ទីវកឹងអនុវត្តការងារបង្ការ ទប់ស្កាត់ជំងឺកូវីដ-១៩

បន្ទាប់ពីបានទទួលរបាយការណ៍សុខាភិបាល រួចធ្វើកោសល្យវិច័យរហ័សករណី (T.T.M.L) ពីទីក្រុងហូជីមិញមកដល់ឃុំហ៊ុងហ្វាមានសញ្ញាជ្រាបមេរោគ SARS-CoV-2 មជ្ឈមណ្ឌលសុខាភិបាលស្រុកបានរបាយការណ៍ជូនគណៈចង្អុលការបង្ការទប់ស្កាត់ជំងឺកូវីដ-១៩ ស្រុកជាបន្ទាន់រួចបញ្ជូនមុខសញ្ញានោះទៅកាន់មណ្ឌលជម្លៀសប្រមូលផ្ដុំរបស់ស្រុកនៅវេលាម៉ោង ០៩ និង ៣០ នាទីថ្ងៃទី ២៨ មិថុនាឆ្នាំ ២០២១។ ទន្ទឹមនឹងនោះ សហការជាមួយមជ្ឈមណ្ឌលត្រួតពិនិត្យជំងឺខេត្តដើម្បីធ្វើកោសល្យវិច័យតាមនីតិវិធី RT-PCR ។ ជាលទ្ធផល បងស្រី “T.T.M.L” វិជ្ជមានជាមួយនឹងមេរោគ SARS- CoV-2 ហើយបានក្រសួងសុខាភិបាលប្រកាសជាអ្នក​ជំងឺមានលេខកូដ ១៦០៦១។ បន្ទាប់ពីនោះ បងស្រី “T.T.M.L” បានបញ្ជូនទៅកាន់មណ្ឌលជម្លៀសប្រមូល​ផ្ដុំរបស់​ស្រុករួចបញ្ជូនទៅកាន់មន្ទីរពេទ្យបណ្ដោះអាសន្នលេខ ១ ខេត្តដើម្បីបន្តជម្លៀសនិងព្យាបាល។

យោងលើមូលដ្ឋាននោះ គណៈចង្អុលការបង្ការទប់ស្កាត់ជំងឺកូវីដ-១៩ របស់ស្រុកចង្អុលការឲ្យផ្នែកមានសមត្ថកិច្ច និងបណ្ដាឃុំ ទីប្រជុំជនប្រញាប់អនុវត្តបណ្ដាវិធានការជាក់ស្ដែង គឺស៊ើបអង្កេត ប្រមាញ់រកករណី F១, F២ ដែលទាក់ទងដល់ករណីនេះ រួចបញ្ជូនករណី F១​ ទៅកាន់មណ្ឌលជម្លៀសប្រមូលផ្ដុំ ហើយចេញសេចក្ដីប្រកាសឲ្យបណ្ដាឃុំ ទីប្រជុំជន ដឹងបណ្ដាករណី F២ ដើម្បីសំណូមពរឲ្យអនុ វត្តការជម្លៀសនៅកន្លែងស្នាក់នៅ។ ដំណើរការបាញ់ជាតិគីមីរម្ងាប់មេរោគនៅផ្ទះរបស់ករណី F១, F២ ស្នាក់នៅ ស៊ើបអង្កេតបំពេញបន្ថែមដើម្បីតាមដាន F២, F៣។ ក្នុងខណៈនេះដែរ គណៈកម្មាធិការប្រជាជនស្រុកមានសេចក្ដីជម្រាបផ្ញើដល់មន្ទីរសុខាភិបាលជម្រាបគណៈកម្មាធិការប្រជាជនខេត្តផ្សាយសេចក្ដីសម្រេចចិត្តលេខ ៨១/QĐ-BCĐ ចុះថ្ងៃទី ២៨ មិថុនា ឆ្នាំ ២០២១ ស្ដីពីការបង្កើតមណ្ឌលហ៊ុំព័ទ្ធជម្លៀសសុខាភិបាលនៅភូមិហ្វាថាញ់ ឃុំហ៊ុងហ្វាដើម្បីទប់ស្កាត់កុំឲ្យជំងឺរាលដាល។ មណ្ឌលហ៊ុំព័ទ្ធជម្លៀសសុខាភិបាលមានប្រវែង ៩០០ ម៉ែត្រ ក្នុងនោះ មាន ២១ គ្រួសារ ដោយមានចំនួនមនុស្សរាយ ៦៤ នាក់។ ទីតាំងហ៊ុំព័ទ្ធជម្លៀស ខាងកើតភ្ជាប់ជាមួយព្រែកហ្វាទ្រិញ ខាងលិចភ្ជាប់ជាមួយប្រឡាយណុងត្រឿង ខាងត្បូងភ្ជាប់ជាមួយប្រឡាយចមដូវ ខាងជើងភ្ជាប់ជាមួយប្រឡាយវាលស្រែហ្វាថាញ់។ រយៈពេលបង្កើតមណ្ឌលហ៊ុំព័ទ្ធជម្លៀសសុខាភិបាល គម្លាតសង្គមនៅភូមិហ្វាថាញ់ ឃុំហ៊ុងហ្វាចាប់ពីម៉ោង ២០ ថ្ងៃទី ២៨ មិថុនា ឆ្នាំ ២០២១ រហូតដល់ពេលមានសេចក្ដីប្រកាសថ្មី។ ដល់ថ្ងៃទី ០១ កក្កដា ឆ្នាំ ២០២១ ស្រុកទីវកឹងប្រមាញ់រកឃើញ F១ ៤០ ករណី និង F២ ២៤៩ ករណី។ បច្ចុប្បន្ននេះ បណ្ដាករណី F១ ទាក់ទងដល់អ្នកជំងឺលេខ ១៦០៦១ ឈ្មោះ “T.T.M.L” កំពុងបានជម្លៀសនៅមណ្ឌលជម្លៀសប្រមូលផ្ដុំរបស់ស្រុក ដើម្បីបន្តតាមដាន។ ដោយឡែកបណ្ដាករណី F២ កំពុងបានជម្លៀសនៅនឹងគ្រួសារ។

បន្ទាប់ពីនោះទៀត គណៈចង្អុលការបង្ការទប់ស្កាត់ជំងឺកូវីដ-១៩ របស់ស្រុកទីវកឹងបាន និងកំពុងបន្តកិច្ចចង្អុលការឲ្យបណ្ដាកងកម្លាំង សមត្ថកិច្ចសហការជាមួយផ្នែកសុខាភិបាល ក្រុមជំងឺកូវីដសហគមន៍ប្រញាប់ប្រមាញ់រកបណ្ដាករណី F១, F២ ដែលនៅសេសសល់ដើម្បីមានវិធីសាស្រ្តបង្ការទប់ស្កាត់ជំងឺកុំឲ្យរីករាលដាលក្នុងសង្គម។ ទន្ទឹមនឹងនោះ សំណូមពរឲ្យបណ្ដាផ្នែក មូលដ្ឋានបន្តជ្រួតជ្រាប និងអនុវត្តម៉ឹងម៉ាត់សារាចរលេខ ០៤/CT-UBND ចុះថ្ងៃទី ៣១ មិថុនា ឆ្នាំ ២០២១ របស់ប្រធានគណៈកម្មាធិការប្រជាជនខេត្តស្ដីពីការអនុវត្តបណ្ដាវិធានការចាំបាច់បង្ការទប់ស្កាត់ជំងឺកូវីដ-១៩។

អាស្រ័យហេតុនោះ ប្រជាជនគប្បីមានស្មារតីរឹងប៉ឹង ស្ងប់ចិត្តពលកម្មផលិត ជឿជាក់ទៅលើបណ្ដាវិធីសាស្រ្តបង្ការ ទប់ស្កាត់ជំងឺរបស់ផ្នែកសមត្ថកិច្ច និងការងារព្យាបាលរបស់ផ្នែកសុខាភិបាល។ ថ្វីត្បិតដូច្នោះក្ដី ដើម្បីបង្ការទប់ស្កាត់អាសន្នរោគជំងឺសម្រេចបានលទ្ធផលល្អនោះ ប្រជាជនគ្រប់រូបគប្បីលើកកម្ពស់ស្មារតីប្រុងប្រយ័ត្នក្នុងការបង្ការ ទប់ស្កាត់ជំងឺ និងអនុវត្តល្អអនុសាសន៍ ៥K របស់ក្រសួងសុខាភិបាល។ មិនគប្បីប្រមូលផ្ដុំគ្នា និងត្រូវរបាយការណ៍សុខាភិបាលដើម្បីបានប្រកាសព្រមាននិន្នាការឆ្លងជំងឺកូវីដ-១៩។ ពេលមានសញ្ញាគ្រុនក្ដៅ ក្អក ពិបាកដកដង្ហើម ចូរជូនដំណឹងភ្លាមដល់មូលដ្ឋានសុខាភិបាលនៅមូលដ្ឋានជិតបំផុតដើម្បីបានពិគ្រោះ ឧបត្ថម្ភ ណែនាំទៅពិនិត្យព្យាបាលជំងឺធានាសុវត្ថិភាព។ ជាពិសេស ម្ចាស់ការសហការល្អជាមួយរដ្ឋអំណាចមូលដ្ឋាន និងកងកម្លាំងសុខាភិបាល ផ្ដល់ព័ត៌មាន របាយការណ៍សុខាភិបាលគ្រប់គ្រាន់ ស្មោះត្រង់ដើម្បីពង្រឹងក្ដីជំនឿរួមគ្នាឆ្លងផុតមហាសន្នរោគកូវីដ-១៩ ក្នុងពេលដ៏ឆាប់បំផុត៕

តូវៀង-ថាច់ហ្វាង