែលទទួលបន្ទុកមុខជំនាញផ្នែកកសាងបក្សរបស់បណ្តាស្ថាប័ន ទីស្នាក់ការសារព័ត៌មាននៅមជ្ឈិម និងមូលដ្ឋាន។ល។

ដំណឹង‑រូបថត៖ សុជា