ដំណាក់សុខាភិបាលកងទ័ព-ប្រជាជនពង្រីកតួនាទីសុខាភិបាលនៅមូលដ្ឋាន

     វេជ្ជបណ្ឌិត ថាច់ធីសូដា ប្រធានដំណាក់សុខាភិបាល​កងទ័ព-ប្រជាជន មានប្រសាសន៍ថា៖ទន្ទឹមនឹងអនុវត្តល្អផែនការពិនិត្យសុខភាពជូនប្រជាជន ដំណាក់នៅទាំងសកម្មក្នុងការផ្សព្វផ្សាយដើម្បីបង្ការ ទប់ស្កាត់អាសន្នរោគ ចាត់តាំងចាក់វ៉ាក់សាំងការពារជំងឺជាច្រើនប្រភេទ អនុវត្តកម្មវិធីចំនួនប្រជាជន-ផែនការគ្រួសារ អនាម័យបរិស្ថាន និងកម្មវិធីសុខាភិបាលសាលារៀន។ សហការជាមួយអង្គការមហាជន ផ្សព្វផ្សាយ អប់រំប្រជាជនបង្កើនការយល់ដឹង ទទួលខុសត្រូវក្នុងការបង្ការជំងឺ ធានាអនាម័យ និងសុវត្ថិភាពគ្រឿងបរិភោគ។ ទន្ទឹមនឹងនោះ ការគ្រប់គ្រង ថែទាំអ្នកមានជំងឺរ៉ាំរ៉ៃដូចជា ជំងឺសរសៃឈាមបេះដូង សម្ពាធឈាម និងការថែទាំសុខភាពអ្នកមានវ័យចាស់តែងបានដំណាក់អនុវត្តមានប្រសិទ្ធភាព ។

បងគឹមធីថា ​យក​កូន​ទៅពិនិត្យសុខភាពនៅដំណាក់សុខាភិបាល​កងទ័ព-ប្រជាជន។

     លោកយាយស៊ើងធីបុប្ផា អាយុ ៧៥ ​ឆ្នាំ ​នៅ​ភូមិកំបាំងបាត់ ឃុំ​តាមង៉ាយ ឈឺរលាក​សន្លាក់​ដៃជើង​ជា​ច្រើន​ឆ្នាំ​មក​ហើយ ។ ​លោកយាយ បានឲ្យដឹង​ថា៖ ខ្ញុំ​បាន​វេជ្ជបណ្ឌិត ក្រុម​គ្រូពេទ្យដំណាក់​ថែទាំសុខភាពអស់​ពី​ចិត្ត បច្ចុប្បន្ន សុខភាពខ្ញុំបានធូរស្រាលគ្រាន់បើ​ហើយ។ ដំណាក់សុខាភិបាលកសាងបានសមរម្យ  ឧបករណ៍សម្រាប់ពិនិត្យ ព្យាបាលជំងឺមានគ្រប់គ្រាន់ កម្មាភិបាល បុគ្គលិកនៅទីនេះមានគុណធម៌ល្អ ដូច្នោះហើយទើបខ្ញុំជឿជាក់ និងទុកចិត្តមកពិនិត្យព្យាបាលជំងឺនៅទីនេះ។

     ដោយបានក្រុមគ្រូពេទ្យដំណាក់ពិគ្រោះ ណែនាំឲ្យមកពិនិត្យសុខភាពជាប្រចាំ ទើបក្រោយពីសម្រាលកូនបានជិត ០៧ ខែសុខភាពបងគឹមធីថា (នៅភូមិសំណឹងធំ) និងកូនរបស់គាត់ល្អជានិច្ច។

     បងគឹមធីថា សំណេះសំណាល៖ ដំណាក់កាលមានគភ៌ ខ្ញុំទៅពិនិត្យសុខភាពជាប្រចាំ។ ក្រៅពីបានណែនាំពីវិធីសាស្រ្តថែទាំគភ៌ ខ្ញុំនៅទាំងបានវេជ្ជបណ្ឌិត និងគិលានុបដ្ឋាយិកានៅទីនេះណែនាំអំពីរបៀបថែទាំទារក ថែទាំសុខភាពក្រោយពីសម្រាលទៀតផង។ ធ្វើតាមការណែនាំរបស់វេជ្ជបណ្ឌិតដំណាក់ ខ្ញុំក៏ជូនកូនខ្ញុំមកដំណាក់ពិនិត្យសុខភាព និងចាក់វ៉ាក់សាំងតាមកាលកំណត់ ។ តាំងពីសម្រាលមកទល់ពេលនេះ ​ខ្ញុំ ​និង​កូនខ្ញុំមានសុខភាពល្អជានិច្ច។

     ទន្ទឹមនឹងនោះ ដំណាក់សុខាភិបាល​កងទ័ព-ប្រជាជន នៅទាំងអនុវត្តល្អការងារផ្សេព្វផ្សាយ ផ្តល់ព័ត៌មាន តាមរយៈបដាសញ្ញាពេចន៍ណែនាំអំពីវិធីសាស្រ្តការពារជំងឺតាមរដូវកាល អាហារូបត្ថម្ភ អនាម័យបរិស្ថាន ដើម្បីប្រជាជនបង្កើនការយល់ដឹង ។ តាមរយៈនោះ មិនត្រឹមតែជំនួយឲ្យប្រជាជនម្ចាស់ការក្នុងការថែរក្សាសុខភាពប៉ុណ្ណោះទេ នៅទាំងរួមចំណែកកាត់បន្ថយចំនួនអ្នកជំងឺទៅព្យាបាលនៅមន្ទីរពេទ្យថ្នាក់លើច្រើនហួសកម្រិតទៀតផង ។

     វេជ្ជបណ្ឌិតថាច់ធីសូដា បានឲ្យដឹងបន្ថែម៖ ដើម្បីបន្តពង្រីកតួនាទីរបស់ដំណាក់សុខាភិបាលមូលដ្ឋាន ដំណាក់បន្តការយកចិត្តទុកបំពាក់បំប៉នចំណេះដឹងវិជ្ជាជីវៈជូនបុគ្គលិករបស់អង្គភាព ទន្ទឹមនឹងអនុវត្តល្អកិច្ចសហការយ៉ាងជិតដិតជាមួយអង្គការមហាជនឃុំ សហការីសុខាភិបាលនៅភូមិ ០៧/០៧ ភូមិ។ល។

     ដំណាក់សុខាភិបាល​កងទ័ព-ប្រជាជនមានកម្មាភិបាល ​បុគ្គលិក ០៦​នាក់ ក្នុង​នោះ​ ​វេជ្ជបណ្ឌិតម្នាក់ គ្រូពេទ្យពហុព្យាបាល ០៣ នាក់ ពេទ្យឆ្មបម្នាក់ និង​ឱសថការីម្នាក់។ ក្នុងឆ្នាំ ២០២៤ ដំណាក់បានពិនិត្យសុខភាព ជូនថ្នាំដល់អ្នកជំងឺជាង ៣.៧០០ លើកនាក់ ក្នុងនោះកុមារស្ថិតក្នុងអំឡុងអាយុក្រោម ៦ ឆ្នាំជិត ៧00 នាក់ ។ ពិនិត្យសុខភាពស្រ្តីមានគភ៌តាមកាលកំណត់ចំនួន ៥0៥ នាក់ ព្យាបាលជំងឺជូនស្រ្តីមានគភ៌ ១៨២ ករណី។ល។ ដោយបានអនុវត្តល្អការងារថែទាំសុខភាព ការងារផ្សព្វផ្សាយអំពីបង្ការ ទប់ស្កាត់អាសន្នរោគ ម្ល៉ោះហើយក្នុងឆ្នាំ ២០២៤ ក្នុងឃុំ គ្មានជំងឺរាលដាលផ្សេងៗដូចជាជំងឺអាត់ដៃ ជើង និងមាត់ ជំងឺគ្រុនឈាម ឬជំងឺធ្ងន់អាចគ្រោះថ្នាក់ដល់អាយុជីវិតប្រជាជន ជាដើមនោះគឺគ្មានឡើយ៕

អត្ថបទ-រូបថត៖ សុជា