សាលាសកលជនជាតិអន្តេវាសិកអនុវិទ្យាល័យស្រុកកាងឡុង៖ សកម្មចូលរួមបណ្តាពិធីប្រឡងច្នៃប្រតិដ្ឋបច្ចេកទេស

អ្នកគ្រួ ស៊ើងធីង៉ុកយ្វៀង រួមជាមួយប្អូន ស៊ើងមិញល្វឹង និងប្អូនថាច់ធីទៀងម៉ី ពិនិត្យផលិតផលត្រៀមបម្រើសកម្មភាពវប្បធម៌របស់ជនរួមជាតិខ្មែរ អាស្រ័យប្អូនទាំងពីររូបអនុវត្ត។ រូបថត៖ ង៉ុកស្វង

     ក្នុងនោះ សិស្សរបស់សាលាបានចូលរួមយ៉ាងសកម្មពិធីប្រឡងច្នៃប្រតិដ្ឋសម្រាប់យុវកុមារដែលសហព័ន្ធន៍បណ្ដាសមាគមវិទ្យាសាស្រ្តនិងបច្ចេកទេសខេត្តចាត់តាំង។ គិតតាំងពីឆ្នាំសិក្សា ២០១៨-២០១៩ មកទល់ពេលនេះ ចំនួនផលិត ផលដែលបានយកទៅចូលរួមពិធីប្រឡងរបស់សិស្សានុសិស្ស កើនទាំងចំនួននិងគុណភាព ហើយទទួលបានរង្វាន់ខ្ពស់ ក្នុងនោះទទួលបានរង្វាន់ថ្នាក់ខេត្ត៖ លេខមួយ ០១ រង្វាន់ លេខពីរ ០៣ រង្វាន់ លេខបី ០៦ រង្វាន់ និងរង្វាន់លើកទឹកចិត្ត ០៧ រង្វាន់ ព្រមទាំងរង្វាន់លើកទឹកចិត្តថ្នាក់ជាតិ ០១ រង្វាន់។ លោកគ្រូ ឡេង៉ុកណូយ ចាងហ្វាងសាលាឲ្យដឹងថា៖ ដោយកំណត់បានអំពីចំណុចសំខាន់នៃការស្រាវជ្រាវ ច្នៃប្រតិដ្ឋវិទ្យាសាស្រ្តបច្ចេកទេសចំពោះការងារសិក្សាអប់រំ បណ្តាឆ្នាំជិតៗនេះ សាលាតែងយកចិត្តទុកដាក់ណែនាំ ជំរុញទឹកចិត្តឲ្យសិស្សចូលរួមពិធីប្រឡង និងលើកទឹកចិត្តឲ្យគ្រូបង្រៀនណែនាំ បង្កើតបានជាចលនាប្រឡងប្រណាំងច្នៃប្រតិដ្ឋយ៉ាងផុលផុសនៅក្នុងសាលា។

     អ្នកគ្រូង្វៀងហ្វិញញឺ ប្រធានក្រុមនៃក្រុមសង្គមរបស់សាលាបានឲ្យដឹងថា៖ ផ្ដើមពីបណ្ដាគោលគំនិតរបស់សិស្ស  គ្រូបង្រៀនបានកំណត់ទិសដៅនិងឧបត្ថម្ភប្អូនៗឲ្យវិនិយោគការស្រាវជ្រាវបង្កើតបាន ជាបណ្ដាផលិតផលមានប្រយោជន៍ បានគ្រូបង្រៀនវាយតម្លៃខ្ពស់ និងទទួលបានរង្វាន់ក្នុងពិធីប្រឡង។ ក្នុងដំណាក់កាលណែនាំសិស្សអនុវត្តបណ្ដាបធានបទ វិធីសាស្រ្ត យើងខ្ញុំក៏បានលើកកម្ពស់លទ្ធផល និងចំណេះដឹងពីបណ្តាបធានបទ វិធីសាស្រ្តស្រាវជ្រាវរបស់សិស្ស។ ច្រើនឆ្នាំបន្តបន្ទាប់សម្រេចបានរង្វាន់ខ្ពស់ក្នុងពិធីប្រឡង បង្កបានក្តីជំនឿ ថាមពលជួយឲ្យសិស្សនិងគ្រូបង្រៀនបន្តការ ស្រាវជ្រាវ ច្នៃប្រតិដ្ឋបណ្តាគំនិតល្អៗ មានប្រយោជន៍ក្នុងការសិក្សានិងការរស់នៅ។

     ក្រៅពីពិធីប្រឡងច្នៃប្រតិដ្ឋសម្រាប់យុវកុមារ សិស្សសាលាសកលជនជាតិអន្តេវាសិកអនុវិទ្យាល័យស្រុកកាងឡុងនៅ ទាំងសកម្មចូលរួមពិធីប្រឡងស្រាវជ្រាវ វិទ្យាសាស្រ្តបច្ចេកទេសថ្នាក់ខេត្តសម្រាប់សិស្សអនុវិទ្យាល័យដែលមន្ទីរអប់រំ និងបណ្តុះបណ្តាលចាត់តាំង។ ជាលទ្ធផល ក្នុងពិធីប្រឡងឆ្នាំសិក្សា ២០២២-២០២៣ គម្រោងការ “បំផុសក្តីស្រឡាញ់វប្បធម៌ជនជាតិតាមរយៈការច្នៃប្រតិដ្ឋបណ្តាផលិតផល បម្រើការប្រជុំជីវភាពវប្បធម៌របស់ជនជាតិខ្មែរ” របស់ប្អូន ស៊ើងមិញលឹ្វង និងថាច់ធីទៀងម៉ីទទួលបានជ័យលាភីលេខមួយនិងកំពុងបានកែសម្រួលមក ដើម្បីចូលរួមពិធីប្រឡងច្នៃប្រតិដ្ឋសម្រាប់យុវវ័យ។

     ប្អូនស៊ើងមិញល្វឹងឲ្យដឹងថា៖ ប្អូនច្រើនទៅវត្ត និងចូលរួមពិធីបុណ្យមួយចំនួនរបស់ជនរួមជាតិខ្មែរ។ ផ្ដើមពីនោះ ប្អូនចូលចិត្តបណ្តាកម្មវិធីបម្រើការប្រជុំជីវភាពរបស់ជនរួមជាតិខ្មែរនៅបណ្តាពិធីបុណ្យដូចជា៖ មកុដ ក្បាំងមុខ ភ្លេងពិណ ពាទ្យ។ល។ ម៉្លោះហើយ ប្អូននិងមិត្តទៀងម៉ី រៀបចំពេលវេលារៀនបណ្តើរធ្វើបណ្តើរនូវបណ្តាវណ្ណកម្មអស់រយៈពេលជាង ០២ ខែទើបធ្វើសម្រេច ប្អូនរីករាយណាស់ដោយបានគណៈមេប្រយោគវាយតម្លៃខ្ពស់ និងទទួលបានជ័យលាភីលេខមួយក្នុងពិធីប្រឡង។

     អ្នកគ្រូស៊ើងធីង៉ុកយ្វៀង គ្រូបង្រៀនណែនាំ រួមដំណើរជាមួយប្អូនទាំង ០២ រូប អនុវត្តផលិតផលឲ្យដឹងថា៖ អាស្រ័យជាសិស្សសាលាជនជាតិអន្តេវាសិក ម៉្លោះហើយប្អូនៗកំណត់ទិសដៅក្នុងការជ្រើសបធានបទចូលរួមប្រឡងសមស្រប ជាមួយលក្ខណៈវប្បធម៌ជនជាតិខ្មែរ។ ដោយចំណាយពេល ចំណាយកម្លាំងច្រើនបង្គួរក្នុងការអនុវត្តន៍តុបតែងផលិតផលនិងស្វែងរកឈើសម្រាប់ធ្វើភ្លេងពិណពាទ្យ ម៉្លោះហើយពេលវណ្ណកម្មសម្រេចបានជ័យលាភីលេខមួយក្នុងពិធីប្រឡង ទាំងគ្រូ និងសិស្សនរណាក៏សែនសប្បាយរីករាយ។

ប្អូនស៊ើងមិញល្វឹង និងប្អូនថាច់ធីទៀងម៉ី ពិនិត្យផលិតផលត្រៀមបម្រើសកម្មភាពវប្បធម៌របស់ជនរួមជាតិខ្មែរ។

រូបថត៖ ង៉ុកស្វង

     អ្នកគ្រូង្វៀងហ្វិញញឺឲ្យដឹងបន្ថែម៖ ដើម្បីបធានបទមានប្រសិទ្ធភាព ព្រោះអនុវត្តវណ្ណកម្មពិសេសរបស់ជនរួមជាតិ ខ្មែរ មិនចំពោះតែប្អូនស៊ើងមិញល្វឹង និងប្អូនថាច់ធីទៀងម៉ី អនុវត្តគម្រោងការដែលមិត្តរួមថ្នាក់ច្រើនរូបចូលរួមឧបត្ថម្ភ បានជួយឲ្យបណ្តាមិត្តយល់ជាងទៀតអំពីវណ្ណកម្មវប្បធម៌របស់ជនរួមជាតិខ្មែរ។ តាមការគ្រោងទុក នាឱកាសបុណ្យ ចូលឆ្នាំថ្មីឆ្នាំនេះ សាលាចាត់តាំងហ្វឹកហាត់ដល់ក្រុមសិល្បៈ សម្ដែងនូវឈុតសិល្បៈពិសេសមួយចំនួនរបស់ជនរួមជាតិ ខ្មែរ រួចយកវណ្ណកម្មរបស់ប្អូនទាំង ០២ រូបចូលរួមប្រឡងកម្មវិធីសិល្បៈ។

     គ្រូឡេង៉ុកណូយឲ្យដឹងបន្ថែម៖ គណៈចាងហ្វាងនិងកងកុមារសាលាតែងយកចិត្តទុកដាក់ដល់ការបំផុសចលនា ឧបត្ថម្ភសិស្សចូលរួមបណ្ដាពិធីប្រឡងច្នៃប្រតិដ្ឋបច្ចេកទេសថ្វីត្បិតមានសិស្សប្រមាណតែ ២៧០ រូប ប៉ុន្តែចំនួនវិធីសាស្រ្តចូលរួមប្រឡងក្នុងបណ្ដាឆ្នាំកន្លងតែងសម្រេចបានខ្ពស់។ ហើយសន្សឹមៗ ការចូលរួមពិធីប្រឡងបានក្លាយជាសកម្ម ភាពប្រចាំឆ្នាំរបស់សាលា និងគ្រូបង្រៀនគ្រប់រូប។ សិស្សឡើងផែនការ និងគោលគំនិតចូលរួមពិធីប្រឡងដោយខ្លួនឯង។ ក្នុងរយៈពេល ០៣ ឆ្នាំមកអាយនេះ ពិធីប្រឡងសម្រាប់យុវកុមារ សិស្សរបស់សាលាទទួលបានជ័យលាភីពី ០៥-០៦ រង្វាន់ក្នុងមួយឆ្នាំ។ ដោយឡែកឆ្នាំនេះ ទទួលជ័យលាភី ០៥ រង្វាន់ (ជ័យលាភីលេខ ០១ មួយរង្វាន់ លេខពីរ ០១ រង្វាន់ លេខបី ០៣ រង្វាន់ថ្នាក់ខេត្ត) និងរង្វាន់លើកទឹកចិត្ត ថ្នាក់ជាតិ ០១ រង្វាន់ព្រមទាំងទទួលបានរង្វាន់ជាច្រើនទៀតក្នុងពិធីប្រឡង បង្កបានជាថាមពលដើម្បីគ្រូបង្រៀន និងសិស្សានុសិស្សរបស់សាលាបន្តខិតខំលើកកម្ពស់គុណភាពអប់រំនិងមានគោលកំនិតច្នៃប្រតិដ្ឋច្រើនជាងទៀតចូលរួមបណ្តាពិធីប្រឡង៕                 

ង៉ុកស្វង-ថាច់ហៀង