លោកទ្រិញទ្រឿងយ៉ាង៖ អស់ពីចិត្តជាមួយនឹងការងារផ្សព្វផ្សាយគាំពារសង្គមស្ម័គ្រចិត្ត

លោកទ្រិញទ្រឿងយ៉ាង។

     ឆ្នាំ ២០២០ គណៈកម្មាធិការប្រជាជនស្រុកទីវកឹងប្រគល់ឲ្យទីប្រជុំជនចលនាប្រជាជនចូល​រួមគាំពារសង្គមស្ម័គ្រចិត្តថ្មី ៥៧ នាក់។ គិតដល់ថ្ងៃទី ៣១ ធ្នូឆ្នាំ ២០២០ ទីប្រជុំជនទីវកឹងមានប្រជា​ជនចូលរួមគាំពារសង្គមស្ម័គ្រចិត្ត ៣៣៥ នាក់ ក្នុងនោះចំនួនមនុស្សចូលរួមថ្មីគឺ ២៣៨ នាក់ សម្រេច ៤១៧,៥៤% នៃកម្រិតផែនការប្រគល់ជូន។ ឆ្នាំ ២០២១ ទីប្រជុំជនទីវកឹងបានប្រគល់ផែនការពង្រីក មនុស្សចូលរួមគាំពារសង្គមស្ម័គ្រចិត្ត ៤២៤ នាក់។ គិតមកដល់ថ្ងៃទី ២០ ឧសភាឆ្នាំ ២០២១ ចំនួន មនុស្សចូលរួមគាំពារសង្គមស្ម័គ្រចិត្តនៅលើភូមិសាស្ត្រគឺ ៤១៣ នាក់សម្រេច ៩៧,៤% នៃផែនការ ប្រគល់ជូន។ តាមការប៉ាន់ស្មានដល់ចុងឆ្នាំ ២០២១ នេះ ទីប្រជុំជនទីវកឹងបន្តសម្រេច និងសម្រេច​លើសផែនការដែលប្រគល់ជូនអំពីគាំពារសង្គមស្ម័គ្រចិត្ត។

     លោកទ្រិញទ្រឿងយ៉ាង កើតឆ្នាំ ១៩៨៤ ដោយបានប្រជាជនជំនឿទុកចិត្ត។ ជាមួយនឹងតួនាទីជា អនុប្រធាន គណៈកម្មាធិការប្រជាជនទទួលបន្ទុកវប្បធម៌-សង្គម និងជាអនុប្រធានគណៈចង្អុលការ អនុវត្តគោលនយោបាយគាំពារសង្គម គាំពារសុខាភិបាលទីប្រជុំជនទីវកឹង លោកតែងយកចិត្តទុក ដាក់ដល់ការងារគាំពារសង្គម គាំពារសុខាភិបាល ពិសេសគឺគោលនយោបាយគាំពារសង្គមស្ម័គ្រចិត្ត។
      សំណេះសំណាលជាមួយនឹងយើងខ្ញុំ លោក ទ្រិញទ្រឿងយ៉ាង បានឱ្យដឹងថា៖ គោលនយោបាយគាំពារសង្គមស្ម័គ្រចិត្ត គឺជាប្រភេទទម្រង់គាំពារអាស្រ័យដោយបក្ស និងរដ្ឋយើងអនុវត្តដោយឆ្លងតាមស្ថាប័នគាំពារសង្គមគ្រប់លំដាប់ថ្នាក់ ដើម្បីឈានដល់គោលដៅសុខុមាលភាពសង្គមសម្រាប់ប្រជាជន បានរដ្ឋឧបត្ថម្ភកម្រិតបង់ពី ១០-៣០% យោងតាមមុខសញ្ញានីមួយៗ។ គោលដៅគឺទុកឲ្យប្រជាជនអ្នកណាក៏មានប្រាក់បៀវត្សពេលចូលនិវត្តន៍និងបានថែទាំសុខភាពដោយឆ្លងតាមបណ្ណគាំពារសុខាភិបាលជាមួយនឹងកម្រិតចំណាយឲ្យការព្យាបាលជំងឺដល់ ៩៥%។ នេះគែជាការគិតគូយកចិត្តទុកដាក់របស់បក្ស-រដ្ឋ សម្រាប់ប្រជាជនដែលឆ្លងតាមគោលនយោបាយ គាំពារសង្គមស្ម័គ្រចិត្ត។ល។ ដើម្បីទុកឲ្យប្រជាជនបានយល់ដឹង យកចិត្តទុកដាក់ និងចូលរួមគាំពារសង្គមស្ម័គ្រចិត្ត គប្បីត្រូវមានពេលវេលានិងរវៀសរវៃវិធីសាស្រ្តចលនាផ្សព្វផ្សាយ។
     ដោយជ្រួតជ្រាបបានប្រការទាំងនោះ លោក គឺជាអ្នកឈានមុខក្នុងការផ្សព្វផ្សាយចលនាប្រជាជនចូលរួមគាំពារសង្គមស្ម័គ្រចិត្តនៅលើភូមិសាស្ត្រទីប្រជុំជនទីវកឹងក៏ដូចជាក្នុងការចង្អុលការអនុវត្តការងារគាំពារសង្គម គាំពារសុខាភិបាលនៅលើភូមិសាស្ត្រ។ យោងតាមនោះ គណៈចង្អុលការអនុវត្តគោលនយោបាយគាំពារសង្គម គាំពារសុខាភិបាលទីប្រជុំជនទីវកឹងអនុវត្តដោយមានប្រសិទ្ធភាពការងារធ្វើសេនាធិការជាមួយនឹងគណៈ កម្មាធិការបក្ស បង្កើនការដឹកនាំចង្អុលការ កេណ្ឌ ប្រមូលទូទាំងប្រព័ន្ធនយោបាយរបស់មូលដ្ឋានចូលរួមជំរុញការងារផ្សព្វផ្សាយ ពង្រីកមុខសញ្ញា។ ក្រៅពីនោះ ចូលរួមជ្រោមជ្រែងបំផុសចលនារបស់ គណៈកម្មាធិការប្រជាជនស្រុកអំពាវនាវកម្មាភិបាល បុគ្គលិក និយោជិត និងពលករ សមាជិក សម្ព័ន្ធយុវជន សមាជិកសមាគមធ្វើជាគំរូចូលរួម និងចលនាញាតិសន្តានចូលរួមគាំពារសង្គមស្ម័គ្រចិត្ត គាំពារសុខាភិបាល។ល។ ផ្តើមពីនោះ កម្មាភិបាល បុគ្គលិក និងកម្មាភិបាលមហាជនរបស់ទីប្រជុំជនសកម្មចូលរួមសម្រាប់សាមីខ្លួននិងញាតិ សន្តាន ឳពុកម្តាយ ប្តីប្រពន្ធសម្រេច ១០០%។
     ទន្ទឹមនឹងនោះ គិតដល់ចុងឆ្នាំ ២០១៩ មក ដល់ពេលនេះ ស្ថានភាពអាសន្នរោគជំងឺកូវីដ-១៩ ប្រែប្រូលយ៉ាងស្មុគស្មាញ បណ្តាលឲ្យការងារផ្សព្វផ្សាយគោលនយោបាយគាំពារសង្គមស្ម័គ្រចិត្ត គាំពារសុខាភិបាលជួបការលំបាកជាច្រើន។ ដើម្បីទុកឲ្យការផ្សព្វផ្សាយសម្រេចបានលទ្ធផលអំពីគោលនយោបាយគាំពារសង្គមស្ម័គ្រចិត្ត គាំពារសុខាភិបាលនោះ គណៈកម្មាធិការប្រជាជនទីប្រជុំជនទីវកឹងបានចាត់តាំងបង្កើតបណ្តាក្រុមផ្សព្វផ្សាយចលនាប្រជាជនចូលរួមគាំពារសង្គមស្ម័គ្រ ចិត្តគាំពារសុខាភិបាលគ្រួសារនៅបណ្តាថ្ងៃសៅរ៍ អាទិត្យប្រចាំសប្តាហ៍។ រួមដំណើរជាមួយក្រុមដោយមានការចូលរួមរបស់អ្នកឃោសនិកគាំពារ សង្គមស្រុក ថ្នាក់ដឹកនាំគណៈកម្មាធិការប្រជាជនទី ប្រជុំជន កម្មាភិបាលទទួលបន្ទុកការងារវប្បធម៌-សង្គមចុះផ្ទាល់គ្រួសារដើម្បីប្រឹក្សា និងចលនា។ ទន្ទឹមនឹងនោះប្រមូលផ្តុំទៅលើក្រុមគ្រួសារលក់ ដូរតូច មានប្រភពចំណូលលំនឹងដើម្បីចលនាចូល រួមគាំពារសង្គមស្ម័គ្រចិត្ត។
      អាស្រ័យដោយបានការយកចិត្តទុកដាក់របស់គណៈកម្មាធិការប្រជាជនទីប្រជុំជន ពិសេសគឺការយកចិត្តទុកដាក់យ៉ាងជ្រាលជ្រៅ និងអស់ពីចិត្ត របស់លោកទ្រិញទ្រឿងយ៉ាង បានជាក្នុងបណ្តាឆ្នាំកន្លងចំនួនមនុស្សចូលរួមគាំពារសង្គមស្ម័គ្រចិត្ត គាំពារសុខាភិបាលលើភូមិសាស្ត្រទីប្រជុំជនទីវកឹងតែងសម្រេច និងសម្រេចលើស ប្រៀបធៀប នឹងផែនការដាក់ចេញប្រចាំឆ្នាំ។
     អាចបញ្ជាក់បានថា អាស្រ័យដោយបានការចង្អុលការទាន់ពេល ក៏ដូចជាភាពរវៀសរវៃអស់ពីចិត្តរបស់លោក ទ្រិញទ្រឿងយ៉ាងតែងបានជិត ស្និទ្ធស្នាលជាមួយនឹងប្រជាជន បង្កការទំនុកចិត្ត ដាច់អហង្ការដើម្បីទុកឲ្យប្រជាជនសកម្មចូលរួម គាំពារសង្គមស្ម័គ្រចិត្ត។ មិនត្រឹមតែនៅលើវិស័យ គាំពារសង្គមស្ម័គ្រចិត្ត គាំពារសុខាភិបាលប៉ុណ្ណោះ ហាក់ដូចជាបណ្តាវិស័យដែលលោកទទួលបន្ទុក លោក ទ្រិញទ្រឿងយ៉ាង សុទ្ធតែឈានមុខធ្វើជាគំរូអនុវត្ត និងនាំមកលទ្ធផលជាច្រើន។ តាមការពិចារណា ក្នុងសកម្មភាពផ្សព្វផ្សាយគោលនយោបាយគាំពារសង្គមស្ម័គ្រចិត្ត គាំពារសុខាភិបាល តម្រូវការណាស់ចំពោះអ្នកជាប្រមុខដឹកនាំមិនរអែងការទុក្ខលំបាក ស្ម័គ្រចិត្តចូលរួមជាមួយនឹង ផ្នែកគាំពារសង្គមដើម្បីបញ្ចេញជូនគោលនយោបាយសុខុមាលភាពសង្គមដល់ប្រជាជន៕​​​​​​​​​​​​​​​                         ប្រែសម្រួល៖ រតនា