ចលនាកសាងសង្គមរៀនសូត្រនៅឃុំតឹងហ្វា

លោកថាច់សុភាព ប្រធានសមាគមជំរុញការសិក្សាឃុំតឹងហ្វាបានឲ្យដឹង៖ ក្នុងបណ្តាឆ្នាំកន្លង គណៈចង្អុលការកសាងសង្គមរៀនសូត្រឃុំតឹងហ្វាបានសកម្មបំផុសចលនាសប្បុរសជន នៅក្នុងនិងក្រៅមូលដ្ឋានបំពេញមូលនិធិជំរុញការសិក្សាដើម្បីឧបត្ថម្ភដល់សិស្សក្រីក្រឲ្យមានលក្ខណៈបន្តការសិក្សា។ ឆ្លងតាម បណ្តាសកម្មភាពដូចជា៖ ជូនទោចក្រយាន​ សិក្ខូបករណ៍ ជូនអាហារូបករណ៍។ល។ ក្នុងរយៈកាល ៥ ឆ្នាំកន្លង សមាគមជំរុញការសិក្សាឃុំបានបំផុសចលនាបណ្តាអង្គការចាត់តាំង សប្បុរសជនរួមវិភាគទានទឹកប្រាក់ និងសម្ភារ គិតជាតម្លៃជាង ២,១ ពាន់លានដុង ឧបត្ថម្ភសិស្ស និស្សិតក្រីក្ររបស់ឃុំរាប់ពាន់លើកឆ្លងកាត់រាល់ការលំបាកបន្តការសិក្សា។

ទន្ទឹមនឹងការងារចលនាមូលនិធិជំរុញការសិក្សា ជំរុញបញ្ញាឃុំតឹងហ្វានៅទាំងជំរុញមាំចលនា “ប្រិតសំចៃចិញ្ចឹមជ្រូកដីជំរុញការសិក្សា” ពីបណ្តាសមូហភាព បុគ្គល សមាជិកសមាគម​ និងប្រជាជន។ ជាពិសេស ក្នុងរយៈកាល ០៥ ឆ្នាំកន្លង ឃុំមានជ្រូកដីរបស់បណ្តាសាលាអនុវិទ្យាល័យតឹងហ្វា សាលាបឋមសិក្សាតឹងហ្វា(អា) និងសាលាបឋមសិក្សាតឹងហ្វា(បេ) ចំនួន ៤.៥១៥ ក្បាល ប្រិតសំចៃបានប្រាក់ជាង ២,៣ ពាន់លានដុង គិតជាមធ្យមជ្រូកដីមួយក្បាលប្រិតសំចៃបាន ៥២០.០០០​ ដុង (ច្រើនបំផុតជាង ១,៣ លានដុង និងតិចបំផុត ៣៤៥.០០០​​ដុង)។ ជាមួយប្រាក់ដែលប្រិតសំចៃបានពីការចិញ្ចឹមជ្រូកដី សិស្សភាគច្រើនប្រើសម្រាប់ទិញសិក្ខូបករណ៍ រួមចំណែកបន្ថយការលំបាករបស់គ្រួសារក្នុងដើមឆ្នាំសិក្សា។

ទន្ទឹមជាមួយការងារបំផុសចលនាឧបត្ថម្ភសិស្សក្រីក្រ កម្មាភិបាល សមាជិកសមាគមជំរុញការសិក្សាឃុំតឹងហ្វា នៅទាំងជំរុញមាំចលនារៀនសូត្រអស់មួយជីវិត ក្នុងគ្រួសារ ក្នុងវង្សត្រកូល និងក្នុងសហគមន៍តាមសេចក្តីសម្រេចចិត្តលេខ ២១៨/QĐ-TTg ចុះថ្ងៃទី ២០ កុម្ភៈឆ្នាំ ២០១៤ របស់នាយករដ្ឋមន្ត្រីនៃរដ្ឋាភិបាល។ សមាគមផ្តុំកម្លាំងផ្សព្វផ្សាយ និងនាំយកគម្រោងការនេះអនុវត្តក្នុងជីវភាព។ ផ្តើមពីនោះ ស្មារតីយល់ដឹងអំពីការរៀនសូត្ររបស់ប្រជាជនបានលើកកម្ពស់បណ្តាទម្រង់រៀនសូត្រពីមួយថ្ងៃទៅមួយថ្ងៃកាន់តែបានពង្រីកទូលាយ និងរីករាលដាល។ ទន្ទឹមនឹងនោះ ក្នុងការអនុវត្តចលនាកសាងបណ្តាទម្រង់រៀនសូត្រភ្ជាប់ជាមួយចលនាប្រឡងប្រណាំងកសាងជនបទថ្មី ចលនា “ទូទាំងប្រជាជនសាមគ្គីកសាងជីវភាពវប្បធម៌នៅតំបន់អាសយជន”។ល។ ពីមួយថ្ងៃទៅមួយថ្ងៃកាន់តែមានគំរូឆ្នើមជាច្រើន រួមចំណែកយ៉ាងសំខាន់ក្នុងការជំរុញទឹកចិត្តអ្នករាល់គ្នាចូលរួមកសាងសង្គមរៀនសូត្រ វង្សត្រកូលរៀនសូត្រ។ គិតតាំងពីឆ្នាំ ២០១៥-២០២០ ទូទាំងឃុំមានគ្រួសារ ២.៣៦៨ គ្រួចុះឈ្មោះ កសាងគ្រួសាររៀនសូត្រ ឆ្លងតាមការពិនិត្យវាយតម្លៃ មានគ្រួសារ ២.២៨៩ គ្រួបានទទួលស្គាល់កិត្តិនាមគ្រួសាររៀនសូត្រ មានវង្សត្រកូល ០២ អង្គភាព ០៥ កន្លែង ភូមិ ០៨ ក្រុម ១០០ ក្រុម មូលដ្ឋានធ្វើសក្ការបូជា ០១ កន្លែងសម្រេច កិត្តិនាមរៀនសូត្រ។ ឃុំតឹងហ្វាអនុវត្ត និងសម្រេច ១៥ លក្ខឋានកសាង “សហគមន៍រៀនសូត្រ” ថ្នាក់ឃុំ បានគណៈកម្មាធិការប្រជាជនស្រុកទីវកឹងចេញសេចក្តីសម្រេចចិត្តទទួលស្គាល់កាលពីឆ្នាំ ២០២០។

ផ្តើមពីលទ្ធផលសម្រេចបាននោះ ជះឥទ្ធិពលយ៉ាងសកម្មក្នុងចលនាកសាង “គ្រួសាររៀនសូត្រ” ផ្តើមពីនោះលើកទឹកចិត្តមនុស្សរាល់គ្នាចូលរួមរៀនសូត្រ បង្កើនគុណភាពជីវភាពក្នុងគ្រួសារ រួមចំណែកកសាងគ្រួសារសុភមង្គល គ្រួសារវប្បធម៌ គ្រួសារជនបទថ្មី។ ទន្ទឹមនឹងនោះ ការជំរុញមាំចលនាសិក្សា ជំរុញ បញ្ញា កសាងសង្គមរៀនសូត្រនៅមូលដ្ឋានតែងបានយកចិត្តទុកដាក់។ ចលនាមិនត្រឹមតែ រួមចំណែកទប់ស្កាត់ឲ្យជៀសឆ្ងាយពីអបាយមុខសង្គម ហើយនៅទាំងរួមចំណែកកាត់បន្ថយស្ថានភាពបោះបង់ការរៀនសូត្រពាក់កណ្តាលការទៀតផង។

មិនត្រឹមយកចិត្តទុកដាក់គិតគូរដល់សិស្សក្រីក្រ សមាគមជំរុញការសិក្សាឃុំនៅទាំងបង្កលក្ខណៈឲ្យប្រជាជនគ្រប់ជាន់ស្រទាប់បានរៀនសូត្រនៅមជ្ឈមណ្ឌលរៀនសូត្រសហគមន៍។​ រៀងរាល់ឆ្នាំ សមាគមសហការជាមួយគណៈនាយកមជ្ឈមណ្ឌលចាត់តាំងក្ដាប់តម្រូវការរៀនសូត្ររបស់ប្រជាជន ផ្តើមពីនោះកសាងផែនការសកម្មភាពសមស្រប។ គិតពីឆ្នាំ ២០១៥ មកដល់ពេលនេះមជ្ឈមណ្ឌលរៀនសូត្រសហគមន៍ សហការជាមួយបណ្តាផ្នែក គណៈ អង្គការមហាជន ចាត់តាំងផ្ទេរជូនវិទ្យាសាស្ត្របច្ចេកទេសបាន ១៣០ ថ្នាក់ ដោយមានមនុស្ស ៣.៩០០ នាក់ចូលរួម។ ចាត់តាំងវគ្គផ្សព្វផ្សាយអំពីច្បាប់ រៀនសូត្រនយោបាយបាន ៣៣៦ លើក​ ថ្នាក់បំបាត់អនក្ខរកម្មបាន ០១ ថ្នាក់មានសិក្ខាកាម ១០ នាក់ចូលរួម​ និងមានសិក្ខាកាម ១២៣ នាក់ចូលរួមក្នុងក្រុមថ្នាក់ឧត្តានកម្មឧភយភាសារខ្មែរ-វៀតចំនួន ៥ ក្រុម។​ ឆ្លងតាមនោះបង្កលក្ខណៈឲ្យប្រជាជនរាល់គ្នា គ្រប់វ័យបានចូលរួមរៀនសូត្រ។ ក្រៅពីនោះសមាគមជំរុញការសិក្សាឃុំនៅទាំងចាត់តាំងឧស្សាហ៍ផ្សព្វផ្សាយ ជំរុញទឹកចិត្តប្រជាជនឲ្យរៀនសូត្រដោយខ្លួនឯងតាមសៀវភៅពុម្ព កាសែត សំដៅលើកកម្ពស់កម្រិតវិជ្ជាដើម្បីយកទៅអនុវត្តក្នុងការផលិត បង្កើនប្រភពចំណូល កែលម្អជីវភាព រួមចំណែកជាមួយមូលដ្ឋានកាត់បន្ថយគ្រួសារក្រីក្រចុះនៅ ០,៣៦%។

ប្រែសម្រួល៖ សុខា