សាខាបក្សរួមដំណើរជាមួយគ្រួសារក្រីក្រ

  ជាគ្រួសារក្រីក្រ ច្រើនឆ្នាំបន្តបន្ទាប់មក គ្មានដីផលិត ជារៀងរាល់ថ្ងៃប្តីប្រពន្ធបង គឹមថាញ់វ៉ាង ប្រកបតែរបរស៊ីឈ្នូល ប្រភពចំណូលមិនលំនឹង។​ ឆ្នាំ ២០១៧ ខណៈដែលទៅធ្វើជាងកំបោរ បងវ៉ាងត្រូវគ្រោះថ្នាក់ ម៉្លោះហើយ បច្ចុប្បន្នបងមិនអាចធ្វើការធ្ងន់បាន ការផ្គត់ផ្គង់គ្រួសាររកប្រាក់ឲ្យកូនៗ ០២​ នាក់កំពុងសិក្សា ត្រូវពឹងផ្អែកទាំងស្រុងទៅលើប្រពន្ធបង គឺបងស្រីគាងធីឡា។

  ដោយឃើញស្ថានភាពលំបាក ​របស់គ្រួសារបង ឆ្នាំ ២០១៨​​ សាខាបក្សភូមិស្លាប៉ាង ឧបត្ថម្ភឲ្យគ្រួសារបងបុលប្រាក់ទុន ២០​លានដុងសម្រាប់ពង្រីកសេដ្ឋកិច្ច។ ពេលទទួលបានប្រាក់ ទុន បងឡាបើកតូបលក់ផ្លែឈើ។​ បងគាងធីឡាចែករំលែកថា៖ ដោយឃើញគ្រួសារខ្ញុំជួបការលំបាក គ្មានទុនលក់ដូរ ទើបបានរដ្ឋអំណាចនៅមូលដ្ឋានដោះស្រាយអោយបុលទុនពង្រីកសេដ្ឋកិច្ច។ អាស្រ័យមានប្រាក់ទុននោះទើបបច្ចុប្បន្ន គ្រួសារខ្ញុំកាត់បន្ថយបានក្តីលំបាក។ ជាមធ្យម ក្នុងមួយថ្ងៃ ខ្ញុំលក់ផ្លែឈើចំណេញបានពី ៧០.០០០-១០០.០០០​ ដុង គ្រប់ចាយវាយក្នុងគ្រួសារ។

  លោកយឿងមិញចូវលេខាសាខាបក្សភូមិស្លាប៉ាងបានអោយដឹង៖ ដើម្បីឧបត្ថម្ភប្រាក់ទុនពង្រីកសេដ្ឋកិច្ចជូនគ្រួសារក្រីក្រ ដំបូងភូមិត្រូវតែត្រួតពិនិត្យមុន តាមដានមើលគ្រួសារនោះតើខិតខំរកទទួលទានឬទេ​​ ទើបដោះស្រាយឲ្យបុលទុន ដើម្បីប្រើប្រាស់ប្រាក់ទុនត្រូវគោលដៅ បង្កលក្ខណៈអោយគេឈានឡើងរួចផុតពីភាគក្រីក្រ។ បច្ចុប្បន្ន ទូទាំងភូមិ មានគ្រួសារក្រីក្រ ៤៣ គ្រួ តាមការគ្រោងទុក ដល់ចុងឆ្នាំ ២០២០​ ភូមិនឹងលុបបំបាត់គ្រួសារក្រីក្រ ១៨ គ្រូសារទៀត។ យោងតាមនោះ  គ្រួសារក្រីក្រ១៨គ្រួ បានដោះស្រាយឲ្យបុលទុនលក់ដូរតូចតាច ឬបង្វែរផ្ទៃដីផលិត និងបានបក្ខជនឧបត្ថម្ភ ណែនាំពង្រីកការផលិត។

       ទន្ទឹមនឹងការឧបត្ថម្ភទុន សាខាបក្សភូមិស្លាប៉ាង នៅទាំងយកចិត្តទុកដាក់ អនុវត្តបណ្តាគោលនយោបាយអំពីឧបត្ថម្ភសង់ផ្ទះ ដីផលិតចំពោះជនរួមជាតិខ្មែរ។ គិតតាំងពីឆ្នាំ ២០១៤ មកដល់សព្វថ្ងៃ​ ទូទាំងភូមិមាន  គ្រួសារ២៧គ្រួបានឧបត្ថម្ភដីសង់ផ្ទះ​ និង  គ្រួសារ ២៤០គ្រួបានឧបត្ថម្ភសាងសង់ផ្ទះ និងមាន  គ្រួសារ២៥គ្រួបានឧបត្ថម្ភបុលទុនផ្លាស់ប្តូរការផលិត ពង្រីកសេដ្ឋកិថ្ច។​ដើម្បីរួមដំណើរជាមួយគ្រួសារក្រីក្រ គិតពីឆ្នាំ ២០១៤ មកដល់សព្វថ្ងៃ សាខាបក្សភូមិ នៅទាំងអនុវត្តទម្រង់ “បក្ខជនប្រិតសំចៃចូលរួមវិភាគទានឧបត្ថម្ភសិស្សក្រីក្រសង្វាតរៀនសូត្រ” និងបំផុសចលនាបណ្តាសប្បុរសជន នៅក្នុងនិងក្រៅឃុំគបវាល់អង្ករជូន ​ គ្រួសារ០៧នៅក្នុងភូមិ ក្នុងមួយខែគ្រួសារនីមួយៗ ទទួលបានអង្ករ ១០ គីឡូក្រាម៕ អត្ថបទ- រូបថត៖ សុខា