ធ្វើតាមបណ្តាំអ៊ំ “ប្រឡងប្រណាំងគឺស្នេហាជាតិ ស្នេហាជាតិត្រូវតែប្រឡងប្រណាំង”

* វិញធីយ៉េវ៖គំរូឆ្នើមក្នុងចលនាប្រជាជនចូលរួមទិញប័ណ្ណគាំពារសុខាភិបាល

អ្នកស្រីវិញធីយ៉េវ

          អនុវត្តសេចក្តីសម្រេចចិត្តលេខ ១៥១/ QĐ-UBND ចុះថ្ងៃទី ២៤ មករាឆ្នាំ ២០១៩ របស់គណៈកម្មាធិការប្រជាជនខេត្តត្រាវិញ ឆ្នាំ ២០២០ ភូមិលិចក្តី ត្រូវមានគ្រួសារប្រជាជនពី ៩៨% ឡើងទៅចូលរួមទិញប័ណ្ណគាំពារសុខាភិបាល។ដើម្បីរួមចំណែកអនុវត្តសម្រេចលក្ខឋាននោះ ដើមឆ្នាំ ២០២០  លោកស្រីវិញធីយ៉េវ ប្រធានសាខាសមាគមនារីភូមិលិចក្តីបានសកម្មផ្សព្វផ្សាយដល់សមាជិកាសមាគមនារីភូមិនិងប្រជាជនទាំងមូលឲ្យបង្កើនការយល់ដឹងពីផលប្រយោជន៍នៃការចូលរួមទិញប័ណ្ណគាំពារសុខាភិបាល ។ ជាលទ្ធផលគិតមកដល់ពេលនេះក្នុងទូទាំងភូមិមានគ្រួសារប្រជាជន ៤០៧/៤១៣ គ្រួ ចូលរួមទិញប័ណ្ណគាំពារសុខាភិបាលសម្រេចអត្រា ៩៨,៥៤%​ នៃចំនួនគ្រួសាររួម។

     លោកស្រីវិញធីយ៉េវមានប្រសាសន៍ថា៖ ដើម្បីចលនាប្រជាជនទាំងមូលចូលរួមទិញគាំពារសុខាភិបាលសម្រេចអត្រាតាមលក្ខឋានភូមិជនបទថ្មីគំរូ​ខ្ញុំតែងទៅដល់ផ្ទះសមាជិកានិងប្រជាជនផ្សព្វផ្សាយអំពីផលប្រយោជន៍របស់ប័ណ្ណគាំពារសុខាភិបាល។ ខ្ញុំតែងពន្យល់បងប្អូនថា យើងទាំងអស់គ្នានរណាក៏ត្រូវការពិនិត្យសុខភាព ព្យាបាលជំងឺទាំងអស់ ដូច្នោះប្រសិនបើយើងទិញប័ណ្ណគាំពារសុខាភិបាលរមែងកាត់បន្ថយបានប្រាក់ចំណាយយ៉ាងច្រើនក្នុងការពិនិត្យព្យាបាលជំងឺ ។ ទន្ទឹមនឹងនោះខ្ញុំចលនាសមាជិកាបង្កើតក្រុមហ៊ុនប្រាក់ទិញប័ណ្ណគាំពារសុខាភិបាល។កាលទើបបង្កើត មានសមាជិកាចូលរួមតិចពេលឃើញមានប្រសិទ្ធភាពជាក់ស្តែង គិតមកទល់ពេលនេះមិនត្រឹមតែសមាជិកាទាំង ១៨០/១៨០ នាក់ចូលប្រជាជនក្នុងភូមិក៏ចូលរួមក្រុមហ៊ុនទុនទិញប័ណ្ណគាំពារសុខាភិបាលដែរ។ បច្ចុប្បន្ន សាខាសមាគម បង្កើតក្រុមហ៊ុនទុនទិញប័ណ្ណគាំពារសុខាភិបាលបាន ០២ ក្រុមដោយមានសមាជិកា ២៤ នាក់ចូលរួម។ រូបភាពសកម្មភាពរបស់ក្រុមគឺ រៀងរាល់ខែ សមាជិកម្នាក់ៗហ៊ុនប្រាក់ពី ១០០-២០០ ពាន់ដុង។ ផ្តើមពីចំនួនប្រាក់នេះ ជាមធ្យមក្នុងមួយខែទិញប័ណ្ណគាំពារសុខាភិបាលបានពី ០៤-០៥ ប័ណ្ណ ។ ជាពិសេសសមាជិកាដែលមាន ជីវភាពធូរធាគ្រាន់បើនៅទាំងឧបត្ថម្ភប្រាក់ដល់គ្រួសារសមាជិកាដែលមានជីវភាពខ្សត់ខ្សោយ ដើម្បីទិញប័ណ្ណគាំពារសុខាភិបាល។ គិតមកដល់ពេលនេះក្រុមហ៊ុនប្រាក់ជួយឲ្យសមាជិកា ១៨៦ នាក់ទិញប័ណ្ណគាំពារសុខាភិបាល កើនតួលេខមកទល់ពេលនេះទូទាំងភូមិមានគ្រួសារប្រជាជន ៤០៧ គ្រួទិញប័ណ្ណគាំពារសុខាភិបាល។   

*លោកថាយវ៉ាំងង្វៀងគំរូឆ្នើមក្នុងការចលនាប្រជាជនចូលរួមអនាម័យបរិស្ថាន

       ក្នុងនាមជាប្រធានសាខាសមាគមកសិករភូមិលិចក្តី ឃុំភូកឹង លោកថាយវ៉ាំងង្វៀង តែងចលនាប្រជាជនសកម្មចូលរួមក្នុងការកសាងភូមិជនបទថ្មីគំរូ។ក្នុងនោះ ចូលរួមកសាងលក្ខឋានលេខ ០៥ ស្តីពីបរិស្ថាន។ គិតមកដល់ពេលនេះ លោកថាយវ៉ាំងង្វៀង សហការជាមួយនឹងអង្គការមហាជនភូមិចលនាគ្រួសារប្រជាជន ៣៧២ គ្រួកសាងបានរបងជុំវិញដីភូមិរបស់គ្រួសារសម្រេចអត្រាជាង ៩០%។​ គ្រួសារ ៤១០/៤១៣ គ្រួកសាងបន្ទប់អនាម័យសម្រេចអត្រា ៩៩,២៧% គ្រួសារ ៤១៣ គ្រួប្រើប្រាស់ទឹកស្អាតសម្រេចអត្រា ១០០%។ 

លោកថាយវ៉ាំងង្វៀង

            លោកថាយវ៉ាំងង្វៀង មានប្រសាសន៍ថា៖ ឆ្នាំ ២០២០ ភូមិលិចក្តី បានឃុំជ្រើសកសាងភូមិជនបទថ្មីគំរូ។ ដោយមានតួនាទីជាប្រធានសាខាសមាគមកសិករភូមិខ្ញុំបង្កើនស្មារតីទទួលបន្ទុកជាមួយរដ្ឋអំណាចភូមិក្នុងការចលនាសមាជិកកសិករឲ្យពង្រីកការផលិត ខ្ញុំតែងយកចិត្តទុកដាក់ដល់ការចលនាប្រជាជនទាំងមូលឱ្យចូលរួមការពារ និងអនាម័យបរិស្ថាន។ ព្រោះថា “ បរិស្ថានស្រស់ស្អាត “ ក៏ជាលក្ខឋានមួយក្នុងចំណោម ០៨ លក្ខឋានភូមិ ជនបទថ្មីគំរូ ។

*លោកស៊ើងង៉ុកយ៉ិនគំរូឆ្នើមក្នុងការបរិច្ចាគដី​ដើម្បីបើកទូលាយផ្លូវ ជនបទ

         គ្រួសារលោកស៊ើងង៉ុកយ៉ិន ប្រកបរបរកសិកម្ម។ ក្នុងមួយឆ្នាំគ្រួសារគាត់មានប្រភពចំណូលប្រមាណ ៥០ លានដុងពីផ្ទៃដីផលិតស្រូវនិងចម្ការដូង ២០ កុង។ ឆ្នាំ ២០១៩-២០២០ ឃុំភូកឹងមានគោលការណ៍បើកទូលាយពីផ្លូវបេតុងទទឹង ១,៥ ម៉ែត្រដើម្បីកសាងជាផ្លូវកៅស៊ូទទឹង ៣,៥ ម៉ែត្រ ហើយបានប្រជាជនក្នុងភូមិទទួលគាំទ្រទាំងអស់។ ក្នុងនោះមានគ្រួសារលោកស៊ើងង៉ុកយ៉ិនបានស្ម័គ្រចិត្តបរិច្ចាគផ្ទៃដីនិងរបងភ្ជាប់ ថ្នល់ជាង ២៥០ ម៉ែត្រក្រឡា គិតជាតម្លៃជិត ៤០០ លានដុង។ លោកង៉ុកយ៉ិន មានប្រសាសន៍ថា៖ ឃុំមានគោលការណ៍ពង្រីកផ្លូវនៅភ្ជាប់នឹងផ្ទះខ្ញុំ។ ខ្ញុំត្រេកអរណាស់ហើយក៏គាំទ្រភ្លាម។ ពីព្រោះផ្លូវនេះកាលពីមុនចង្អៀតណាស់ ទទឹងផ្លូវបានជាង ០១ ម៉ែត្រប៉ុណ្ណោះ ប្រជាជនធ្វើដំណើរទៅមកនិងដឹកជញ្ជូនកសិផលជួបការលំបាកច្រើន។ពេលដឹងថាឃុំមានគោលការណ៍បើកទូលាយផ្លូវនេះ ខ្ញុំក៏ពិភាក្សាជាមួយគ្រួសារខ្ញុំ យល់ព្រមបរិច្ចាគដីនិងរបងឲ្យរដ្ឋអំណាចភូមិដំណើរការកសាងបានងាយស្រួល។

លោកស៊ើងង៉ុងយ៉ិន

         លោកគាងភឿង ប្រធានគណៈកម្មការប្រជាជនភូមិលិចក្តីឲ្យដឹង៖ បច្ចុប្បន្នភូមិលិចក្តីអនុវត្តសម្រេច ៨/៨ លក្ខឋានភូមិជនបទថ្មីគំរូហើយរង់ចាំថ្នាក់លើមកពិនិត្យទទួលស្គាល់។សម្រេចបានលទ្ធផលនោះ អាស្រ័យដោយការចូលរួមរបស់ប្រជាជនក្នុងភូមិទាំងមូល។ ក្នុងនោះមានការរួមចំណែកយ៉ាងសកម្មរបស់លោក ស៊ើងង៉ុកយ៉ិន លោកថាយ វ៉ាំងង្វៀង អ្នកស្រីវិញធីយ៉េវជាដើម។ ពួកគាត់ជាគំរូឆ្នើមក្នុងការអនុវត្តន៍ល្អតួនាទីរៀងៗខ្លួនដើម្បីធ្វើការងារមានប្រយោជន៍ជាក់ស្តែង សំដៅចូលរួមបណ្តាចលនាប្រឡងប្រណាំងស្នេហាជាតិនៅមូលដ្ឋានតាមបណ្តាំរបស់អ៊ំហូ៕                 

អត្ថបទ‑រូបថត៖ សុជា