និស្សិតខ្មែរជក់ចិត្តក្នុងការផ្តើមអាជីព

និស្សិត ស៊ើងថាយង៉្វាង(ខាងស្តាំ)ចូលរួមកម្មវិធីប្រឡងគំនិតផ្តើមអាជីព។

        ស៊ើង​ថាយង៉្វាង​​រៀននៅ​សកលវិទ្យាល័យ​ត្រាវិញ​ ថ្វីត្បិត​ពេញ​ចិត្ត​នឹងមុខ​ជំនាញ​​ខាងច្បាប់​ (និស្សិត​ឆ្នាំទី​ ៤ ផ្នែក​ខាងច្បាប់សកល​វិទ្យាល័យ​ត្រាវិញ​)​ ប៉ុន្តែ​ថាយ​ង៉្វាង​នៅ​តែ​បន្តការសិក្សា​ស្រាវ​ជ្រាវ​អំពី​ទីផ្សារ រួចស្វែងរក​បណ្តា​ប្រភេទ​ពូជ​ដំណាំ​ដែលសមស្រប​ ដើម្បី​ជួយឲ្យតំបន់​ដីជ្រាបជាតិជូរ​​ប្រៃ​នៅ​ស្រុក​ថ្កូវឈាន​ឡើង​វិញ។ ប្អូនស៊ើង​ថាយ​ង៉ា្វង​បានឲ្យដឹង៖​ ដោយយល់ពី​ទុក្ខ​លំបាករបស់​មាមីងកសិករ​ដាំអំពៅ​ត្រូវខាតទុនច្រើន ដោយសារប៉ុន្មានឆ្នាំមកអាយនេះ​តម្លៃអំពៅចុះថោក​ មាន​កសិករ​មួយ​ចំនួនបង្វែរមក​ដាំ​ប្រធៀង ដូច្នោះហើយ​ក្រុម​យើង​ខ្ញុំ​មានគំនិតចង់ផលិតម្សៅប្រធៀងសរីរាង្គ។​ ដោយមានបំណងចូលរួមក្នុងការផ្លាស់ប្តូរពូជ​ដំណាំសត្វចិញ្ចឹមសមស្របជាមួយ​នឹងការប្រែប្រួលរបស់ធាតុ​អាកាសនាពេលបច្ចុប្បន្ននេះ ជាពិសេស​ស្ថានភាពជ្រាបជាតិ​ប្រៃ ដើម្បី​បង្កើនតម្លៃ​ផលិត​ផលកសិកម្ម និង​បង្កើនប្រភព​ចំណូលជូនដល់​មាមីងកសិករ​ដាំប្រធៀង។ ជាងនោះទៅទៀត ​​ការផលិត​ម្សៅប្រធៀង​សរីរាង្គគុណភាពខ្ពស់នាំមកនូវភោជនាហារជ្រះស្អាត​សម្រាប់អ្នក​ប្រើប្រាស់​ ហេតុដូច្នេះ​ហើយ ក្រុម​បាន​ជ្រើសរើស​ប្រធានបទ​ផ្តើម​អាជីព​ “គម្រោង​ការផលិតម្សៅប្រធៀងសរីរាង្គ Klen Farm”   ផលិតផលបានផលិតអំពីមើមប្រធៀងសរីរាង្គ   វប្បកម្មតាមកសិកម្មសរីរាង្គ។ ដើម្បី​បង្កើត​ចេញ​លក្ខណៈពិសេស​សម្រាប់​ផលិតផល​ គម្រោងការបានបង្កើត​ប្រភេទផលិតផលម្សៅប្រធៀង​ជាច្រើន​ដោយ​មាន​រសជាតិផ្សេងៗពីគ្នា​​ដូច​ជា៖ ម្សៅប្រធៀងមានរសជាតិដូចរមៀតទឹកឃ្មុំ ម្សៅប្រធៀងផ្កាសណ្ដែកស្វាយ ម្សៅប្រធៀង​មានក្លិន​ផ្កា​ម្លិះ។ល។

          ឆ្នាំ​២០២០​ ពេល​ដែល​សម្ព័ន្ធ​យុវជន​ខេត្តចាត់តាំង​កម្មវិធីប្រឡង​ផ្ដើមគំនិត​គម្រោងការ​ ផ្តើមអាជីព​សម្រាប់យុវជន​ ក្រុមផលិត​ម្សៅ​ប្រធៀងរបស់ស៊ើងថាយង៉្វាង បានចុះ​ឈ្មោះប្រឡង​ទម្រង់​ “​គម្រោងការផលិត​ម្សៅ​ប្រធៀងសរីរាង្គ​ Klen Farm” ដោយមាន​ការចូល​រួម​របស់ក្រុមនិស្សិត​ ០៤ នាក់របស់សកលវិទ្យាល័យ​ត្រាវិញ​ អាស្រ័យដោយប្អូនស៊ើង​ថាយ​ង៉្វាង​ធ្វើជាប្រធានក្រុម​។ លទ្ធផល​នៃការខិតខំ​ប្រឹង​ប្រែង​សិក្សា​រៀនសូត្រ​របស់​ក្រុម​ បាន​គណៈមេប្រយោគទទួលស្គាល់ជូនរង្វាន់​លេខពីរ​។ ក្រោយ​ពីទទួលបានជ័យលាភី​ក្នុង​ការ​ប្រឡង​នេះ​ក្រុម​បន្ត​ឧទ្ទេសនាម​ផលិតផល​ក្នុង​ការ​ប្រឡង “ គំនិតផ្តើមអាជីពផ្លាស់​ប្តូរ​ថ្មី​ច្នៃប្រតិដ្ឋ​របស់​ខេត្ត​ត្រាវិញ​ឆ្នាំ​ ២០២០” អាស្រ័យដោយ​មន្ទីរ​វិទ្យាសាស្រ្ត​និង​បច្ចេកវិទ្យាខេត្ត​ត្រាវិញ​ចាត់​តាំង​ ហើយ​ទទួលបាន​រង្វាន់​លើក​ទឹកចិត្តដោយគំនិតផ្តើមអាជីពច្នៃប្រតិដ្ឋ​នេះ។ មិន​បង្អង់តែ​ត្រឹមនេះ “គម្រោងការ​ផលិត​ម្សៅ​ប្រធៀងសរីរាង្គ Klen Farm” របស់​ក្រុមនិស្សិត​ស៊ើងថាយង៉ា្វង​នៅទាំងបានជ្រើសរើស​ក្នុងចំណោម​ ០៥​​​ គម្រោងការតំណាងក្នុង​ “ថ្ងៃបុណ្យផ្តើមអាជីពផ្លាស់​ប្តូរ​ថ្មី​ ច្នៃ​ប្រតិដ្ឋនៅ​តំបន់​វាលទំនាប​ទន្លេគឺវឡុងឆ្នាំ​ ២០២០” ចាត់តាំងឡើងនៅ​ខេត្ត​បេនត្រែ។ ជាពិសេសគម្រោងការ​គឺជាគម្រោងការមួយក្នុង​ចំណោម  ៧២ ​គម្រោងការ​ក្នុង​ពិធីប្រឡង SV.STARTUP ឆ្នាំ ២០២០ (សិស្ស និស្សិត​ជាមួយ​នឹង​គំនិត​ផ្តើម​អាជីព​) អាស្រ័យដោយ​ក្រសួង​អប់រំ​និង​បណ្តុះបណ្តាល​ចាត់តាំងនៅសកលវិទ្យាល័យ​ថ្វីឡើយ រដ្ឋធានីហាណូយ។

និស្សិតស៊ើងថាយង៉្វាង

            ​និស្សិត​ស៊ើង​មិញ​ទៀង​ គណៈអចិន្រ្តៃយ៍​ក្រុមផ្តើមអាជីព​ សកលវិទ្យាល័យ​ត្រាវិញ​បាន​ឲ្យ​ដឹងថា៖​  “មិត្ត​ស៊ើង​ថាយ​ង៉្វាង​ជាមនុស្ស​ម្នាក់​មាន​ឆន្ទៈ​ផ្តើម​អាជីព​ មាន​គោល​ជំហរ​រឹងប៉ឹង ខិតខំប្រឹង​ប្រែងដើម្បីសម្រេចគោលដៅ។​ គាត់​តែង​មាន​គំនិត​សុទិដ្ឋិនិយម​ស្រឡាញ់​ការ​រស់​នៅ​ តែង​ជួយ​សមាជិក​ក្នុង​ក្រុម​ចូល​រួម​ផ្តើម​អាជីព​។ លើសពីនេះ​ទៅ​ទៀត​ មិត្ត​តែង​​ចូលរួមផ្សព្វ​ផ្សាយ​​ផលិត​ផល​ពិសេស​របស់​ជន​ជាតិខ្មែរ។ ក្នុង​ដំណាក់​កាល​ធ្វើ​គម្រោងការ​ផ្តើម​អាជីព​ ថាយង៉្វាង​ទៅរៀន​បណ្ដើរ​ ធ្វើ​ការបន្ថែមបណ្ដើរ ហើយ​ចូល​រួម​យ៉ាង​សកម្មក្នុង​សកម្មភាព​ចលនារបស់​សម្ព័ន្ធ​យុវជន​។

         មិន​ត្រឹមតែ​មាន​គំនិត​ច្នៃ​ប្រតិដ្ឋ​ក្នុងការ​ផ្តើម​អាជីព​ ជួយ​ឲ្យកសិករ​ឆ្លង​កាត់​ឧបសគ្គ​ក្នុង​ការ​ផលិត​  និង​ច្នៃ​ផលិត​ផល​នៅ​មូលដ្ឋាន​ ស៊ើង​ថាយ​ង៉្វាង​នៅ​ទាំង​ជានិស្សិតមាន​គំនិត​ឈាន​ឡើង​ក្នុង​ការ​សិក្សារៀន​សូត្រ​ដោយ​មិន​ខ្លាច​នឿយ​ហត់ឡើយ​។​  បច្ចុប្បន្ន​ស៊ើង​ថាយ​ង៉្វាង​នៅទាំងឆ្លៀតឱកាសទៅធ្វើការបន្ថែមនៅក្រុម​ហ៊ុន ស៊ើង​ថៀង​ឡុង​ ​ជំនាញខាង​ផ្គត់ផ្គង់​ថ្នាំលាបពណ៌គ្រឿងសង្ហរឹម​ ហើយទទួលរ៉ាប់រងខាងសាងសង់ ​និង​ជួសជុលដើម្បីមាន​ប្រភពចំណូលសម្រាប់​បន្តការសិក្សា៕

អត្ថបទ-រូបថត៖ ថាញ់តាយ