ឈានដល់ថ្ងៃមហាសន្និបាតតំណាងសមាគមអតីតយុទ្ធជនខេត្តលើកទី ៧(អាណត្តិកាល ២០២២-២០២៧)

     សមាគមអតីតយុទ្ធជនខេត្តត្រាវិញមានសមាជិកជាង ២១ ពាន់នាក់ ក្នុងនោះ សមាជិកខ្មែរ ៣.៧៤៨ នាក់ ស្រូបយកអត្រាងជាង ១៧%។ បន្ទាប់ពីមហាសន្និបាតថ្នាក់ស្រុកបានចាត់តាំងសម្រេចជោគជ័យកាលពីចុងខែកក្កដាឆ្នាំ ២០២២ សមាគមអតីតយុទ្ធជនខេត្តបានផ្តុំកម្លាំងចង្អុលការសមាគមអតីតយុទ្ធជនគ្រប់លំដាប់ថ្នាក់បង្កើនការផ្សព្វផ្សាយអប់រំសមាជិកបន្តអនុវត្តល្អគោលការណ៍ គោលមាគ៌ា គោលនយោបាយ ក្រឹត្យច្បាប់ថ្មីរបស់បក្ស និងរដ្ឋ តាមរយៈរូបភាពជាច្រើនដូចជា៖ សហការជាមួយស្ថានីយវិទ្យុ-ទូរទស្សន៍ត្រាវិញ កាសែតត្រាវិញ បណ្តាដំណាក់ផ្សាយសំឡេងតាមមូលដ្ឋាន ។ល។ ទន្ទឹមនឹងនោះ គណៈអចិន្ត្រៃយ៍សមាគមអតីតយុទ្ធជនខេត្តនៅទាំងចង្អុលការបណ្តាសមាគមមូលដ្ឋានឲ្យផ្តុំកម្លាំងផ្សព្វផ្សាយនៅពេលប្រជុំជីវភាពក្រុម សាខាសមាគម ដើម្បីទុកឱ្យសមាជិក ប្រជាជនលើកម្ពស់ចំណេះដឹង និងអនុវត្តបណ្តាសកម្មភាពប្រឡងប្រណាំងស្នេហាជាតិ បង្កើតស្នាដៃអំណរមហាសន្និបាត។ លទ្ធផលផ្សព្វផ្សាយបានជាង ១.៣៧០ លើកដោយមានសមាជិកអតីតយុទ្ធជន និងប្រជាជនជាង ២៩.៨០០ នាក់ចូលរួម។ ខ្លឹមសារផ្សព្វផ្សាយគឺសារាចរលេខ ០២-CT/TW ចុះថ្ងៃទី ៦ ខែឧសភា ឆ្នាំ ២០២១ របស់គណៈលេខាមជ្ឈិមបក្ស “ស្តីពីការដឹកនាំចាត់តាំងមហាសន្និបាតសមាគមអតីតយុទ្ធជនគ្រប់លំដាប់ថ្នាក់ និងមហាសន្និបាតតំណាងទូទាំងប្រទេសរបស់សមាគមអតីតយុទ្ធជនវៀតណាមលើកទី ៧”  សេចក្តីសម្រេចចិត្តលេខ ០៩-NQ/TW ចុះថ្ងៃទី ៨ ខែមករា ឆ្នាំ ២០០២ របស់ការិយាល័យនយោបាយនីតិកាលទី៩ ស្តីពីបង្កើនការដឹកនាំរបស់បក្សចំពោះការងារអតីតយុទ្ធជនវៀតណាមក្នុងសម័យបដិវត្តន៍ថ្មី សេចក្តីសន្និដ្ឋានលេខ ៦៦-KL/TW ចុះថ្ងៃទី ៤ ខែមីនា ឆ្នាំ ២០១០ របស់គណៈលេខាមជ្ឈិមបក្សស្តីពីបន្តអនុវត្តសេចក្តីសម្រេចចិត្តលេខ ០៩-NQ/TW របស់ការិយាល័យនយោបាយនីតិកាលទី ៩ ។ ទន្ទឹមនឹងនោះ សមាគមអតីតយុទ្ធជនខេត្ត នៅទាំងចង្អុលការសមាគមអតីតយុទ្ធជនគ្រប់លំដាប់ថ្នាក់ ផ្សព្វផ្សាយឲ្យបានទូលំទូលាយអំពីសមិទ្ធផលនានាក្នុងអាណត្តិ ២០១៧-២០២២។

វរសេនីយ៍ឯកឡេ​ថាញ់ត្វៀង ប្រធានសមាគមអតីតយុទ្ធជនខេត្តត្រាវិញ។

     សមាគមអតីតយុទ្ធជនស្រុកចូវថាញ់មានសមាជិកជាង ២.៥៨០ នាក់ ហើយជាសមាគមមួយដែលអនុវត្តល្អការងារអប់រំសមាជិក។ បន្ទាប់ពីចាត់តាំងមហាសន្និបាតថ្នាក់ស្រុកសម្រេចជោគជ័យ គណៈអចិន្ត្រៃយ៍សមាគមអតីតយុទ្ធជនស្រុកចូវថាញ់បានផ្តុំកម្លាំងផ្សព្វផ្សាយដើម្បីសមាជិកបង្កើនការយល់ដឹង អនុវត្តល្អតាមគោលគំនិតថ្មី វិធីសាស្រ្តដឹកនាំថ្មី ដើម្បីពង្រឹង និងពង្រីកប្រវេណីរបស់សមាគមអតីតយុទ្ធជនវៀតណាម រួមចំណែកក្នុងការកសាងអង្គការចាត់តាំងសមាគមបានរឹងមាំគ្រប់ជ្រុងជ្រោយ។ មុន និងក្រោយមហាសន្និបាត សមាគមអតីតយុទ្ធជនស្រុកចូវថាញ់ ចាត់តាំងផ្សព្វផ្សាយបាន ៤៥០ លើក មានសមាជិក អតីតយុទ្ធជន និងប្រជាជនជាង ១៣.៥០០ នាក់ចូលរួម។

     លោកង្វៀងវៀតស ប្រធានសមាគមអតីតយុទ្ធជនស្រុកចូវថាញ់បានឲ្យដឹងថា៖ មហាសន្និបាតសមាគមអតីតយុទ្ធជនគ្រប់លំដាប់ថ្នាក់ប្រព្រឹត្តទៅក្នុងបរិយាកាសដែលទូទាំងបក្ស ទូទាំងកងទ័ព និងទូទាំងប្រជាជន កំពុងសកម្មផ្សព្វផ្សាយអនុវត្តសេចក្តីសម្រេចចិត្តរបស់មហាសន្និបាតលើកទី ១៣ របស់បក្ស។ នេះជាឱកាសងាយស្រួល សម្រាប់សមាគមអតីតយុទ្ធជនគ្រប់លំដាប់ថ្នាក់ក្នុងស្រុក ត្រូវតែផ្លាស់ថ្មីវិធីសាស្រ្តធ្វើសកម្មភាព បន្តការពង្រីកគុណសម្បត្តិ "កងទ័ពអ៊ំហូ" អនុវត្តល្អតាមកិច្ចចង្អុលការ ដឹកនាំរបស់សមាគមអតីតយុទ្ធជនខេត្ត ផ្តុំកម្លាំងចង្អុលការសមាគមអតីតយុទ្ធជនបណ្តាឃុំ ទីប្រជុំជនក្នុងស្រុក បង្កើនការផ្សព្វផ្សាយ សា​រា​ចរ សេចក្តីសម្រេចចិត្តរបស់មជ្ឈិម និងមូលដ្ឋានពាក់ព័ន្ធដល់ការកសាងអង្គការចាត់តាំងសមាគម រួមចំណែកកសាងសមាគមកាន់តែរឹងមាំ ជាទីទំនុកចិត្តរបស់គណៈកម្មាធិការបក្ស រដ្ឋអំណាច និងប្រជាជន។

     តាមប្រសាសន៍របស់វរសេនីយ៍ឯកឡេ​ថាញ់ត្វៀង ប្រធានសមាគមអតីតយុទ្ធជនខេត្តបានបញ្ជាក់ថា៖ បច្ចុប្បន្ននេះ គណៈអចិន្ត្រៃយ៍សមាគមអតីតយុទ្ធជនខេត្ត កំពុងផ្តុំកម្លាំងចង្អុលការសមាគមអតីតយុទ្ធជនគ្រប់លំដាប់ថ្នាក់ឲ្យបង្កើនការផ្សព្វផ្សាយប្រឆាំងនឹងឧបាយកលឃោសនាមួលបង្កាច់របស់បច្ចាមិត្ត ផ្សព្វផ្សាយអំពីប្រវេណីរបស់សមាគមអតីតយុទ្ធជនវៀតណាម "ភក្ដីភាព - សាមគ្គី -ធ្វើជាគំរូ - ផ្លាស់ប្តូរថ្មី" ។ ទន្ទឹមនឹងនោះ សមាគមនៅទាំងចង្អុលការសមាគមអតីតយុទ្ធជនគ្រប់លំដាប់ថ្នាក់ យកចិត្តទុកដាក់ក្នុងកា​រក្តាប់ស្ថានភាព ស្វែងយល់អំពីចិត្តសាស្រ្ត គោលបំណងរបស់សមាជិកអតីតយុទ្ធជន និងប្រជាជន ដើម្បីរាយការណ៍ដល់គណៈកម្មាធិការបក្ស ចង្អុលការដោះស្រាយបញ្ហាផ្សេងៗបានទាន់ពេល រួមចំណែកក្នុងការរក្សាលំនឹងសន្តិសុខនយោបាយ សុវត្ថិភាពសង្គម ដើម្បីកា​រចាត់តាំងមហាសន្និបាតសមាគមអតីតយុទ្ធជនខេ​ត្តលើកទី ៧ អាណត្តិកាល ២០២២‑២០២៧ ប្រព្រឹត្តទៅបាន​សម្រេចជោគជ័យជា​ស្ថាពរ៕

អត្ថបទ-រូបថត៖សុជា