ដាំដូងទឹកក្រអូបផ្ដល់ប្រភពចំណូលលំនឹង

បងភឿងចែករំលែកបទពិសោធន៍៖ ដូងក្រអូបងាយដាំ ចម្ងាយពីដើមមួយទៅដើមមួយសមស្របបំផុតពី ៤,៥-៥ ម៉ែត្រ។ ក្រោយពេលដាំរួច គប្បីបោះបង្គោលមួយចងអមដើមដូងកុំឲ្យខ្យល់បក់បោក និងស្រោចទឹកទៀងទាត់ឲ្យដូងឆាប់លូតលាស់ល្អ។ ដើម្បីឲ្យដូងហូតលាស់រហ័ស ត្រូវយកចិត្តទុកដាក់ដល់កត្តាពីរយ៉ាងគឺប្រើជី និងស្រោចទឹកឲ្យបានសមស្រប (ស្រោចក្នុងមួយថ្ងៃពីរដង)។ ពេលដូងមានអាយុកាល  ០៣  ឆ្នាំគប្បីរក្សាទឹកក្នុងប្រឡាយសមស្រប ដើម្បីដូងមានទឹកគ្រប់ចិញ្ចឹមដើម។ ជាមួយផ្ទៃចម្ការដូង ០,៥ ហិកតា ក្នុងមួយឆ្នាំគប្បីដាក់ជីពីរលើក។ បណ្ដាប្រភេទជីគីមីដែលដូងចូលចិត្តបំផុតនោះគឺជីសញ្ញាក្បាលក្របី ២០-១៥+URE+DAP ចំនួន ០៥ ការុង។ ដូងក្រអូបប្លែកពីបណ្ដាប្រភេទពូជដូងធម្មតា វាមានកម្ពស់ប្រហែល ០១ ម៉ែត្រចាប់ផ្ដើមមានផ្លែ។ ចំណុចពិសេសរបស់ដូងក្រអូបគឺ ផ្លែច្រើន មានដើមខ្លះចេញផ្លែមួយល្បះជិត ១០០ ផ្លែ ហើយទឹករបស់វាផ្អែមក្រអូប ម៉្លោះហើយមនុស្សជាច្រើនតែងចូលចិត្តពិសា។ រយៈពេលដាំដល់ពេលប្រមូលផលក៏ខ្លីជាងពូជដូងដែលមានដើមខ្ពស់ប្រមាណតែ ០៣ ឆ្នាំគឺ ចាប់ផ្ដើមល្បោះៗដល់ពេលមានអាយុ ០៤ ឆ្នាំអាចមានផ្លែសម្រាប់លក់។

លោកថាច់ថេន ប្រធានសមាគមកសិករឃុំហ៊ុងហ្វាទស្សនាទម្រង់ដាំដូងក្រអូបរបស់កសិករថាច់ភឿង។

បច្ចុប្បន្ននេះ ចលនាដាំដូងនៅភូមិអូរវែងចាស់ ឃុំហ៊ុងហ្វា ស្រុកទីវកឹងរីកចម្រើនខ្លាំងក្លា ភាគច្រើនគឺដូងធម្មតា។ តាមតួលេខស្ថិតិ ភូមិមានចម្ការដូង ២៧២ ហិកតា ក្នុងនោះ ដូងទើបដាំថ្មី ១៥០ ហិកតា។ ដោយឃើញពូជដូងក្រអូបក៏មានតម្លាភាពរីកចម្រើន សមស្របជាមួយនឹងដីធ្លីនៅទីនេះ ម៉្លោះហើយគ្រួសារបងថាច់ភឿងបានសម្រេចចិត្តបង្វែរមកដាំដូងក្រអូបចំនួន ០,៥ ហិកតាកាលពីឆ្នាំ ២០១០។ ក្រោយពេលដាំបាន ០៤ ឆ្នាំ ដូង ចាប់ផ្ដើមអំណោយផល។

កាលមិនទាន់មានអាសន្នរោគជំងឺកូវីដ-១៩ ជាមួយចម្ការដូងក្រអូប ០,៥ ហិកតា ក្នុងមួយខែគ្រួសារបងថាច់ភឿង ទទួលបានប្រភពចំណូលជិត ០៤ លានដុង ភាគច្រើនគឺលក់ឲ្យឈ្មួញក្នុងមួយទ្វាទសក (១២ ផ្លែ) តម្លៃពី ៨០.០០០-១០០.០០០ ដុង នាំយកទៅទីក្រុងហូជីមិញលក់ឲ្យបណ្ដាភេសជ្ជដ្ឋាន។ ប្រសិន បើប្រៀបជាមួយដូងធម្មតា ដាំដូងក្រអូបបង់កម្លាំងថែទាំច្រើនជាង ប៉ុន្តែចំណេញក៏ច្រើនជាងដូងធម្មតា ហើយដាំម្ដងប្រមូលផលបានយូរឆ្នាំជាង។

ក្រៅពីនោះ បងភឿងនៅទាំងឆ្លៀតចិញ្ចឹមត្រីគ្រប់ប្រភេទក្នុងប្រឡាយចម្ការដូងទៀតផង។ បច្ចុប្បន្នបងចិញ្ចឹមកង្កែបវិសោធនកម្មកំពុងធំធាត់ល្អ។ ផ្ដើមពីទម្រង់ចិញ្ចឹមត្រី កង្កែប ក្នុងមួយឆ្នាំៗប្រមូលផលលក់បានរាប់លានដុង។ ទម្រង់ដាំដូងរបស់បងថាច់ភឿងកំពុងបានមាមីងកសិករនៅលើភូមិសាស្រ្តឃុំ និងបណ្ដាមូលដ្ឋានដទៃទៅរៀនសូត្រពីរបៀបដាំដើម្បីកែលម្អជីវភាព និងពង្រីកសេដ្ឋកិច្ចគ្រួសារ។

លោកថាច់ថេន ប្រធានសមាគមកសិករឃុំហ៊ុងហ្វាបានឲ្យដឹងថា៖ ផ្ដើមពីទម្រង់របស់កសិករថាច់ភឿង យើងខ្ញុំកំពុងចលនាមាមីងកសិករក្នុងឃុំឲ្យកែប្រែដីចម្ការដូងលៃផ្ដល់ទិន្នផលទាបមកដាំដូងក្រអូប។ ហើយឆ្លងតាមរយៈនោះ សមាគមនឹងសហការជាមួយបណ្ដាផ្នែកដែលពាក់ព័ន្ធបង្កលក្ខណៈល្អបំផុតដើម្បីឲ្យមាមីងបានបុលទុន ហ្វឹកហាត់បច្ចេកទេសដាំដូងសម្រេចបានទិន្នផលខ្ពស់៕

អត្ថបទ-រូបថត៖ ថាច់ហ្វាង