វត្តតាលភិរីឧត្តុង្គមានជ័យសិរីវង្សារាម(រំដួល)៖ រួមចំណែកបណ្តុះបណ្តាលធនធានមនុស្សក្នុងតំបន់ជនរួមជាតិខ្មែរ

     ដោយកំណត់ឃើញការចាត់តាំងថ្នាក់បង្រៀនភាសាខ្មែរ ថ្នាក់ពុទ្ធិកសិក្សាគឺរួមចំណែកអភិរក្សតម្លៃភាសាជាតិសម្រាប់កូនចៅជនរួមជាតិខ្មែរ​ តម្រែតម្រង់បណ្តាអំពើនិងការប្រតិបត្តិផ្លូវពុទ្ធសាសនារបស់ព្រះសង្ឃ ម៉្លោះហើយ វត្តកាន់តែមានកេរ្តិ៍ឈ្មោះល្បាញល្បី ក្លាយជាកន្លែងប្រមូលផ្តុំព្រះសង្ឃទាំងក្នុងនិងក្រៅខេត្តមកស្នាក់អាស្រ័យរៀនសូត្រ។

ព្រះអាចារ្យបង្រៀន សមណសិស្ស-សិស្សថតរូបអនុស្សាវរីយ៍។

      ព្រះតេជគុណហឿរ៉ើន ព្រះចៅអធិការរងវត្តរំដួលមានថេរដីកាឱ្យដឹងថា៖ ការបើកបណ្តាថ្នាក់ពុទ្ធិកសិក្សាគឺជាការស្នងបន្តពីអ្នកជំនាន់មុន គ្រាន់តែថាបច្ចុប្បន្ន ការចាត់តាំងបើកបណ្តាថ្នាក់មានការកែប្រែ ច្នៃប្រតិដ្ឋជាង ក្នុងនោះមានការយកចិត្តទុកដាក់ដិតដល់ជាងដល់ព្រះសង្ឃដែលកំពុងស្នាក់អាស្រ័យរៀនសូត្រនៅក្នុងវត្ត។ កងជួរព្រះអាចារ្យ គ្រូអាចារ្យបង្រៀនមានលទ្ធភាព កាន់តែបានលៃលកឱ្យទទួលបង្រៀនមុខវិញ្ញាសាសមស្របជាមួយមុខជំនាញ។ សមណសិស្សមានស្មារតីសាមគ្គីក្នុងការរៀនសូត្រ ការប្រតិបត្តិធម៌អាថ៌វិន័យ មានសណ្តាប់ធ្នាប់ល្អប្រសើរជាង។ ជំនឿ «ទឹកត្រជាក់ត្រីកុំ»។ តាមការលាតត្រដាងរបស់គណៈកម្មការសិក្សាអប់រំពុទ្ធិកសិក្សាសមាគមព្រះសង្ឃសាមគ្គីស្នេហាជាតិស្រុក យោងតាមស្ថានភាពជាក់ស្តែងនាពេលបច្ចុប្បន្ន វត្តមួយចំនួនមានសមណសិស្សមិនគ្រប់សម្រាប់បើកថ្នាក់រៀនផង ហេតុនោះ ក្នុងបណ្តាឆ្នាំខាងមុខនេះ វត្តនឹងសម្រាកបើកថ្នាក់មួយចំនួន បន្ថយព្រះសង្ឃមួយចំនួនអង្គដើម្បីទុកឱ្យវត្តដទៃមានចំនួនសមណសិស្សគ្រប់សម្រាប់បើកថ្នាក់ពុទ្ធិកសិក្សា។

       រយៈពេល ៣ ឆ្នាំកន្លង សមណសិស្សយ័ញសុខុម គង់នៅវត្តកំពង់បោះត្រាថ្មី ស្រុកយ៉ុងរៀង ខេត្តគៀងយ៉ាងបាននិមន្តមកស្នាក់អាស្រ័យរៀនសូត្រនៅវត្តរំដួល មានថេរដីកាឱ្យដឹងថា៖ ដោយយល់ឃើញថាវត្តមានគ្រូបង្រៀនជាច្រើនអង្គមានចំណេះវិជ្ជា មានសមត្ថភាព ទន្ទឹមនឹងនោះមានការគ្រប់គ្រងការប្រជុំជីវកិច្ចក្នុងវត្តបានល្អ ធ្វើឲ្យអាត្មាមានចំណូលចិត្តយ៉ាងខ្លាំងពេលបានស្នាក់អាស្រ័យរៀនសូត្រនៅក្នុងវត្តនេះ។ក្នុងបណ្តារដូវវិស្សមកាលក៏ដូច្នោះដែរ វត្តតែងបើកថ្នាក់បង្រៀនភាសាខ្មែរសម្រាប់ប្អូនៗ ទាក់ទាញបានសិស្សជាច្រើនរូបចូលរៀន។ អាស្រ័យហេតុនោះ អត្រាសិស្សខ្មែរចេះសរសេរ  ចេះអានភាសាខ្មែរមានការកើនឡើងឥតឈប់ឈរ។ មានប្អូនខ្លះបញ្ចប់កម្មវិធីសិក្សាភាសាខ្មែរកម្រិតបឋមក៏នៅបន្តការសិក្សាបណ្តាថ្នាក់ពុទ្ធិកសិក្សាជាមួយសមណសិស្សដទៃទៀត។

      ប្រការគួរឱ្យយកចិត្តទុកដាក់ជាងទៀត ក្រៅពីចាត់តាំងបើកថ្នាក់រៀននៅក្នុងវត្ត ចំពោះសមណសិស្សដែលចេញទៅសិក្សានៅវត្តផ្សេង ព្រះចៅអធិការ ព្រះពហូសូត្រ គណៈអារាមាភិបាលតែងនិមន្ត-អញ្ជើញទៅសួរសុខទុក្ខ ជំរុញទឹកចិត្តឱ្យសមណសិស្សទាំងនោះមានស្មារតីរៀនសូត្រល្អ។ ហេតុនោះហើយ សមណសិស្សភាគច្រើន ក្រោយពេលបញ្ចប់ការសិក្សាបណ្តាថ្នាក់ពុទ្ធិកសិក្សាតែងវិលត្រឡប់មកជួយបម្រើកិច្ចការវត្ត ក្នុងនោះមានការបង្រៀនពុទ្ធិកសិក្សាភាសាខ្មែរដល់ព្រះសង្ឃ កូនចៅជនរួមជាតិខ្មែរ។ បច្ចុប្បន្ន វត្តរំដួលមានព្រះធម្មាចារ្យ ឧទ្ទេសាចារ្យជាង ១០ អង្គមិនត្រឹមតែទទួលបន្ទុកបង្ហាត់បង្រៀននៅក្នុងវត្តប៉ុណ្ណោះទេនៅទាំងស័្មគ្រព្រះទ័យនិមន្តទៅជួយបង្រៀននៅតាមបណ្តាវត្តដូចជា៖ ព្រៃជាប់ ជ្រៃប្រាសាទ(ស្រុកយ្វៀងហាយ)​ វត្តទ្រព្រះបាទ(ស្រុកថ្កូវ) វត្តកោះទុង(​ស្រុកកូវឡាវយុង ខេត្តសុកត្រាំង)។ល។

សមណសិស្ស-សិស្សកំពុងសិក្សា។

      ដោយអាស្រ័យទាក់ទាញបានប្អូនៗជនរួមជាតិខ្មែរជាច្រើនរូបមករៀនសូត្រក្នុងវត្ត ម៉្លោះហើយវត្តក៏បង្កើតបានក្រុមរាំ សំដៅរួមចំណែកដល់ការអភិរក្សតម្លៃវប្បធម៌ សិល្បៈជនរួមជាតិខ្មែរ ក្នុងនោះក្រុមរបាំទទួលបានការចាប់អារម្មណ៍របស់មនុស្សជាច្រើន។  ព្រះតេជគុណ ហឿរ៉ើន មានថេរដីកាឱ្យដឹងបន្ថែមទៀតថា៖ ទោះបីបង្កើតបានក្រុមរបាំនៅក្នុងវត្ត ប៉ុន្តែវត្តតែងក្រើនរំលឹកដល់ប្អូនដែលចូលរួមក្នុងក្រុមរបាំកុំទេរទៅតាមការសប្បាយច្រើនជាង ខ្លាចក្រែងសប្បាយច្រើនជាងនឹងឥទ្ធិពលដល់ការរៀនសូត្ររបស់ប្អូនៗ។ វត្តតែងក្រើនរំលឹកឱ្យប្អូនត្រៀមបម្រុងការរៀនសូត្រឱ្យបានល្អតាមគោលលំនាំ«សប្បាយដើម្បីរៀន»។

     រក្សាការចាត់តាំងថ្នាក់បង្រៀនផ្នែកពុទ្ធិកសិក្សាភាសាខ្មែរកាន់តែធ្វើឱ្យព្រះសង្ឃ កូនចៅជនរួមជាតិខ្មែរកាន់តែជួយឲ្យព្រះសង្ឃ ពុទ្ធបរិស័ទមានស្មារតីជាងក្នុងការរក្សាអត្តសញ្ញាណវប្បធម៌ជនជាតិនិងរួមចំណែកលើកម្ពស់ស្មារតីរស់នៅល្អ ក្នុងនោះមានការប្រតិបត្តិផ្លូវសាសនាភ្ជាប់ជាមួយការអនុវត្តន៍ល្អគោលការណ៍ គោលមាគ៌ា គោលនយោបាយ ច្បាប់របស់បក្សនិងរដ្ឋរបស់ព្រះសង្ឃនិយយដោយឡែក​ របស់ជនរួមជាតិខ្មែរនិយាយរួម៕

អត្ថបទ-រូបថត៖ ថាច់សម្បត្តិ