ក្រសួងសុខាភិបាលអញ្ជើញមកធ្វើការជាមួយខេត្តត្រាវិញអំពីការងារបង្ការ ទប់ស្កាត់ជំងឺកូវីដ-១៩

12/10/2021 08:18

សប្តាហ៍កន្លង អនុរដ្ឋមន្ត្រីក្រសួងសុខាភិបាល ង្វៀងទ្រឿងស៊ើងអញ្ជើញមកធ្វើការត្រួត ពិនិត្យការងារបង្ការ ទប់ស្កាត់អាសន្នរោគជំងឺកូវីដ-១៩ នៅខេត្តត្រាវិញ។ទទួលបដិសណ្ឋារកិច្ច និងធ្វើការជាមួយក្រុមប្រតិភូការងារមានលោក ឡេវ៉ាំងហាំង ប្រធានគណៈកម្មាធិការប្រជាជនខេត្ត ប្រធានគណៈចង្អុលការបង្ការ ទប់ស្កាត់អាសន្នរោគជំងឺកូវីដ-១៩ ខេត្ត លោកឡេថាញ់បិញ អនុប្រធានគណៈកម្មាធិការប្រជាជនខេត្ត ព្រមទាំងថ្នាក់ដឹកនាំមន្ទីរ ស្ថាប័នខេត្តមួយចំនួន។

របាយការណ៍ជូនក្រុមប្រតិភូការងារលោក ឡេវ៉ាំងហាំងបានឲ្យដឹងថា៖ គិតដល់ម៉ោង ៧ ព្រឹក ថ្ងៃទី ០៤ តុលា ឆ្នាំ ២០២១ នៅលើភូមិសាស្រ្ត ខេត្តត្រាវិញមានចំនួនករណីជ្រាបជំងឺសរុបរួម ១.៥២៣ នាក់ ក្នុងនោះ ករណីអន្តោប្រវេសន៍ ៤២ នាក់ ករណីក្រៅខេត្ត ១១ នាក់ ក្នុងខេត្ត ១.៤៧០ នាក់ ករណីបានព្យាបាលជាសះស្បើយ ១.៣៩៩ នាក់ ករណីកំពុងព្យាបាល ១០៣ នាក់ កំណត់ត្រាករណីស្លាប់ ២១ នាក់។ ស្ថានភាពអាសន្នរោគជំងឺនៅលើភូមិសាស្រ្តខេត្តបានត្រួតពិនិត្យគ្រប់គ្រងគណៈមាន ៩/៩ អង្គភាពសម្រេចបានធម្មតាថ្មី។

កងជួរគ្រូពេទ្យត្រួតដៃគ្នារុញច្រានថយក្រោយអាសន្នរោគជំងឺកូវីដ-១៩។ រូបថត៖ រតនា

គិកមកដល់ពេលនេះ នៅលើភូមិសាស្រ្តខេត្ត បានបង្កើតមណ្ឌលធ្វើចត្តាឡីស័កសុខាភិបាល ដើម្បីបង្ការទប់ស្កាត់ជំងឺ ១០៤ កន្លែង (រំសាយចោល ១០៣ មណ្ឌល នៅ ០១ មណ្ឌល) កំពុងធ្វើចត្តាឡីស័កប្រមូលផ្តុំ ៨១៩ ករណី កំពុងធ្វើចត្តាឡីស័កនៅផ្ទះ ទីប្រជុំជនស្នាក់នៅ ៩០៤ ករណី។

អំពីការងារចាក់វ៉ាក់សាំងការពារជំងឺកូវីដ-១៩ គិតចាប់តាំងពីថ្ងៃទី ២៧ មេសាដល់ថ្ងៃទី ៣០ កញ្ញា ឆ្នាំ ២០២១ ខេត្តទទួលវ៉ាក់សាំងពីក្រសួងសុខាភិបាលបែងចែកសរុបរួមបាន ២០១.៤៨០ ម្ជុល ផ្សព្វផ្សាយចាក់បាន ១៧៥.៥៤៩ ម្ជុល (ក្នុងនោះម្ជុលទី ០១ បាន ១២៥.០០១ ម្ជុល និងចាក់ម្ជុលទី ០២ បាន ៥០.៥៤៨ ម្ជុល)។ ចំនួនវ៉ាក់សាំងបានប្រើប្រាស់ ១៦៣.៧៥៤ ម្ជុល អត្រាចាក់សម្រេចបាន ៨១,៣%។

អំពីការងារតេស្ត គិតមកដល់ពេលនេះខេត្តបានផ្សព្វផ្សាយយកសំណាកតេស្តកូវីដ-១៩ ដោយទ្រង់ទ្រាយធំនៅស្រុក ទីផ្សាររួមខេត្ត ទីក្រុង តេស្តរហ័សបាន ៩៣៨.៥១៨ នាក់ មាន ២៥៨ នាក់វិជ្ជមាន តេស្តបញ្ជាក់ឡើងវិញដោយ PCR មាន ៧០ ករណីវិជ្ជមានក្នុងសហគមន៍។

សំណើស្នើជាមួយក្រុមប្រតិភូការងារ ខេត្តត្រាវិញសំណូមពរក្រសួងសុខាភិបាល៖ ចាប់តាំងពីថ្ងៃទី ០១ តុលា ឆ្នាំ ២០២១ ទីក្រុងហូជីមិញ និងខេត្តមួយចំនួនអនុវត្តការបន្ធូរបន្ថយ គម្លាតសង្គម ប្រជាជនមានតម្រូវការវិលត្រឡប់មកស្រុកច្រើន បង្កើតជាសម្ពាធយ៉ាងធំដល់ខេត្តក្នុងការទទួលធ្វើចត្តាឡីស័កមនុស្សក្រៅខេត្ត និងហានិភ័យអាសន្នរោគឆ្លងចូលខេត្ត។ អត្រាប្រជាជនបានចាក់វ៉ាក់សាំងម្ជុលទី ០១ នៅលើភូមិសាស្រ្តខេត្តទើបសម្រេចបានតែ ១៧% នៃចំនួនប្រជាជនស្ថិតក្នុងអាយុ ទាបជាងច្រើនបើប្រៀបធៀបជាមួយនឹងភាគមធ្យមរួមរបស់ទូទាំងប្រទេស ខណៈពេលនោះតម្រូវការពេលខាងមុខត្រូវចាក់ម្ជុលទី ០២ ជូនប្រជាជន ប្រ មាណ ៥៧.០០០ នាក់ មិនទាន់គិតដល់ការឆ្លើយតបតាមផែនការ គ្រប់វ៉ាក់សាំងចាក់ដល់ចុងឆ្នាំ ២០២១ ដើម្បីចាក់ឲ្យប្រជាជនចំនួន ៥០% ដែលត្រូវតម្រូវការវ៉ាក់សាំងប្រមាណ ៥៦៧.០៤០ ម្ជុល។

អនុរដ្ឋមន្ត្រីក្រសួងសុខាភិបាល ង្វៀងទ្រឿងស៊ើង វាយតម្លៃខ្ពស់ លទ្ធផលដែលខេត្តត្រាវិញសម្រេចបានក្នុងការងារបង្ការទប់ស្កាត់អាសន្នរោគជំងឺកូវីដ-១៩ នារយៈពេលកន្លង។ ទន្ទឹមនឹងនោះ កំណត់ត្រាបណ្តាមតិសំណើស្នើរបស់ខេត្តដើម្បីបំភ្លឺជូនក្រុមប្រតិភូការងាររបស់ក្រសួងសុខាភិបាល។

មុននោះ ក្រុមប្រតិភូការងាររបស់ក្រសួង សុខាភិបាលបានអញ្ជើញទៅត្រួតពិនិត្យការងារបង្ការ ទប់ស្កាត់អាសន្នរោគជំងឺនៅមណ្ឌលធ្វើចត្តាឡីស័កប្រមូលផ្តុំនៅអន្តេវាសិកដ្ឋានមហាវិទ្យាល័យត្រាវិញ៕

រតនា