យកចិត្តទុកដាក់គិតគូរពីស្ថានភាពរបស់សមាជិកសមាគមអ្នកមានវ័យចាស់

ពង្រីកតួនាទីអ្នកមានវ័យចាស់ក្នុងការអនុវត្តន៍ចលនាប្រឡងប្រណាំងស្នេហាជាតិ “វ័យចាស់គំរូភ្លឺស្វាង” សមាគមបំផុសចលនាបណ្តាសមាជិកអនុវត្តបណ្តាគោលដៅ ភារកិច្ចនយោបាយរបស់មូលដ្ឋាន អនុវត្តល្អបណ្តាភារកិច្ចសំខាន់ៗរបស់សមាគម គិតគូរជីវភាព សម្ភារស្មាតីជូនដល់អ្នកមានវ័យចាស់ ពង្រីកបញ្ញា បទ ពិសោធន៍របស់អ្នក​មាន​​វ័យ​ចាស់ ដើម្បីកសាងអង្គការចាត់តាំងសមាគមភូមិស្រុកពីមួយថ្ងៃទៅមួយថ្ងៃកាន់តែរីក​ចម្រើន។

លោកព្រឹទ្ធាចារ្យ ថាច់សាង(ឆ្វេង) ជូនអំណោយដល់លោកតាដែលមានស្ថានភាពលំបាក។

លោក​ ថាច់សាង ប្រធានសមាគមអ្នកមានវ័យចាស់សង្កាត់ទី ៩ បានឱ្យដឹងថា៖ សមាគមអ្នកមានវ័យចាស់សង្កាត់លេខ ៩ តែងប្រតិបត្តិតាមបណ្តាការកំណត់របស់ថ្នាក់លើ និងបណ្តាការកំណត់ដែលទាក់ទងដល់អ្នកមានវ័យចាស់។ ទន្ទឹមនឹងនោះ មានការលៃច្នៃក្នុងការចាត់តាំងអនុវត្តបណ្តាសកម្ម​ភាពដើម្បីបង្កបានភាពព្រមព្រៀងខ្ពស់ក្នុងបណ្តាសមាជិក។  បណ្តាលោកយាយលោកតាបានឈានចូលដល់អាយុអំណរជន្មាយុនោះ សមាគមចាត់តាំងពិធីអំណរជន្មាយុជូនលោក​យាយលោកតា រួចអនុវត្តរបបទទួលបានអំណោយតាមសេចក្តីសម្រេចចិត្តលេខ ៨៨/២០១៩/NQ-HĐND ចុះថ្ងៃទី ១២ ខែកក្កដា ឆ្នាំ ២០១៩ របស់ក្រុមប្រឹក្សាប្រជាជន​ខេត្ត ក្នុងនោះមានកំណត់ច្បាស់លាស់កម្រិតអំណោយចម្រើនជន្មាយុ អំណរជន្មាយុសម្រាប់លោកយាយលោកតាដែលមានអាយុតាំងពី ៧០​ ដល់ ១០០ ឆ្នាំ។ ក្រៅពីនោះ សមាគមនៅទាំងបំផុសចលនាបណ្តាសប្បុរសជនគិតគូរពីសម្ភារ ស្មារតីជូនលោក​យាយលោកតាដើម្បីសម្តែងពីការយកចិត្តទុកដាក់របស់សមាគម និងការយកចិត្តទុកដាក់របស់គណៈកម្មាធិការបក្ស រដ្ឋអំណាចមូលដ្ឋានចំពោះអ្នកមានវ័យចាស់​។ល។ ឆ្លងតាមរយៈទង្វើទាំងនោះ កាន់តែជួយឲ្យលោកយាយ  លោកតាមានចិត្ត​សាស្រ្តសុខស្រួល ពង្រីកលទ្ធភាពរបស់ខ្លួន សម្តែងពីវ័យចាស់គំរូភ្លឺស្វាងក្នុងសហ​គមន៍។

ក្នុងបណ្តាខែដើមឆ្នាំ ២០២១ សមាគមសហការជាមួយបណ្តាគណៈ ផ្នែកសង្កាត់ ចលនា​បណ្តាសប្បុរសជននៅក្នុង និងក្រៅសង្កាត់កសាង “ផ្ទះមេត្តាធម៌” បាន ០២ ខ្នងជូន​ដល់លោកយាយលោកតាដែលមានស្ថានភាពលំបាក។ ក្នុងឱកាសទិវាប្រពៃណីអ្នកមាន​វ័យចាស់​វៀតណាម(៦/៦/១៩៤១-៦/៦/២០២១) សមាគមបានជូនអំណោយ ១២០ ចំណែកដល់លោកយាយលោកតា សរុបតម្លៃជាង ៣០ លានដុង ក្នុងនោះមានលោកយាយអាយុ ១០១ ឆ្នាំម្នាក់ លោកយាយលោកតាអាយុ ៩០ ឆ្នាំ ​០៥ នាក់។ល។ ជាមួយសកម្មភាពជាក់ស្តែងបានរួមចំណែកធ្វើឱ្យជីវភាពរបស់​អ្នកមានវ័យចាស់លើភូមិសាស្រ្តមានអត្ថន័យជាង លោកយាយ  លោកតាជ្រោងខ្ពស់ជាង​លក្ខណៈធ្វើជាគំរូដើម្បីកូនចៅជំនាន់ក្រោយត្រាប់តាម។

ក្នុងចំនួនសមាជិករួមរបស់សមាគមអ្នកមានវ័យចាស់សង្កាត់ទី ៩ មានលោកតា ០៣ រូប​បានទទួលស្គាល់ជាអ្នកមានប្រជាប្រិយភាពក្នុងជនរួមជាតិខ្មែរ(លោកតា គឹមសឿន នៅអនុសង្កាត់លេខ ១ លោកតា ថាច់ហ៊ុម នៅអនុសង្កាត់លេខ ២ និងលោកតា ថាច់ឡេ នៅអនុសង្កាត់លេខ ១០)។  លោកតាទាំងនោះ កំពុងរួមជាមួយរដ្ឋអំណាចមូលដ្ឋាន​ធ្វើល្អការងារផ្សព្វផ្សាយអំពីគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋ  រួមចំណែកពង្រឹងទំនុកចិត្តចំពោះ​ការដឹកនាំរបស់បក្សក្នុងជនរួមជាតិខ្មែរ។ ក្នុងលើកកើតមានអាសន្នរោគកូវីដ-១៩ លោកតាទាំងនោះ តែងបំផុសចលនាកូនចៅ អ្នកភូមិផងរបងជាមួយឱ្យប្រតិបត្តិល្អអនុសាសន៍ ៥K របស់ក្រសួងសុខាភិបាល និងបណ្តាវិធានការសុវត្ថិ ភាពបង្ការ ទប់ស្កាត់អាសន្ន​រោគ នាំមកភាព ក្សេមក្សាន្ត​ជូនដល់មហាជន៕       ​​​​​

អត្ថបទ-­រូបថត៖ ថាច់សម្បត្តិ