ក្រុមការងាររបស់ក្រុមប្រតិភូត្រួតពិនិត្យឃ្លាំមើលរដ្ឋសភាធ្វើការជាមួយនឹងថ្នាក់ដឹកនាំគណៈកម្មាធិការប្រជាជនខេត្ត

     ក្រោយពីបានអញ្ជើញទៅត្រួតពិនិត្យផ្ទាល់ និងធ្វើការជាមួយគណៈកម្មាធិការ​ប្រជាជន​ស្រុកកូវង៉ាង និងស្រុកយ្វៀង ហាយ។ កាលពីថ្ងៃទី ១២ ខែឧសភា សមមិត្តផាងឌឹក​ហ៊ីវ សមាជិកអចិន្ត្រៃយ៍នៃគណៈកម្មាធិការសេដ្ឋកិច្ច របស់រដ្ឋសភា ធ្វើជាប្រធាន​ក្រុម​ការងាររបស់ក្រុមប្រតិភូត្រួតពិនិត្យឃ្លាំមើលរដ្ឋសភាបានធ្វើការជាមួយនឹងថ្នាក់ដឹកនាំគណៈកម្មាធិការ ប្រជាជនខេត្តអំពីខ្លឹមសារស្ថានភាពផ្សព្វផ្សាយអនុវត្តបណ្តាកម្មវិធីគោលដៅជាតិស្តីពីកសាងជនបទថ្មី កាត់បន្ថយភាពក្រីក្រចីរភាព និងពង្រីកសេដ្ឋកិច្ច-សង្គម​តំបន់ជនរួមជាតិភាគតិច និងតំបន់ភ្នំ ដំណាក់កាល ២០២១-២០២៥។  

ទិដ្ឋភាពអង្គប្រជុំ។ រូបថត៖ ស៊ើងតៀង

     ទទួលបដិសណ្ឋារកិច្ចនិងធ្វើការជាមួយនឹងក្រុមប្រតិភូការងារមានសមមិត្តង្វៀងទ្រុងហ្វាង សមាជិកគណៈប្រតិបត្តិ ការបក្សខេត្ត អនុប្រធានគណៈកម្មាធិការប្រជាជនខេត្ត តំណាងថ្នាក់ដឹកនាំបណ្តាមន្ទីរ ផ្នែកខេត្ត។

     អនុវត្តកម្មវិធីគោលដៅជាតិ ០៣ យ៉ាងស្តីពីកសាងជនបទថ្មី កាត់បន្ថយភាពក្រីក្រ​ចីរភាព ពង្រីកសេដ្ឋកិច្ច-សង្គមតំបន់ជនរួមជាតិភាគតិច និងតំបន់ភ្នំដំណាក់កាល ២០២១-២០២៥ ត្រាវិញបែងចែកថវិកា  ៨៨២,៨៣៦ ពាន់លានដុង ខេត្តបាន​ប្រគល់ផែនការទុនវិនិយោគពង្រីកប្រភពថវិកាមជ្ឈិមដំណាក់កាល ២០២១-២០២៥ ដើម្បីអនុវត្តកម្មវិធីគោលដៅជាតិ ០៣ យ៉ាងចំនួន ៨៨២,៨៣៦ ពាន់លានដុង សម្រេច ១០០% នៃផែនការ។ ថវិកាខេត្តបដិភាគដំណាក់កាល ២០២១-២០២៥ ចំនួន ៥៥០ ពាន់លានដុង។ គិតមកដល់ថ្ងៃទី ០៤/៥/២០២៣ ខេត្តរំសាយថវិកា​មជ្ឈិម​សម្រេចបាន ៤៣,៨៣១/៤៦៨,៥៩៦ ពាន់លានដុង សម្រេច ៩,៣៥%។  

     កម្មវិធីគោលដៅជាតិកសាងជនបទថ្មី៖ ក្នុងទូទាំងខេត្តមាន ០៦/០៩ អង្គភាពស្រុក​បាននាយករដ្ឋមន្ត្រីនៃរដ្ឋាភិបាលផ្តល់សេចក្តីសម្រេចចិត្តទទួលស្គាល់សម្រេចសម្បទា និងសម្រេចភារកិច្ចកសាងជនបទថ្មី។  ស្រុកកូវង៉ាង និងស្រុកយ្វៀងហាយសម្រេច​បាន ០៩/០៩ លក្ខឋានជនបទថ្មី កំពុងសម្រេចសំណុំលិខិតរង់ចាំនាយករដ្ឋ​មន្ត្រីនៃ​រដ្ឋាភិបាលផ្តល់សេចក្តីសម្រេចចិត្តទទួលស្គាល់។ មាន ៨៥/៨៥ ឃុំសម្រេចលក្ខឋាន​ឃុំ​ជន​បទថ្មី មាន ២៩ ឃុំសម្រេចលក្ខឋានឃុំជនបទថ្មីលើកកម្ពស់ មាន ៦៣២/៦៤១ ភូមិសម្រេចសម្បទាភូមិវប្បធម៌ និងលក្ខឋានភូមិជនបទថ្មី (កើន ២៤ ភូមិប្រៀប​ជាមួយនឹងឆ្នាំ ២០២១) សម្រេច ៩៨,៦%។

     កម្មវិធីគោលដៅជាតិកាត់បន្ថយភាពក្រីក្រចីរភាព៖ យោងតាមភាពក្រីក្រពហុសណ្ឋាន ឆ្នាំ ២០២២ ខេត្តកាត់បន្ថយគ្រួសារក្រីក្របាន ៤.៨០៣ គ្រួ បន្ថយ ១,៦៨% នៃអត្រាគ្រួសារក្រីក្រ បើប្រៀងធៀបជាមួយនឹងឆ្នាំ ២០២១ សម្រេចលើសផែនការ ១,១៨% នៃភាគកម្រិតដែលនាយករដ្ឋមន្ត្រីនៃរដ្ឋាភិបាលប្រគល់ជូន។ គ្រួសារជិតក្រ​បន្ថយ​បាន ៦.៣១០ គ្រួ បន្ថយ ២,២០% បើប្រៀបធៀបនឹងឆ្នាំ ២០២១។ 

     កម្មវិធីគោលដៅជាតិពង្រីកសេដ្ឋកិច្ច-សង្គមតំបន់ជនរួមជាតិភាគតិច តំបន់ភ្នំ៖ ឆ្នាំ ២០២២ ខេត្តអនុវត្តកាត់បន្ថយគ្រួសារក្រីក្របាន ១,៣១% (ស្មើនឹងការកាត់បន្ថយ ២.២១៨ គ្រួ) មិនសម្រេចតាមគោលដៅភាគកម្រិតរបស់នាយករដ្ឋមន្ត្រីនៃ​រដ្ឋាភិបាល​ប្រគល់ជូនតាមសេចក្តីសម្រេចចិត្តលេខ /QĐ-TTg ចុះថ្ងៃទី ២៨/៥/២០២២ គឺក្នុង​មួយឆ្នាំកាត់បន្ថយ ០៣%។  មាន ០២/០២ ឃុំង៉ាយស្វៀង និងឃុំហាមយ៉ាង ស្រុក​ថ្កូវ)បានចេញផុតពីភូមិសាស្ត្រលំបាកពិសេស សម្រេច ១០០% នៃផែនការ។ មាន ០២/១០ ភូមិអូរក្តារ ឃុំភឿកហៅ ស្រុកចូវថាញ់ និងភូមិថ្កូវ សេ ឃុំគីមស៊ើង ស្រុកថ្កូវ) បានចេញផុតពីភូមិសាស្ត្រលំបាកពិសេស សម្រេច ១០០% នៃផែនការឆ្នាំ ២០២២។

     អនុវត្តកម្មវិធីគោលដៅជាតិ ០៣ យ៉ាង៖ ជីវភាព សម្ភារ ស្មារតីរបស់ប្រជាជនជនបទ​តែងបានកើនឡើង។ ដំណាក់កាលទីក្រុងឧបនីយកម្មបានស៊ីជម្រៅ ហេដ្ឋារចនា​សម្ព័ន្ធ​សេដ្ឋកិច្ច-សង្គមជនបទបានរីកចម្រើន។ ទិដ្ឋភាពជនបទភ្លឺ-បៃតង-ស្អាត-ជ្រះ-សុវត្ថិ​ភាព អត្តសញ្ញាណវប្បធម៌ប្រពៃណី សម្របសម្រួលជាមួយនឹងអាកាសធាតុប្រែប្រួល​បានអភិវឌ្ឍន៍ស្ថិរភាព និងបានអនុវត្តលើគ្រប់វិស័យ ប្រសិទ្ធភាពបណ្តារចនា គោល​នយោបាយកាត់បន្ថយភាពក្រីក្រដើម្បីលើកកម្ពស់គុណភាពជីវភាព សម្ភារ ស្មារតី ខិតខំ​ក្នុង​មួយឆ្នាំគិតជាមធ្យមបង្កើនអត្រាគ្រួសារក្រីក្របានច្បាមខ្ជាប់ និងប្រើប្រាស់​បណ្តាសេវាកម្មសង្គមជាសារវន្តសមស្របជាមួយនឹងសម្បទារង្វាស់រង្វាល់ភាពក្រីក្រពហុសណ្ឋានពី ០១-១,៥%។

     ថ្វីត្បិតដូច្នោះ ក្នុងដំណាក់កាលផ្សព្វផ្សាយអនុវត្ត ខេត្តនៅជួបការលំបាកជាច្រើនដែរ។ ចំនួន​ឃុំ​សម្រេចលក្ខឋានជនបទថ្មីដំណាក់កាល ២០១៦-២០២០ បានពិនិត្យឡើងវិញ និង​វាយតម្លៃតាមកន្សោមលក្ខឋានដំណាក់កាល ២០២១-២០២៥ លក្ខឋានភាគ​ច្រើន​របស់បណ្តាឃុំ ស្រុកមិនទាន់ឆ្លើយតបត្រឹមត្រូវតាមខ្លឹមសារលក្ខឋានឡើយ។ កាត់​បន្ថយគ្រួសារក្រីក្រក្នុងតំបន់ជនរួមជាតិភាគតិចបាន ១,៣១% (ស្មើនឹង ២.២១៨ គ្រួ) ប៉ុន្តែមិនទាន់សម្រេចតាមគោលដៅដែលនាយករដ្ឋមន្តី្រនៃរដ្ឋាភិបាល​ប្រគល់​ជូន​ឡើយ។ អាស្រ័យដោយ ភាពជាក់ស្តែងចំនួនគ្រួសារក្រីក្ររបស់ ៥៩ ឃុំតំបន់ជនរួម​ជាតិភាគតិចកាលពីដើមឆ្នាំ ២០២២ នៅមានចំនួន ៦.៥៨១ គ្រួ ស្រូបយកអត្រា ៣,៩១% ប្រៀបធៀបជាមួយនឹងចំនួនគ្រួសារស្នាក់នៅក្នុងតំបន់ជនរួមជាតិភាគតិច បានជាក្នុងមួយឆ្នាំកាត់បន្ថយគ្រួសារក្រីក្រក្នុងតំបន់ជនរួមជាតិភាគតិច ០៣% ហេតុនោះខេត្តពិបាកនឹងអនុវត្តសម្រេចបាន។

     មានយោបល់ក្នុងពីធីធ្វើការនេះ សមមិត្តផាងឌឹកហ៊ីវបានសង្កត់ធ្ងន់ថា៖ ខេត្តគប្បី​អាទិភា​ពចាត់តាំង ផ្សព្វផ្សាយអនុវត្ត ក្នុងនោះ គប្បីពិនិត្យឡើងវិញ​បណ្តាឯក​សារ​ណែ​នាំ​របស់មជ្ឈិម រួចបញ្ជាក់ភាពសត្យានុម័ត លទ្ធផល និងភាពស្ថិរភាពរបស់ឯកសារ​ណែនាំនីមួយៗ។ ទន្ទឹមនឹងនោះ ចាត់តាំងផ្សព្វផ្សាយ ហ្វឹកហាត់បណ្តាខ្លឹមសារឯក​សារ​ណែនាំដើម្បីទុកឱ្យបណ្តាអង្គភាព មូលដ្ឋានជ្រួតជ្រាបបានច្បាស់ ឯកភាពចូលរួម​អនុវត្ត។ មូលដ្ឋានផ្សព្វផ្សាយកម្មវិធីគប្បីមានការវាយតម្លៃដល់ការឥទ្ធិពល ប្រសិទ្ធ​ភាព និងភាពចីរភាពរបស់បណ្តាទម្រង់ បង្កើនការចូលរួមរបស់ប្រជាជន មុខសញ្ញា​ដែលទទួលផល បង្កើនកម្ពស់ការឥទ្ធិពលរបស់កម្មវិធី បណ្តុះបណ្តាលកម្លាំងពលកម្ម កសាងទម្រង់កាត់បន្ថយភាពក្រីក្រថ្មី ជំរុញមាំការផ្សព្វផ្សាយ ចលនាប្រជាជនចូល​រួមអនុវត្ត។ គប្បីគួបផ្សំ និងលើកកម្ពស់ប្រសិទ្ធភាពបណ្តាប្រភពទុន វិនិយោគត្រូវមាន​គោលដៅសំខាន់ ចំមុខសញ្ញា កសាងផែនការ បត់បែងទុន ប្រមូលផ្តុំប្រភពធនធាន​អនុវត្ត​យ៉ាង​ផ្តាច់ប្តូរ។ បណ្តាមន្ទីរ ផ្នែកគប្បីត្រូវមានវិធានការម្ចាស់ការទប់ទល់ជាមួយ​នឹងបណ្តាឥទ្ធិពលដល់ដំណាក់កាលអនុវត្តកម្មវិធីគោលដៅជាតិ ០៣ យ៉ាងនេះ៕

ប្រែសម្រួល៖ រតនា