ប្អូនថាច់ធីង៉ុកឡៀង៖ សិស្សពូកែជាច្រើនឆ្នាំបន្តបន្ទាប់

       ប្រការគួរកត់សម្គាល់ចំពោះប្អូនង៉ុកឡៀង ក្រៅពីរក្សាខ្ជាប់​លទ្ធផលរៀនសូត្រ ប្អូននៅទាំងសកម្មចូលរួមបណ្តាចលនារបស់សាលា ក្នុងនោះមានការចូលរួមបណ្តាពិធីប្រឡងអាស្រ័យសាលា និងថ្នាក់លើចាត់តាំង។ តួយ៉ាងដូចក្នុងលើកប្រឡង “សៀវភៅជ្រះ អក្សរស្អាត” ថ្នាក់ស្រុកកម្រិតបឋមសិក្សា និងអនុវិទ្យាល័យឆ្នាំសិក្សា ២០២០ -២០២១ ប្អូនទទួលបានរង្វាន់លេខមួយក្នុងពិធីប្រឡង។

        លោកគ្រូគាងទៀងជី គ្រូបង្រៀនភាសាខ្មែរ សាលាសកលជនជាតិអន្តេវាសិកអនុវិទ្យាល័យស្រុកកូវង៉ាងបញ្ជាក់ថា៖ ប្អូនថាច់ធីង៉ុកឡៀង ជាសិស្សមានសីលធម៌ ចរិយាសម្បត្តិល្អ មានស្មារតីខិតខំរៀនសូត្រពូកែបណ្តាវិញ្ញាសា ជួយឲ្យប្អូនមិនបង្អង់បានជឿនលឿនក្នុងការរៀនសូត្រ។ ចំពោះមុខវិជ្ជាភាសាខ្មែរ ប្អូនមិនត្រឹមតែចេះអានបានច្បាស់លាស់ទាំងពាក្យ ប្រយោគនីមួយៗឡើយ ប្អូននៅទាំងមានទេពកោសល្យសរសេរអក្សរយ៉ាងស្អាត។ អាស្រ័យហេតុនោះ ក្នុងសម័យប្រឡង “សៀវភៅជ្រះ អក្សរស្អាត” នាពេលកន្លង សាលាជ្រើសសិស្សជាច្រើនរូបចូលរួមប្រឡង ប៉ុន្តែមានតែប្អូនថាច់ធីង៉ុកឡៀង ទទួល​បានរង្វាន់លេខមួយ។

ប្អូនថាច់ធីង៉ុកឡៀង ចូលរួមរៀនសូត្រនៅសាលា។

         ក្នុងការរៀនសូត្រ ក្រៅពីបណ្តាវិញ្ញាសាអប់រំនៅក្នុងសាលា ប្អូនថាច់ធីង៉ុកឡៀងនៅទាំងស្រាវជ្រាវបណ្តាឯកសារ វណ្ណកម្មអក្សរសាស្រ្ត បណ្តាមេរៀនពន្យល់សេចក្តីយ៉ាងមានប្រយោជន៍មានការទាក់ទងដល់ការរៀនសូត្ររបស់ប្អូន។ អាស្រ័យហេតុនោះ បណ្តាចំណេះដឹងដែលទាក់ទងដល់បណ្តាវិញ្ញា​សារៀនសូត្រ ប្អូនមានការជំនាញបង្គួរ គ្រូបង្រៀនជាច្រើនដាក់សំណួរទាក់ទងក្រៅពីសៀវភៅពុម្ព ប្អូនតែងឆ្លើយបានល្អ។ ប្អូនថាច់ធីង៉ុកឡៀង សំណេះសំណាលថា៖ បានរៀនសូត្រក្នុងបរិស្ថានដែលមានអន្តេវា​សិកដ្ឋានសម្រាប់ប្អូនៗ និងបានការយកចិត្តទុកដាក់យ៉ាងដិតដល់របស់កងជួរលោក គ្រូ​អ្នកគ្រូ ការជំរុញទឹកចិត្តរបស់ឪពុកម្តាយ បានជាកម្លាំងជំរុញសម្រាប់ប្អូនរៀនសូត្របានល្អ។ ប្រការមួយដែលញ៉ាំងឱ្យប្អូនសប្បាយចិត្តគឺអ្វីៗដែលជាគុណវិបត្តិរបស់ប្អូននោះ លោកគ្រូអ្នកគ្រូរំលឹកដើម្បីប្អូនឆាប់បានជម្នះ អ្វីដែលជាគុណសម្បត្តិនោះ ជំរុញទឹកចិត្តឱ្យប្អូនពង្រីក។ ហេតុនោះ ប្អូនកាន់តែមានស្មារតីខិតខំរៀនសូត្រឱ្យបានល្អ។ គោលដៅរៀនសូត្ររបស់ប្អូននៅយូរអង្វែង  ប្អូននឹងខិតខំជាងទៀត ជាក់ស្តែងគឺខិតខំដើម្បីគ្រប់សម្បទាបានចុះឈ្មោះចូលរួមប្រឡងចូលរៀនសាលាសកលជនជាតិអន្តេវាសិកវិទ្យាល័យខេត្តដើម្បីនាំមកភាពសប្បាយរីករាយ និងក្តីប្រាថ្នាជូនឪពុក ម្តាយ។

      ទន្ទឹមជាមួយការរក្សាលទ្ធផលរៀនសូត្របានល្អ ប្អូនថាច់ធីង៉ុកឡៀង តែងស័្មគ្រចិត្ត​ចែករំលែក និងជួយដល់មិត្តភ័ក្តិរួមថ្នាក់ដើម្បីបានជឿនលឿនដូចគ្នា។ ប្អូនតែងប្រមូលផ្តុំបណ្តាមិត្តភ័ក្តិដើម្បីរៀនសូត្រជាក្រុម រំលឹកមេរៀនជាក្រុមប្រយោជន៍ស្វែងរករបៀបដោះស្រាយបណ្តាមេរៀនពិបាក។ ដោយអាស្រ័យហេតុនោះ លទ្ធផលរៀនសូត្ររបស់មិត្តរួមថ្នាក់ក៏មិនបង្អង់បានលើកកម្ពស់។ មានប្អូនខ្លះដែលកាលពីមុនមានលទ្ធផលសិក្សាសម្រេចនិទ្ទេសមធ្យម​ គ្រាន់បើក្នុងឆ្នាំសិក្សា ២០១៩-២០២០​ លុះដល់ក្នុងឆមាសទី១នៃឆ្នាំសិក្សា ២០២០-២០២១ ឈានឡើងសម្រេចនិទ្ទេស គ្រាន់បើ ពូកែ។

      លោកគ្រូបង្រៀនថាច់សា ចាងហ្វាងរងសាលាសកលជនជាតិអន្តេវាសិក អនុវិទ្យាល័យស្រុកូវង៉ាងបានឱ្យដឹងថា៖ ក្នុងការអនុវត្តន៍ការងារបង្ហាត់បង្រៀន ថ្នាក់ដឹកនាំសាលាតែងជំរុញទឹកចិត្តឱ្យលោកគ្រូអ្នកគ្រូលើកកម្ពស់បន្ទុករបស់ខ្លួនឱ្យមែនទែន ចេះប្រើប្រាស់ចំណេះអប់រំគួបផ្សំជាមួយការរកឃើញកត្តាថ្មីដើម្បីបំពាក់បំប៉ន។ ឆ្លងតាមរយៈនោះ រកឃើញប្អូនម្នាក់ៗមានទេពកោសល្យផ្សេងពីគ្នា។ ចំពោះប្អូនថាច់ធីង៉ុកឡៀងនោះតែងរៀនល្អបណ្តាវិញ្ញាសា។ ឱកាសនោះ គ្រូបង្រៀនអចិន្ត្រៃយ៍ក៏តែងតម្រូវឱ្យប្អូនទទួលបន្ទុកធ្វើជាប្រធានក្រុមក្នុងការរៀនសូត្រជួយឱ្យប្អូនៗ ជាច្រើនមានភាពជឿនលឿន។ ជាក់ស្តែង អត្រាសិស្សគ្រាន់បើ ពូកែរបស់ថ្នាក់ប្រៀបជាមួយរយៈពេលតែមួយនៃឆ្នាំសិក្សា ២០១៩ -២០២០ កើន ១,៥-២%។ នៅពេលខាងមុខ សាលាបន្តការបំពាក់បំប៉ន លទ្ធភាពរៀនសូត្ររបស់ប្អូនថាច់ធីង៉ុកឡៀងដើម្បីចូលរួមបណ្តាពិធីប្រឡងអាស្រ័យស្រុកនិងខេត្តចាត់តាំង។ សង្ឃឹមថា ជាមួយភាពសកម្មរៀនសូត្ររបស់ប្អូនឡៀងនឹងជួយឱ្យសាលាសម្រេចបានគោលដៅអប់រំក៏ដូចជាការចូលរួមបណ្តាចលនា។ រួចប្រការសំខាន់បំផុតគឺនាំមកនូវលទ្ធផលខ្ពស់ក្នុងបណ្តាពិធីប្រឡង៕​

អត្ថបទ-រូបថត៖ សម្បត្តិ