ឧបត្ថម្ភថវិកាទាន់ពេលដល់អ្នកលក់សន្លឹកឆ្នោតរាយ

បងថាច់ឆា អ្នកលក់សន្លឹកឆ្នោតទទួលបានការឧបត្ថម្ភ
ថវិកា ដោះស្រាយការលំបាកក្នុងរដូវកូវីដ ១៩ ។
     បច្ចុប្បន្ននៅ ៥០ នាក់ទៀតមិនទាន់ផ្តល់ប្រាក់ ឧបត្ថម្ភចំនួន ៧៥ លានដុង អាស្រ័យមិនត្រូវតាមមុខសញ្ញាអ្នកលក់ឆ្នោតរាយ។ ក្នុងនោះ មាន ១៥ នាក់ផ្ទួនឈ្មោះ ក្នុងបញ្ជីរាយនាម ១៧ នាក់ឈប់ លក់ឆ្នោតមុនពេលមានអាសន្នរោគ ០២ នាក់ មិនមែនជាអ្នកមូលដ្ឋាន ០៥ នាក់មិនគ្រប់អាយុ ១៥ ឆ្នាំ ៦ នាក់ធ្វើកម្មករបណ្តើរលក់ឆ្នោតរាយ បន្ថែមបណ្តើរ ០៥ នាក់គ្មានចូលរួមលក់ឆ្នោតរាយ។ ដូច្នេះគិតមកទល់ពេលនេះ ខេត្តបានផ្តល់ជូនថវិកាដល់អ្នកលក់សន្លឹកឆ្នោតរាយទាន់ពេល ចំមុខសញ្ញា ត្រូវតាមចំនួនទឹកប្រាក់ អត្រាផ្តល់ជូនសម្រេច ១០០%។
     ទន្ទឹមនឹងនោះ អាស្រ័យពេលវេលាពិនិត្យ ផ្ទៀងផ្ទាត់យ៉ាងខ្លី ភូមិសាស្រ្តធំទូលាយ និងអ្នកលក់សន្លឹកឆ្នោតរាយមិនទាន់ក្តាប់ច្បាស់ព័ត៌មានឧបត្ថម្ភ ម៉្លោះហើយគ្មានបានមកផ្តល់ជូនដំណឹង មូលដ្ឋានមួយចំនួនមិនទាន់បញ្ចូលអស់ពីចំនួនអ្នកលក់សន្លឹកឆ្នោតរាយលើភូមិសាស្រ្ត ម្ល៉ោះហើយនៅឆ្លកមុខសញ្ញាក្នុងលើកផ្ទៀងផ្ទាត់នាពេលកន្លង។ អាស្រ័យហេតុនោះ ដើម្បីអនុវត្តល្អស្មារតីចង្អុលការរបស់គណៈកម្មាធិការប្រជាជនខេត្ត និងឧបត្ថម្ភទាន់ពេលដល់អ្នកលក់សន្លឹកឆ្នោតរាយឆ្លងកាត់ ការលំបាកក្នុងអាសន្នរោគកូវីដ-១៩ លើកនេះ មន្ទីរពលកម្ម យុទ្ធជនពិការ និងសង្គមកិច្ចស្នើដល់ប្រធានគណៈកម្មាធិការប្រជាជនបណ្តាស្រុក ទីផ្សាររួមខេត្ត ទីក្រុងបន្តការផ្ទៀងផ្ទាត់ និងផ្តល់សច្ចាប័នបំពេញបន្ថែមបញ្ជីរាយនាមឧបត្ថម្ភដល់ អ្នកលក់សន្លឹកឆ្នោតរាយលើភូមិសាស្រ្ត។
     ក្រៅពីនោះ ខេត្តនៅទាំងសហការជាមួយបណ្តា ស្រុក ទីផ្សាររួមខេត្ត ទីក្រុង ផ្ទៀងផ្ទាត់បណ្តាមុខសញ្ញា ដើម្បីបានទទួលគោលនយោបាយតាមសេចក្តីសម្រេចចិត្តលេខ ៦៨/NQ-CP របស់រដ្ឋាភិបាល និងសេចក្តីសម្រេចចិត្តលេខ ២៣/QĐ-TTg ស្តីពីការឧបត្ថម្ភពលករ និងអ្នកប្រើប្រាស់ពលករជួបលំបាកអាស្រ័យមហាសន្នរោគកូវីដ-១៩ លើភូមិសាស្រ្តខេត្ត។ គិតមកទល់ថ្ងៃទី ២៨ ខែកក្កដា ឆ្នាំ ២០២១ មន្ទីរពលកម្ម យុទ្ធជនពិការ និងសង្គមកិច្ចខេត្ត បានផ្ទៀងផ្ទាត់ក្រុមមុខសញ្ញា ចំនួន ១២ ក្រុមស្ថិតក្នុងក្រុមឧបត្ថម្ភតាមសេចក្តី សម្រេចចិត្តលេខ ៦៨ ក្នុងនោះ មានគោលនយោបាយឧបត្ថម្ភចំពោះកុមារ និងអ្នកកំពុងព្យាបាលជំងឺធ្វើចត្តាឡីស័កសុខាភិបាលគឺ ក្នុងទូទាំងខេត្ត មានមុខសញ្ញា ១៦៨ នាក់។ ក្នុងនោះស្រុកទីវកឹង មានអ្នកធ្វើចត្តាឡីស័កសុខាភិបាល ៧៧ នាក់ (កុមារ ១៤ នាក់) ទីក្រុងត្រាវិញមាន ៩១ នាក់។ បណ្តាស្រុកក្រៅពីនោះកំពុងធ្វើការផ្ទៀងផ្ទាត់។
     លោកឡឹមវុាំងយុង ប្រធានការិយាល័យពលកម្ម -យុទ្ធជនពិការ និងសង្គមកិច្ចស្រុកកូវង៉ាងបានឱ្យដឹងថា៖ គិតមកទល់ពេលនេះ ស្រុកបង្កើត​បញ្ជីរាយនាមមុខសញ្ញាលក់សន្លឹកឆ្នោតរាយបាន ៧៦៦ នាក់ ឆ្លងតាមរយៈនោះ បានដោះស្រាយ​ឱ្យពលករ ៧៦៤ នាក់ជាមួយទឹកប្រាក់សរុប ១,១ ពាន់លានដុង សម្រេច ៩៩,៧%។ បណ្តាមុខសញ្ញា​ពលករសេរីដទៃទៀត គិតមកទល់ថ្ងៃទី ២៨ ខែ​កក្កដា ឆ្នាំ ២០២១ បង្កើតបញ្ជីរាយនាមពលករ​បាន ៩៣០ នាក់ និងកំពុងបន្តផ្ទៀងផ្ទាត់ ដើម្បីរបាយការណ៍ទៅថ្នាក់លើស្នើឧបត្ថម្ភដល់មាមីងបានទាន់ពេល ។
     បងថាច់ឆា អ្នកប្រកបរបរលក់សន្លឹកឆ្នោតរាយ នៅភូមិគងមានជ័យ ឃុំទ្រឿងទ័រ ស្រុកកូវង៉ាង បានចែករំលែក៖ រៀងរាល់ថ្ងៃ ខ្ញុំលក់សន្លឹកឆ្នោត រកបានប្រាក់តិចបំផុតជិត ២០០.០០០ ដុងដែរ មិននឹកស្មានថា អាសន្នរោគរីករាលដាលសាជាថ្មី បានធ្វើឱ្យប៉ះពាល់ដល់របរលក់សន្លឹកឆ្នោតរបស់ខ្ញុំដូច្នេះ។ បានរដ្ឋឧបត្ថម្ភថវិកាមួយចំណែក គឺរួមចំណែកសម្រាប់គ្រួសារខ្ញុំដោះស្រាយការលំបាកក្នុងរដូវអាសន្នរោគនេះ។
     អាស្រ័យអាសន្នរោគរីករាលដាលស្មុគស្មាញ បណ្តាមូលដ្ឋានលើភូមិសាស្រ្តបន្តអនុវត្តគម្លាតសង្គមតាមសារាចរលេខ ១៦ របស់នាយករដ្ឋ មន្តី្រនៃរដ្ឋាភិបាល និងសារាចរលេខ ១០ របស់ប្រធានគណៈកម្មាធិការប្រជាជនខេត្ត ម៉្លោះហើយរយៈពេលផ្ទៀងផ្ទាត់ បង្កើតបញ្ជីរាយនាមអ្នកទទួលផលនៅបាត់ពេលវេលាច្រើននៅឆ្លក មិនទាន់ត្រូវតាមមុខសញ្ញា ល្បឿននៅយឺតបើប្រៀប ជាមួយផែនការដាក់ចេញ៕                  អត្ថបទ-រូបថត៖ ថាច់សម្បត្តិ