ព្រះតេជគុណ គឹមចន្ថា៖ ព្យាយាមរៀនសូត្រនិងសកម្មក្នុងការងារពុទ្ធសាសនា

ព្រះតេជគុណគឹមចន្ថា

        ក្រោយពីបានបញ្ចប់ពុទ្ធិកមធ្យមសិក្សានិងបញ្ចប់ថ្នាក់មហាវិទ្យាល័យរួច ព្រះតេជគុណ​ គឹមចន្ថា តែងតែយកអស់ពីព្រះទ័យជួយកិច្ចការ​ងារវត្តអារាមក្នុងនោះ មានការបង្ហាត់បង្រៀន​ដល់ព្រះសង្ឃនិងកុមារា កុមារីថ្នាក់ខេមរភាសា ថ្នាក់ពុទ្ធិកមធ្យមសិក្សាបឋមភូមិផងហើយបានទទួលការនិមន្តមកបង្ហាត់បង្រៀនកន្លែងមួយចំនួនដួចជា៖ វត្តផ្នោរកំបុតស្រុក ចូវថាញ់ សាលាមធ្យមសិក្សាបាលីខ្មែរ-ត្រាវិញ។ ទន្ទឹមនឹងនោះ ព្រះតេជគុណគឹមចន្ថា នៅទាំងចូលរួមយ៉ាងសកម្ម ក្នុងសកម្មភាពពុទ្ធសាសនាជួយកិច្ចការជាច្រើនវិស័យឲ្យសមាគមព្រះសង្ឃសាមគ្គីស្នេហាជាតិស្រុក និងសមាគមព្រះសង្ឃសាមគ្គីស្នេហាជាតិខេត្ត ដូចជាការងារក្នុងវិស័យអប់រំពុទ្ធិកសិក្សា និងកិច្ចការងារការិយាល័យ។ល។
    តាមថេរដីការបស់ព្រះតេជគុណថាច់ញ៉ឹក អនុប្រធានប្រចាំការសមាគមព្រះសង្ឃសាមគ្គីស្នេហាជាតិស្រុកថ្កូវ បានឲ្យដឹងថា៖ ព្រះតេជគុណគឹមចន្ថា ព្រះអង្គមានប្រភពចំណេះដឹងច្រើនអំពីភាសាខ្មែរ  ភាសាបាលី ស្ទាត់ជំនាញ់ក្នុងការងារការិយាល័យ ហើយឈ្លាសវៃក្នុងការដោះស្រាយការងារ តែងសម្រេចល្អជាងការទន្ទឹងរង់ចាំ។ បណ្តាភារកិច្ចដែលសមាគមបានប្រគល់ឲ្យ តែងទទួលបានការសរសើរអំពីព្រះតេជគុណនិងព្រះឧបជ្ឈាយ៍ ជាថ្នាក់ដឹកនាំសមាគមគ្រប់លំដាប់ថ្នាក់។
  ក្រៅពីការចូលរួមបង្ហាត់បង្រៀនព្រះសង្ឃ និងជួយកិច្ចការសមាគម ព្រះតេជគុណគឹមចន្ថានៅទាំងសកម្ម ក្នុងការផ្សព្វផ្សាយដល់ព្រះសង្ឃក៏ដូចជាពុទ្ធបរិស័ទ អំពីបណ្តាគោលការណ៍និងគោលមាគ៌ារបស់បក្ស គោលនយោបាយ ច្បាប់របស់ រដ្ឋ។ ផ្ដើមពីការងារជាក់ស្តែងនោះ ព្រះតេជគុណ គឹមចន្ថាបានជ្រើសតែងតាំងធ្វើជាអនុលេខាការិយាល័យសមាគមព្រះសង្ឃសាមគ្គីស្នេហាជាតិស្រុក អនុលេខាគណៈការិយាល័យសមាគមព្រះសង្ឃសាមគ្គីស្នេហាជាតិខេត្ត អាណត្តិកាល ២០១៨ -២០២៣។
   ទន្ទឹមនឹងការបង្ហាត់បង្រៀននិងចូលរួមសកម្មភាពរបស់សមាគម ទោះបីមានការលំបាកក្នុងការរៀបចំពេលវេលាបន្តិចក៏ដោយ ព្រះតេជគុណ គឹមចន្ថា នៅតែខិតខំព្យាយាមសិក្សារៀនសូត្រជានិច្ចដើម្បីលើកកម្ពស់ចំណេះវិជ្ជាក៏ដូចជាបន្ថែមចំណេះដឹងសម្រាប់ព្រះអង្គ។ សក្ខីភាពឲ្យការប្រឹងប្រែងនោះ គឺសញ្ញាប័ត្រថ្នាក់មហាបរិញ្ញាផ្នែកវប្បធម៌វិទ្យាដែលព្រះតេជគុណទើប បានទទួលកាលពីដើមឆ្នាំ ២០២១។ ជាមួយស្នាព្រះហស្តដែលគួរស្ងើចសរសើរនោះ ព្រះតេជគុណ គឹមចន្ថា ស័ក្តិសមទទួលបានកិត្តិនាមជាបញ្ញវន្តវ័យក្មេងមួយព្រះអង្គ ជាប្រភពធនធានមនុស្សមានផលប្រយោជន៍សម្រាប់សង្គម ពិសេសសម្រាប់ព្រះសង្ឃនិងពុទ្ធបរិស័ទខ្មែរខេត្តត្រាវិញ៕       

 អត្ថបទ- រូបថត៖ លីសី