យកចិត្តទុកដាក់ថែទាំអ្នកធ្វើចត្តាឡីស័កនៅនឹងផ្ទះ

តំណាងរដ្ឋអំណាចមូលដ្ឋានទៅសួរសុខទុក្ខគ្រួសារបង ថាច់បាច់ ដែលកំពុងធ្វើចត្តាឡីស័កនៅនឹងផ្ទះ។

លោកគឹមបៃឡី ប្រធានគណៈកម្មាធិការប្រជាជនឃុំឡុងហ៊ីបបានឱ្យដឹងថា៖ ចាប់ពី​ពេលខេត្តមានគោលការណ៍ទទួលប្រជាជនមកពីទីក្រុង ខេត្តនានា គិតមកដល់ថ្ងៃទី ២៦ ខែតុលា ឃុំឡុងហ៊ីបទទួលអ្នកមកមូលដ្ឋានបាន ៣៦៨ នាក់អនុវត្ត​ចត្តាឡីស័កនៅតាមសាលារៀន ៤ កន្លែង ក្នុងនោះ មានករណី F0 ចំនួន ៤ ករណី និង ​ F១ ចំនួន ២៩ ករណីបានបញ្ជូនទៅធ្វើចត្តាឡីស័កនៅមន្ទីរពេទ្យបណ្តោះអាសន្ន នៅ ៣២ ករណីកំពុងធ្វើចត្តាឡីស័កប្រមូលផ្តុំ។ បណ្តាករណីក្រៅពីនោះបានបញ្ចប់​ពេលធ្វើចត្តា​​ឡីស័កប្រមូលផ្តុំ និងបានធ្វើចត្តាឡីស័កនៅនឹងផ្ទះ។

ជាមុខសញ្ញា F0 បានព្យាបាលជាសះស្បើយ និងបានត្រឡប់មកកំពុងធ្វើចត្តាឡីស័ក​នៅនឹងផ្ទះ បងថាច់បាច់ នៅភូមិអញ្ចាញ់(អា) តែងបានតំណាងរដ្ឋអំណាចមូលដ្ឋានមក​សួរសុខទុក្ខអំពីសុខភាព និងជំរុញទឹកចិត្តឱ្យបងខិតខំប្រតិបត្តិល្អដើម្បីសម្រេចការធ្វើចត្តា​ឡីស័កតាមការកំណត់ មិនធ្វើឱ្យឥទ្ធិពលដល់សកម្មភាពបង្ការ ទប់ស្កាត់អាសន្នរោគរបស់រដ្ឋ​អំណាចមូលដ្ឋាន។ បងថាច់បាច់ បានឱ្យដឹងថា៖ នៅតំបន់ចត្តាឡីស័កប្រមូលផ្តុំបានបណ្តា​ផ្នែកពាក់ព័ន្ធតែងយកចិត្តទុកដាក់ថែទាំ ព្យាបាលដល់ពេលមកផ្ទះ បងៗតំណាងរដ្ឋអំណាច​មូលដ្ឋានក៏លើកទឹកចិត្ត ធ្វើឱ្យខ្ញុំមានការរំភើបយ៉ាងខ្លាំង។ ខ្ញុំសូមអរគុណចំពោះទង្វើរបស់បងៗដើម្បីជួយដល់រូបខ្ញុំ ឆាប់បានត្រឡប់មកប្រ​ជុំជីវភាពធម្មតា។

ដឹងបានថា ក្រោយពេលមកធ្វើចត្តាឡីស័កនៅនឹងផ្ទះ គ្រួសារជាច្រើននៅជួបលំបាកជាបន្តទៀត ម៉្លោះហើយរដ្ឋអំណាចមូលដ្ឋានចលនា   សប្បុរសជនដើម្បីឧបត្ថម្ភបណ្តាវត្ថុចាំបាច់ឧបត្ថម្ភដល់មុខសញ្ញា មិនទុកឱ្យអ្នកធ្វើចត្តាឡីស័កមានក្តីអំពល់អំពីការ​ខ្វះខាតវត្ថុចាំបាច់។  លោកថាច់សារឿន ប្រធានគណៈកម្មការប្រជាជនភូមិអញ្ចាញ់(អា) បានឱ្យដឹងថា៖ ដោយអាស្រ័យបានការយកចិត្តទុកដាក់របស់រដ្ឋអំណាចមូលដ្ឋាន មាមីង​ភូមិស្រុក និងសប្បុរសជនជួយឧបត្ថម្ភដល់បណ្តាមុខសញ្ញាអនុវត្តល្អចត្តាឡីស័កនៅនឹងផ្ទះ មិនចេញទៅក្រៅពេលដែលការយកសំណាកធ្វើតេស្តរ​ហ័សមិនទាន់បានអនុវត្ត។ បច្ចុប្បន្ន គ្រួសារប្រជាជនជាង ១០ គ្រួដែលនៅបណ្តាថ្ងៃមុននេះ​បានភ្ជាប់ស្លាកប្រកាសនោះ ពេលនេះមានគ្រួសារដល់ទៅ ៦ គ្រួ បានរុះរើប្រជាជនបានត្រឡប់មកប្រជុំជីវភាពធម្មតាវិញ។

ផ្តើមពីការធ្វើល្អការងារបំផុសចលនា ផ្សព្វផ្សាយ និងឧបត្ថម្ភដល់អ្នកធ្វើចត្តា​ឡីស័កបានទាន់ពេល ម៉្លោះហើយឃុំឡុងហ៊ីបការពារបានល្អ “តំបន់បៃតង” ទន្ទឹមនឹងនោះទប់ស្កាត់ការ​ឆ្លងរាលដាលនៃអាសន្នរោគក្នុងសហគមន៍ ជួយឱ្យប្រជាជនបានស្ងប់ចិត្តក្នុងពលកម្មផលិតក្នុងសភាពធម្មតាថ្មី៕

អត្ថបទ‑រូបថត៖ ថាច់សម្បត្តិ